GENESIS 32
32
Esau Tawng Ding hen Jakob â Timhtuah
1Jakob chu a kal vima le, vânmifial tla hen anna tawng. 2A muh na rawh chun, “Hi hi Pathian umnâk mun asi,” a ti le, chu mun min ah chun Mahanaim a ti.
3Jakob nih chun a unaupa Esau Edom ram ah mi sinah a mâi leiah mi a fial na. 4Thusim ding mi tla chu a simhkan ver na: “Kei, Jakob, na to-aw ê-aw ngâi tak nih ka hotu Esau sinah, Laban sinah ka um mi tu rakah ka hawng kîr ti ka nan simh. 5Ranrual tla, sanatung tla, dawrâ tla, kêl tla leh sal tla ka nei. Nangmah sunhsaknâk tawng ding lungum hen thu ka nan thanh asi, ka u,” a ti.
6Chun, mifial tla chu Jakob sinah an hawng kîr le, “Na unaupa Esau chu nangmah hen a tawng ding hen a hawng a thawh ving rawh, minung zali ding an si,” an ti. 7Jakob nih chun a ṭih le, a zûr thlo. A sinah um mi minung tla chu murui nih hen a ṭhen na le, a dawrâ tla, kêl tla, ranrual tla, sangâwngsâu tla khawm murui nih hen a ṭhen na. 8A thinlung hen, “Esau nih a masa mi murui hi do khawmsele, a dang tla chu ruangsuak asi kho lai ba a,” ti a ruat.
9Churawhchun, Jakob nih thla a cham le, “Ka pu Abraham leh ka pa Isak Pathian, hawng ka ngâi piak: LALPA, ka ram le, ka unau leiah kîr nawlh ding hen na ka simh le, thil zeizawng ka rangah ṭha vima ding hen na ruat. 10Na to-aw rangah na vêlneihnâk leh zumh na kâinâk hawng ka tawngtir ding hen ka tlâklo. Jordan va ka kanh liauah chun ṭhianṭhunh pakhat lo chu zeikhawm ka nei lo, tu chun hi bang murui nih hen ka hawng kîr nawlh rawh. 11Ka upa Esau lakah mi ruang na ka suah ding hen ka nan ngiar. A hawng lai le, hawng kan veih dep lai, hi nunau leh ngâksia tla tiang hen ti thungâi ka ṭih. 12Thu na ka tiamh mi, ka rangah thil zeizawng sul-le-lam tluang ding mi tla, thlâk tam tak âukhawm nih rêl châwklo, tipi kapah sep zat siding hen na sim mi tla kha theihkumza,” a ti.
13-15Chunah an riak nûnah chun, Jakob nih a neih lakah mi, a ûpa Esau rangah pêk ding hen kêl nunau zanih leh a mipa kul, dawrâ a nunau zanih leh a mipa kul, sangâwngsâu nûk sûr liau mi sâwmthum leh an fa tla, chaw nunau sâwmli leh a chal parâ, sanatung nunau kul leh a chal parâ a thîm. 16A murui hen a ṭhen hep na le, a to-aw tla murui kip ah thuneitu ah a siah na. An sinah amah lânah a murui a murui hen kar lât vat lât vat a zûl ding hen a simh na. 17A masa chem mi to-aw rangah thu a simh le, “Ka ûpa Esau hen nan va a tawng lai le, ‘Nan hotupa chu âu me? A zei nan kal awt mi me? Hi na mâilei mi ran tla hi âu ta me?’ ti an deih chun, 18‘Na to-aw Jakob tâ asi, a hotupa Esau rangah lâwmman rangah a kuat mi asi, Jakob khawm dunglei ah a um ti hen sâng,’ ” a ti. 19Chu hâwi hen murui nihnâk leh murui thumnâk leh a dang zawzawng hotu ah a siah na mi tla sinah bang ver hen thu a pêk na. “Esau nan tawng tikah chun chu hâwi ver hen nan ti ding asi,” ti hen, thu a pêk na. 20“ Na to-aw Jakob khawm kan dunglei ko khin, a um, ” nan ti ding asi. Jakob nih, “A thinlung hen thilpêk hen ka neh lai le, kanna tawng tik khawm ah a hawng ka ngaihdam kekkawk lai mawh,” ti a ruat. 21A mâilei ah thilpêk tla chu a kuat le, amah chu a mun ah zân khat a riak rih.
Penial ah Jakob â Pâinâk
22Chu zân ber ah chun, Jakob chu a thawk le, a nupi panih, a nupisûn panih leh a fa leikhat tla a put na le, Jabok Tiva an kanh. 23A neih zawzawng chu tiva a tantir ver na le, 24amah lâwng hen dunglei ah a um rawh. Churawhchun, minung pakhat a hawng le, khuadei dêng tiang Jakob a paihpi. 25Chun, chu pa nih neh kho ding hen a muh lo rawh chun, Jakob kâwl a vuak piak le, a liahchân a pelh rawh. 26Chu pa nih, “Hawng ka thlah rawh, nî a suak awt rawh,” a ti.
Jakob nih, “Mal na ka sâwm lo chun ka nan thlah awt rerêng lo;” a ti.
27Chu pa nih chun, “Na min âu?” ti hen a deih.
“Jakob” ti hen a sâng.
28Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.
29Jakob nih, “Na min hawng ka simh,” a ti. Sikhawmsele anih nih a sâng le, “Zei rangah ka min theih ding na duh?” a ti. Churawhchun, Jakob rangah mal a sâwm rawh.
30Jakob nih, “Pathian mâitawnh hen ka muh le, ka thi lo,” Churuangah, chu mun chu a min ah Peniel a ti. 31Jakob nih Peniel mun a kaltâk liau chun nî a suak rawh, a kâwl a fâk ruangah a bei. 32Tûtiang hen Israel thlâk tla nih chun, êl liahchân tît an ei lo, chu lak chun Jakob chu vuak asi ruangah.
Atualmente selecionado:
GENESIS 32: BCLBV
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bawm Common Language Bible © Bangladesh Bible Society, 2004. All rights reserved.
GENESIS 32
32
Esau Tawng Ding hen Jakob â Timhtuah
1Jakob chu a kal vima le, vânmifial tla hen anna tawng. 2A muh na rawh chun, “Hi hi Pathian umnâk mun asi,” a ti le, chu mun min ah chun Mahanaim a ti.
3Jakob nih chun a unaupa Esau Edom ram ah mi sinah a mâi leiah mi a fial na. 4Thusim ding mi tla chu a simhkan ver na: “Kei, Jakob, na to-aw ê-aw ngâi tak nih ka hotu Esau sinah, Laban sinah ka um mi tu rakah ka hawng kîr ti ka nan simh. 5Ranrual tla, sanatung tla, dawrâ tla, kêl tla leh sal tla ka nei. Nangmah sunhsaknâk tawng ding lungum hen thu ka nan thanh asi, ka u,” a ti.
6Chun, mifial tla chu Jakob sinah an hawng kîr le, “Na unaupa Esau chu nangmah hen a tawng ding hen a hawng a thawh ving rawh, minung zali ding an si,” an ti. 7Jakob nih chun a ṭih le, a zûr thlo. A sinah um mi minung tla chu murui nih hen a ṭhen na le, a dawrâ tla, kêl tla, ranrual tla, sangâwngsâu tla khawm murui nih hen a ṭhen na. 8A thinlung hen, “Esau nih a masa mi murui hi do khawmsele, a dang tla chu ruangsuak asi kho lai ba a,” ti a ruat.
9Churawhchun, Jakob nih thla a cham le, “Ka pu Abraham leh ka pa Isak Pathian, hawng ka ngâi piak: LALPA, ka ram le, ka unau leiah kîr nawlh ding hen na ka simh le, thil zeizawng ka rangah ṭha vima ding hen na ruat. 10Na to-aw rangah na vêlneihnâk leh zumh na kâinâk hawng ka tawngtir ding hen ka tlâklo. Jordan va ka kanh liauah chun ṭhianṭhunh pakhat lo chu zeikhawm ka nei lo, tu chun hi bang murui nih hen ka hawng kîr nawlh rawh. 11Ka upa Esau lakah mi ruang na ka suah ding hen ka nan ngiar. A hawng lai le, hawng kan veih dep lai, hi nunau leh ngâksia tla tiang hen ti thungâi ka ṭih. 12Thu na ka tiamh mi, ka rangah thil zeizawng sul-le-lam tluang ding mi tla, thlâk tam tak âukhawm nih rêl châwklo, tipi kapah sep zat siding hen na sim mi tla kha theihkumza,” a ti.
13-15Chunah an riak nûnah chun, Jakob nih a neih lakah mi, a ûpa Esau rangah pêk ding hen kêl nunau zanih leh a mipa kul, dawrâ a nunau zanih leh a mipa kul, sangâwngsâu nûk sûr liau mi sâwmthum leh an fa tla, chaw nunau sâwmli leh a chal parâ, sanatung nunau kul leh a chal parâ a thîm. 16A murui hen a ṭhen hep na le, a to-aw tla murui kip ah thuneitu ah a siah na. An sinah amah lânah a murui a murui hen kar lât vat lât vat a zûl ding hen a simh na. 17A masa chem mi to-aw rangah thu a simh le, “Ka ûpa Esau hen nan va a tawng lai le, ‘Nan hotupa chu âu me? A zei nan kal awt mi me? Hi na mâilei mi ran tla hi âu ta me?’ ti an deih chun, 18‘Na to-aw Jakob tâ asi, a hotupa Esau rangah lâwmman rangah a kuat mi asi, Jakob khawm dunglei ah a um ti hen sâng,’ ” a ti. 19Chu hâwi hen murui nihnâk leh murui thumnâk leh a dang zawzawng hotu ah a siah na mi tla sinah bang ver hen thu a pêk na. “Esau nan tawng tikah chun chu hâwi ver hen nan ti ding asi,” ti hen, thu a pêk na. 20“ Na to-aw Jakob khawm kan dunglei ko khin, a um, ” nan ti ding asi. Jakob nih, “A thinlung hen thilpêk hen ka neh lai le, kanna tawng tik khawm ah a hawng ka ngaihdam kekkawk lai mawh,” ti a ruat. 21A mâilei ah thilpêk tla chu a kuat le, amah chu a mun ah zân khat a riak rih.
Penial ah Jakob â Pâinâk
22Chu zân ber ah chun, Jakob chu a thawk le, a nupi panih, a nupisûn panih leh a fa leikhat tla a put na le, Jabok Tiva an kanh. 23A neih zawzawng chu tiva a tantir ver na le, 24amah lâwng hen dunglei ah a um rawh. Churawhchun, minung pakhat a hawng le, khuadei dêng tiang Jakob a paihpi. 25Chun, chu pa nih neh kho ding hen a muh lo rawh chun, Jakob kâwl a vuak piak le, a liahchân a pelh rawh. 26Chu pa nih, “Hawng ka thlah rawh, nî a suak awt rawh,” a ti.
Jakob nih, “Mal na ka sâwm lo chun ka nan thlah awt rerêng lo;” a ti.
27Chu pa nih chun, “Na min âu?” ti hen a deih.
“Jakob” ti hen a sâng.
28Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.
29Jakob nih, “Na min hawng ka simh,” a ti. Sikhawmsele anih nih a sâng le, “Zei rangah ka min theih ding na duh?” a ti. Churawhchun, Jakob rangah mal a sâwm rawh.
30Jakob nih, “Pathian mâitawnh hen ka muh le, ka thi lo,” Churuangah, chu mun chu a min ah Peniel a ti. 31Jakob nih Peniel mun a kaltâk liau chun nî a suak rawh, a kâwl a fâk ruangah a bei. 32Tûtiang hen Israel thlâk tla nih chun, êl liahchân tît an ei lo, chu lak chun Jakob chu vuak asi ruangah.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bawm Common Language Bible © Bangladesh Bible Society, 2004. All rights reserved.