Yoane 16
16
Ekendelo ea Yesu lʼeyelo ea Bokambisa
1Nsangelʼinyo baoyiʼane nyango lofokunumwela. 2Bifozʼinyo lima sunangonga, o nde ekeke eoya e endʼoomʼinyo ifokanela wae asaele Nzakomba. 3Bifokeelʼinyo baoyiʼane ndʼewela wae ntabea Fafa ko lʼemi. 4Lolo njosangelʼinyo baoyiʼane, wae wenaka bako baoliela, inyo lofwa bako, ngokiʼmʼo-sangelakʼinyo.
Ncisangelakʼinyo baoyiʼane limʼiango, ekiʼmi lʼinyo. 5Lolo aeyoko njocwʼelʼende ontomaki; ko nkʼomo okinyo onjuola, Ocwa nko? 6Lolo lokeseli lokama ndʼetemaʼekinyo, ekiʼmʼosangelakʼinyo baoyiʼane. 7Lolo nsangelʼinyo joi ja nsosolo; bolotsi elʼinyo wae nkende: ndʼewela wae nga mpokende, Bokambisa afaoyʼelʼinyo; lolo ayaka nkenda, njifotomʼende elʼinyo. 8Koko a endʼoya, ifolomola banto bʼokili ndʼewela ea bobe, ko Tea liongi, ko lʼea etenelo eʼakambo. 9Ndʼewela ea bobe, efʼiyʼonjimeza; 10ndʼewela ea liongi, elʼemi njocwʼele Fafa; ko lofonjene lenkina; 11ko ndʼewela ea etenelo eʼakambo ele bokulaka owʼokiliʼone aolu-mbama likambo.
12Nde la baoyiʼamo bauke wae nsangelʼinyo, lolo lofokuseyʼako aeyoko. 13Lolo a endʼoya, wae Bolimo wa Nsosolo, ende ifolongyʼinyo nda nsosolo euma: elʼende afaotefela limʼelʼende mongo, lolo ifotefela baoyi nko loswele ba endʼoka, ko ifosangelʼinyo baoyi bayoya. 14Ifonkumyʼemi; elʼende ifokola limʼaoyiʼakami, ko ifosangelʼinyo. 15Baoyiʼauma baata Fafa, bale bakami; ndʼewelʼeko njokela, Ifokola limʼaoyiʼakami ko ifosangelʼinyo.
Yesu aocingoza bakimi ekendelo ekae
16Nkʼililingi, ko lofaonjena, ko lenkina nkʼililingi, ko lifonjena. 17Ndʼewelʼeko bakimiʼamo bakande baotefelana, Ncina ea joi line litosangelʼende na? Nkʼililingi ko lofaonjena; ko lenkina nkʼililingi ko lifonjena; ko Ndʼewela wae njocwʼele Fafa? 18La ncinʼeko bakela, Joi line litefelʼende na? Nkʼililingi na? Tofea litefelʼende. 19Yesu aokotola wae balanga jouolʼende, ko aolakela, Loluwana nda ncina ea joi likiʼmʼotefelaka? Nkʼililingi, ko lofonjene; ko lenkina nkʼililingi ko lifonjena? 20Nsosolo, nsosolo, nsangelʼinyo, lifolela la mpisali, ko lifosaana, lolo bokili wifosalangana; inyo lifokesela, lolo lokeseli lokinyo lifofaningwa bosalangano. 21Wenaka bomoto aolonola lono, ale la lokeseli ele ekeke ekae eokita: lolo asizʼendʼootʼona, afutʼofwa elo ekiʼnde ndʼewela ea bosalangano eki bonto ootswaka ndʼokili. 22Ko aeyoko inyo lole la lokeseli: lolonde njifenʼinyo lenkina, ko betema bekinyo bifosalangana, ko nkʼonto ofonolʼinyo bosalangano bokinyo. 23Ko nda mbilʼeko lofaonjuola wuo bomoko nye. Nsosolo, nsosolo, nsangelʼinyo baoyi nko loswele ba inyʼuola Fafa, ifokayʼinyo bako nda lina likami. 24Elaka nkʼaeyoko lotafuola yomba nda lina likami; luolaka, ko lifamba, wae esaza ekinyo eyole to.
Lotelo ja Yesu ja baoyi basoya
25Njosangelʼinyo baoyiʼane la bisonganya; ekeke eoya efʼemʼotefela lenkina lʼinyo la bisonganya, lolo njifosangelʼinyo joi ja Fafa fole. 26Nda mbilʼeko lifuola nda lina likami, ko mposangelʼinyo wae nduole Fafa ndʼeloko ekinyo, 27ele Fafa mongo okʼinyo eefe ekʼinyʼonjokakʼemi eefe, ko limeza wae emi njaki limʼele Fafa. 28Njaki limʼele Fafa, ko njoya ndʼokili: lenkina njimanʼokili ko njocwa ele Fafa.
29Bakimiʼakae baokela, Bala, aeyoko otefela o fole mongo, ko ofotefela lʼesonganya nye. 30Aeyoko tolea wae we wea baoyiʼauma, ko nko ncina wae bonto akuola: la joi line timeza wae oyaki limʼele Nzakomba. 31Yesu aolaamba, Kamba aeyoko lolimeza? 32Bala ekeke eoya, o nde eokita aeyoko e inyʼofalangana, wengiʼonto ekaʼnde mongo, ko lifoncika nkʼeu mongo; lolonde mpoyale nkʼemi kika, ele Fafa ale lʼemi. 33Njosangelʼinyo baoyiʼane wae loate kuci elʼemi. Ndʼokili lole lʼelo: lolo losalangana; emi njolongʼokili.
Atualmente selecionado:
Yoane 16: LOL87
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Lomongo © Societe Biblique de la R.D. Congo 1987
Yoane 16
16
Ekendelo ea Yesu lʼeyelo ea Bokambisa
1Nsangelʼinyo baoyiʼane nyango lofokunumwela. 2Bifozʼinyo lima sunangonga, o nde ekeke eoya e endʼoomʼinyo ifokanela wae asaele Nzakomba. 3Bifokeelʼinyo baoyiʼane ndʼewela wae ntabea Fafa ko lʼemi. 4Lolo njosangelʼinyo baoyiʼane, wae wenaka bako baoliela, inyo lofwa bako, ngokiʼmʼo-sangelakʼinyo.
Ncisangelakʼinyo baoyiʼane limʼiango, ekiʼmi lʼinyo. 5Lolo aeyoko njocwʼelʼende ontomaki; ko nkʼomo okinyo onjuola, Ocwa nko? 6Lolo lokeseli lokama ndʼetemaʼekinyo, ekiʼmʼosangelakʼinyo baoyiʼane. 7Lolo nsangelʼinyo joi ja nsosolo; bolotsi elʼinyo wae nkende: ndʼewela wae nga mpokende, Bokambisa afaoyʼelʼinyo; lolo ayaka nkenda, njifotomʼende elʼinyo. 8Koko a endʼoya, ifolomola banto bʼokili ndʼewela ea bobe, ko Tea liongi, ko lʼea etenelo eʼakambo. 9Ndʼewela ea bobe, efʼiyʼonjimeza; 10ndʼewela ea liongi, elʼemi njocwʼele Fafa; ko lofonjene lenkina; 11ko ndʼewela ea etenelo eʼakambo ele bokulaka owʼokiliʼone aolu-mbama likambo.
12Nde la baoyiʼamo bauke wae nsangelʼinyo, lolo lofokuseyʼako aeyoko. 13Lolo a endʼoya, wae Bolimo wa Nsosolo, ende ifolongyʼinyo nda nsosolo euma: elʼende afaotefela limʼelʼende mongo, lolo ifotefela baoyi nko loswele ba endʼoka, ko ifosangelʼinyo baoyi bayoya. 14Ifonkumyʼemi; elʼende ifokola limʼaoyiʼakami, ko ifosangelʼinyo. 15Baoyiʼauma baata Fafa, bale bakami; ndʼewelʼeko njokela, Ifokola limʼaoyiʼakami ko ifosangelʼinyo.
Yesu aocingoza bakimi ekendelo ekae
16Nkʼililingi, ko lofaonjena, ko lenkina nkʼililingi, ko lifonjena. 17Ndʼewelʼeko bakimiʼamo bakande baotefelana, Ncina ea joi line litosangelʼende na? Nkʼililingi ko lofaonjena; ko lenkina nkʼililingi ko lifonjena; ko Ndʼewela wae njocwʼele Fafa? 18La ncinʼeko bakela, Joi line litefelʼende na? Nkʼililingi na? Tofea litefelʼende. 19Yesu aokotola wae balanga jouolʼende, ko aolakela, Loluwana nda ncina ea joi likiʼmʼotefelaka? Nkʼililingi, ko lofonjene; ko lenkina nkʼililingi ko lifonjena? 20Nsosolo, nsosolo, nsangelʼinyo, lifolela la mpisali, ko lifosaana, lolo bokili wifosalangana; inyo lifokesela, lolo lokeseli lokinyo lifofaningwa bosalangano. 21Wenaka bomoto aolonola lono, ale la lokeseli ele ekeke ekae eokita: lolo asizʼendʼootʼona, afutʼofwa elo ekiʼnde ndʼewela ea bosalangano eki bonto ootswaka ndʼokili. 22Ko aeyoko inyo lole la lokeseli: lolonde njifenʼinyo lenkina, ko betema bekinyo bifosalangana, ko nkʼonto ofonolʼinyo bosalangano bokinyo. 23Ko nda mbilʼeko lofaonjuola wuo bomoko nye. Nsosolo, nsosolo, nsangelʼinyo baoyi nko loswele ba inyʼuola Fafa, ifokayʼinyo bako nda lina likami. 24Elaka nkʼaeyoko lotafuola yomba nda lina likami; luolaka, ko lifamba, wae esaza ekinyo eyole to.
Lotelo ja Yesu ja baoyi basoya
25Njosangelʼinyo baoyiʼane la bisonganya; ekeke eoya efʼemʼotefela lenkina lʼinyo la bisonganya, lolo njifosangelʼinyo joi ja Fafa fole. 26Nda mbilʼeko lifuola nda lina likami, ko mposangelʼinyo wae nduole Fafa ndʼeloko ekinyo, 27ele Fafa mongo okʼinyo eefe ekʼinyʼonjokakʼemi eefe, ko limeza wae emi njaki limʼele Fafa. 28Njaki limʼele Fafa, ko njoya ndʼokili: lenkina njimanʼokili ko njocwa ele Fafa.
29Bakimiʼakae baokela, Bala, aeyoko otefela o fole mongo, ko ofotefela lʼesonganya nye. 30Aeyoko tolea wae we wea baoyiʼauma, ko nko ncina wae bonto akuola: la joi line timeza wae oyaki limʼele Nzakomba. 31Yesu aolaamba, Kamba aeyoko lolimeza? 32Bala ekeke eoya, o nde eokita aeyoko e inyʼofalangana, wengiʼonto ekaʼnde mongo, ko lifoncika nkʼeu mongo; lolonde mpoyale nkʼemi kika, ele Fafa ale lʼemi. 33Njosangelʼinyo baoyiʼane wae loate kuci elʼemi. Ndʼokili lole lʼelo: lolo losalangana; emi njolongʼokili.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Lomongo © Societe Biblique de la R.D. Congo 1987