लूका 20:46-47

“जे ते सास्‍त्रीराए यादोज़्‍याव मिताव य़ेन दान्‍या माःक। नोर रेरे बेन्बेनो क्‍वा क्‍वाइसिद ‘प़ाइँए धो घदासिरक’ लिद बजार जीदा दुलिरिज़्‍यार, स़ोनो धर्मसास्‍त्र झ़िमराल, घ्योःव घ्योःव भत्‍यारल प़ाइँए रँःन्‍याक ओमान ल्‍यो पोल वाज़ च़ुसिउ पैंज़्‍यार। नो सास्‍त्रीराए झन राँदी मेंमारालाई तँनी छाम छुम याराख्‍याज़्‍यार, मिँराए ङ़ाक वाज़ बनै चाव चाव पोंखारिउ जैसिज़्‍यार। नोराए ते प़ाइँरानी घ्‍योःव सजा ज़ दैरिज़्‍यार,” है लिद यासथैक्‍यो।