Yoane 20
20
Eetswelo ea Yesu
(Mt 28.1-8; Mk 16.1-8; Lk 24.1-12)
1Nda mbile ea joso ea eyenga, la nkesa mongo, etafa wilima osila. Malia Mangandala aoya ndʼekundelo, ko aolena wae ekenje eolimolama limʼekundelo. 2Aolikumwa ko aoya ele Simona Petelo, ko lʼele bokimi omo, wae ende oki Yesu okaka eefe, ko aolakela, Baolimola Nkolo limʼekundelo, ko tofea itenela ikiʼyʼoambyakʼende. 3Nkako Petelo la bokimi oko baolemala ko baocwa ndʼekundelo; 4iyʼakʼafe baolikumwa bolongo, lolo bokimi omo aolekola Petelo la loangu ko aokita joso ndʼekundelo. 5Ko aosunama wae aale ndʼetei, ko aolena bito bia mbenza biambi; lolo ende ntotswa ndʼetei. 6Simona Petelo aoloiela ndʼafeka, ko aolotswa ndʼekundelo, ko aolena bito bia mbenza biambi, 7ko lʼitambala iki ndʼotsʼokae, ntikambi la bito bia mbenza lolo iombi ndʼitenela imo nkʼiko mongo. 8Nkako bokimi omo oyaki ndʼekundelo joso aolotswa, ko aolena ko aolimeza o njimeza. 9Ndʼekekʼeko batafea ekotelo ea Nzakomba wae ifoetswa limʼele bawei. 10Nkako bakimi baoluta lenkina ekʼiyo.
Yesu aolenya ele Malia Mangandala
(Mt 28.9-10; Mk 16.9-11)
11Lolo Malia akemi ndanza bʼekundelo ayolele. Alelʼende aosunama ko aala ndʼekundelo, 12ko aolena bikima bia loola bife balota bito bia fe, baokitase ndʼitenela iki ilaka ya Yesu okambi, oi nda wiji boki botsa, oi nda wiji boki bakaka. 13Ko baolokela, Bomoto, olela ncina na? Aolakela, Ekiʼyʼimolaka Nkolo ekami, ko mpea itenela ikiʼyʼoambyakʼende. 14Akiʼndʼotefelaka baoyiʼako, aokengwana, ko aolena Yesu akemi, lolo ntea wae ende ale Yesu. 15Yesu aolokela, Bomoto, olela ncina na? Ondasa we na? Malia aokanela wae ende ale bofongi owa lisala ko aolokela, Fafa, nkina wʼoimolakʼende limʼane, onsangele itenela iki wʼoambyaka, kela ndotombe. 16Yesu aolokela, Malia! Ko ende aokengwana, aolokela nda Loebele, Laboni, wae Bolaki. 17Yesu aolokela, Tonkitake; elʼemi ncifulela ele Fafaekami; neo ele bakune bakami, ko wʼasangele, Njulela ele Fafa ekami, la Ise ekinyo, ko ele Nzakomba ekami la Nzakomba ekinyo. 18Malia Mangandala aoyʼele bakimi, ko aolasangela, akela, Njolena Nkolo; ko aolasangela baoyi baki Yesu osangelakʼende.
Yesu aolenya ele Bikima
(Mt 28.16-20; Mk 16.14-18; Lk 24.36-49)
19Bokolo wa mbilʼeko, wae mbile ea joso ea eyenga, aki bikuke okombamaka ndʼilombe iki bakimi okotakai, ekiʼyʼoangaka Ba-Yuda, Yesu aoyʼemala ndʼetei ekiyo. Ko aolakela, Kuci elʼinyo. 20Akiʼndʼokelaka ngoso, aolaeneya bakata bakae la lofanje. Aki bakimi enaka Nkolo, baosalangana. 21Yesu aolasangela lenkina, Kuci elʼinyo: elengʼeki Fafa ontomakʼemi, emi ntomʼinyo ngoko. 22Akiʼndʼokelaka baoyiʼane, aolafufola loe, ko aolatefeela, Lamba Bolimo wʼoeko. 23Nga lotungwela bantʼamo baoyiʼobe, iyo baotungwa limʼako; ko nga lokatemeza bantʼamo baoyiʼobe, baoyiʼako baokatemelʼiyo.
Yesu la Toma
24Lolo Toma, omo owa bajom lʼafe, otangema Jasa, ntaki lʼiyo aki Yesu oyaka. 25Bakimiʼamo bosangelaki, Tosilʼena Nkolo. Lolo aolakela, Imola nko ndena bifoya bia nsete ndʼakataʼakande, ko ndilʼosaiʼokami nda bifoya bia nsete, ko ndila likata likami nda lofanje lokande, mpaimeza nye.
26Koko ndʼafeka ba bembile mwambi, bakimi baki lenkina ndʼilombe, ko Toma aki lʼiyo. Aki bikuke okombamaka, Yesu aoyʼemala ndʼetei ekiyo, akela, Kuci elʼinyo. 27Nkako aokela Toma, Tombʼosaiʼoke endo, ko bala bakata bakami: ko tomba likata like endo ko ila liko nda lofanje lokami; tikyake bikoli, lolo imeza o ndimeza. 28Toma aoloamba, Nkolo ekami! la Nzakomba ekami! 29Yesu aolokela, Kamba olimeza ekiʼwʼonjenaka? iyo batafonjena, lolonde baolimeza, bale lʼesaza.
30Yesu aokela bouke wa ntaza imo ndʼaiso ba bakimiʼakae, itakotama ndʼonkanda bone; 31lolo ntaza ine yokotama wete limeza wae Yesu ale Masiya, Bona owa Nzakomba, ko endimezʼinyo, loate loiko nda lina likande.
Atualmente selecionado:
Yoane 20: LOL87
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Lomongo © Societe Biblique de la R.D. Congo 1987
Yoane 20
20
Eetswelo ea Yesu
(Mt 28.1-8; Mk 16.1-8; Lk 24.1-12)
1Nda mbile ea joso ea eyenga, la nkesa mongo, etafa wilima osila. Malia Mangandala aoya ndʼekundelo, ko aolena wae ekenje eolimolama limʼekundelo. 2Aolikumwa ko aoya ele Simona Petelo, ko lʼele bokimi omo, wae ende oki Yesu okaka eefe, ko aolakela, Baolimola Nkolo limʼekundelo, ko tofea itenela ikiʼyʼoambyakʼende. 3Nkako Petelo la bokimi oko baolemala ko baocwa ndʼekundelo; 4iyʼakʼafe baolikumwa bolongo, lolo bokimi omo aolekola Petelo la loangu ko aokita joso ndʼekundelo. 5Ko aosunama wae aale ndʼetei, ko aolena bito bia mbenza biambi; lolo ende ntotswa ndʼetei. 6Simona Petelo aoloiela ndʼafeka, ko aolotswa ndʼekundelo, ko aolena bito bia mbenza biambi, 7ko lʼitambala iki ndʼotsʼokae, ntikambi la bito bia mbenza lolo iombi ndʼitenela imo nkʼiko mongo. 8Nkako bokimi omo oyaki ndʼekundelo joso aolotswa, ko aolena ko aolimeza o njimeza. 9Ndʼekekʼeko batafea ekotelo ea Nzakomba wae ifoetswa limʼele bawei. 10Nkako bakimi baoluta lenkina ekʼiyo.
Yesu aolenya ele Malia Mangandala
(Mt 28.9-10; Mk 16.9-11)
11Lolo Malia akemi ndanza bʼekundelo ayolele. Alelʼende aosunama ko aala ndʼekundelo, 12ko aolena bikima bia loola bife balota bito bia fe, baokitase ndʼitenela iki ilaka ya Yesu okambi, oi nda wiji boki botsa, oi nda wiji boki bakaka. 13Ko baolokela, Bomoto, olela ncina na? Aolakela, Ekiʼyʼimolaka Nkolo ekami, ko mpea itenela ikiʼyʼoambyakʼende. 14Akiʼndʼotefelaka baoyiʼako, aokengwana, ko aolena Yesu akemi, lolo ntea wae ende ale Yesu. 15Yesu aolokela, Bomoto, olela ncina na? Ondasa we na? Malia aokanela wae ende ale bofongi owa lisala ko aolokela, Fafa, nkina wʼoimolakʼende limʼane, onsangele itenela iki wʼoambyaka, kela ndotombe. 16Yesu aolokela, Malia! Ko ende aokengwana, aolokela nda Loebele, Laboni, wae Bolaki. 17Yesu aolokela, Tonkitake; elʼemi ncifulela ele Fafaekami; neo ele bakune bakami, ko wʼasangele, Njulela ele Fafa ekami, la Ise ekinyo, ko ele Nzakomba ekami la Nzakomba ekinyo. 18Malia Mangandala aoyʼele bakimi, ko aolasangela, akela, Njolena Nkolo; ko aolasangela baoyi baki Yesu osangelakʼende.
Yesu aolenya ele Bikima
(Mt 28.16-20; Mk 16.14-18; Lk 24.36-49)
19Bokolo wa mbilʼeko, wae mbile ea joso ea eyenga, aki bikuke okombamaka ndʼilombe iki bakimi okotakai, ekiʼyʼoangaka Ba-Yuda, Yesu aoyʼemala ndʼetei ekiyo. Ko aolakela, Kuci elʼinyo. 20Akiʼndʼokelaka ngoso, aolaeneya bakata bakae la lofanje. Aki bakimi enaka Nkolo, baosalangana. 21Yesu aolasangela lenkina, Kuci elʼinyo: elengʼeki Fafa ontomakʼemi, emi ntomʼinyo ngoko. 22Akiʼndʼokelaka baoyiʼane, aolafufola loe, ko aolatefeela, Lamba Bolimo wʼoeko. 23Nga lotungwela bantʼamo baoyiʼobe, iyo baotungwa limʼako; ko nga lokatemeza bantʼamo baoyiʼobe, baoyiʼako baokatemelʼiyo.
Yesu la Toma
24Lolo Toma, omo owa bajom lʼafe, otangema Jasa, ntaki lʼiyo aki Yesu oyaka. 25Bakimiʼamo bosangelaki, Tosilʼena Nkolo. Lolo aolakela, Imola nko ndena bifoya bia nsete ndʼakataʼakande, ko ndilʼosaiʼokami nda bifoya bia nsete, ko ndila likata likami nda lofanje lokande, mpaimeza nye.
26Koko ndʼafeka ba bembile mwambi, bakimi baki lenkina ndʼilombe, ko Toma aki lʼiyo. Aki bikuke okombamaka, Yesu aoyʼemala ndʼetei ekiyo, akela, Kuci elʼinyo. 27Nkako aokela Toma, Tombʼosaiʼoke endo, ko bala bakata bakami: ko tomba likata like endo ko ila liko nda lofanje lokami; tikyake bikoli, lolo imeza o ndimeza. 28Toma aoloamba, Nkolo ekami! la Nzakomba ekami! 29Yesu aolokela, Kamba olimeza ekiʼwʼonjenaka? iyo batafonjena, lolonde baolimeza, bale lʼesaza.
30Yesu aokela bouke wa ntaza imo ndʼaiso ba bakimiʼakae, itakotama ndʼonkanda bone; 31lolo ntaza ine yokotama wete limeza wae Yesu ale Masiya, Bona owa Nzakomba, ko endimezʼinyo, loate loiko nda lina likande.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
La Bible en Lomongo © Societe Biblique de la R.D. Congo 1987