MATEO 19
19
Te Jesuse la yalbe skꞌoplal te chꞌojtombajele
1Kꞌalal laj yoꞌtan ta yalele, te Jesuse lokꞌ bael ta ba estado yuꞌun Galilea y kꞌot ta estado yuꞌun Judea ta stojil xlokꞌ kꞌajkꞌal ta jejch mukꞌul ukꞌum Jordan. 2Bayal genteetik a tsꞌakliyot yuꞌun. Teꞌ slekuteslan jchameltik a.
3Ay fariseoetik tijilaj tal ta stojol te Jesuse yuꞌun ya yilbe yoꞌtan. La sjojkꞌobeyik:
—¿Me ya spas te ya xchꞌoj sba sok yinam te winike te maꞌyuk slijkibe? —xchiik.
4La sjakꞌ te Jesuse:
—¿Meꞌn maꞌ awilojikuk te tut ya yal te Sjun Diose? Kꞌalal ta slijkibal te Diose la spas winik sok ants. 5Y la yal te Diose: “Jaꞌ sluwar te ya sjiles smeꞌ-stat te winike y ya yikꞌ sba sok te yiname, y jun nax stiꞌbalulik ya xkꞌot ta xchebalik”, xchi me. 6Jich ma chebikukix. Jun nax ayikix. Jaꞌ yuꞌun te genteetik ma spas ta pitel yuꞌunik te machꞌatik jun nax a yakꞌ te Diose —xchi te Jesuse.
7Te fariseoetike la sjojkꞌoyik:
—Te jMoisese la yal: “Ya xjuꞌ ya spasbe jlechuk sjunal te tut sluwar te ya xchꞌoj sba sok yinam te winike. Aꞌ yaꞌbe bael ta skꞌab. Aꞌ xchꞌoj sbaik”, te xchie. ¿Tuꞌun tsꞌin te jich a yale? —xchiik.
8Te Jesuse la yal:
—Ta skaj te stulanil awoꞌtanike te jMoisese la yal te ya xjuꞌ ya achꞌoj abaik sok te awinamike. Pero ta slijkibal ma jichuk ay ta pasel. 9Joꞌon ya kalbeyex te machꞌa ya xchꞌoj sba sok te yiname, teme ma ta skajuk skreme, teme ya yikꞌ yan antse, yipalix ta antsiwejel abi. Sok te machꞌa ya yikꞌ te ants te chꞌojbile yipal ta antsiwejel abi —xchi te Jesuse.
10Te jnopojeletik yuꞌune la yalik:
—Teme yuꞌun jich ay skꞌoplal te winik sok te yiname, jaꞌ lek te makꞌ xnujpunotik abi —xchiik.
11La sjakꞌ te Jesuse:
—Ma spisiluk ya xkꞌot ta yoꞌtanik, jaꞌ to teme Dios ya xꞌalbot ta yoꞌtanik yuꞌune. 12Ay te winketik te ma xjuꞌ xnujpunike yuꞌun jich a ayin sok stiꞌbalulik. Ay yanetik te jicha pasbot te stiꞌbalulik yuꞌun te winketike. Sok ay yan te makꞌ xnujpunike yuꞌun jich ay ta yoꞌtanik te ya xjuꞌ yuꞌunik te ya yajwalinik te Diose. Aꞌ spas jich te machꞌa ya xjuꞌ yuꞌun te jich ya xkꞌot ta yoꞌtane —xchi te Jesuse.
Te Jesuse la yaꞌbe bendision te untike
13Ay a yikꞌik tal untik ta stojol te Jesuse yuꞌun ya skajalanbe skꞌab ta sjolik yuꞌun ya skꞌoponbe Dios. Pero te jnopojeletike kꞌan skomik te machꞌatik yikꞌojik tale.
14La yal te Jesuse:
—Ma me xꞌakomik. Aꞌ taluk ta jtojol te untike. Te machꞌatik jachik yoꞌtanik tutꞌil untik to jaꞌ me ya xꞌoch te ba ay ta mantal te Diose —xchi. 15Y te Jesuse la skajanbe skꞌab ta sjol te untike y lokꞌ bael teꞌa.
Jtul jkꞌulej soltero kerem kꞌopoj sok te Jesuse
16Ay jtul soltero kerem ba yil te Jesuse y la sjojkꞌobe:
—Maestro, te ben lekate, ¿Tut lek ya skꞌan ya jpas yuꞌun ya xkuxuyinon sbajtel kꞌinale? —xchi.
17La sjakꞌ te Jesuse:
—¿Tut yuꞌun te ya awalbon te ben lekone? Jtul nax te machꞌa ben leke, jaꞌ nax te Diose. Pero teme ya akꞌan te ya xkuxuyinate, chꞌuuna me spasel te tut ya yal te mantaliletike —xchi te Jesuse.
18La yal te soltero kereme:
—¿Tutik mantaliletik? —xchi.
Te Jesuse la yalbe:
—Ma me milawanan, ma me antsiwejan, ma me elkꞌajan, ma me machꞌa xꞌale ta kꞌop, 19chꞌuunbeya me smantal ameꞌatat, sok kꞌux me xꞌawaꞌi aba sok te ajoy ta genteile, jich tutꞌil kꞌux ya awaꞌi aba atukele, xchi me —xchi te Jesuse.
20La yal te soltero kereme:
—Spisil juꞌem kuꞌun spasel desde chꞌinon to a. ¿Tut xan yan ya skꞌan ya jpas? —xchi.
21La sjakꞌ te Jesuse:
—Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.
22Te kꞌalal la yaꞌi te soltero kereme, ben triste bajt yuꞌun, yuꞌun ben jkꞌulej.
23Te Jesuse lijk yalbe te jnopojeletik yuꞌune:
—Jamal ya kalbeyex: Te jkꞌulejetike lom wokol ya yajwalinik te Diose. 24Sok ya kalbeyex xan: Jich tutꞌil ma xjuꞌ ta kꞌasesel ta yit tsꞌisonajib jkojtuk te kameyoe, jaꞌ jich euk te jkꞌulejetike ma xjuꞌ yuꞌunik te ya yajwalinik te Diose —xchi.
25Te kꞌalal ya yaꞌibeyik sluwar te jnopojeletik yuꞌune, cham a yaꞌiyik yuꞌun, y lijk yalbe sbaik:
—¿Machꞌa wan xkol tem jichte? —xchiik yuꞌun.
26Te Jesuse la skꞌelulanbe sit y la sjakꞌbe:
—Te genteetike ma xjuꞌ yuꞌunik spasel to. Yan te Diose spisil ya xjuꞌ yuꞌun spasel stukel —xchi.
27La yal te jPedroe:
—Kajwal, te joꞌotike jilemix kuꞌuntik spisil te tutik ay kuꞌuntike y tsꞌakliyejtikatix. ¿Tut ya kichꞌtik yuꞌun? —xchi.
28Te Jesuse la yaltalanbe:
—Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike. 29Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal. 30Pero te machꞌatik nail a talike, jaꞌ me patil ya xlaj kꞌot. Y bayal te machꞌatik patil ya xlaj tale, jaꞌ me nail ya xlaj kꞌot —xchi.
Atualmente selecionado:
MATEO 19: AMANNT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Nuevo Testamento Tzeltal de Amatenango © Sociedad Bíblica de México, 2006.
MATEO 19
19
Te Jesuse la yalbe skꞌoplal te chꞌojtombajele
1Kꞌalal laj yoꞌtan ta yalele, te Jesuse lokꞌ bael ta ba estado yuꞌun Galilea y kꞌot ta estado yuꞌun Judea ta stojil xlokꞌ kꞌajkꞌal ta jejch mukꞌul ukꞌum Jordan. 2Bayal genteetik a tsꞌakliyot yuꞌun. Teꞌ slekuteslan jchameltik a.
3Ay fariseoetik tijilaj tal ta stojol te Jesuse yuꞌun ya yilbe yoꞌtan. La sjojkꞌobeyik:
—¿Me ya spas te ya xchꞌoj sba sok yinam te winike te maꞌyuk slijkibe? —xchiik.
4La sjakꞌ te Jesuse:
—¿Meꞌn maꞌ awilojikuk te tut ya yal te Sjun Diose? Kꞌalal ta slijkibal te Diose la spas winik sok ants. 5Y la yal te Diose: “Jaꞌ sluwar te ya sjiles smeꞌ-stat te winike y ya yikꞌ sba sok te yiname, y jun nax stiꞌbalulik ya xkꞌot ta xchebalik”, xchi me. 6Jich ma chebikukix. Jun nax ayikix. Jaꞌ yuꞌun te genteetik ma spas ta pitel yuꞌunik te machꞌatik jun nax a yakꞌ te Diose —xchi te Jesuse.
7Te fariseoetike la sjojkꞌoyik:
—Te jMoisese la yal: “Ya xjuꞌ ya spasbe jlechuk sjunal te tut sluwar te ya xchꞌoj sba sok yinam te winike. Aꞌ yaꞌbe bael ta skꞌab. Aꞌ xchꞌoj sbaik”, te xchie. ¿Tuꞌun tsꞌin te jich a yale? —xchiik.
8Te Jesuse la yal:
—Ta skaj te stulanil awoꞌtanike te jMoisese la yal te ya xjuꞌ ya achꞌoj abaik sok te awinamike. Pero ta slijkibal ma jichuk ay ta pasel. 9Joꞌon ya kalbeyex te machꞌa ya xchꞌoj sba sok te yiname, teme ma ta skajuk skreme, teme ya yikꞌ yan antse, yipalix ta antsiwejel abi. Sok te machꞌa ya yikꞌ te ants te chꞌojbile yipal ta antsiwejel abi —xchi te Jesuse.
10Te jnopojeletik yuꞌune la yalik:
—Teme yuꞌun jich ay skꞌoplal te winik sok te yiname, jaꞌ lek te makꞌ xnujpunotik abi —xchiik.
11La sjakꞌ te Jesuse:
—Ma spisiluk ya xkꞌot ta yoꞌtanik, jaꞌ to teme Dios ya xꞌalbot ta yoꞌtanik yuꞌune. 12Ay te winketik te ma xjuꞌ xnujpunike yuꞌun jich a ayin sok stiꞌbalulik. Ay yanetik te jicha pasbot te stiꞌbalulik yuꞌun te winketike. Sok ay yan te makꞌ xnujpunike yuꞌun jich ay ta yoꞌtanik te ya xjuꞌ yuꞌunik te ya yajwalinik te Diose. Aꞌ spas jich te machꞌa ya xjuꞌ yuꞌun te jich ya xkꞌot ta yoꞌtane —xchi te Jesuse.
Te Jesuse la yaꞌbe bendision te untike
13Ay a yikꞌik tal untik ta stojol te Jesuse yuꞌun ya skajalanbe skꞌab ta sjolik yuꞌun ya skꞌoponbe Dios. Pero te jnopojeletike kꞌan skomik te machꞌatik yikꞌojik tale.
14La yal te Jesuse:
—Ma me xꞌakomik. Aꞌ taluk ta jtojol te untike. Te machꞌatik jachik yoꞌtanik tutꞌil untik to jaꞌ me ya xꞌoch te ba ay ta mantal te Diose —xchi. 15Y te Jesuse la skajanbe skꞌab ta sjol te untike y lokꞌ bael teꞌa.
Jtul jkꞌulej soltero kerem kꞌopoj sok te Jesuse
16Ay jtul soltero kerem ba yil te Jesuse y la sjojkꞌobe:
—Maestro, te ben lekate, ¿Tut lek ya skꞌan ya jpas yuꞌun ya xkuxuyinon sbajtel kꞌinale? —xchi.
17La sjakꞌ te Jesuse:
—¿Tut yuꞌun te ya awalbon te ben lekone? Jtul nax te machꞌa ben leke, jaꞌ nax te Diose. Pero teme ya akꞌan te ya xkuxuyinate, chꞌuuna me spasel te tut ya yal te mantaliletike —xchi te Jesuse.
18La yal te soltero kereme:
—¿Tutik mantaliletik? —xchi.
Te Jesuse la yalbe:
—Ma me milawanan, ma me antsiwejan, ma me elkꞌajan, ma me machꞌa xꞌale ta kꞌop, 19chꞌuunbeya me smantal ameꞌatat, sok kꞌux me xꞌawaꞌi aba sok te ajoy ta genteile, jich tutꞌil kꞌux ya awaꞌi aba atukele, xchi me —xchi te Jesuse.
20La yal te soltero kereme:
—Spisil juꞌem kuꞌun spasel desde chꞌinon to a. ¿Tut xan yan ya skꞌan ya jpas? —xchi.
21La sjakꞌ te Jesuse:
—Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.
22Te kꞌalal la yaꞌi te soltero kereme, ben triste bajt yuꞌun, yuꞌun ben jkꞌulej.
23Te Jesuse lijk yalbe te jnopojeletik yuꞌune:
—Jamal ya kalbeyex: Te jkꞌulejetike lom wokol ya yajwalinik te Diose. 24Sok ya kalbeyex xan: Jich tutꞌil ma xjuꞌ ta kꞌasesel ta yit tsꞌisonajib jkojtuk te kameyoe, jaꞌ jich euk te jkꞌulejetike ma xjuꞌ yuꞌunik te ya yajwalinik te Diose —xchi.
25Te kꞌalal ya yaꞌibeyik sluwar te jnopojeletik yuꞌune, cham a yaꞌiyik yuꞌun, y lijk yalbe sbaik:
—¿Machꞌa wan xkol tem jichte? —xchiik yuꞌun.
26Te Jesuse la skꞌelulanbe sit y la sjakꞌbe:
—Te genteetike ma xjuꞌ yuꞌunik spasel to. Yan te Diose spisil ya xjuꞌ yuꞌun spasel stukel —xchi.
27La yal te jPedroe:
—Kajwal, te joꞌotike jilemix kuꞌuntik spisil te tutik ay kuꞌuntike y tsꞌakliyejtikatix. ¿Tut ya kichꞌtik yuꞌun? —xchi.
28Te Jesuse la yaltalanbe:
—Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike. 29Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal. 30Pero te machꞌatik nail a talike, jaꞌ me patil ya xlaj kꞌot. Y bayal te machꞌatik patil ya xlaj tale, jaꞌ me nail ya xlaj kꞌot —xchi.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Nuevo Testamento Tzeltal de Amatenango © Sociedad Bíblica de México, 2006.