Jn THYËRØ
THYËRØ
Wöndøj ni kɑ ɑ́gwedii yi Jøn nyodh-ɑ kinni Yëso bene Lögi Jwøk men-ɑ nud ceth, o en ɑ bɑ Yïëdi, Wɑ̈d Jwøk men-ɑ ɑ́kwøb i óbï. O tyëng-ɑ óyïëyii óyïddi ki nënnì (20.31).
Bɑng lwøbi kinni Yëso bene Lögi Jwøk men-ɑ nud ceth, bun-ɑ mɑl kì yij Wöndøj men wɑj-ɑ gïïngɑ̈ngø møg-ɑ nyodh kinni Yëso bene Yïëdi, ɑ bɑ Wɑ̈d Jwøk men-ɑ ɑ́kwøb i óbï. Bɑnge ɑ bëën yi kwøb kinni møgɑni nyodh-ɑ yi gïïngɑ̈ngø møg-ɑ ɑ́gwøg, o menɑni lwøb-ɑ kinni dɑ ji mɑ ɑ́yïëy kɑ ge ogöögø ki tyëngbɑng Yëso, o dɑ møøgø mɑ ɑ́bɑ̈nyi kɑ ge ocögø ge pɑ yïëy. Wɑ̈ɑ̈th 13-17 ge nyodh-ɑ bëëdi Yëso kì kej ɑ́kyel ki jøbɑnge kì wɑ̈r-ɑ ɑ́mɑgii, kí kwøbb-ɑ ɑ́cïïje gïn, e döngø ɑ́ keny me nøg kipe gure wïj yɑdh ɑrïw. Wɑ̈th-ɑ cyɑ̈n lwøb-ɑ mɑgi Yëso kí kïdhii burø, kí gurii wïj yɑdh ɑrïw, kí dhwönhe, kí cwöbe kì bøli jøbɑnge kì bɑng kɑ ɑ́rume dhwödhø.
Wɑ́ji ngɑndhɑjø men-ɑ ɑ́mɑg ki jɑlø (8.1-11) ócïb-ɑ yethi ódëll, mɑ́ e ówiy wɑ̈g kì yethi wɑ̈j mø gïïr, kí møg-ɑ ɑ́løg thyew, o nud kì yethi wɑ̈j møøgø kì kɑ̈jj mø bɑ̈nni. Møg-ɑ ti ki kømmø yi Jøn bɑ muuji nënn-ɑ ɑtheer kì ri Yëso; eni muuny-ɑ cɑ̈gi ɑnɑn, o bɑ ji-ɑ ɑ́yïëy kinni Yëso bene yöö, kí dyër, kí nënnì ɑ ónëngi.
Gïg-ɑ ti nënnø kì ri gweed Jøn bɑ kwɑnyi gïg-ɑ nenni yi teedø yethi cyɑ̈ng gɑ møg gɑje bëëdi wëyi dhɑnhø; ni pï, kí ópun, kí cɑr, kí jɑlkwɑ̈yø geki dyëge, kí oløg geki nywøle.
Møg-ɑ Tyëmø
Møg-ɑ mwøøl 1.1-10
Jøn Jɑljwɑ̈g kí jøg-ɑ ɑ́kwöngi løg bɑng Yëso 1.19-51
Gwøøg Yëso kì kelli teedø 2.1–12.50
Cyɑ̈ngg-ɑ cyɑ̈n kì Yerusɑlem kí kɑ̈jj-ɑ bute 13.1–19.42
Dhwödhø geki Cwöbi Wë 20.1-31
Thumi kwøb: cwöbø megø kì Gɑlelì 21.1-25
Atualmente selecionado:
Jn THYËRØ: shkDCB
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Shilluk DC Bible © Bible Society in South Sudan, 2011.