Luka 12
12
Makawandilɛ Kolandinuna Ko La
(Matiyu 10.26-27)
1 #
Matiyu 16.6; Maraka 8.15 Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la. 2#Maraka 4.22; Luka 8.17 Fan min dogonnɛ, wo si bɔ gbɛ ma. Gbundu-koe bɛɛ si na lɔn. 3Wo ara min fɔ pinpi rɔ, wo la si mɔɛn gbɛ rɔ. Wo ara wɛwɛ-kumɛ min bɛɛ fɔ wola kankannu kɔma, wo la si wanka ka bɔ bɔn kun tɛma.
Mɔgɔ Kana Kilan min Na
(Matiyu 10.28-31)
4“N diyana-mɔgɛnu, n bi a fɔla wo ye, minnu si fɛrɛ-bɔnkɛ kɛ faga dɔrɔn ka dan wo ma, wo kana kilan wonu na. 5Wo ni kilan min na, n si wo yira wo la. Wo ni kilan Allatala la bawo sɛnbɛ ye a bolo ka wo niyi bi, wo kɔma, a ni wo lakɛ nyahanama rɔ. Ɔnde, n bi tonyɛ le fɔla wo ye, wo ni kilan wo la!
6“Serelan loli ti san wodi-mɛlɛn fila la, wa? Kɔnɔ hali wo, kelen sa anu tɔ Alla nyinanɛ min ko. 7Hali wo kun-sigi dannɛ kelen-kelanyɛ ma Alla bolo. Woletɔ wo kana kilan. Wo tenbira serelan siyaman na!
Mɔgɔ Sɔn-Koe anubɛ a Ban-Koe Yisa la Mɔgɛnu Yala
(Matiyu 10.32-33; 12.32; 10.19-20)
8“N bi tonyɛ fɔla wo ye, min ba a sɔn a la gbɛ rɔ ko ntɛ le ale la, nde, Hadama-dan si wo nyɔgɔn ma ale fanan ye Allala melikanu yala. 9Kɔnɔ min ba a ban nde la gbɛ rɔ ko nta ma ale la, nde, Hadama-dan si n ban ale fanan na Allala melikanu yala.
10 #
Matiyu 12.32; Maraka 3.29 “Min ba kuma-yogomɛ fɔ nde, Hadama-dan ma, wo ma si koto. Kɔnɔ min ba kuma-yogomɛ fɔ Allata Ni-Sɛnimɛ ma, wo ma ti koto mumɛ!
11“Anu ba ta wo la Yahudiya-dina-bɔnnu na tumɛ min ka wo niyi ragbɛrɛn, ni wo ma, kun-tiginu yakɔrɔ, ni wo fanan ma, mansɛ yakɔrɔ, wo si wo nyɛrɛ fɛka nya min wo, wo si min fɔ wo, wo kana hɔn wonu na. 12#Matiyu 10.19-20; Maraka 13.11; Luka 21.14-15 Bawo a bɛnta, wo ni min fɔ wati kelan wo rɔ, Allata Ni-Sɛnimɛ si wo karan wo la.”
Bana Kun-Takolɔnta Tili
13Mɔgɛ do ya a fɔ a ye nyama tɛma ko, “Karan-mɔgɔ, a fɔ n na-kelen-nyɔgɛ ye ko ma fa ya nɔnfuli min to ma bolo, a ni wo fara ka ntɛ di n ma.”
14Yisa ya a fɔ a ye ko, “N bɔ, yon ya wo sɛnbɛ di n ma ko n ni ma kiti-tɛgɛlɛ anubɛ fen-faralɛ la wo filɛ tɛma?” 15Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”
16Wo kɔma, Yisa ya tili kɛ tɛgɛ anu ye ko, “Dugu-lamonɛ taranta nɔnfulu-tigi do bolo minna ki-fannu sabatinɛ bɛrɛkɛ! 17A wulita a mirila a nyɛrɛ ma ko, ‘Dinkira sa n bolo n si nna ki-fan bɛɛ lamara kan min. N si nfen ma?’ 18A ya a fɔ a nyɛrɛ ye ko, ‘N si min ma, wo le kɛ la. N si nna fen-namara-bɔnnu wayan ka a kinama-wɛnu sɔ. N si nna fui-fan anubɛ nna bolo-fen-toe bɛɛ mara nyɔ rɔ. 19Wo kɔma, n si a fɔ n nyɛrɛ ye ko, “Nde harayɛgɛ-tigi, n mako ye fen-nyimɛ min bɛɛ la san siyaman kɔrɔ, n bara wo bɛɛ sɔrɔn. N ni n sigi n fanbolo fen dɔn tinɛ ka n min gbɛɛtorenu fɛ ka n nyɛrɛ lasewa!” ’ 20Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”
21Yisa ko, “Min bɛɛ ye nɔnfuli ladɛnna anu nyɛrɛ ye, a ye wo nya na le wonu ye fanan. Kɔnɔ nɔnfulu-tigi ma anu na Alla yala.”
I Yigi-To-Koe Alla Rɔ
(Matiyu 6.25-34)
22Wo kɔma, Yisa ya a fɔ ala karan-dannu ye ko, “N ya a fɔ wo ye ko wo makoe ye fan min bɛɛ la, a mara dɔn-fen la wo, a mara fɛrɛya-bɔ la wo, wo kana hɔn wonuna ko la. 23Niyi ma tenbi dɔn-fan la, wa? Fɛrɛ-bɔnkɛ ma tenbi fɛrɛya-bɔɛ la, wa? 24Wo ni mansa-wala-konanu mafɛlɛn. Anu ti sugi fui. Anu ti a tɛgɛ. Anu ti a kɛ fen-namara tinɛnu tɔ, ni wo ma, birɛ la. Kɔnɔ Alla ye anu dama kandanna! Wole don? Wo ma tenbi konanu na, wa? 25Yon bi wo tɛma min si hɔn ha a ni san do sa a nyɛrɛ siyi kuma? 26Ni wo ti ke ko-nyantarani wonu mala, nfenna wo haminyanɛ fan-toe bɛɛla ko la? 27#1 Mansɛnu 10.4-7; 2 Ko-Kɔrɔta-Karan 9.3-6 Wo ni kɔn-ferenu sabati-nya mafɛlɛn. Anu sa wɔlila ka anu nyɛrɛ fɛrɛya bɔ. Kɔnɔ n bi a fɔla wo ye, hali Mansa Silamɛni min bananyara nun, a makiri-nya ma ke kɔn-fere kɛ kelen tɔ. 28Binyɛ don? A ye tola wati-ni dɔrɔn, wo kɔma tɛ ni a mintan. Alla min bi binyɛ wo fɛrɛya bɔla, a ti wole fanan fɛrɛya bɔ wo nya na, wa? Wola dɛnkɛninyɛ dɔgɔ de!
29“Nba, wo kana hɔn ka a fɔ ko i si dɔn-fan anubɛ minni-fan sɔrɔn mintɔ? 30Hali Alla-lɔnbɛlɛnu bi nyinina fan kɛnu ma tuma-wo-tuma kɔnɔ wo Fa Alla ya a lɔn ko wo makoe ye fan kɛ bɛɛ la. 31Min fisa, wo ni Allala mansayɛ fɔlɔn nyini. Wo kɔma, ale ni na to fan kɛ bɛɛ dila wo ma.
Arinyɛni Nɔnfulu-Tigiyɛ
(Matiyu 6.19-21)
32“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma. 33Wo ni wo bolo-fan bɛɛ mayira ka wodi wo di bolo-kolɔnnu ma. Wo ni wodi-bɔrɛnu kara wo nyɛrɛ ye wo si wola wodinu namara minnu tɔ Arinyɛni tɔ. Woe sa anu ma. Fen ti bɔ wola wodinu na. Kankan ti ke a kankanna nyɔ. Kisinu ti a dɔn nyɔ, 34ado mɔgɔla nɔnfuli ye kan min, a hɛnkili ye nyɔ tuma-wo-tuma.
Wɔli-Kɛla-Rabɛnnɛnu
35 #
Matiyu 25.1-13
“Koe minnu bi nala mala, wo ni wo rabɛn wo bɛɛla ko la. Wo ni wo mabɛn! Wola lɛnpunu-malannɛ ni to 36#Maraka 13.34-36 iko wɔli-kɛlɛ minnu bi anu tigi makɔnɔna ka bɔ kɔnyɔ-masɔ-ladiyɛ rɔ. A wa na tumɛ min ka bonda-dɛ matugu, anu si a laka a ye tiriya! 37Wɔli-kɛlɛ minnu tigi si anu taran, anu tabɛnnɛ, anu bi anu ya la, a si sewa anu na! Wo ni wo hɛnkili to kɛ ko! A si anu nasigi ka a nyɛrɛ mabɛn wɔli-kɛ-koe la anu ye. 38Hali a ma na ha suyi tɛma, ni wo ma, banda-ka-dɛ ma, ni a ya anu tabɛnnɛ taran, a si sewa wonu na. 39Wo ni wo hɛnkili to kɛ ko! Ni bon-tigi ya kankan na-wati lɔn ala bɔn la, a ti sɔn kankan ni ala bɔn tinya ka don. 40#Matiyu 24.43-44 Wo fanan tabɛnnɛ ni taran wo nya na le bawo wo hɛnkili sa nde, Hadama-dan na-koe ma tumɛ min, n bi nala tumɛ wo le tɔ, yɔ!”
Wɔli-Kɛla-Latelennɛ anubɛ Wɔli-Kɛla-Telenbɛlɛ
(Matiyu 24.45-51)
41Pita ko, “Mari, i ye tili kɛ fɔla male ye, ka, i ye a fɔla mɔgɛ bɛɛ le ye?”
42Mari ya a yabi ko, “Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi si a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ. 43Bon-tigi wa sɛgi a warɛ tumɛ min, ni a ya ala wɔli-kɛlɛ taran wɔlila, a si sewa wɔli-kɛlɛ wo la. 44Wo ni wo hɛnkili to kɛ ko! Wɔli-kɛlɛ wo tigi si a sigi a bolo-fan-bɛɛ kun na. 45Kɔnɔ ni wɔli-kɛlɛ ya a fɔ a nyɛrɛ ma ko, ‘N tigi sa nala fɔlɔn,’ wo kɔma, a ni wuli wɔli-kɛla-keimɛ anubɛ a musumɛnu gbesila ka fen dɔn ka a min koikoi ha a hɛnkili ni tinya. 46Nba, wɔli-kɛlɛ wo tigi si na wulɔn tele le ma, yɔ, ado a hɛnkili sa tele wo ko, a ma a na-wati lɔn mumɛ! A tigi si a ratɛgɛtɛgɛ ka anubɛ lanayabɛlɛnu don kan-tina-kelen.
47“Wɔli-kɛlɛ min ya a tigi diyana-koe lɔn bɛrɛkɛ, ado a ma a nyɛrɛ rabɛn ka wo ma, wo si gbeseli-belebele sɔrɔn. 48Kɔnɔ wɔli-kɛlɛ min ma a tigi diyana-koe lɔn, ni wo ya koe do ma, a si gbeseli sɔrɔn minna ko la, a ti gbeseli siyaman sɔrɔn. Fen siyamɛ dinɛ minnu ma, fen siyaman ma si kele wonu bolo. Fen-siyaman-wɛ dinɛ minnu ma, a siyaman-wɛ ma si kele wonu bolo.
Dan-Nafaralɛ le Yisa La
(Matiyu 10.34-36)
49“N nara ka tɛ tugu duninya kɛ rɔ, ado ni n ya tɛ-tugunɛ taran nun, wo si diya n ye nun! 50#Maraka 10.38 N bi nala ko-gbɛlɛmɛ do sɔrɔnna. Fɔ n ba dumɛ siyaman sɔrɔn yanni a ni to banna. 51Wo yili ye a ma ko n nara yisi-kimɛ la duninya rɔ, wa? N bi tonyɛ fɔla wo ye, yisi-kimɛ ti na fɔ dan-nafarɛ. 52Ka a dabira bi ma, ni mɔgɔ loli le taranta bon kelan la, dan-nafarɛ si na anu tɛma ndela ko la, sawɛ si taran filɛ kan ma, filɛ si taran sawɛ kan ma. 53#Maika 7.6 Den-keinubɛ anu fanu si taran anu nyɔgɛnu kan ma. Dunmusinubɛ anu nanu si taran anu nyɔgɛnu kan ma. Mama-musunɛnubɛ anu mamanu si taran anu nyɔgɛnu kan ma.”
Watinu Lɔn-Koe
(Matiyu 16.2-3)
54Yisa ya a fɔ anu ye fanan ko, “Wo wa banda-finyɛ yen wulila tele-yigi-wara la tumɛ min, wo si a fɔ kelenna ko, ‘Bandɛ ye nala bi,’ ado wo si na. 55Wo wa fɔnyɔ yen bɔla dugula wara la tumɛ min, wo ko, ‘Wusi ye nala bi,’ ado wo si na. 56Wole kolandinu! Wo wa dugu-kole anubɛ san-kole mafɛlɛn, wo si ke a lɔnna tele wo si ma nya min kɔnɔ nfenna wo ti ke wati kɛ kɔrɛ faranfasila?
Kɛlɛ-Ban-Koe Wobɛ I Kɛlɛ-Nyɔgɛ Tɛma
(Matiyu 5.25-26)
57“Nfenna wo ti kiti-latelennɛ tɛgɛ wo nyɔgɔn tɛma? 58Ni wobɛ mɔgɔ kumara, a ni ta i la kiti-tɛgɛ-bɔn la. Wo tamatoe, i raya ka koe wo ban wo tɛma, woletɔ a ti ta i la nyɔ rɔ. Ni wo ma, kiti-tɛgɛlɛ si i don i maralɛ bolo. Wo fanan si i sa yele la. 59N bi tonyɛ fɔla i ye, i ti bɔ nyɔ ni! Fɔ i ni yili wo bɛɛ sara feu!”
Atualmente selecionado:
Luka 12: KCLB
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Kuranko Common Language Bible © The Bible Society in Sierra Leone, 2006.
Luka 12
12
Makawandilɛ Kolandinuna Ko La
(Matiyu 10.26-27)
1 #
Matiyu 16.6; Maraka 8.15 Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la. 2#Maraka 4.22; Luka 8.17 Fan min dogonnɛ, wo si bɔ gbɛ ma. Gbundu-koe bɛɛ si na lɔn. 3Wo ara min fɔ pinpi rɔ, wo la si mɔɛn gbɛ rɔ. Wo ara wɛwɛ-kumɛ min bɛɛ fɔ wola kankannu kɔma, wo la si wanka ka bɔ bɔn kun tɛma.
Mɔgɔ Kana Kilan min Na
(Matiyu 10.28-31)
4“N diyana-mɔgɛnu, n bi a fɔla wo ye, minnu si fɛrɛ-bɔnkɛ kɛ faga dɔrɔn ka dan wo ma, wo kana kilan wonu na. 5Wo ni kilan min na, n si wo yira wo la. Wo ni kilan Allatala la bawo sɛnbɛ ye a bolo ka wo niyi bi, wo kɔma, a ni wo lakɛ nyahanama rɔ. Ɔnde, n bi tonyɛ le fɔla wo ye, wo ni kilan wo la!
6“Serelan loli ti san wodi-mɛlɛn fila la, wa? Kɔnɔ hali wo, kelen sa anu tɔ Alla nyinanɛ min ko. 7Hali wo kun-sigi dannɛ kelen-kelanyɛ ma Alla bolo. Woletɔ wo kana kilan. Wo tenbira serelan siyaman na!
Mɔgɔ Sɔn-Koe anubɛ a Ban-Koe Yisa la Mɔgɛnu Yala
(Matiyu 10.32-33; 12.32; 10.19-20)
8“N bi tonyɛ fɔla wo ye, min ba a sɔn a la gbɛ rɔ ko ntɛ le ale la, nde, Hadama-dan si wo nyɔgɔn ma ale fanan ye Allala melikanu yala. 9Kɔnɔ min ba a ban nde la gbɛ rɔ ko nta ma ale la, nde, Hadama-dan si n ban ale fanan na Allala melikanu yala.
10 #
Matiyu 12.32; Maraka 3.29 “Min ba kuma-yogomɛ fɔ nde, Hadama-dan ma, wo ma si koto. Kɔnɔ min ba kuma-yogomɛ fɔ Allata Ni-Sɛnimɛ ma, wo ma ti koto mumɛ!
11“Anu ba ta wo la Yahudiya-dina-bɔnnu na tumɛ min ka wo niyi ragbɛrɛn, ni wo ma, kun-tiginu yakɔrɔ, ni wo fanan ma, mansɛ yakɔrɔ, wo si wo nyɛrɛ fɛka nya min wo, wo si min fɔ wo, wo kana hɔn wonu na. 12#Matiyu 10.19-20; Maraka 13.11; Luka 21.14-15 Bawo a bɛnta, wo ni min fɔ wati kelan wo rɔ, Allata Ni-Sɛnimɛ si wo karan wo la.”
Bana Kun-Takolɔnta Tili
13Mɔgɛ do ya a fɔ a ye nyama tɛma ko, “Karan-mɔgɔ, a fɔ n na-kelen-nyɔgɛ ye ko ma fa ya nɔnfuli min to ma bolo, a ni wo fara ka ntɛ di n ma.”
14Yisa ya a fɔ a ye ko, “N bɔ, yon ya wo sɛnbɛ di n ma ko n ni ma kiti-tɛgɛlɛ anubɛ fen-faralɛ la wo filɛ tɛma?” 15Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”
16Wo kɔma, Yisa ya tili kɛ tɛgɛ anu ye ko, “Dugu-lamonɛ taranta nɔnfulu-tigi do bolo minna ki-fannu sabatinɛ bɛrɛkɛ! 17A wulita a mirila a nyɛrɛ ma ko, ‘Dinkira sa n bolo n si nna ki-fan bɛɛ lamara kan min. N si nfen ma?’ 18A ya a fɔ a nyɛrɛ ye ko, ‘N si min ma, wo le kɛ la. N si nna fen-namara-bɔnnu wayan ka a kinama-wɛnu sɔ. N si nna fui-fan anubɛ nna bolo-fen-toe bɛɛ mara nyɔ rɔ. 19Wo kɔma, n si a fɔ n nyɛrɛ ye ko, “Nde harayɛgɛ-tigi, n mako ye fen-nyimɛ min bɛɛ la san siyaman kɔrɔ, n bara wo bɛɛ sɔrɔn. N ni n sigi n fanbolo fen dɔn tinɛ ka n min gbɛɛtorenu fɛ ka n nyɛrɛ lasewa!” ’ 20Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”
21Yisa ko, “Min bɛɛ ye nɔnfuli ladɛnna anu nyɛrɛ ye, a ye wo nya na le wonu ye fanan. Kɔnɔ nɔnfulu-tigi ma anu na Alla yala.”
I Yigi-To-Koe Alla Rɔ
(Matiyu 6.25-34)
22Wo kɔma, Yisa ya a fɔ ala karan-dannu ye ko, “N ya a fɔ wo ye ko wo makoe ye fan min bɛɛ la, a mara dɔn-fen la wo, a mara fɛrɛya-bɔ la wo, wo kana hɔn wonuna ko la. 23Niyi ma tenbi dɔn-fan la, wa? Fɛrɛ-bɔnkɛ ma tenbi fɛrɛya-bɔɛ la, wa? 24Wo ni mansa-wala-konanu mafɛlɛn. Anu ti sugi fui. Anu ti a tɛgɛ. Anu ti a kɛ fen-namara tinɛnu tɔ, ni wo ma, birɛ la. Kɔnɔ Alla ye anu dama kandanna! Wole don? Wo ma tenbi konanu na, wa? 25Yon bi wo tɛma min si hɔn ha a ni san do sa a nyɛrɛ siyi kuma? 26Ni wo ti ke ko-nyantarani wonu mala, nfenna wo haminyanɛ fan-toe bɛɛla ko la? 27#1 Mansɛnu 10.4-7; 2 Ko-Kɔrɔta-Karan 9.3-6 Wo ni kɔn-ferenu sabati-nya mafɛlɛn. Anu sa wɔlila ka anu nyɛrɛ fɛrɛya bɔ. Kɔnɔ n bi a fɔla wo ye, hali Mansa Silamɛni min bananyara nun, a makiri-nya ma ke kɔn-fere kɛ kelen tɔ. 28Binyɛ don? A ye tola wati-ni dɔrɔn, wo kɔma tɛ ni a mintan. Alla min bi binyɛ wo fɛrɛya bɔla, a ti wole fanan fɛrɛya bɔ wo nya na, wa? Wola dɛnkɛninyɛ dɔgɔ de!
29“Nba, wo kana hɔn ka a fɔ ko i si dɔn-fan anubɛ minni-fan sɔrɔn mintɔ? 30Hali Alla-lɔnbɛlɛnu bi nyinina fan kɛnu ma tuma-wo-tuma kɔnɔ wo Fa Alla ya a lɔn ko wo makoe ye fan kɛ bɛɛ la. 31Min fisa, wo ni Allala mansayɛ fɔlɔn nyini. Wo kɔma, ale ni na to fan kɛ bɛɛ dila wo ma.
Arinyɛni Nɔnfulu-Tigiyɛ
(Matiyu 6.19-21)
32“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma. 33Wo ni wo bolo-fan bɛɛ mayira ka wodi wo di bolo-kolɔnnu ma. Wo ni wodi-bɔrɛnu kara wo nyɛrɛ ye wo si wola wodinu namara minnu tɔ Arinyɛni tɔ. Woe sa anu ma. Fen ti bɔ wola wodinu na. Kankan ti ke a kankanna nyɔ. Kisinu ti a dɔn nyɔ, 34ado mɔgɔla nɔnfuli ye kan min, a hɛnkili ye nyɔ tuma-wo-tuma.
Wɔli-Kɛla-Rabɛnnɛnu
35 #
Matiyu 25.1-13
“Koe minnu bi nala mala, wo ni wo rabɛn wo bɛɛla ko la. Wo ni wo mabɛn! Wola lɛnpunu-malannɛ ni to 36#Maraka 13.34-36 iko wɔli-kɛlɛ minnu bi anu tigi makɔnɔna ka bɔ kɔnyɔ-masɔ-ladiyɛ rɔ. A wa na tumɛ min ka bonda-dɛ matugu, anu si a laka a ye tiriya! 37Wɔli-kɛlɛ minnu tigi si anu taran, anu tabɛnnɛ, anu bi anu ya la, a si sewa anu na! Wo ni wo hɛnkili to kɛ ko! A si anu nasigi ka a nyɛrɛ mabɛn wɔli-kɛ-koe la anu ye. 38Hali a ma na ha suyi tɛma, ni wo ma, banda-ka-dɛ ma, ni a ya anu tabɛnnɛ taran, a si sewa wonu na. 39Wo ni wo hɛnkili to kɛ ko! Ni bon-tigi ya kankan na-wati lɔn ala bɔn la, a ti sɔn kankan ni ala bɔn tinya ka don. 40#Matiyu 24.43-44 Wo fanan tabɛnnɛ ni taran wo nya na le bawo wo hɛnkili sa nde, Hadama-dan na-koe ma tumɛ min, n bi nala tumɛ wo le tɔ, yɔ!”
Wɔli-Kɛla-Latelennɛ anubɛ Wɔli-Kɛla-Telenbɛlɛ
(Matiyu 24.45-51)
41Pita ko, “Mari, i ye tili kɛ fɔla male ye, ka, i ye a fɔla mɔgɛ bɛɛ le ye?”
42Mari ya a yabi ko, “Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi si a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ. 43Bon-tigi wa sɛgi a warɛ tumɛ min, ni a ya ala wɔli-kɛlɛ taran wɔlila, a si sewa wɔli-kɛlɛ wo la. 44Wo ni wo hɛnkili to kɛ ko! Wɔli-kɛlɛ wo tigi si a sigi a bolo-fan-bɛɛ kun na. 45Kɔnɔ ni wɔli-kɛlɛ ya a fɔ a nyɛrɛ ma ko, ‘N tigi sa nala fɔlɔn,’ wo kɔma, a ni wuli wɔli-kɛla-keimɛ anubɛ a musumɛnu gbesila ka fen dɔn ka a min koikoi ha a hɛnkili ni tinya. 46Nba, wɔli-kɛlɛ wo tigi si na wulɔn tele le ma, yɔ, ado a hɛnkili sa tele wo ko, a ma a na-wati lɔn mumɛ! A tigi si a ratɛgɛtɛgɛ ka anubɛ lanayabɛlɛnu don kan-tina-kelen.
47“Wɔli-kɛlɛ min ya a tigi diyana-koe lɔn bɛrɛkɛ, ado a ma a nyɛrɛ rabɛn ka wo ma, wo si gbeseli-belebele sɔrɔn. 48Kɔnɔ wɔli-kɛlɛ min ma a tigi diyana-koe lɔn, ni wo ya koe do ma, a si gbeseli sɔrɔn minna ko la, a ti gbeseli siyaman sɔrɔn. Fen siyamɛ dinɛ minnu ma, fen siyaman ma si kele wonu bolo. Fen-siyaman-wɛ dinɛ minnu ma, a siyaman-wɛ ma si kele wonu bolo.
Dan-Nafaralɛ le Yisa La
(Matiyu 10.34-36)
49“N nara ka tɛ tugu duninya kɛ rɔ, ado ni n ya tɛ-tugunɛ taran nun, wo si diya n ye nun! 50#Maraka 10.38 N bi nala ko-gbɛlɛmɛ do sɔrɔnna. Fɔ n ba dumɛ siyaman sɔrɔn yanni a ni to banna. 51Wo yili ye a ma ko n nara yisi-kimɛ la duninya rɔ, wa? N bi tonyɛ fɔla wo ye, yisi-kimɛ ti na fɔ dan-nafarɛ. 52Ka a dabira bi ma, ni mɔgɔ loli le taranta bon kelan la, dan-nafarɛ si na anu tɛma ndela ko la, sawɛ si taran filɛ kan ma, filɛ si taran sawɛ kan ma. 53#Maika 7.6 Den-keinubɛ anu fanu si taran anu nyɔgɛnu kan ma. Dunmusinubɛ anu nanu si taran anu nyɔgɛnu kan ma. Mama-musunɛnubɛ anu mamanu si taran anu nyɔgɛnu kan ma.”
Watinu Lɔn-Koe
(Matiyu 16.2-3)
54Yisa ya a fɔ anu ye fanan ko, “Wo wa banda-finyɛ yen wulila tele-yigi-wara la tumɛ min, wo si a fɔ kelenna ko, ‘Bandɛ ye nala bi,’ ado wo si na. 55Wo wa fɔnyɔ yen bɔla dugula wara la tumɛ min, wo ko, ‘Wusi ye nala bi,’ ado wo si na. 56Wole kolandinu! Wo wa dugu-kole anubɛ san-kole mafɛlɛn, wo si ke a lɔnna tele wo si ma nya min kɔnɔ nfenna wo ti ke wati kɛ kɔrɛ faranfasila?
Kɛlɛ-Ban-Koe Wobɛ I Kɛlɛ-Nyɔgɛ Tɛma
(Matiyu 5.25-26)
57“Nfenna wo ti kiti-latelennɛ tɛgɛ wo nyɔgɔn tɛma? 58Ni wobɛ mɔgɔ kumara, a ni ta i la kiti-tɛgɛ-bɔn la. Wo tamatoe, i raya ka koe wo ban wo tɛma, woletɔ a ti ta i la nyɔ rɔ. Ni wo ma, kiti-tɛgɛlɛ si i don i maralɛ bolo. Wo fanan si i sa yele la. 59N bi tonyɛ fɔla i ye, i ti bɔ nyɔ ni! Fɔ i ni yili wo bɛɛ sara feu!”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Kuranko Common Language Bible © The Bible Society in Sierra Leone, 2006.