Bikambelo biki bikima 8
8
Bonyoko wʼekelesia
1Ko Saula aolimeza eomelo ekae. Ko bonyoko wʼonene mongo wʼekelesia boangaki nda Yelusalema mbilʼeko; ko iyʼauma, imola nko bikima, baofanzwa ndʼenanga bia Yudea la Samalia. 2Ko bamemyi ba Nzakomba baokunda Setefano, baololela lilelo mongo. 3Lolo Saula aofitʼekelesia lʼefitelo mongo, wete aolotswa nda tolombe touma, aobela lima toko lʼaende lʼamato ko aolakomba ndʼilombe ya njanga.
Filipo nda Samalia
4Ko iyʼafalangai baotuwana bokili wiji la wiji, baolongoza nsango ea Joi liko. 5Ko Filipo aokitela ndʼonangoʼomo wa Samalia, ko aolaka banto nsango ea Masiya. 6Ko bitukuluku baolokoza baoyi basangemaki la Filipo la isangano ya lokai, ekiʼyʼokaka bako ko ekiʼyʼenaka ntaza ikiʼndʼokelaka. 7Ele belimo bia linyamo beolola limʼele banto bauke, baobeleza la lofoso mongo; ko bauke baki la nkangi ea nkataana ko la betengu baoikyama. 8La ngoso bosalangano bofula o mpafula ndʼonangʼoko.
Simona owʼakunda
9Bontʼomo aki ndʼonangʼoko, lina likae Simona. Nda joso ende aokela belemo bia bakunda; ko aokamweya banto bʼonanga wa Samalia; aokela wae ende mongo ale bonto owa lokumo ja ka. 10Iyʼauma baolookozʼende lima banto ba nko loswele elaka nko o ba mpifo baokela, Bontʼone ale mpamba eko ea Nzakomba etangema Bonene. 11Baolookoza la ncina wete lima kalakala aolakamweya lʼakunda bakae. 12Lolonde akiʼyʼimezaka Filipo ekiʼndʼoongozaka bosako wʼolotsi wa likulaka ja Nzakomba ko la lina ja Yesu Masiya, iyo baolinama, Lʼaende lʼamato. 13Ko la Simona ngoko aolimeza, aolinama, ko aamanaki la Filipo bamba. Ko akiʼndʼenaka ntaza la belemo biʼenene bekelamaki, aokamwa.
Petelo la Yoane nda Samalia
14Aki bikima nda Yelusalema okaka wete Samalia aolamba Joi ja Nzakomba, baotomʼelʼiyo Petelo la Yoane. 15Akiʼyʼokitelakʼeko, baolaondela, wae bambe Bolimo wʼoeko. 16Ele atafokwa elʼomo okiyo, lolo nko baolinama nda lina ja Nkolo Yesu. 17Nkako baolafezʼiyo bakatʼakiyo, ko baolamba Bolimo wʼoeko. 18Aki Simona enaka wete Bolimo wʼoeko aokaema lʼafyelo ea bakata ba bikima, aolatumya bosolo, 19aolakela, Lonkaya o lʼemi mpifo ene, wete wenaka njafezʼonto bakata, ayambe Bolimo wʼoeko. 20Lolonde Petelo aolokela, Kela bosolo boke bofitane o la we bolongo, eki wʼokanelaka wete osombeya nganji ea Nzakomba. 21Wofa la Hondo la lisango nda Joi line nye, ele botema boke bofa ci nda joso ja Nzakomba. 22Ndʼewelʼeko bututala bokakatano bone, ko bonda Nkolo, ko nkina wifokusa otungwa lima lokai jʼotemʼoke. 23Ele njena wae ole nda likwala jʼololo la nda bonyolo wʼobe. 24Simona aolamba, aokela, Inyo mongo lombondele Nkolo, wae nko joi linkwele jʼaoyiʼako bakiʼnyʼoandaka.
25Akiʼyʼosangaka nsango ko baolaka Joi ja Nkolo, baoluta nda Yelusalema. Lolo baolongoza bosako wʼolotsi ndʼenanga beuke bia Samalia.
Filipo lʼowa Etiopia
26Nkako ekima ea Nkolo aotefeela Filipo, Emala ko kenda wiji wa sud nda mboka ekitela lima Yelusalema nda Aza. Wiji boko bole etekeleke. 27Ko aolemala aokenda. Ko bala bontʼomo owa Etiopia, owa eunuko, owa mpifo eka Kandake, roi eʼomoto ea Etiopia, wesanyi owʼaumba bakae, ende acwaki Yelusalema wae aonde Nzakomba eko. 28Ko ende aolutʼola, ko akokitase ndʼe-tombelo ekae, ko aandaki ndʼoteli Yesaya, 29Bolimo bokela Filipo, Tutama, kela oamane lʼetombelo eko. 30Ko Filipo aolikumwʼeko, ko aoloka wae aande Yesaya boteli. Aolokela, La wea ncina ea baoyiʼako baanda we? 31Ko ende aokela, La njea ngamo, efemʼoate bonto ondeneya ncina? Ko ayoonde Filipo wae akondele ndʼetombelo ko akitase lʼende. 32Itenela yʼekotelo ikiʼndʼoandaka iki ngone;
Aobelama ngole mpate ndʼeomelo;
Ko ngʼoyala bonʼowa mpate lokisi nda joso ja basaki ba nkunza ikae,
O ngoko ende ntaumbola bomwa bokae.
33Lʼesotselo ekande, baolofima etenelo ea likambo.
Bonto osanga lioci likae na?
Ele loiko lokae lotenama limʼokili.
34Ko eunuko aokela Filipo, Nkoonde wete: Boteli atefela ngone ndʼeloko ea na? Ndʼeloko ekae mongo, nkina ea bontʼonkina? 35Nkako Filipo aoumbolʼomwa bokae, ayoange limʼekotelo eko, aolosangela nsango ea Yesu. 36Nkʼakendʼiyo nda mboka, baokita ndʼasi banto; ko owʼeunuko aokela, Balaka basi: Joi linsuke wae mpiname na? [ 37Filipo aolokela, Nga olimeza lʼotemʼoke bouma, aonga ngoko. Ko ende aolamba, Njimeza wae Yesu Masiya ale Bonʼowa Nzakomba.] 38Ko aotoma wae etombelo esilame. Nkako baokitela, iyʼafe ndʼasi, wete Filipo ko lʼowa eunuko, ko aoloina. 39Akiʼyʼosafwaka limʼasi, Bolimo wa Nkolo botomba Filipo, ko eunuko ntutʼoena; lolo ende aokongʼokenda nda mboka ekande lʼosalangano. 40Lolonde Filipo aolenya nda Azoto. Ko atuwanʼende bise limʼeko aoiongoza bosako ndʼenanga beuma elaka nkʼaokita Kaisalia.
Atualmente selecionado:
Bikambelo biki bikima 8: LOL87
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Lomongo © Societe Biblique de la R.D. Congo 1987
Bikambelo biki bikima 8
8
Bonyoko wʼekelesia
1Ko Saula aolimeza eomelo ekae. Ko bonyoko wʼonene mongo wʼekelesia boangaki nda Yelusalema mbilʼeko; ko iyʼauma, imola nko bikima, baofanzwa ndʼenanga bia Yudea la Samalia. 2Ko bamemyi ba Nzakomba baokunda Setefano, baololela lilelo mongo. 3Lolo Saula aofitʼekelesia lʼefitelo mongo, wete aolotswa nda tolombe touma, aobela lima toko lʼaende lʼamato ko aolakomba ndʼilombe ya njanga.
Filipo nda Samalia
4Ko iyʼafalangai baotuwana bokili wiji la wiji, baolongoza nsango ea Joi liko. 5Ko Filipo aokitela ndʼonangoʼomo wa Samalia, ko aolaka banto nsango ea Masiya. 6Ko bitukuluku baolokoza baoyi basangemaki la Filipo la isangano ya lokai, ekiʼyʼokaka bako ko ekiʼyʼenaka ntaza ikiʼndʼokelaka. 7Ele belimo bia linyamo beolola limʼele banto bauke, baobeleza la lofoso mongo; ko bauke baki la nkangi ea nkataana ko la betengu baoikyama. 8La ngoso bosalangano bofula o mpafula ndʼonangʼoko.
Simona owʼakunda
9Bontʼomo aki ndʼonangʼoko, lina likae Simona. Nda joso ende aokela belemo bia bakunda; ko aokamweya banto bʼonanga wa Samalia; aokela wae ende mongo ale bonto owa lokumo ja ka. 10Iyʼauma baolookozʼende lima banto ba nko loswele elaka nko o ba mpifo baokela, Bontʼone ale mpamba eko ea Nzakomba etangema Bonene. 11Baolookoza la ncina wete lima kalakala aolakamweya lʼakunda bakae. 12Lolonde akiʼyʼimezaka Filipo ekiʼndʼoongozaka bosako wʼolotsi wa likulaka ja Nzakomba ko la lina ja Yesu Masiya, iyo baolinama, Lʼaende lʼamato. 13Ko la Simona ngoko aolimeza, aolinama, ko aamanaki la Filipo bamba. Ko akiʼndʼenaka ntaza la belemo biʼenene bekelamaki, aokamwa.
Petelo la Yoane nda Samalia
14Aki bikima nda Yelusalema okaka wete Samalia aolamba Joi ja Nzakomba, baotomʼelʼiyo Petelo la Yoane. 15Akiʼyʼokitelakʼeko, baolaondela, wae bambe Bolimo wʼoeko. 16Ele atafokwa elʼomo okiyo, lolo nko baolinama nda lina ja Nkolo Yesu. 17Nkako baolafezʼiyo bakatʼakiyo, ko baolamba Bolimo wʼoeko. 18Aki Simona enaka wete Bolimo wʼoeko aokaema lʼafyelo ea bakata ba bikima, aolatumya bosolo, 19aolakela, Lonkaya o lʼemi mpifo ene, wete wenaka njafezʼonto bakata, ayambe Bolimo wʼoeko. 20Lolonde Petelo aolokela, Kela bosolo boke bofitane o la we bolongo, eki wʼokanelaka wete osombeya nganji ea Nzakomba. 21Wofa la Hondo la lisango nda Joi line nye, ele botema boke bofa ci nda joso ja Nzakomba. 22Ndʼewelʼeko bututala bokakatano bone, ko bonda Nkolo, ko nkina wifokusa otungwa lima lokai jʼotemʼoke. 23Ele njena wae ole nda likwala jʼololo la nda bonyolo wʼobe. 24Simona aolamba, aokela, Inyo mongo lombondele Nkolo, wae nko joi linkwele jʼaoyiʼako bakiʼnyʼoandaka.
25Akiʼyʼosangaka nsango ko baolaka Joi ja Nkolo, baoluta nda Yelusalema. Lolo baolongoza bosako wʼolotsi ndʼenanga beuke bia Samalia.
Filipo lʼowa Etiopia
26Nkako ekima ea Nkolo aotefeela Filipo, Emala ko kenda wiji wa sud nda mboka ekitela lima Yelusalema nda Aza. Wiji boko bole etekeleke. 27Ko aolemala aokenda. Ko bala bontʼomo owa Etiopia, owa eunuko, owa mpifo eka Kandake, roi eʼomoto ea Etiopia, wesanyi owʼaumba bakae, ende acwaki Yelusalema wae aonde Nzakomba eko. 28Ko ende aolutʼola, ko akokitase ndʼe-tombelo ekae, ko aandaki ndʼoteli Yesaya, 29Bolimo bokela Filipo, Tutama, kela oamane lʼetombelo eko. 30Ko Filipo aolikumwʼeko, ko aoloka wae aande Yesaya boteli. Aolokela, La wea ncina ea baoyiʼako baanda we? 31Ko ende aokela, La njea ngamo, efemʼoate bonto ondeneya ncina? Ko ayoonde Filipo wae akondele ndʼetombelo ko akitase lʼende. 32Itenela yʼekotelo ikiʼndʼoandaka iki ngone;
Aobelama ngole mpate ndʼeomelo;
Ko ngʼoyala bonʼowa mpate lokisi nda joso ja basaki ba nkunza ikae,
O ngoko ende ntaumbola bomwa bokae.
33Lʼesotselo ekande, baolofima etenelo ea likambo.
Bonto osanga lioci likae na?
Ele loiko lokae lotenama limʼokili.
34Ko eunuko aokela Filipo, Nkoonde wete: Boteli atefela ngone ndʼeloko ea na? Ndʼeloko ekae mongo, nkina ea bontʼonkina? 35Nkako Filipo aoumbolʼomwa bokae, ayoange limʼekotelo eko, aolosangela nsango ea Yesu. 36Nkʼakendʼiyo nda mboka, baokita ndʼasi banto; ko owʼeunuko aokela, Balaka basi: Joi linsuke wae mpiname na? [ 37Filipo aolokela, Nga olimeza lʼotemʼoke bouma, aonga ngoko. Ko ende aolamba, Njimeza wae Yesu Masiya ale Bonʼowa Nzakomba.] 38Ko aotoma wae etombelo esilame. Nkako baokitela, iyʼafe ndʼasi, wete Filipo ko lʼowa eunuko, ko aoloina. 39Akiʼyʼosafwaka limʼasi, Bolimo wa Nkolo botomba Filipo, ko eunuko ntutʼoena; lolo ende aokongʼokenda nda mboka ekande lʼosalangano. 40Lolonde Filipo aolenya nda Azoto. Ko atuwanʼende bise limʼeko aoiongoza bosako ndʼenanga beuma elaka nkʼaokita Kaisalia.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Lomongo © Societe Biblique de la R.D. Congo 1987