Jọnị 13
13
Jizọsị Ò Ḍukamẹnjịapụ Ma Aḅụọ Sịkịrịm
1Anị ene mẹ anie ḅaa kụma Saḅaḅọrọ-Alalị mẹ la ḅarị ene mẹ. Jizọsị nimi tẹ mịnẹ ọ̀ mị tomikiri mẹ koroma so Ḍaḅọ ḅe ḍọkụma-mu ḅẹ tẹ. Ọ̀ sakị mamgba ori atomi ma tẹ tomikiri sime apụ ma ḅẹlẹmam, tẹ anị ḅẹlẹma mẹ ọ̀ nyana ịn pịrị nwenii mu kunoma lam.
2Jizọsị na ò ḍukamẹnjịapụ ma na ḅoḅiri fịye fị anga simem. Anị sakị ḅụ Ekwesu ḅe Judasị, Sayịmọnị Isikarịyọtị tụḅọ ḅe, Jizọsị kẹ tomina ḅara-ḅio dẹrịma ḅẹ kuroma mẹ kẹ ọ̀ ḅioḅẹngbọ ḅụ suu wẹrị tẹ. 3Jizọsị nimim mịnẹ Ḍaḅọ ḅe kụrọ kẹ ọ̀ pịrị gbasịma tẹ; ọ̀ pịkị nimim Tamụnọ ḅụụ ò sime tẹ ḅom, tẹ pịkịma so Tamụnọ ḍọkụma-muarị. 4Mie ḅụ ọ̀ nwẹnị dẹbịlẹ mẹ suku-saakị tẹ ori ọgọnọ ḅẹ kapa sin koroma, tẹ tawolo kẹ ò ḅiri ọkị. 5Anịtẹso ò minji kẹ ḅara sịkịrị panị ḅio sụa tẹ saakị ò ḍukamẹnjịapụ ma aḅụọ sịkịrị, sịkịrị tẹ ọ̀ kẹ ḅiri ọkị tawolo mẹ kẹ arị siinm. 6Ò ḅo Sayịmọnị Pita la sakị ori ọ̀ ḅẹẹm, “KỊNỊNYANAḄỌ, ị́yẹrị mie ị̀ aḅụọ sịkịrị ḅẹ ye?”
7Jizọsị nwẹnị ọ̀ pakịrị, “À mịẹarị ye mẹ fiearị ye ị́ naa ḍin-a mịọkụ, kụma mị sakị mẹ ḅọrọ sakị ị́ naa ḅa.”
8Pita nwẹnị ḍuko-pakama, “Gbọrụ sakị sọ ofori ị̀ aḅụọ sịkịrị!”
Jizọsị nwẹnị pakịrị, “Àrị ị́ aḅụọ sịkịrị-a ḅẹḅẹ ị́ ḅarị jen kẹ ì ḍukamẹnjịḅọ sọ ḅịa.”
9Sayịmọnị Pita nwẹnị pakịrị, “KỊNỊNYANAḄỌ, ọkọ ḅẹḅẹ, ị̀ aḅụọ ngẹrị sịkịrị ma! Ị̀ aḅara na ị̀ sịḅị na sọ kẹ sụa sịkịrịị!”
10Jizọsị nwẹnị ḅẹẹ, “Minji-ḅiri tẹ ḅọ mḅọ oju mamgba fịafịa fama tẹ, mḅọ ḅarị jen oju sịkịrị nyana-a, mḅọ aḅụọ ma sikima. Gbọrụḅọ sikima ọmịnị-mgba ọ́ fịafịa wararị.” 11(Jizọsị nimi wẹrị wararị ọ̀ kẹ tomina ḅara-ḅio dẹrịma ḅẹ ḅọ ḅe, anie ò gotẹ ḅẹẹ ye, “Gbọrụḅọ sikima ọmịnị-mgba ọ́ fịafịa wararị!”)
12 #
Luk 22.27
Jizọsị ịna aḅụọ ma sịkịrị fama tẹso, ọ̀ nwẹnị siin ori ọgọnọ ḅẹ kapa mẹ ọkị sụa tẹ pịkịma dẹbịlẹ mẹ suku ọ̀ tarị sime anga mu. Ọ̀ nwẹnị in gbela, “Mịọkụ à kẹ mịẹ ọ́ pịrị ye mẹ fiearị ye ó nimi? 13Ó Ye-tolumaḅọ na KỊNỊNYANAḄỌ na kẹ ị̀ sịn-arị, anị karakaram ọmịnị ọkọ mịẹ, anị ḅara anie à pịkị sime-ḅara gotẹ. 14Yẹrị ọ́ Nyanaḅọ pịkị ọmịna Ye-tolumaḅọ ḅe mịọkụ ọmịna aḅụọ sịkịrị tẹ mẹ ọmịnị sọ jụmọ-jụmọ aḅụọ sịkịrịị. 15À gbala ḅọrọ ó ḍikima mịẹ ḅẹ ye kẹ ó ḍie tẹ, mịẹtẹ ọmịnị sọ à mịẹ ọ́ pịrị gbọrụ ḅara mẹ mịẹ ḅẹ ḅara. 16#Mat 10.24; Luk 6.40; Jọn 15.20À karakara mẹ ḍuko ọ́ pịrịarị: omoniḅọ mḅọ nyanaḅọ nẹngị, nẹngị-a, anịsakị gbọrụ fịrịmẹnjịḅọ sọ mḅọ kẹ oku fịrịma ḅọ nẹngị-a. 17Mịọkụ ọ́ mị karakara mẹ nimi tẹ ḅara, ọ́ tọ-ḅara na gbasị ḅara kẹ ḅioḅẹlẹ ḅẹ ọmịnị anị kẹ ọmịna mịẹ-mịẹye sọma kụma!
18 #
Dev 41.9
“Àrị ọmịnị-mgba gboloma ye ḍuko-a; à sẹlẹ-ọkị tẹ apụ ma à nwẹn nimi wararị; kụma Fịafịa Ḍiri mẹ ḍuko ye mẹ paka ḅa mịnẹ, ‘Ị̀ na ì fịye fịarị ḅọ amịna ḅụụ kẹ ị̀ na fịya-a ḅọ mịẹ tẹ.’ 19À miemẹ ḍuko ọ́ pịrị tẹrẹmẹ anị paka sakị la ḅa, mịẹtẹ anị paka sakị ó minini ḅẹ ḅara, mịnẹ ‘Yẹrị Anie Yẹrịị!’ 20#Mat 10.40; Mak 9.37; Luk 9.48; 10.16À karakara mẹ ḍuko ọ́ pịrịarị: à kẹ fịrịmaḅọ daa-ọkị ḅọ, ọkị ḅọ, ị̀ daa-ọkị tẹ, tẹ ị̀ daa-ọkị ḅọ, ọkị ḅọ pịkị ị̀ kẹ fịrịma ḅọ ḅe daa-ọkị tẹ.”
Jizọsị Kịnị Ọ̀ Kẹ Tomina Ḅara-ḅio Dẹrịma Ḅarị Mẹ Ḍukom
(Mat 26.20-25; Mak 14.17-21; Luk 22.21-23)
21Jizọsị miemẹ ḍuko tẹso, ò ḅioḅẹngbọ kpọma ọ̀ ḅụụ fụkama tẹ ọ̀ kịnị naa ḅẹ ḅara kẹ ẹkwẹn pakamam, “À karakara mẹ ḍuko ọ́ pịrịarị: ọmịna ḅụ ḅẹ gbọrụḅọ ị̀ kẹ tomina ḅara ḅio dẹrịma ḅa.”
22Ọ̀ ḅẹẹ ḅọ ḅọrọ tụḅọ-o, tụḅọ-o nimi-a ye ḅụ Jizọsị ḍuko ye mẹ kẹ ò ḍukamẹnjịapụ ma ḅioḅẹngbọ pikirima la ḅara ḅụ ịn nwẹnị jụmọ-jụmọ ḍiki. 23Ò ḍukamẹnjịapụ ma ḅẹ gbọrụḅọ, tẹ Jizọsị ḅẹlẹma ḅọ ḅe, mie ori na palịya tẹ lẹgị ye. 24Sayịmọnị Pita nwẹnị ḅara kẹ ọ̀ fẹngụma tẹ ḅẹẹ, “Ò gbelaa, ọ̀ tụḅọ gboloma ye ḍukoarị.”
25Mie ḅụ anị Jizọsị ḍukamẹnjịḅọ ḅe nwẹnị sọma mu ọ̀ la tẹ gbela, “KỊNỊNYANAḄỌ, anị ḅọ mẹ ḅọrọ tụḅọ?”
26Jizọsị nwẹnị pakịrị, “À fịturu paịn tẹ kẹ ọḍụ fụlọ mẹ gbọn tẹ kẹ pịrị ḅarị ḅọ ḅe anie tomḅọ ḅe.” Mie ḅụ ọ̀ nwẹnị fịturu pakịrị ọkị tẹ kẹ gbọn, tẹ kẹ Sayịmọnị Isikarịyọtị tụḅọ Judasị pịrị. 27Judasị fịturu mẹ da gbọrụ kiri Ekwesu nwẹnị ọ̀ ḅụụ ḅio sọ. Jizọsị nwẹnị ọ̀ ḅẹẹ, “Sarasarama ị́ mịẹarị ye mẹ mịẹ!” 28Osi apụ ma tẹ dẹbịlẹ suku sime apụ ma gbọrụḅọ sọ Jizọsị gotẹ miemẹ ḍuko ye mẹ fie ye naa-a. 29Judasị anie ịna igbigi koko ḅọ ḅẹ sakị, Jizọsị ḍukamẹnjịapụ ma ḅẹ ja apụ kuromam mịnẹ Jizọsị ọ̀ ḅẹẹ tẹ ò mu ịn kẹ alalị mẹ fị ḅẹ aị fẹẹ, anịanịa ò mu ye kẹ mịẹ ḅẹ ọkụ ofori apụ pịrị.
30Judasị fịturu mẹ daa-ọkị gbọrụ sakị ọ̀ mẹnjị pakam. Ḍin ḅụ!
Ịwọ Oloko
31Judasị paka-so tẹso, Jizọsị ḅẹẹm, “Mịọkụ Tomḅọ Tụḅọ ḅe ebube mẹ giregire paka tẹ; mịọkụ ebube ọ̀ ḅụụ ḅọrọ mu Tamụnọ la tẹ. 32Tẹ tomi ọ̀ ḅụụ ḅọrọ tẹ Tamụnọ ebube mẹ ẹrị tẹ ḅẹḅẹ, Tamụnọ ḅe sọ Tomḅọ Tụḅọ ḅe ebube mẹ ḍie-pakama ḅa ọ̀ ḅụụ ḅụ, tẹ mị gbọrụ sakị ori anị mịẹ ḅa. 33#Jọn 7.34Ị̀ awọmẹ, à ḅarị ọmịnị na sime alama ḅịa. Ọmịnị ị̀ ḍọkị ḅa; kụma mịọkụ à tarị ḍuko Juu-ḅẹ ḅẹrẹtọn-apụ ma pịrị ye mẹ à nwẹn ḍuko ọ́ pịrịarị, ‘Ọmịnị inetẹ à muarị anga mu ḅịa.’ 34#Jọn 15.12,17; 1 Jọn 3.23; 2 Jọn 1.5Tẹ mịọkụ àrị ịwọ oloko sụa ọ́ pịrịarị; ọ́ jụmọ-jụmọ ḅẹlẹmaa. Yẹrị kẹ ọ́ ḅẹlẹma tẹ ḅara mẹ, ọmịnị sọ ọkọ kẹ jụmọ-jụmọ ḅẹlẹmaa. 35Ọ́ ḅẹlẹma nyana jụmọ-jụmọ pịrịm ḅẹḅẹ, anịsakị rẹ mie ḅẹḅọ-ḅẹḅọ nimi ḅarịye mịnẹ ọmịnị ì ḍukamẹnjịapụ.”
Jizọsị Ḍukom Pita Ò Pịkị Ḅa
(Mat 26.31-35; Mak 14.27-31; Luk 22.31-34)
36Sayịmọnị Pita nwẹnị ò gbela, “KỊNỊNYANAḄỌ, í muarị anga ḅọrọ tọ-anga?”
Jizọsị nwẹnị pakịrị, “À muarị anga í inetẹ ì ḍuka-ḅo ḅịa mịọkụ, kụma mị sakị mẹ ḅọrọ sakị í ì ḍuka-ḅo ḅa.”
37Pita nwẹnị gbela, “KỊNỊNYANAḄỌ, tiye mịẹtẹ mịọkụ àrị inetẹ í ḍuka-ḅo ḅịa? À tẹlẹma wararị à fịị ị́ pịrị!” 38Jizọsị nwẹnị pakịrị, “Karakara-ḅara-ḅụ ị̀ tẹlẹma tẹ mịnẹ ị́ fịị ị̀ pịrị ḅẹ? À karakara mẹ ḍuko ị́ pịrịarị: tẹrẹmẹ owi-ọḅọkọ paan ị́ tẹra asakị kẹ ḅẹẹ ḅa mịnẹ í ì nimi-a.”
Atualmente selecionado:
Jọnị 13: KBTP
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(C) The Bible Society of Nigeria
Jọnị 13
13
Jizọsị Ò Ḍukamẹnjịapụ Ma Aḅụọ Sịkịrịm
1Anị ene mẹ anie ḅaa kụma Saḅaḅọrọ-Alalị mẹ la ḅarị ene mẹ. Jizọsị nimi tẹ mịnẹ ọ̀ mị tomikiri mẹ koroma so Ḍaḅọ ḅe ḍọkụma-mu ḅẹ tẹ. Ọ̀ sakị mamgba ori atomi ma tẹ tomikiri sime apụ ma ḅẹlẹmam, tẹ anị ḅẹlẹma mẹ ọ̀ nyana ịn pịrị nwenii mu kunoma lam.
2Jizọsị na ò ḍukamẹnjịapụ ma na ḅoḅiri fịye fị anga simem. Anị sakị ḅụ Ekwesu ḅe Judasị, Sayịmọnị Isikarịyọtị tụḅọ ḅe, Jizọsị kẹ tomina ḅara-ḅio dẹrịma ḅẹ kuroma mẹ kẹ ọ̀ ḅioḅẹngbọ ḅụ suu wẹrị tẹ. 3Jizọsị nimim mịnẹ Ḍaḅọ ḅe kụrọ kẹ ọ̀ pịrị gbasịma tẹ; ọ̀ pịkị nimim Tamụnọ ḅụụ ò sime tẹ ḅom, tẹ pịkịma so Tamụnọ ḍọkụma-muarị. 4Mie ḅụ ọ̀ nwẹnị dẹbịlẹ mẹ suku-saakị tẹ ori ọgọnọ ḅẹ kapa sin koroma, tẹ tawolo kẹ ò ḅiri ọkị. 5Anịtẹso ò minji kẹ ḅara sịkịrị panị ḅio sụa tẹ saakị ò ḍukamẹnjịapụ ma aḅụọ sịkịrị, sịkịrị tẹ ọ̀ kẹ ḅiri ọkị tawolo mẹ kẹ arị siinm. 6Ò ḅo Sayịmọnị Pita la sakị ori ọ̀ ḅẹẹm, “KỊNỊNYANAḄỌ, ị́yẹrị mie ị̀ aḅụọ sịkịrị ḅẹ ye?”
7Jizọsị nwẹnị ọ̀ pakịrị, “À mịẹarị ye mẹ fiearị ye ị́ naa ḍin-a mịọkụ, kụma mị sakị mẹ ḅọrọ sakị ị́ naa ḅa.”
8Pita nwẹnị ḍuko-pakama, “Gbọrụ sakị sọ ofori ị̀ aḅụọ sịkịrị!”
Jizọsị nwẹnị pakịrị, “Àrị ị́ aḅụọ sịkịrị-a ḅẹḅẹ ị́ ḅarị jen kẹ ì ḍukamẹnjịḅọ sọ ḅịa.”
9Sayịmọnị Pita nwẹnị pakịrị, “KỊNỊNYANAḄỌ, ọkọ ḅẹḅẹ, ị̀ aḅụọ ngẹrị sịkịrị ma! Ị̀ aḅara na ị̀ sịḅị na sọ kẹ sụa sịkịrịị!”
10Jizọsị nwẹnị ḅẹẹ, “Minji-ḅiri tẹ ḅọ mḅọ oju mamgba fịafịa fama tẹ, mḅọ ḅarị jen oju sịkịrị nyana-a, mḅọ aḅụọ ma sikima. Gbọrụḅọ sikima ọmịnị-mgba ọ́ fịafịa wararị.” 11(Jizọsị nimi wẹrị wararị ọ̀ kẹ tomina ḅara-ḅio dẹrịma ḅẹ ḅọ ḅe, anie ò gotẹ ḅẹẹ ye, “Gbọrụḅọ sikima ọmịnị-mgba ọ́ fịafịa wararị!”)
12 #
Luk 22.27
Jizọsị ịna aḅụọ ma sịkịrị fama tẹso, ọ̀ nwẹnị siin ori ọgọnọ ḅẹ kapa mẹ ọkị sụa tẹ pịkịma dẹbịlẹ mẹ suku ọ̀ tarị sime anga mu. Ọ̀ nwẹnị in gbela, “Mịọkụ à kẹ mịẹ ọ́ pịrị ye mẹ fiearị ye ó nimi? 13Ó Ye-tolumaḅọ na KỊNỊNYANAḄỌ na kẹ ị̀ sịn-arị, anị karakaram ọmịnị ọkọ mịẹ, anị ḅara anie à pịkị sime-ḅara gotẹ. 14Yẹrị ọ́ Nyanaḅọ pịkị ọmịna Ye-tolumaḅọ ḅe mịọkụ ọmịna aḅụọ sịkịrị tẹ mẹ ọmịnị sọ jụmọ-jụmọ aḅụọ sịkịrịị. 15À gbala ḅọrọ ó ḍikima mịẹ ḅẹ ye kẹ ó ḍie tẹ, mịẹtẹ ọmịnị sọ à mịẹ ọ́ pịrị gbọrụ ḅara mẹ mịẹ ḅẹ ḅara. 16#Mat 10.24; Luk 6.40; Jọn 15.20À karakara mẹ ḍuko ọ́ pịrịarị: omoniḅọ mḅọ nyanaḅọ nẹngị, nẹngị-a, anịsakị gbọrụ fịrịmẹnjịḅọ sọ mḅọ kẹ oku fịrịma ḅọ nẹngị-a. 17Mịọkụ ọ́ mị karakara mẹ nimi tẹ ḅara, ọ́ tọ-ḅara na gbasị ḅara kẹ ḅioḅẹlẹ ḅẹ ọmịnị anị kẹ ọmịna mịẹ-mịẹye sọma kụma!
18 #
Dev 41.9
“Àrị ọmịnị-mgba gboloma ye ḍuko-a; à sẹlẹ-ọkị tẹ apụ ma à nwẹn nimi wararị; kụma Fịafịa Ḍiri mẹ ḍuko ye mẹ paka ḅa mịnẹ, ‘Ị̀ na ì fịye fịarị ḅọ amịna ḅụụ kẹ ị̀ na fịya-a ḅọ mịẹ tẹ.’ 19À miemẹ ḍuko ọ́ pịrị tẹrẹmẹ anị paka sakị la ḅa, mịẹtẹ anị paka sakị ó minini ḅẹ ḅara, mịnẹ ‘Yẹrị Anie Yẹrịị!’ 20#Mat 10.40; Mak 9.37; Luk 9.48; 10.16À karakara mẹ ḍuko ọ́ pịrịarị: à kẹ fịrịmaḅọ daa-ọkị ḅọ, ọkị ḅọ, ị̀ daa-ọkị tẹ, tẹ ị̀ daa-ọkị ḅọ, ọkị ḅọ pịkị ị̀ kẹ fịrịma ḅọ ḅe daa-ọkị tẹ.”
Jizọsị Kịnị Ọ̀ Kẹ Tomina Ḅara-ḅio Dẹrịma Ḅarị Mẹ Ḍukom
(Mat 26.20-25; Mak 14.17-21; Luk 22.21-23)
21Jizọsị miemẹ ḍuko tẹso, ò ḅioḅẹngbọ kpọma ọ̀ ḅụụ fụkama tẹ ọ̀ kịnị naa ḅẹ ḅara kẹ ẹkwẹn pakamam, “À karakara mẹ ḍuko ọ́ pịrịarị: ọmịna ḅụ ḅẹ gbọrụḅọ ị̀ kẹ tomina ḅara ḅio dẹrịma ḅa.”
22Ọ̀ ḅẹẹ ḅọ ḅọrọ tụḅọ-o, tụḅọ-o nimi-a ye ḅụ Jizọsị ḍuko ye mẹ kẹ ò ḍukamẹnjịapụ ma ḅioḅẹngbọ pikirima la ḅara ḅụ ịn nwẹnị jụmọ-jụmọ ḍiki. 23Ò ḍukamẹnjịapụ ma ḅẹ gbọrụḅọ, tẹ Jizọsị ḅẹlẹma ḅọ ḅe, mie ori na palịya tẹ lẹgị ye. 24Sayịmọnị Pita nwẹnị ḅara kẹ ọ̀ fẹngụma tẹ ḅẹẹ, “Ò gbelaa, ọ̀ tụḅọ gboloma ye ḍukoarị.”
25Mie ḅụ anị Jizọsị ḍukamẹnjịḅọ ḅe nwẹnị sọma mu ọ̀ la tẹ gbela, “KỊNỊNYANAḄỌ, anị ḅọ mẹ ḅọrọ tụḅọ?”
26Jizọsị nwẹnị pakịrị, “À fịturu paịn tẹ kẹ ọḍụ fụlọ mẹ gbọn tẹ kẹ pịrị ḅarị ḅọ ḅe anie tomḅọ ḅe.” Mie ḅụ ọ̀ nwẹnị fịturu pakịrị ọkị tẹ kẹ gbọn, tẹ kẹ Sayịmọnị Isikarịyọtị tụḅọ Judasị pịrị. 27Judasị fịturu mẹ da gbọrụ kiri Ekwesu nwẹnị ọ̀ ḅụụ ḅio sọ. Jizọsị nwẹnị ọ̀ ḅẹẹ, “Sarasarama ị́ mịẹarị ye mẹ mịẹ!” 28Osi apụ ma tẹ dẹbịlẹ suku sime apụ ma gbọrụḅọ sọ Jizọsị gotẹ miemẹ ḍuko ye mẹ fie ye naa-a. 29Judasị anie ịna igbigi koko ḅọ ḅẹ sakị, Jizọsị ḍukamẹnjịapụ ma ḅẹ ja apụ kuromam mịnẹ Jizọsị ọ̀ ḅẹẹ tẹ ò mu ịn kẹ alalị mẹ fị ḅẹ aị fẹẹ, anịanịa ò mu ye kẹ mịẹ ḅẹ ọkụ ofori apụ pịrị.
30Judasị fịturu mẹ daa-ọkị gbọrụ sakị ọ̀ mẹnjị pakam. Ḍin ḅụ!
Ịwọ Oloko
31Judasị paka-so tẹso, Jizọsị ḅẹẹm, “Mịọkụ Tomḅọ Tụḅọ ḅe ebube mẹ giregire paka tẹ; mịọkụ ebube ọ̀ ḅụụ ḅọrọ mu Tamụnọ la tẹ. 32Tẹ tomi ọ̀ ḅụụ ḅọrọ tẹ Tamụnọ ebube mẹ ẹrị tẹ ḅẹḅẹ, Tamụnọ ḅe sọ Tomḅọ Tụḅọ ḅe ebube mẹ ḍie-pakama ḅa ọ̀ ḅụụ ḅụ, tẹ mị gbọrụ sakị ori anị mịẹ ḅa. 33#Jọn 7.34Ị̀ awọmẹ, à ḅarị ọmịnị na sime alama ḅịa. Ọmịnị ị̀ ḍọkị ḅa; kụma mịọkụ à tarị ḍuko Juu-ḅẹ ḅẹrẹtọn-apụ ma pịrị ye mẹ à nwẹn ḍuko ọ́ pịrịarị, ‘Ọmịnị inetẹ à muarị anga mu ḅịa.’ 34#Jọn 15.12,17; 1 Jọn 3.23; 2 Jọn 1.5Tẹ mịọkụ àrị ịwọ oloko sụa ọ́ pịrịarị; ọ́ jụmọ-jụmọ ḅẹlẹmaa. Yẹrị kẹ ọ́ ḅẹlẹma tẹ ḅara mẹ, ọmịnị sọ ọkọ kẹ jụmọ-jụmọ ḅẹlẹmaa. 35Ọ́ ḅẹlẹma nyana jụmọ-jụmọ pịrịm ḅẹḅẹ, anịsakị rẹ mie ḅẹḅọ-ḅẹḅọ nimi ḅarịye mịnẹ ọmịnị ì ḍukamẹnjịapụ.”
Jizọsị Ḍukom Pita Ò Pịkị Ḅa
(Mat 26.31-35; Mak 14.27-31; Luk 22.31-34)
36Sayịmọnị Pita nwẹnị ò gbela, “KỊNỊNYANAḄỌ, í muarị anga ḅọrọ tọ-anga?”
Jizọsị nwẹnị pakịrị, “À muarị anga í inetẹ ì ḍuka-ḅo ḅịa mịọkụ, kụma mị sakị mẹ ḅọrọ sakị í ì ḍuka-ḅo ḅa.”
37Pita nwẹnị gbela, “KỊNỊNYANAḄỌ, tiye mịẹtẹ mịọkụ àrị inetẹ í ḍuka-ḅo ḅịa? À tẹlẹma wararị à fịị ị́ pịrị!” 38Jizọsị nwẹnị pakịrị, “Karakara-ḅara-ḅụ ị̀ tẹlẹma tẹ mịnẹ ị́ fịị ị̀ pịrị ḅẹ? À karakara mẹ ḍuko ị́ pịrịarị: tẹrẹmẹ owi-ọḅọkọ paan ị́ tẹra asakị kẹ ḅẹẹ ḅa mịnẹ í ì nimi-a.”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(C) The Bible Society of Nigeria