MATIU 6
6
Chisɔsi‑a kanɛ chɛ, a si wai nyima chɛ ma
1Chisɔsi ɔ, “Ni wo ma‑a a sɔ‑a wo 'a Yataa fai manda n fɛ, wo ma a ma fanka ɔ den. Ni wo‑a chɛ ma, Fa Yataa, min mbe banda bu ɔ, a ee na‑a tɔnɔn kan kɔ kan be‑a wo ma.
2“Chɛ an‑na a fɔ, ni wo ma‑a wai nyima chɛ‑a yɔn tɔɛ n na, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a wai nyima chɛ‑a yɔn tɔɛ n na, Chu n 'na samun chɛ chenɛ n na, an mbe a ma wan, mɔ ɔ mɔ ni a ɔ yen, an mbe koe min chɛ tena. Ni an ma‑a wai nyima chɛ‑a an na dani n bɛɛ ma, an mbe a ma ka wan, min mbe a ma, mɔɛ n gbɛɛ ni an tando. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da. 3Chɛɛ a sin, ni i ma‑a wai nyima chɛ‑a yɔn tɔɛ n na, a ɔ nun, i ma a ma mɔ dɔ mende kan kɔ kan ni a ɔ sɔn. 4Chɛ ɛ a ma‑a wan, i 'a wai nyima ni ma nun dɔ koe a. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”
Chisɔsi‑a mɔɛ n kan, a si samunɛ chɛ ma
(Duku 11:2-4)
5Chisɔsi ɔ, “Ni wo toen mu wo ni samunɛ chɛ, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. A mu min na, an toen mu sɔ koe a, Chu n 'na samun chɛ chenɛ n na, a basan dani tɔnfɛ n na. An mbe chɛ ma, min mbe a ma, mɔ ɔ mɔ ni an yen samun chɛ‑a. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da. 6Chɛɛ a sin to, ni i ma‑a samunɛ chɛ‑a, don i 'a dumu ɔ, i ni a da a tɔn, mbɛ i‑a samunɛ chɛ Fa Yataa tena, e ee min yen. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.
7“A sin, ni wo ma‑a samunɛ chɛ‑a, wo ma yɛ bai dɔndɔ gbe ɔ si tena sɛsɛ, yɔ mɔɛ chɛ nu, miin ma Chu mɔ n na. Ɛ wan an yii ma, mbɛ Yataa ɛ an 'na samunɛ a min‑da wan, ni an‑na samun dɔ yansama chɛ. 8Chɛɛ wo ma ma, yɔ an mbe buɛ min dɔ. Koe min na mu, Fa Yataa‑a a ɔ sɔn fan, fenɛ miin sɔɛ ɛ wo a, pɛn wo e na to a ɔ tisa‑a. 9Ni wo toen mu wo ni samunɛ chɛ, wo‑a a fɔ, wo ɔ,
‘Fa Yataa, i wɛn mbe banda bu ɔ,
mɔ ɔ mɔ ni tando be i ma.
10A ɔ ma yansan to, i ni ma mansa a dunya chɛ gbɛɛ kun ma.
I faa ma koe, mɔ ɔ mɔ ni a ma dunya chɛ ɔ,
yɔ ɛ buɛ min dɔ banda bu ɔ.
11Nn kɔ nn daun fenɛ a tee chɛ a.
12I boo bɔ nn 'na ko yama n dɔ,
yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.
13I ma dɔn ko ɔ ko ni a ma, nn ni ko yama ma.
Chɛɛ i ni nn tanka Sitana ma, nyina yama.#6:13 Bai chɛ n fan saen mu a kun ma Matiu 'a gboo kɔma dɔ n dɔ. An bai chɛ n dɔ: I wan mu mansa a dunya chɛ gbɛɛ kun ma. Gbasaya gbɛɛ ɛ i wan boo a. A nyin mɔ gbu gbɛɛ, an ni i wan tando, an ni basɔmaya be i ma, kuɔ fɔ ko a. A ni ma ka.’ ”
14Chisɔsi ɔ, “Samunɛ ɛ chɛ ka wan, koe min na mu, ni wo‑a wo boo bɔ mɔɛ n 'na ko yama an dɔ, an‑na miin ma wo a, Fa Yataa wɛɛ, min mbe banda bu ɔ, ɛ a boo bɔ‑a wan wo 'a ko yama n dɔ. 15Chɛɛ ni wo ma wo boo bɔ ni mɔ dɔ mende n 'na ko yama ɔ, Fa Yataa wɛɛ, a ee a boo bɔ‑a wo 'a ko yama ɔ, wo‑a miin ma.”
Chisɔsi‑a mɔɛ n kan, a si sun bia ma
16Chisɔsi ɔ, “Ni wo‑a sunɛ bia, wo ma wo ya kɔɔɛ ma digbi digbi, yɔ mɔɛ chɛ n mbe a ma buɛ min dɔ, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a sunɛ bia‑a, an mbe a ɔ yian fan an ya kɔɔɛ ma mɔɛ n na, mbɛ an mbe ka ko gbɛɛ ma wa an dɔ bia tena. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da. 17Chɛɛ ni wo ma‑a sunɛ bia‑a tima ɔ tima, wo wo ya a ko, wo ni tu kunyɛ a diama sin wo kunɛ a, mbɛ wo‑a a ɔ bɔ fɛsi fɛsi. 18Chɛ ɛ a ma‑a wan, mɔ dɔ mende ee a ɔ sɔn, mbɛ wo e sunɛ ɔ wan. Chɛɛ Fa Yataa, mɔ ɔ mɔ ee min yen, ɛ a ɔ sɔn‑da wan. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”
Chisɔsi‑a kanɛ chɛ, a si nyanɛ ma
(Duku 12:33-34)
19Chisɔsi ɔ, “Wo ma wo 'a nyanɛ a sɔn nɛ dunya chɛ ɔ, chisi n mbe an yɔn kaina min, an mbe kasa‑a kaina. Wo ma a a sɔn kaina, kanka n mbe min te, mbɛ an‑na a kanka. 20Chɛɛ i 'a nyanɛ a sɔn banda bu ɔ, i wandi ko a. Nɔ tana, chisi n mbe ee an yɔn, n mbe ee baa, kasa ni an bia. A sin, kanka n bɛɛ ee nɔ te, an ni an kanka. 21Koe min na mu, i 'a nyanɛ ɛ ma‑a sa ɔ kaina, i faa ɛ ma‑a nɔ wan tima ɔ tima.”
Chisɔsi‑a kanɛ chɛ, a si dambo manɛ ma, mɔ gbu gboo ko a
(Duku 11:34-36)
22Chisɔsi ɔ, “Mɔ gbu ya ɛ wan yɔ dambo manɛ a gboo ko a. Ni mɔ ya a kaenɛ ma‑a gboden, a gboo gbɛɛ ɛ ma manɛ an dɔ. 23Chɛɛ ni a ya a pimbienɛ ma‑a, a gboo gbɛɛ ɛ ma pimbi an dɔ. Chɛ an‑na a fɔ, ni fenɛ min sin mu dambo a i gboo gbɛɛ ko a, ɛ pimbi ɔ, e pimbi min dɔ, a da a koo kaka.”
Chisɔsi‑a kanɛ chɛ, a si dunya chɛ ɔ faagbaa ma
(Duku 16:13; 12:22-31)
24Chisɔsi ɔ, “Mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.
25“Chɛ an‑na a fɔ, n mbe a fɔ tena wo ye, mbɛ wo ma wo gbɔsɔ wo da a daun fen ko a, a basan wo min yii a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii. Koe min na mu, mɔ gbu fɔɛ ma daun fenɛ dechee an na, a yɛ to, koa dechee an ma koe a mɔ gbu gboo ko a. 26Wo konde n yen bɛ, an mbe ee chin fen chin, n mbe ee baa, an ni a a sɛ bea a. Chɛɛ chɛ gbɛɛ ɔ, Fa Yataa, min mbe banda bu ɔ, ɛ an da kɔ wan. Wo nan gbu sin benden mu kaka konde n ma. 27Wo dɔndɔ wɛɛ, faa ni gbaa boo ɔ boo a 'a fɔɛ ko a, chɛ ee a ma tima kundu ɛnden bɛɛ ni sa a kun ma.
28“N ma chia yen ni a ɔ, koe min mbe a ma, wo faa ɛ gbaa chii koa koe a. Wo fia ɔ kɔn chɛ n yen bɛ, miin mbe fu, an mbe koa buɛ min dɔ. An mbe ee wai chɛ, an sin mbe ee koa nyan an fandi ko a. 29Chɛɛ n mbe a fɔ tena wo ye, mbɛ mansa Sɔɔmon#6:29 Tima min na Sɔɔmon ni mansa a, an ni mansa a, min nyanden ni a ni ben mansa tɔɛ n gbɛɛ ma dunya ɔ. nyanden ni wɛɛ boo ɔ boo, koa nii a ma min ni nyin a ni che kɔn fu chɛ n dɔ. 30Yataa an mbe kɔnɛ chɛ n ma chii, kɔnɛ min mu ɛ nɛ bi, mbɛ sinan a tɛ‑a, mbɛ wo‑a a minda. Ni ɛ ka wan, wo ma chii koe tana, a mu a ma gbɔsɔɛ an na. Wo 'a danaya ɔ dɔɔ gba.
31“Chɛ an‑na a fɔ, wo faa ma gbaa tima ɔ tima, wo ni bun a fɔ‑a, wo ɔ, wo e fen daun‑da, chɛ ma, wo e fen min‑da, chɛ ma, wo e fen chii‑a. 32A mu min na, wo Fa Yataa‑a a ɔ sɔn fan, mbɛ wo gbɔsɔen fan mu chɛ n gbɛɛ ko a. Mɔɛ miin ma Yataa sɔn, an fan faa ɛ gbaa tima ɔ tima fen chɛ n ko a. 33Chɛɛ wo e min ma, wo a ma wo ma gbɔsɔɛ a don koe a Yataa 'a mansaya kɔɔ, wo ni a faa ma koe ma. Ni wo‑a chɛ ma, ɛ to‑a wan nɔ, a ni fen chɛ n gbɛɛ be wo ma, miin ma gbɔsɔɛ ɛ wo ma. 34Chɛ an‑na a fɔ, wo faa ma gbaa sinan ko a. A mu min na, sinan faagbaa bɛnden mu sinan fan ko a. Bi yakɔɔtawa, a‑a a bɔ bi tee chɛ ko a.”
Atualmente selecionado:
MATIU 6: KONONT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
New Testament in Kono © The Bible Society of Sierra Leone, 2006.
MATIU 6
6
Chisɔsi‑a kanɛ chɛ, a si wai nyima chɛ ma
1Chisɔsi ɔ, “Ni wo ma‑a a sɔ‑a wo 'a Yataa fai manda n fɛ, wo ma a ma fanka ɔ den. Ni wo‑a chɛ ma, Fa Yataa, min mbe banda bu ɔ, a ee na‑a tɔnɔn kan kɔ kan be‑a wo ma.
2“Chɛ an‑na a fɔ, ni wo ma‑a wai nyima chɛ‑a yɔn tɔɛ n na, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a wai nyima chɛ‑a yɔn tɔɛ n na, Chu n 'na samun chɛ chenɛ n na, an mbe a ma wan, mɔ ɔ mɔ ni a ɔ yen, an mbe koe min chɛ tena. Ni an ma‑a wai nyima chɛ‑a an na dani n bɛɛ ma, an mbe a ma ka wan, min mbe a ma, mɔɛ n gbɛɛ ni an tando. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da. 3Chɛɛ a sin, ni i ma‑a wai nyima chɛ‑a yɔn tɔɛ n na, a ɔ nun, i ma a ma mɔ dɔ mende kan kɔ kan ni a ɔ sɔn. 4Chɛ ɛ a ma‑a wan, i 'a wai nyima ni ma nun dɔ koe a. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”
Chisɔsi‑a mɔɛ n kan, a si samunɛ chɛ ma
(Duku 11:2-4)
5Chisɔsi ɔ, “Ni wo toen mu wo ni samunɛ chɛ, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. A mu min na, an toen mu sɔ koe a, Chu n 'na samun chɛ chenɛ n na, a basan dani tɔnfɛ n na. An mbe chɛ ma, min mbe a ma, mɔ ɔ mɔ ni an yen samun chɛ‑a. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da. 6Chɛɛ a sin to, ni i ma‑a samunɛ chɛ‑a, don i 'a dumu ɔ, i ni a da a tɔn, mbɛ i‑a samunɛ chɛ Fa Yataa tena, e ee min yen. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.
7“A sin, ni wo ma‑a samunɛ chɛ‑a, wo ma yɛ bai dɔndɔ gbe ɔ si tena sɛsɛ, yɔ mɔɛ chɛ nu, miin ma Chu mɔ n na. Ɛ wan an yii ma, mbɛ Yataa ɛ an 'na samunɛ a min‑da wan, ni an‑na samun dɔ yansama chɛ. 8Chɛɛ wo ma ma, yɔ an mbe buɛ min dɔ. Koe min na mu, Fa Yataa‑a a ɔ sɔn fan, fenɛ miin sɔɛ ɛ wo a, pɛn wo e na to a ɔ tisa‑a. 9Ni wo toen mu wo ni samunɛ chɛ, wo‑a a fɔ, wo ɔ,
‘Fa Yataa, i wɛn mbe banda bu ɔ,
mɔ ɔ mɔ ni tando be i ma.
10A ɔ ma yansan to, i ni ma mansa a dunya chɛ gbɛɛ kun ma.
I faa ma koe, mɔ ɔ mɔ ni a ma dunya chɛ ɔ,
yɔ ɛ buɛ min dɔ banda bu ɔ.
11Nn kɔ nn daun fenɛ a tee chɛ a.
12I boo bɔ nn 'na ko yama n dɔ,
yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.
13I ma dɔn ko ɔ ko ni a ma, nn ni ko yama ma.
Chɛɛ i ni nn tanka Sitana ma, nyina yama.#6:13 Bai chɛ n fan saen mu a kun ma Matiu 'a gboo kɔma dɔ n dɔ. An bai chɛ n dɔ: I wan mu mansa a dunya chɛ gbɛɛ kun ma. Gbasaya gbɛɛ ɛ i wan boo a. A nyin mɔ gbu gbɛɛ, an ni i wan tando, an ni basɔmaya be i ma, kuɔ fɔ ko a. A ni ma ka.’ ”
14Chisɔsi ɔ, “Samunɛ ɛ chɛ ka wan, koe min na mu, ni wo‑a wo boo bɔ mɔɛ n 'na ko yama an dɔ, an‑na miin ma wo a, Fa Yataa wɛɛ, min mbe banda bu ɔ, ɛ a boo bɔ‑a wan wo 'a ko yama n dɔ. 15Chɛɛ ni wo ma wo boo bɔ ni mɔ dɔ mende n 'na ko yama ɔ, Fa Yataa wɛɛ, a ee a boo bɔ‑a wo 'a ko yama ɔ, wo‑a miin ma.”
Chisɔsi‑a mɔɛ n kan, a si sun bia ma
16Chisɔsi ɔ, “Ni wo‑a sunɛ bia, wo ma wo ya kɔɔɛ ma digbi digbi, yɔ mɔɛ chɛ n mbe a ma buɛ min dɔ, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a sunɛ bia‑a, an mbe a ɔ yian fan an ya kɔɔɛ ma mɔɛ n na, mbɛ an mbe ka ko gbɛɛ ma wa an dɔ bia tena. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da. 17Chɛɛ ni wo ma‑a sunɛ bia‑a tima ɔ tima, wo wo ya a ko, wo ni tu kunyɛ a diama sin wo kunɛ a, mbɛ wo‑a a ɔ bɔ fɛsi fɛsi. 18Chɛ ɛ a ma‑a wan, mɔ dɔ mende ee a ɔ sɔn, mbɛ wo e sunɛ ɔ wan. Chɛɛ Fa Yataa, mɔ ɔ mɔ ee min yen, ɛ a ɔ sɔn‑da wan. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”
Chisɔsi‑a kanɛ chɛ, a si nyanɛ ma
(Duku 12:33-34)
19Chisɔsi ɔ, “Wo ma wo 'a nyanɛ a sɔn nɛ dunya chɛ ɔ, chisi n mbe an yɔn kaina min, an mbe kasa‑a kaina. Wo ma a a sɔn kaina, kanka n mbe min te, mbɛ an‑na a kanka. 20Chɛɛ i 'a nyanɛ a sɔn banda bu ɔ, i wandi ko a. Nɔ tana, chisi n mbe ee an yɔn, n mbe ee baa, kasa ni an bia. A sin, kanka n bɛɛ ee nɔ te, an ni an kanka. 21Koe min na mu, i 'a nyanɛ ɛ ma‑a sa ɔ kaina, i faa ɛ ma‑a nɔ wan tima ɔ tima.”
Chisɔsi‑a kanɛ chɛ, a si dambo manɛ ma, mɔ gbu gboo ko a
(Duku 11:34-36)
22Chisɔsi ɔ, “Mɔ gbu ya ɛ wan yɔ dambo manɛ a gboo ko a. Ni mɔ ya a kaenɛ ma‑a gboden, a gboo gbɛɛ ɛ ma manɛ an dɔ. 23Chɛɛ ni a ya a pimbienɛ ma‑a, a gboo gbɛɛ ɛ ma pimbi an dɔ. Chɛ an‑na a fɔ, ni fenɛ min sin mu dambo a i gboo gbɛɛ ko a, ɛ pimbi ɔ, e pimbi min dɔ, a da a koo kaka.”
Chisɔsi‑a kanɛ chɛ, a si dunya chɛ ɔ faagbaa ma
(Duku 16:13; 12:22-31)
24Chisɔsi ɔ, “Mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.
25“Chɛ an‑na a fɔ, n mbe a fɔ tena wo ye, mbɛ wo ma wo gbɔsɔ wo da a daun fen ko a, a basan wo min yii a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii. Koe min na mu, mɔ gbu fɔɛ ma daun fenɛ dechee an na, a yɛ to, koa dechee an ma koe a mɔ gbu gboo ko a. 26Wo konde n yen bɛ, an mbe ee chin fen chin, n mbe ee baa, an ni a a sɛ bea a. Chɛɛ chɛ gbɛɛ ɔ, Fa Yataa, min mbe banda bu ɔ, ɛ an da kɔ wan. Wo nan gbu sin benden mu kaka konde n ma. 27Wo dɔndɔ wɛɛ, faa ni gbaa boo ɔ boo a 'a fɔɛ ko a, chɛ ee a ma tima kundu ɛnden bɛɛ ni sa a kun ma.
28“N ma chia yen ni a ɔ, koe min mbe a ma, wo faa ɛ gbaa chii koa koe a. Wo fia ɔ kɔn chɛ n yen bɛ, miin mbe fu, an mbe koa buɛ min dɔ. An mbe ee wai chɛ, an sin mbe ee koa nyan an fandi ko a. 29Chɛɛ n mbe a fɔ tena wo ye, mbɛ mansa Sɔɔmon#6:29 Tima min na Sɔɔmon ni mansa a, an ni mansa a, min nyanden ni a ni ben mansa tɔɛ n gbɛɛ ma dunya ɔ. nyanden ni wɛɛ boo ɔ boo, koa nii a ma min ni nyin a ni che kɔn fu chɛ n dɔ. 30Yataa an mbe kɔnɛ chɛ n ma chii, kɔnɛ min mu ɛ nɛ bi, mbɛ sinan a tɛ‑a, mbɛ wo‑a a minda. Ni ɛ ka wan, wo ma chii koe tana, a mu a ma gbɔsɔɛ an na. Wo 'a danaya ɔ dɔɔ gba.
31“Chɛ an‑na a fɔ, wo faa ma gbaa tima ɔ tima, wo ni bun a fɔ‑a, wo ɔ, wo e fen daun‑da, chɛ ma, wo e fen min‑da, chɛ ma, wo e fen chii‑a. 32A mu min na, wo Fa Yataa‑a a ɔ sɔn fan, mbɛ wo gbɔsɔen fan mu chɛ n gbɛɛ ko a. Mɔɛ miin ma Yataa sɔn, an fan faa ɛ gbaa tima ɔ tima fen chɛ n ko a. 33Chɛɛ wo e min ma, wo a ma wo ma gbɔsɔɛ a don koe a Yataa 'a mansaya kɔɔ, wo ni a faa ma koe ma. Ni wo‑a chɛ ma, ɛ to‑a wan nɔ, a ni fen chɛ n gbɛɛ be wo ma, miin ma gbɔsɔɛ ɛ wo ma. 34Chɛ an‑na a fɔ, wo faa ma gbaa sinan ko a. A mu min na, sinan faagbaa bɛnden mu sinan fan ko a. Bi yakɔɔtawa, a‑a a bɔ bi tee chɛ ko a.”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
New Testament in Kono © The Bible Society of Sierra Leone, 2006.