ÉXODO 3
3
Moisesta Diospa waqyasqan
1Moisesqa Madián suyupi suegron sacerdote Jetroq ovejankunata michishaspan, ovejakunata ch'inneq chimpaman qatirqan, hinaspa chayarqan Diospa orqon Horebkama.#3.1 Horeb sutiqa “Diospa Orqon otaq Sinaí Orqo” ninantan nin.
2Señor Diospa angelninmi Moisesman rikhurirqan t'ankar sonqo nina rawraypi. Paytaq qhawarispa rikurqan t'ankarpa rawrashaspa mana ruphasqanta. 3Chaymi Moisesqa nirqan:
¡Musphanamá kayqa! Risaq, qhawamusaq imanaqtinchus haqay t'ankarta mana ruphasqanta yachanaypaq, nispa.
4Qhawananpaq Moisés qayllaykusqanta rikuspataq, Señor Diosqa t'ankar ukhumanta waqyamurqan: –¡Moisés! ¡Moisés! nispa.
Paytaq kutichirqan:
–Kaypin kashani, nispa. 5Hinan Señor Diosqa nirqan: –Sayashasqayki cheqasqa ch'uyan, chayrayku ama asuykamuychu, aswanpas usut'aykita ch'utikuy. 6Ñoqan kani taytaykiq Diosnin, hinallataq Abrahampa, Isaacpa, Jacobpa Diosnin, nispa. Chaymi Moisesqa Diosta qhawariyta manchakuspa uyanta pakaykukurqan.
7Señor Diosqa nillarqantaq:
–Rikunipunin llaqtaypa Egipto suyupi muchushasqanta, uyarinin muchuchiqkuna hawa waqyakamusqankuta, yachanitaqmi ñak'arishasqankutapas. 8Egipto runakunamanta kacharichiqmi uraykamuni. Paykunatan chay suyumanta horqospa allinkaq hatunkaq hallp'aman pusasaq, lecheq miel misk'iq askha kasqan hallp'aman. Chaypin tiyan Canaán runakuna, Het runakuna, Amor runakuna, Ferez runakuna, Hev runakuna, Jebus runakunapas. 9Kayqa Israel runakunaq waqyakamusqantan uyarini, rikullanitaqmi Egipto runakunaq sinchi muchuchisqantapas. 10Chayrayku, rey Faraonman riy, paymanmi kachasqayki Egipto suyumanta Israel llaqtayta horqomunaykipaq, nispa. 11Moisestaq ichaqa Diosta nirqan:
–¿Pitaq ñoqari kani rey Faraonman rispa Israel runakunata Egipto suyumanta horqomunaypaq? nispa.
12Chaymi Diosqa nirqan:
–Qanwanmi ñoqa kasaq. Egipto suyumanta llaqtayta horqomuqtiykin kay orqopi yupaychawankichis, chaywanmi ñoqaq kachasqayta yachanki, nispa.
13Moisestaq Diosta nirqan:
–Israel runakunaq kasqanman rispa: Ñawpa taytaykichiskunaq Diosninmi qankunaman kachamuwan, niqtiyqa: “¿Imataq sutinri?” niwanqakun. Hinari, ¿ima nisaqtaq paykunata? nispa.
14Diostaq Moisesta nirqan:
–Ñoqan kani Ñoqaqa. Israel runakunata ninki: “Ñoqan kani” nisqa sutiyoqmi qankunaman kachamuwan, nispa. 15Diosmi Moisesta nillarqantaq:
–Kay hinatan Israel runakunata ninki: Señor Diosmi ñawpa taytaykichiskunaq Diosnin, Abrahampa, Isaacpa, Jacobpa Diosninmi qankunaman kachamuwan, nispa. Kay sutiymi wiñaypaq, kay sutiywanmi wiñay-wiñaypaq reqsiwanqaku. 16Rispayki Israel kurak runakunata huñumuy, hinaspa paykunata niy: Señor Diosmi, ñawpa taytaykichiskunaq Diosninmi, Abrahampa, Isaacpa, Jacobpa Diosninmi rikhurimuwarqan. Paymi nisunkichis: Cheqaqtapunin qhawamurqaykichis, rikurqanitaq Egiptopi imaymana ruwasqasuykichistapas. 17Ñoqan Egipto suyupi ñak'arisqaykichismanta horqonaypaq prometekuykichis, hinaspan lecheq miel misk'iq askha kasqan hallp'aman pusasqaykichis. Chaypin tiyan Canaán runakuna, Het runakuna, Amor runakuna, Ferez runakuna, Hev runakuna, Jebus runakunapas, nispa.
18Simiykitaqa uyarinqakun, hinan Israel kurak runakunawan Egipto suyu reypata rispayki ninki: Hebreo runakunaq Diosnin Señormi rikhurimuwarqanku. Chaymi kunan valekuykiku ch'inneqta kinsa p'unchay puriyta rinaykupaq, Señor Diosniykuman sacrificiokunata haywamunaykupaq, nispa. 19Ichaqa Egipto suyu reyqa manan rinaykichista munanqachu mana sinchi mat'isqaqa, Chaytaqa yachanin. 20Chaymi atiyniywan imaymana musphanakunata chaypi ruwaspa Egipto runakunata hasut'isaq, chayraqmi ripunaykichispaq kacharipusunkichis. 21Ñoqataq Egipto runakunawan sumaqta qhawarichisqaykichis, hinan lloqsishaspaykichis tukuy imaymanayoq ripunkichis. 22Sapanka warmin mañakunqa wasi-masinmantapas qorpanmantapas qolqe alhajakunata, qori alhajakunata, p'achakunatapas, chaykunawanmi p'achaykachinkichis churiykichistapas ususiykichistapas, ahinatan Egipto runakunata llat'anankichis, nispa.
Atualmente selecionado:
ÉXODO 3: QUECUZ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Revised Quechua Cuzco Bible © Peruvian Bible Society, 2004.
ÉXODO 3
3
Moisesta Diospa waqyasqan
1Moisesqa Madián suyupi suegron sacerdote Jetroq ovejankunata michishaspan, ovejakunata ch'inneq chimpaman qatirqan, hinaspa chayarqan Diospa orqon Horebkama.#3.1 Horeb sutiqa “Diospa Orqon otaq Sinaí Orqo” ninantan nin.
2Señor Diospa angelninmi Moisesman rikhurirqan t'ankar sonqo nina rawraypi. Paytaq qhawarispa rikurqan t'ankarpa rawrashaspa mana ruphasqanta. 3Chaymi Moisesqa nirqan:
¡Musphanamá kayqa! Risaq, qhawamusaq imanaqtinchus haqay t'ankarta mana ruphasqanta yachanaypaq, nispa.
4Qhawananpaq Moisés qayllaykusqanta rikuspataq, Señor Diosqa t'ankar ukhumanta waqyamurqan: –¡Moisés! ¡Moisés! nispa.
Paytaq kutichirqan:
–Kaypin kashani, nispa. 5Hinan Señor Diosqa nirqan: –Sayashasqayki cheqasqa ch'uyan, chayrayku ama asuykamuychu, aswanpas usut'aykita ch'utikuy. 6Ñoqan kani taytaykiq Diosnin, hinallataq Abrahampa, Isaacpa, Jacobpa Diosnin, nispa. Chaymi Moisesqa Diosta qhawariyta manchakuspa uyanta pakaykukurqan.
7Señor Diosqa nillarqantaq:
–Rikunipunin llaqtaypa Egipto suyupi muchushasqanta, uyarinin muchuchiqkuna hawa waqyakamusqankuta, yachanitaqmi ñak'arishasqankutapas. 8Egipto runakunamanta kacharichiqmi uraykamuni. Paykunatan chay suyumanta horqospa allinkaq hatunkaq hallp'aman pusasaq, lecheq miel misk'iq askha kasqan hallp'aman. Chaypin tiyan Canaán runakuna, Het runakuna, Amor runakuna, Ferez runakuna, Hev runakuna, Jebus runakunapas. 9Kayqa Israel runakunaq waqyakamusqantan uyarini, rikullanitaqmi Egipto runakunaq sinchi muchuchisqantapas. 10Chayrayku, rey Faraonman riy, paymanmi kachasqayki Egipto suyumanta Israel llaqtayta horqomunaykipaq, nispa. 11Moisestaq ichaqa Diosta nirqan:
–¿Pitaq ñoqari kani rey Faraonman rispa Israel runakunata Egipto suyumanta horqomunaypaq? nispa.
12Chaymi Diosqa nirqan:
–Qanwanmi ñoqa kasaq. Egipto suyumanta llaqtayta horqomuqtiykin kay orqopi yupaychawankichis, chaywanmi ñoqaq kachasqayta yachanki, nispa.
13Moisestaq Diosta nirqan:
–Israel runakunaq kasqanman rispa: Ñawpa taytaykichiskunaq Diosninmi qankunaman kachamuwan, niqtiyqa: “¿Imataq sutinri?” niwanqakun. Hinari, ¿ima nisaqtaq paykunata? nispa.
14Diostaq Moisesta nirqan:
–Ñoqan kani Ñoqaqa. Israel runakunata ninki: “Ñoqan kani” nisqa sutiyoqmi qankunaman kachamuwan, nispa. 15Diosmi Moisesta nillarqantaq:
–Kay hinatan Israel runakunata ninki: Señor Diosmi ñawpa taytaykichiskunaq Diosnin, Abrahampa, Isaacpa, Jacobpa Diosninmi qankunaman kachamuwan, nispa. Kay sutiymi wiñaypaq, kay sutiywanmi wiñay-wiñaypaq reqsiwanqaku. 16Rispayki Israel kurak runakunata huñumuy, hinaspa paykunata niy: Señor Diosmi, ñawpa taytaykichiskunaq Diosninmi, Abrahampa, Isaacpa, Jacobpa Diosninmi rikhurimuwarqan. Paymi nisunkichis: Cheqaqtapunin qhawamurqaykichis, rikurqanitaq Egiptopi imaymana ruwasqasuykichistapas. 17Ñoqan Egipto suyupi ñak'arisqaykichismanta horqonaypaq prometekuykichis, hinaspan lecheq miel misk'iq askha kasqan hallp'aman pusasqaykichis. Chaypin tiyan Canaán runakuna, Het runakuna, Amor runakuna, Ferez runakuna, Hev runakuna, Jebus runakunapas, nispa.
18Simiykitaqa uyarinqakun, hinan Israel kurak runakunawan Egipto suyu reypata rispayki ninki: Hebreo runakunaq Diosnin Señormi rikhurimuwarqanku. Chaymi kunan valekuykiku ch'inneqta kinsa p'unchay puriyta rinaykupaq, Señor Diosniykuman sacrificiokunata haywamunaykupaq, nispa. 19Ichaqa Egipto suyu reyqa manan rinaykichista munanqachu mana sinchi mat'isqaqa, Chaytaqa yachanin. 20Chaymi atiyniywan imaymana musphanakunata chaypi ruwaspa Egipto runakunata hasut'isaq, chayraqmi ripunaykichispaq kacharipusunkichis. 21Ñoqataq Egipto runakunawan sumaqta qhawarichisqaykichis, hinan lloqsishaspaykichis tukuy imaymanayoq ripunkichis. 22Sapanka warmin mañakunqa wasi-masinmantapas qorpanmantapas qolqe alhajakunata, qori alhajakunata, p'achakunatapas, chaykunawanmi p'achaykachinkichis churiykichistapas ususiykichistapas, ahinatan Egipto runakunata llat'anankichis, nispa.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Revised Quechua Cuzco Bible © Peruvian Bible Society, 2004.