Ja̰ 3
3
Jeju to̰ tam gə Nikodɛm
Mat 18.3; Ja̰ 1.12-13; 1Pi 1.3,23
1Horo Parijiyɛ̰je gə le, mbay lə Jiibije kara ga̰ kəne əng, ri-a na Nikodɛm. 2ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ. 3Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang. 4Nikodɛm pa na: Dəw ɓuga nam cibi ɓa d-a təl kuj-e to gə ban wa? Kar-ɛ n-təl n-andə mə ko̰-ɛje gə gugu ɓa mba kar ꞌtəl uji-e ɓi wa? 5Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang. 6Ne gə darɔ ɓa uji le to darɔ ja tɔ, ngaa ne gə Njil ɓa uji ɗaa to njil ja tɔ. 7Əw rɔ-i kəji tar mba tar gə m-pa m-ar-i m-pa na: May kar d-uji-si to gə sigi ɓa. 8Ləl ula gə lo gə m-e ja njigi, ar-i o kɔr-ɛ; ngaa ꞌgərə lo gə n-ḭ kəne ang nəm ꞌgərə lo gə n-aw gə kəne əng nəm tɔ. Dəw gə ɗa-ɗa ɓa Njil uji-e nama to to gə be ja tɔ. 9Nikodɛm təl dəji Jeju na: Neje nee le a to to gə be na ban wa? 10Jeju təl ila-a kəne na: ꞌI gə to njenetɔji gə boy mə ɓe gə Ijirayɛl le ja ꞌgərə ne gə nee ang wa? 11Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang. 12Neje gə nangə nee ɓi ɓa m-pa tar-ɛ m-ar-si ɗaa ꞌtaje kagə-m ang nee, ngaa to gə ɓo m-a pa tar neje gə dara m-ar-si le se a taje kagə-m ja wa? 13Dəw kara be gə ḭ nangə nee aw dara o lo gə kəne le godo, ngaa Ngon lə dəw gə ḭ dara ɗe dɔ nangə gə nee le, ye ja gə kar-ɛ baa.
14Ngaɓa, to gə Moyiji un ne li ɔs-ɛ dɔ kagə gə taar mə ndag lo gə le, to to gə be ja tɔ, may kar Ngon lə dəw kara d-ɔs-ɛ taar tɔ, 15mba kar na-na ja ɓa ta kag-ɛ nama inga ne təbə gə gə ndɔ gə ndɔ. 16Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ. 17Luba ula ngon-e dɔ nangə gə nee mba kar-ɛ ɗe gangə tar dɔ dəwje gə ang, ngaa n-ɗe mba kar d-inga kaji ɗəw gə lə-a. 18Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba. 19Oje gəl tar gə uwa dɔ-si le ɓa nee: Lokarə ɗe dɔ nangə ɗaa londul ɓa dəwje ꞌnjigi ya̰ d-unda lokarə, mba kula ɗa-je kṵra̰y. 20Dəw gə nje ɗa ne gə kṵra̰y le njigi lokarə ang gə kɔrɔ ngaɓa n-ɔsə lokarə ngərəng mba dəwje d-a ko neɗaje lə-a gə kṵra̰y le. 21Ngaa dəw gə nje ɗa ne gə tɔgərɔ le nja dan lokarə gə, mba kila ne dɔ kula ɗ-ɛje gə ɗaga tɔji ne to gə ɗa kulaje lə-a gə go mə njigi lə Luba.
Tar lə Ja̰ Njeɗabatɛm
22Go-e gə ɗaa Jeju aw gə ngan njenendoje lə-a dɔ nangə gə Jude; n-aw n-isi gə je kəne ngaɓa n-ɗa batɛm.
23Ja̰ kara aw ɗa dəwje batɛm ɓe gə Eno, mbɔr ɓe gə Salim, mba to lo gə man to kəne ya̰, ye ɓa dəwje d-aw kəne mba kar ꞌɗa-je batɛm. 24Mba dɔ ndɔ-ɛ gə əng le, d-uwa Ja̰ d-ila kəy kula gə ang baa ɓi.
25Be ɓa ngan njenendoje lə Ja̰ ꞌma̰y tar gə Jiibi kara be ɔji dɔ togo rɔ. 26ꞌƊe d-inga Ja̰ ɗaa ꞌpa d-ar-ɛ na: Njenetɔji, dəw gə ar sə-i tura man Jurədɛ̰ gə ngaɓa, ꞌI, ꞌpa tar naji lə-a le ja, ar aw ɗa batɛm ar dəwje tɔ̰y d-aw gə ɓe lə-a kən. 27Ja̰ təl ila-je kəne na: To gə ɓo dara ar dəw ne ang nama, nj-ɛ a kasə kinga ne kara be gə dɔ rɔ-ɛ baa ang. 28Tar gə m-pa na: ꞌMa le, m-to gə Kirisi ang baa, ngaa kula ɓa d-ula-m no-ɛ gə kede le ɗaa, sisəy ja kara, ꞌtoje gə njetar najije lə-m tɔ. 29Nje ta jene ja ɓa to gə ngab-ɛje ngaa njekura lə ngaw jeneje gə ar mbɔr-ɛ gə le, o tam lə jingaw gə nje jene le gə rɔləl; rɔləl gə nee, gə ꞌma m-isi dan-ɛ gə le, tɔl t-ɛ bɛm ngaa. 30May kar ꞌne n-ɓar mii gə kede ɗaa ꞌma m-ɗəm gə gugu.
31Dəw gə ḭ dara le to dəw dɔ neje tɔ̰y; dəw gə ḭ dɔ nangə nee le, to dəw gə nangə nee, ɗaa neje gə dɔ nangə nee ja tɔ ɓa ye pa tar-ɛ tɔ. Ngaa dəw gə ḭ dara le, to dəw dɔ neje tɔ̰y, 32ne gə n-o gə mbi-a gə kəm-e le ɓa n-pa tar naj-ɛ, ngaa dəwje ꞌta tar naji lə-a ang. 33Dəw gə njigi go tar naji gə lə-a le, pa ar-ɛ arə ngadə to gə Luba to tar gə tɔgərɔ ja, 34mba dəw gə Luba ula-a le, tar gə ta Luba gə ja ɓa ye pa, mba Luba ar Njil lal tura go-e. 35Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə. 36Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.
Atualmente selecionado:
Ja̰ 3: lap
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2020, ATALTRAB. All rights reserved
Ja̰ 3
3
Jeju to̰ tam gə Nikodɛm
Mat 18.3; Ja̰ 1.12-13; 1Pi 1.3,23
1Horo Parijiyɛ̰je gə le, mbay lə Jiibije kara ga̰ kəne əng, ri-a na Nikodɛm. 2ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ. 3Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang. 4Nikodɛm pa na: Dəw ɓuga nam cibi ɓa d-a təl kuj-e to gə ban wa? Kar-ɛ n-təl n-andə mə ko̰-ɛje gə gugu ɓa mba kar ꞌtəl uji-e ɓi wa? 5Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang. 6Ne gə darɔ ɓa uji le to darɔ ja tɔ, ngaa ne gə Njil ɓa uji ɗaa to njil ja tɔ. 7Əw rɔ-i kəji tar mba tar gə m-pa m-ar-i m-pa na: May kar d-uji-si to gə sigi ɓa. 8Ləl ula gə lo gə m-e ja njigi, ar-i o kɔr-ɛ; ngaa ꞌgərə lo gə n-ḭ kəne ang nəm ꞌgərə lo gə n-aw gə kəne əng nəm tɔ. Dəw gə ɗa-ɗa ɓa Njil uji-e nama to to gə be ja tɔ. 9Nikodɛm təl dəji Jeju na: Neje nee le a to to gə be na ban wa? 10Jeju təl ila-a kəne na: ꞌI gə to njenetɔji gə boy mə ɓe gə Ijirayɛl le ja ꞌgərə ne gə nee ang wa? 11Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang. 12Neje gə nangə nee ɓi ɓa m-pa tar-ɛ m-ar-si ɗaa ꞌtaje kagə-m ang nee, ngaa to gə ɓo m-a pa tar neje gə dara m-ar-si le se a taje kagə-m ja wa? 13Dəw kara be gə ḭ nangə nee aw dara o lo gə kəne le godo, ngaa Ngon lə dəw gə ḭ dara ɗe dɔ nangə gə nee le, ye ja gə kar-ɛ baa.
14Ngaɓa, to gə Moyiji un ne li ɔs-ɛ dɔ kagə gə taar mə ndag lo gə le, to to gə be ja tɔ, may kar Ngon lə dəw kara d-ɔs-ɛ taar tɔ, 15mba kar na-na ja ɓa ta kag-ɛ nama inga ne təbə gə gə ndɔ gə ndɔ. 16Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ. 17Luba ula ngon-e dɔ nangə gə nee mba kar-ɛ ɗe gangə tar dɔ dəwje gə ang, ngaa n-ɗe mba kar d-inga kaji ɗəw gə lə-a. 18Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba. 19Oje gəl tar gə uwa dɔ-si le ɓa nee: Lokarə ɗe dɔ nangə ɗaa londul ɓa dəwje ꞌnjigi ya̰ d-unda lokarə, mba kula ɗa-je kṵra̰y. 20Dəw gə nje ɗa ne gə kṵra̰y le njigi lokarə ang gə kɔrɔ ngaɓa n-ɔsə lokarə ngərəng mba dəwje d-a ko neɗaje lə-a gə kṵra̰y le. 21Ngaa dəw gə nje ɗa ne gə tɔgərɔ le nja dan lokarə gə, mba kila ne dɔ kula ɗ-ɛje gə ɗaga tɔji ne to gə ɗa kulaje lə-a gə go mə njigi lə Luba.
Tar lə Ja̰ Njeɗabatɛm
22Go-e gə ɗaa Jeju aw gə ngan njenendoje lə-a dɔ nangə gə Jude; n-aw n-isi gə je kəne ngaɓa n-ɗa batɛm.
23Ja̰ kara aw ɗa dəwje batɛm ɓe gə Eno, mbɔr ɓe gə Salim, mba to lo gə man to kəne ya̰, ye ɓa dəwje d-aw kəne mba kar ꞌɗa-je batɛm. 24Mba dɔ ndɔ-ɛ gə əng le, d-uwa Ja̰ d-ila kəy kula gə ang baa ɓi.
25Be ɓa ngan njenendoje lə Ja̰ ꞌma̰y tar gə Jiibi kara be ɔji dɔ togo rɔ. 26ꞌƊe d-inga Ja̰ ɗaa ꞌpa d-ar-ɛ na: Njenetɔji, dəw gə ar sə-i tura man Jurədɛ̰ gə ngaɓa, ꞌI, ꞌpa tar naji lə-a le ja, ar aw ɗa batɛm ar dəwje tɔ̰y d-aw gə ɓe lə-a kən. 27Ja̰ təl ila-je kəne na: To gə ɓo dara ar dəw ne ang nama, nj-ɛ a kasə kinga ne kara be gə dɔ rɔ-ɛ baa ang. 28Tar gə m-pa na: ꞌMa le, m-to gə Kirisi ang baa, ngaa kula ɓa d-ula-m no-ɛ gə kede le ɗaa, sisəy ja kara, ꞌtoje gə njetar najije lə-m tɔ. 29Nje ta jene ja ɓa to gə ngab-ɛje ngaa njekura lə ngaw jeneje gə ar mbɔr-ɛ gə le, o tam lə jingaw gə nje jene le gə rɔləl; rɔləl gə nee, gə ꞌma m-isi dan-ɛ gə le, tɔl t-ɛ bɛm ngaa. 30May kar ꞌne n-ɓar mii gə kede ɗaa ꞌma m-ɗəm gə gugu.
31Dəw gə ḭ dara le to dəw dɔ neje tɔ̰y; dəw gə ḭ dɔ nangə nee le, to dəw gə nangə nee, ɗaa neje gə dɔ nangə nee ja tɔ ɓa ye pa tar-ɛ tɔ. Ngaa dəw gə ḭ dara le, to dəw dɔ neje tɔ̰y, 32ne gə n-o gə mbi-a gə kəm-e le ɓa n-pa tar naj-ɛ, ngaa dəwje ꞌta tar naji lə-a ang. 33Dəw gə njigi go tar naji gə lə-a le, pa ar-ɛ arə ngadə to gə Luba to tar gə tɔgərɔ ja, 34mba dəw gə Luba ula-a le, tar gə ta Luba gə ja ɓa ye pa, mba Luba ar Njil lal tura go-e. 35Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə. 36Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2020, ATALTRAB. All rights reserved