Matiye 7
7
Tar gangə sariya dɔ marə dəwje tə̂
1«Maji karə ə-gangəje sariya dɔ dəw tə̂ ang, mba karə Lubba gangə sariya dɔse tə̂ ang tɔ. 2Mba sariya kə̂ ə-gangəje dɔ njê-marəse tə̂ njaa Lubba a gangə dɔse tə̂ tɔ. Nɛ̂n kə̂ unnje ɔjuje nɛ̂n nɛ̂n â dâ kunn kɔju nɛ̂n nɛ̂n karəse tɔ. 3Mba ddi bba mu kə̂ to kəm ngokɔin tə̂ â oo, a oo tɔkə kakə kə̂ to kəmi tə̂ ang wa? 4Wase â pa karə ngokɔin nan: ‹Arə mɔru mu kəmi tə̂›, a əi tɔkə kakə to kəmi tə̂ tokə baânn wa? 5Nje-ngəm, ɔru tɔkə kakə kə̂ to kəmi tə̂ dɔngɔr bba â koo lo kə majɛ̂ ta kɔru nɛ̂n mu kə̂ to kəm ngokɔin tə̂.
6«Arəje bisije nɛ̂n kə̂ dunda dang mba Lubba ang, mba dâ təlje kə dɔse tə̂ ta njarɛse. Ə-tilaje mərəje ləse nɔn bərəje tə̂ ang, mba dâ mbɔynje kə gɔlde.»
Dəw kə̂ duju nɛ̂n a, a kinga
7«Ə-dujuje nɛ̂n a, dâ karəse. Ə-sangəje nɛ̂n a, â kingaje. Undaje ta-kəy a, dâ kɔru karəse. 8Mba dəw kə̂ duju nɛ̂n a, inga. Dəw kə̂ sangə nɛ̂n a, inga. Ngaâ dəw unda ta-kəy a, dɔru darɛ̂. 9Nân horose tə̂ bbo ngonnɛ̂ duje mapa a, a karɛ̂ kɔr ər wa? 10Wase n̂-duje kanji a, li â nâ karɛ̂ wa? 11Bbo sese kə̂ məse maji ang ddəm nəənn ə-gərəje ta karə nɛ̂n kə̂ maji ngannse. A Bɔsese kə̂ darâ a karə nɛ̂n kə̂ maji njê kə̂ dujeje ang wa?
12«Nɛ̂n tɔyn kə̂ ə-ndikije karə dəwje ddaje kə se a, maji karə ə-ddaje kə de tɔ. Yeenn â to nɛ̂n kə̂ Ndu lə Mɔyijə kə makəturuje lə njê-kilaje mbər tar lə Lubba ndikije karə dəwje ddaje.»
Ta-ddəw kə̂ joo
13«Andəje kə ta-ddəw kə̂ ngaji, mba ta-ddəw kə̂ bo ngaâ tatə to ta-ddəw kə̂ aw kə ta yo tə̂. Dəwje nya aw andəje nɛ̂n. 14A ta-ddəw kə̂ ta kandə nɛ̂n bba ta kinga təbbə tatə ang, to njol njol baa. Dəwje kə̂ ingaje ta-ddəw le banyaje ang.»
Tar lə njê-kilaje mbər tar kə̂ tɔkɔrɔ ang
15«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje. 16Nɛ̂n kə̂ â gərəje nɛ̂n de â to kula-ddade. Dəw a kuja kandə nduu gərgəndə tə̂ ang ddəm kandə tungu kakə konn tə̂ ang ddəm. 17Kakə kə̂ maji, andə kandəje kə̂ maji, a kakə kə̂ tuju, andə kandəje kə̂ maji ang. 18Kakə kə̂ maji asə ta kandə kandə kə̂ maji ang ndɔ kâra ang. Ddəm kakə kə̂ tuju asə ta kandə kandə kə̂ maji ndɔ kâra ang. 19Kakə kə̂ andə kandə kə̂ maji ang a, dâ tuka kila purô. 20Yeenn a, â gərəje njê-kilaje mbər tar kə̂ tɔkɔrɔ ang le kə kula-ddade.»
Njê-njaje go Jeju tə̂ kə̂ tɔkɔrɔ
21«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki. 22Ndɔ gangə sariya a, dəwje nya a paje karəm nan: ‹Əbbə-dəwje! Əbbə-dəwje! Jila mbər tar ləi, n-tubba ndilje kə̂ maji ang ddəm n-dda nɛ̂n-mɔrije nya kə rii ang wa?› 23Yeenn le, mâ pa karəde nan: M-gərəse ndɔ kâra ang ta ɔtuje mbɔrəm tə̂ kə ddang. Awje ddəw əw səm, see njê-nɛ̂n-ddaje kə̂ maji ang.»
Gusu-tar dɔ kəyje tə̂ joo
24«Yeenn bba, bbo dəw kə̂ oo tarje tɔyn kə̂ m-pa nəənn ngaâ dda nɛ̂n kula a, to kâra baa kə nje-kəm-karɛ kə̂ dda kəy laa dɔ ər tə̂. 25Ndi ərə, maann siri taa lo tɔyn ngaâ ləl ula yəkə kəy le, a kəy le oso ang mba dungu gɔl kəy le dɔ ər tə̂. 26A dəw kə̂ oo tarje ləm kə̂ maw pa nəənn ngaâ dda nɛ̂n kula ang, to kâra baa kə mbə kə̂ dda kəy laa dɔ ənangara tə̂. 27Ndi ərə, maann siri taa lo tɔyn ngaâ ləl ula yəkə kəy le a, kəy le oso, guru njuku njuku.»
Jeju tɔju nɛ̂n tokə mbay-bbe
28 Jeju pa tarje nəənn le tɔyn tunga a, dɔ dəwje kə̂ banya kə̂ ooje tar le ayn. 29Mba n̂-tɔju nɛ̂n tokə njê-gərəje-Ndu lə Jiipije ang. N̂-tɔju nɛ̂n tokə mbay-bbe.
Atualmente selecionado:
Matiye 7: KabbaDkS
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2020, ACOTBA
Matiye 7
7
Tar gangə sariya dɔ marə dəwje tə̂
1«Maji karə ə-gangəje sariya dɔ dəw tə̂ ang, mba karə Lubba gangə sariya dɔse tə̂ ang tɔ. 2Mba sariya kə̂ ə-gangəje dɔ njê-marəse tə̂ njaa Lubba a gangə dɔse tə̂ tɔ. Nɛ̂n kə̂ unnje ɔjuje nɛ̂n nɛ̂n â dâ kunn kɔju nɛ̂n nɛ̂n karəse tɔ. 3Mba ddi bba mu kə̂ to kəm ngokɔin tə̂ â oo, a oo tɔkə kakə kə̂ to kəmi tə̂ ang wa? 4Wase â pa karə ngokɔin nan: ‹Arə mɔru mu kəmi tə̂›, a əi tɔkə kakə to kəmi tə̂ tokə baânn wa? 5Nje-ngəm, ɔru tɔkə kakə kə̂ to kəmi tə̂ dɔngɔr bba â koo lo kə majɛ̂ ta kɔru nɛ̂n mu kə̂ to kəm ngokɔin tə̂.
6«Arəje bisije nɛ̂n kə̂ dunda dang mba Lubba ang, mba dâ təlje kə dɔse tə̂ ta njarɛse. Ə-tilaje mərəje ləse nɔn bərəje tə̂ ang, mba dâ mbɔynje kə gɔlde.»
Dəw kə̂ duju nɛ̂n a, a kinga
7«Ə-dujuje nɛ̂n a, dâ karəse. Ə-sangəje nɛ̂n a, â kingaje. Undaje ta-kəy a, dâ kɔru karəse. 8Mba dəw kə̂ duju nɛ̂n a, inga. Dəw kə̂ sangə nɛ̂n a, inga. Ngaâ dəw unda ta-kəy a, dɔru darɛ̂. 9Nân horose tə̂ bbo ngonnɛ̂ duje mapa a, a karɛ̂ kɔr ər wa? 10Wase n̂-duje kanji a, li â nâ karɛ̂ wa? 11Bbo sese kə̂ məse maji ang ddəm nəənn ə-gərəje ta karə nɛ̂n kə̂ maji ngannse. A Bɔsese kə̂ darâ a karə nɛ̂n kə̂ maji njê kə̂ dujeje ang wa?
12«Nɛ̂n tɔyn kə̂ ə-ndikije karə dəwje ddaje kə se a, maji karə ə-ddaje kə de tɔ. Yeenn â to nɛ̂n kə̂ Ndu lə Mɔyijə kə makəturuje lə njê-kilaje mbər tar lə Lubba ndikije karə dəwje ddaje.»
Ta-ddəw kə̂ joo
13«Andəje kə ta-ddəw kə̂ ngaji, mba ta-ddəw kə̂ bo ngaâ tatə to ta-ddəw kə̂ aw kə ta yo tə̂. Dəwje nya aw andəje nɛ̂n. 14A ta-ddəw kə̂ ta kandə nɛ̂n bba ta kinga təbbə tatə ang, to njol njol baa. Dəwje kə̂ ingaje ta-ddəw le banyaje ang.»
Tar lə njê-kilaje mbər tar kə̂ tɔkɔrɔ ang
15«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje. 16Nɛ̂n kə̂ â gərəje nɛ̂n de â to kula-ddade. Dəw a kuja kandə nduu gərgəndə tə̂ ang ddəm kandə tungu kakə konn tə̂ ang ddəm. 17Kakə kə̂ maji, andə kandəje kə̂ maji, a kakə kə̂ tuju, andə kandəje kə̂ maji ang. 18Kakə kə̂ maji asə ta kandə kandə kə̂ maji ang ndɔ kâra ang. Ddəm kakə kə̂ tuju asə ta kandə kandə kə̂ maji ndɔ kâra ang. 19Kakə kə̂ andə kandə kə̂ maji ang a, dâ tuka kila purô. 20Yeenn a, â gərəje njê-kilaje mbər tar kə̂ tɔkɔrɔ ang le kə kula-ddade.»
Njê-njaje go Jeju tə̂ kə̂ tɔkɔrɔ
21«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki. 22Ndɔ gangə sariya a, dəwje nya a paje karəm nan: ‹Əbbə-dəwje! Əbbə-dəwje! Jila mbər tar ləi, n-tubba ndilje kə̂ maji ang ddəm n-dda nɛ̂n-mɔrije nya kə rii ang wa?› 23Yeenn le, mâ pa karəde nan: M-gərəse ndɔ kâra ang ta ɔtuje mbɔrəm tə̂ kə ddang. Awje ddəw əw səm, see njê-nɛ̂n-ddaje kə̂ maji ang.»
Gusu-tar dɔ kəyje tə̂ joo
24«Yeenn bba, bbo dəw kə̂ oo tarje tɔyn kə̂ m-pa nəənn ngaâ dda nɛ̂n kula a, to kâra baa kə nje-kəm-karɛ kə̂ dda kəy laa dɔ ər tə̂. 25Ndi ərə, maann siri taa lo tɔyn ngaâ ləl ula yəkə kəy le, a kəy le oso ang mba dungu gɔl kəy le dɔ ər tə̂. 26A dəw kə̂ oo tarje ləm kə̂ maw pa nəənn ngaâ dda nɛ̂n kula ang, to kâra baa kə mbə kə̂ dda kəy laa dɔ ənangara tə̂. 27Ndi ərə, maann siri taa lo tɔyn ngaâ ləl ula yəkə kəy le a, kəy le oso, guru njuku njuku.»
Jeju tɔju nɛ̂n tokə mbay-bbe
28 Jeju pa tarje nəənn le tɔyn tunga a, dɔ dəwje kə̂ banya kə̂ ooje tar le ayn. 29Mba n̂-tɔju nɛ̂n tokə njê-gərəje-Ndu lə Jiipije ang. N̂-tɔju nɛ̂n tokə mbay-bbe.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2020, ACOTBA