GENESIS 21
21
Isak Suaknâk
1LALPA nih a tiamh mi hâwi hen Sari chu mal a sâwm le, 2a râi le, a tar nûnah Abraham rangah fapa a ring piak. Ngâksia chu a hawng suak lai ti hen Pathian nih a ti mi cham takah a suak. 3Abraham nih a min ah Isak a ti. 4Isak chu ni riat a tling liauah Pathian nih thu a pêk mi hâwi hen Abraham nih a fêm a tan piak. 5Isak a suak liauah Abraham chu kum zâ mi asi.
6Sari nih, “Pathian nih lâwmnâk leh nihnâk hawng ka pêk rawh, a theihtu zawng nih an hawng ka nihpi lai,” a ti. 7Amah ber nih, “Abraham a tar nûnah fapa ka ring piak mi leh fa ka pawm ding mi hi âu me sim khotu um lai?” a ti.
8Chun, ngâksia chu a hawng ṭhang le, nûk a tlei rawh chun, Abraham nih puai rokual tak a tuah.
Hagar leh Ismael Nar An Sinâk
9Ni khat chu, Aigupta nunau Hagar nih Abraham rangah fapa a ring piak mi Ismael leh Sari fapa Isak an pang. 10Sari nih a muh na le, Abraham sinah, “Hi salnu leh a fapa hi nar ving na. Ka fapa Isak nih a ting ding mi na neih, hi nunau fapa nih hin tingvo zeikhawm a nei kho lai lo,” a ti.
11Hi thu nih hin Abraham chu thungâi a lawksawngtir, Ismael khawm a fapa asi bâk ruangah. 12Sikhawmsele, Pathian nih Abraham sinah, “Na salnu leh a fapa ruangah lawksawng lah, Sari nih a sim zia hen ti ko, thlâk tla ka nan tiamh mi kha Isak thawk hen ding mi asi ruangah. 13Hi salnu fapa rang khawm hin fa tam tak ka pêk bâk lai. Phun pakhat an hawng si lai le, anih khawm na fapa asi,” a ti.
14A thâituan zîngtê ah Abraham nih Hagar chu buh leh savun tî dûr tî khat phak mi a pêk. A dunglei ah a fa chu a pâwktir le, a kaltir rawh. Hagar chu a kal le, Bersheba ramkaro ah a vâi lemang. 15Tî a dih rawh chun, a fa chu thing bû tangah a siah thlap le, 16feet 300 tluk a lât hen a to. “A thinlung hen, ka fa thi ding mi ka zauh ngam lo,” a ti. Chunah a to liauah a ṭap rawh.
17Pathian nih ngâksia ṭap hâu a theih le, vân thawk hen vânmifial nih Hagar sinah, “Hagar, zei rangah ti ti na lawksawng? Ṭih lah. Pathian nih ngâksia ṭap hâu a theih rawh. 18Thawk le, va thawh le, va lêm rawh. A thlâk thawk hen phun rokual tak ka siam lai,” a ti.
19Chun, Pathian nih a mit a deitir le, tikhurchawh a muhtir. A kal le, savun tî dûr lakah tî khat phak a râwn le, ngâksia chu a pêk. 20Ngâksia chu a ṭhang vima le, a sinah Pathian a um; Paran ramkaro ah a um le, sa kah thiam tak asi. 21A nu nih Aigupta mi nunau a nupi ah a ṭhît piak.
Abimelek leh Abraham Karah Remnâk
22Chu liau chun Abimelek chu a kawrsen hotu Phikol hen Abraham sinah an va kal le, a sinah, “Thil na ti mi zawzawng lakah Pathian na sinah a um. 23Churuang chun keimah leh ka fa tla leh ka thlâk tla na perpet na lo ding hen Pathian mâika ah thu a tiam rawh. Na rangah zumh ka kâi hâwi hen ka lakah leh hi na umnâk ram ah um mi tla rangah zumhtlâk na siding hen thu a tiam rawh,” a ti.
24Abraham nih, “Ka tiam e,” a ti. 25Abraham chu Abimelek to-aw tla nih tikhurchawh an chuhpi na mi thu ah Abimelek sinah a phun.
26Abimelek nih, “Âunih dek a ti aw, ka theih loh, nang khawm nih hawng ka simh lo le, ka theih tîr cho asi,” a ti.
27Churawhchun, Abraham nih dawrâ leh ranrual tla, Abimelek rangah a pêk; chun an panih hen remnâk thu an ruat rawh. 28Abraham nih a ranrual lakah mi dawrâ fa pasarih a dangtê hen a thlei le, 29Abimelek nih, “Zei rangah kha hâwi na ti,” a ti.
30Abraham nih a sâng le, “Hi dawrâ pasarih hi hawng ka pawm piak le, hi ka ti mi ni hin hi tikhur chawh hi keimah chawh mi asi ti theihnâk ding hen,” a ti. 31Chu mun min ah chun Bersheba#21.31 BERSHEBA: Hebrai ah hi min umzia chu ‘Thutiam Tikhurchawh’ tinâk asi. a ti, an panih hen chunah chun thutiamhnâk an siam ruangah.
32Hi Bersheba ah remnâk an siam thluh rawh chun, Abimelek leh Phikol chu Philistia ram ah chun an kîr nawlh rawh. 33Chun, Abraham nih Bersheba ah Tamarik thing a phun le, LALPA, Zungzâl Pathian chu a sawnh. 34Abraham chu Philistia ram ah hun sâwt ual a um.
Atualmente selecionado:
GENESIS 21: BCLBV
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bawm Common Language Bible © Bangladesh Bible Society, 2004. All rights reserved.
GENESIS 21
21
Isak Suaknâk
1LALPA nih a tiamh mi hâwi hen Sari chu mal a sâwm le, 2a râi le, a tar nûnah Abraham rangah fapa a ring piak. Ngâksia chu a hawng suak lai ti hen Pathian nih a ti mi cham takah a suak. 3Abraham nih a min ah Isak a ti. 4Isak chu ni riat a tling liauah Pathian nih thu a pêk mi hâwi hen Abraham nih a fêm a tan piak. 5Isak a suak liauah Abraham chu kum zâ mi asi.
6Sari nih, “Pathian nih lâwmnâk leh nihnâk hawng ka pêk rawh, a theihtu zawng nih an hawng ka nihpi lai,” a ti. 7Amah ber nih, “Abraham a tar nûnah fapa ka ring piak mi leh fa ka pawm ding mi hi âu me sim khotu um lai?” a ti.
8Chun, ngâksia chu a hawng ṭhang le, nûk a tlei rawh chun, Abraham nih puai rokual tak a tuah.
Hagar leh Ismael Nar An Sinâk
9Ni khat chu, Aigupta nunau Hagar nih Abraham rangah fapa a ring piak mi Ismael leh Sari fapa Isak an pang. 10Sari nih a muh na le, Abraham sinah, “Hi salnu leh a fapa hi nar ving na. Ka fapa Isak nih a ting ding mi na neih, hi nunau fapa nih hin tingvo zeikhawm a nei kho lai lo,” a ti.
11Hi thu nih hin Abraham chu thungâi a lawksawngtir, Ismael khawm a fapa asi bâk ruangah. 12Sikhawmsele, Pathian nih Abraham sinah, “Na salnu leh a fapa ruangah lawksawng lah, Sari nih a sim zia hen ti ko, thlâk tla ka nan tiamh mi kha Isak thawk hen ding mi asi ruangah. 13Hi salnu fapa rang khawm hin fa tam tak ka pêk bâk lai. Phun pakhat an hawng si lai le, anih khawm na fapa asi,” a ti.
14A thâituan zîngtê ah Abraham nih Hagar chu buh leh savun tî dûr tî khat phak mi a pêk. A dunglei ah a fa chu a pâwktir le, a kaltir rawh. Hagar chu a kal le, Bersheba ramkaro ah a vâi lemang. 15Tî a dih rawh chun, a fa chu thing bû tangah a siah thlap le, 16feet 300 tluk a lât hen a to. “A thinlung hen, ka fa thi ding mi ka zauh ngam lo,” a ti. Chunah a to liauah a ṭap rawh.
17Pathian nih ngâksia ṭap hâu a theih le, vân thawk hen vânmifial nih Hagar sinah, “Hagar, zei rangah ti ti na lawksawng? Ṭih lah. Pathian nih ngâksia ṭap hâu a theih rawh. 18Thawk le, va thawh le, va lêm rawh. A thlâk thawk hen phun rokual tak ka siam lai,” a ti.
19Chun, Pathian nih a mit a deitir le, tikhurchawh a muhtir. A kal le, savun tî dûr lakah tî khat phak a râwn le, ngâksia chu a pêk. 20Ngâksia chu a ṭhang vima le, a sinah Pathian a um; Paran ramkaro ah a um le, sa kah thiam tak asi. 21A nu nih Aigupta mi nunau a nupi ah a ṭhît piak.
Abimelek leh Abraham Karah Remnâk
22Chu liau chun Abimelek chu a kawrsen hotu Phikol hen Abraham sinah an va kal le, a sinah, “Thil na ti mi zawzawng lakah Pathian na sinah a um. 23Churuang chun keimah leh ka fa tla leh ka thlâk tla na perpet na lo ding hen Pathian mâika ah thu a tiam rawh. Na rangah zumh ka kâi hâwi hen ka lakah leh hi na umnâk ram ah um mi tla rangah zumhtlâk na siding hen thu a tiam rawh,” a ti.
24Abraham nih, “Ka tiam e,” a ti. 25Abraham chu Abimelek to-aw tla nih tikhurchawh an chuhpi na mi thu ah Abimelek sinah a phun.
26Abimelek nih, “Âunih dek a ti aw, ka theih loh, nang khawm nih hawng ka simh lo le, ka theih tîr cho asi,” a ti.
27Churawhchun, Abraham nih dawrâ leh ranrual tla, Abimelek rangah a pêk; chun an panih hen remnâk thu an ruat rawh. 28Abraham nih a ranrual lakah mi dawrâ fa pasarih a dangtê hen a thlei le, 29Abimelek nih, “Zei rangah kha hâwi na ti,” a ti.
30Abraham nih a sâng le, “Hi dawrâ pasarih hi hawng ka pawm piak le, hi ka ti mi ni hin hi tikhur chawh hi keimah chawh mi asi ti theihnâk ding hen,” a ti. 31Chu mun min ah chun Bersheba#21.31 BERSHEBA: Hebrai ah hi min umzia chu ‘Thutiam Tikhurchawh’ tinâk asi. a ti, an panih hen chunah chun thutiamhnâk an siam ruangah.
32Hi Bersheba ah remnâk an siam thluh rawh chun, Abimelek leh Phikol chu Philistia ram ah chun an kîr nawlh rawh. 33Chun, Abraham nih Bersheba ah Tamarik thing a phun le, LALPA, Zungzâl Pathian chu a sawnh. 34Abraham chu Philistia ram ah hun sâwt ual a um.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bawm Common Language Bible © Bangladesh Bible Society, 2004. All rights reserved.