मत्ती 11
11
बतिस्मा देबावाळो यहुन्नो अन ईसू
(लूका 7:18–35)
1जद्याँ ईसू आपणाँ बाराई थरप्या तका चेला ने आदेस दे दिदा, ईंका केड़े वीं नगराँ में उपदेस अन परच्यार करबा वटूऊँ पराग्या।
2बतिस्मो देबावाळो यहुन्ने जेळ में मसी का कामाँ को हमच्यार हामळन आपणाँ चेला ने वाँकाऊँ ओ पूँछबा खन्दायो के, 3“कई ज्यो आबावाळो हो वो थूँईस हे कन माँ कणी दूजाँ की वाट नाळा?”
4ईसू वाँने क्यो, “ज्यो कई थाँकाणी हुणो हो अन देको हो, वो हाराई जान यहुन्नाऊँ के दिज्यो के, 5#यसा 35:5,6; यसा 61:1आन्दा पाच्छा देकबा लागा हे अन लंगड़ा चालबा-फरबा लागा हे, कोड़्या को कोड़ हव वेरियो हे अन बेरा हुणरिया हे अन मरिया तका जीवता वेरिया हा। अन दकी अन गरीब मनकाँ ने हव हमच्यार हुणायो जारियो हे। 6वीं मनक धन्न हे, ज्याँने मने मानबा में कई सक ने हे।”
7जद्याँ यहुन्ना का चेला वटेऊँ जाबा लागा हा, तो ईसू यहुन्ना का बारा में लोग-बागाऊँ केबा लागो, “थाँ हुन्ना कांकड़ में कई देकबा ग्या हाँ? कई हवा में हालता आकण्डा ने? 8तो पछे कई देकबा ने ग्या, कई मेंगा गाबा पेरिया तका मनक ने? देको, ज्यो मेंगा गाबा पेरे हे, वीं मेलाँ में रेवे हे। 9तो थाँ काँ ग्या? कई कणी परमेसर का आड़ीऊँ बोलबावाळा ने देकबाने? हाँ, मूँ थाँकाऊँ कूँ हूँ के, जिंने थाँ देक्यो हे वो परमेसर का आड़ीऊँ बोलबावाळाऊँ भी मोटो हे। 10#मला 3:1यो वोईस हे, जिंका बारा में पुवितर सास्तर में लिक्यो हे के,
“देक, मूँ आपणाँ दूत ने अदिकार का हाते थाँरा आगे खन्दाऊँ हूँ,
ज्यो मनकाँ का मन ने थाँरा वाते त्यार करी।”
11“मूँ थाँकाऊँ हाँची कूँ हूँ के, जीं लगईऊँ जनम्याँ हे, वाँका मूँ यहुन्नो बतिस्मा देबावाळाऊँ कुई मोटो कोयने हे। पण हरग का राज में फोराऊँ फोरो मनक भी यहुन्नाऊँ मोटो हे। 12#लूका 16:16यहुन्ना बतिस्मा देबावाळा का दनाऊँ अबाणू तईं ओ संदेस परच्यार किदो ग्यो के, परमेसर का राज का लोगाँ का हाते मार-पिट किदी जावे अन मार-पिट करबावाळा वीं राज ने लेबा की कोसीस करे हे। 13यहुन्ना के आबा तईं हाराई परमेसर का आड़ीऊँ बोलबावाळा अन मूसा का नेम ईं बात की आगेवाणी करे हे के, परमेसर मनकाँ का जीवन पे राज करी। 14#मला 4:5; मत्ती 17:10–13; मर 9:11–13यद्याँ थें अणी बात पे विस्वास करो तो हुणो, यहुन्नोईस एलियो हे, ज्यो आबावाळो हो। 15ज्याँके हुणबा का वाते कान्दड़ा हे वीं हुणलो।
16“मूँ ईं टेम की पीड़ी का लोगाँ ने किंका बराबर गणूँ? वीं वणा बाळकाँ का जस्यान हे, ज्यो बजारा में बेटन एक-दूजाऊँ हेलो पाड़न केवे हे के, 17‘माँ थाँका वाते बाजो बजायो, अन थाँ ने नाच्या, माँ होक-गीत किदो, पण थाँ ने रोया।’ 18यहुन्नो दूजाँ के जस्यान ने तो खातो अन ने दाकरस पितो अन वीं मनक केवे हे के, ‘वींमें हुगली आत्मा हे।’ 19पछे मनक को पूत दूजाँ का जस्यान खातो-पितो आयो अन वीं केवे हे के देको, ‘यो खवगड़्यो अन दारुड़्यो हे, कर लेबावाळा को अन पाप्याँ को गोटी हे।’ पण परमेसर का ग्यान पे चालबावाळा आपणाँ करमाऊँ वींको ग्यान हाँचो साबत वेवे हे।”
परमेसर की बात, ने मानबावाळा नगरा ने धिकार
(लूका 10:13–15)
20तद्याँ ईसू वणा नगराँ ने धिकार देबा लागो, जणामें वणी नरई अचम्बावाळा काम किदा हा। काँके वटा का लोगाँ पाप करणो ने छोड़्यो अन ने आपणाँ मन ने वींका आड़ी फेरियो। 21#यसा 23:1–18ईसू क्यो, “खुराजीन अन बेतसेदा नगर का लोगाँ, थाँने धिकार हे, काँके जीं परच्या बताया ग्या, यद्याँ वीं सूर अन सेदा नगर में किदा जाता, तो वटे का मनक बोरी का गाबा पेरन अन आपणाँ सरीर पे वानी लगान कदी का पापऊँ मन फेर लेता। 22पण मूँ थाँकाऊँ केवूँ हूँ के, न्याव का दन में थाँकी दसा सूर अन सेदा की दसाऊँ भी घणी खराब वेई। 23#यसा 14:13–15; उत्प 19:24–28अन हे कफरनूम, कई थूँ बच्यार करे हे के, थने हरग में उटायो जाई? थूँ तो पाताळ में नाक्यो जाई। जीं अचम्बा का काम थाँरा में किदा ग्या, यद्याँ सदोम में किदा जाता, तो वटा का मनक आपणाँ मना ने पापऊँ फेर लेता अन आज तईं वो नगर बस्यो तको रेतो। 24#मत्ती 10:15; लूका 10:12पण मूँ थाँकाणी केवूँ हूँ के, न्याव का दन थारे लोगाँ की दसा सदोम नगर का लोगाँ की दसाऊँ भी घणी खराब वेई।”
बोजऊँ दबिया तका मनकाँ ने आराम
(लूका 10:21–22)
25वीं दाण ईसू क्यो, “हो परम बापू, हरग अन धरती का परबू, मूँ थाँको धन्नेवाद करूँ हूँ के, थाँ अणा बाताँ ने ग्यानी अन स्याणाऊँ हपान राकी अन भोळा मनकाँ पे परगट किदी हे। 26अन हाँ परम बापू, यो ईं वाते व्यो, काँके थाँने योईस हव लागो।
27 #
यहु 3:35;
यहु 1:18; 10:15 “मारा परम बापू मने हारोई हूँप्यो हे, परमेसर के अलावा कुई बेटा ने कोयने जाणे हे, अन ने कुई बेटा के अलावा परमेसर ने जाणे हे, पण अबे वीं मनक परमेसर ने जाणे हे जाँने बेटो बतावे हे।
28“ओ थाँक्या, माँदा अन बोजऊँ दब्या तका मनकाँ, मारा नके आवो, मूँ थाँने आराम देवूँ। 29#यर 6:16मारो जूँड़ो आपणाँ खादा पे जोत लो अन माराऊँ हिको, काँके मूँ हुदो हूँ अन मारो मन दयाऊँ भरियो तको हे अन थाँने भी आपणाँ मन में आराम मली, 30काँके मारो जूँड़ो जोतबा में हेल अन बोज में हलको हे।”
Atualmente selecionado:
मत्ती 11: एम टी आर
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(c) 2010-2017, New Life Computer Institute. All rights reserved