Matiye Siwintí kitamniti
Siwintí kitamniti
Matiye keeke pa ay Yawudince. Gaa deeɗe jobookati Iisa Masi. Kabarre ta daana teete pa maa ga ketepeyye aanayye ƴiila Yawudigee. Ay ɗakko appe ga talaɗɗe aayaŋgee maani ku Kitamne ta Liŋgane ta Omma. Gaa gaariyyooca asawti Iisa o nuntití dunuuniti o diiganti o muutti o naɗawti, baŋ gu deero goo me, namma gu aayaŋgee kooko maa ga talakke asiɗe butulco. Gata pa beneyye kulla maani ma gaarti mulunniti Mellayi, o ga gaare kadar ga Iisa Masi ay sultan maa ga Mella beneyye gaa ga n̰akammaa, gata ma ay ka balti sultan Dawud o maa gu kolaa goo Runti Dawud.
Iisa Masi pa ase dunuuniti ku maa ga asiyyo bira oko giimo barkaŋgeetee Mellayi. Gata pa gaare ziiti kadar ga ay sultan ma rayyido tee ta giimo o ma gaari daare ku ajjibiti maa ga leelo. Gaa ma kaaka aɗe gu taattuweeco Yawudigeyyo alɗiki baama ɗa kadar ga ay sultan maa ga Mella n̰aamiyo, guu poociyya, guu deeɗiya. Gaa oko meene ma deewa tee ta subba pa, ga naɗiɗe. Maa ga naɗiɗe pa, gaa gaariɗe pe kadar ga gata ay sultanco Yawudigeyyo ɗa ka, innasoo, ga ay sultan kee ka giimi paracco. Gaa n̰aamiɗiy jobookeetee ku maa gu giimi ku dunuune parattí deeɗo kulla jobookeetee.
Atualmente selecionado:
Matiye Siwintí kitamniti: mmy
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2019, Wycliffe Bible Translators, Inc. All rights reserved.