MATEU 22
22
Katib përim ka anaamanaan ufesta bënim
(Lúk 14.16-24)
1A Yeesu tib bukul irim kak, aja: 2“Pësien batsi anaam pi nasien nan cii tsi përo ufesta bënim abukul niints; 3a na yël baleempul, pa bee ba rui bando biki duuree ufesta bënim; maa a bu bitse niiran pëbi. 4A na yël kak balon baleemp, a na ja: ‘Nda jaan bando bukunk ruee, man yecis ufesta nji. Ngëyët nji ngëkas ni ngëncaam nji ngëniiral afiŋa, ngëko-ngëro yecisa bëlieng; nda bili ufesta bënim.’ 5Maa a ba rafan karua kan, a ba pën atsëp; nalon atsëp bëreeŋul; an nacints tsëp bawaapala; 6a banduka bukun mob baleemp atucan aa ba fiŋ bukul. 7A nasien diabats, a na wëtan basondaariul, a na tsu bafiŋ-bañaan bukun a ba fiŋa, a përaasa bukul tëraa. 8Din a na ja baleempul: ‘Ufesta bënim ayecisa, maa bando biki ruee tsënkaants pëjaa bu bi wul. 9Nda tsëpan di injëkënts iga, biki nda tsënk biki bëlieng, ndë ruuri bukul ufesta bënim.’ 10A baleempul repa iga atsëp, a ba jukëlën biki ba tsënk biki bëlieng, ba waraatsa biki ni bawar, a ulaay uniew ufesta bënim cum banduee biki. 11A nasien niaji pëteen banduuree biki ufesta bënim, a na win nalon ñaan nan tiemaatsee kaŋí ufesta bënim. 12A na jaul: ‘Bëfetsar nji, um di m niaji run tsi, te m kaats kaŋí ufesta bënim?’ A namënts un yëŋandar tsi na yëŋandar tsi. 13#Mat 8.12; 25.30; Lúk 13.28Din a nasienja baleemp: ‘Nda tananul itsiim ni iñan, ndë gutsul di karëm utsand; tsul tsi irug kë ci tsun, ni kañaam irumaj.’ 14Par bandua biki, bu cum; maa ko uties data wun.”
Uleka kaluk-uraasa
(Mar 12.13-17; Lúk 20.20-26)
15Din a Bafariseu tsëp ee winar, pa pëtsas bi bu kë ro bi a bu ka mob Yeesu tsi irimul. 16A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi. 17Leents wund-e ko wi m wejats wi tsi ko wi: Pëluk #22.17 Nasien NawiakSeesar uraasa, aci ko u niirana wi oo niiranaatsa?” 18Maa a Yeesu me ne utsaag bukul kawaraatsa, a na yank bukul aja: “Ind banguungu! We ka wun ndu teen-teenanin? 19Nda pibanin-e uncaam-baceenc wi ka lukëna wi uraasa.” A ba pibanul patakan Dinaariu. 20A na yepar bukul aja: “Bënaam yën ci bun bi, ni ko un picana wink?” 21A ba yankul aja: “Bi Seesar.” Din, a na ja bukul: “Bi u ci bank, nda wëlan Seesar ngi Seesar, ndë wël Nasien-batsi ngi Nasien-batsi.” 22A ba pikra tsi ko wi ba te wi, a ba rukul, a ba tsëp.
Basaduseu, tsi uleka kanatsee-di-pëcäts
(Mar 12.18-27; Lúk 20.27-40)
23 #
Ngë 23.8
A Basaduseu bi tsi Yeesu, bukul ban ja biki ba roon bu kë ja, kanatsee-di-pëcäts cits. A ba yeparul ajaul përim pi: 24#Ulú 25.5“Najukan, Moises aja: ‘Uci nints cäts te kaats upäts, nan tsaari ni nul ka yij arul, në kaar nan tsaar unk ni nul kajër.’ 25Maa, wund aro ka tsi bayënts paaj ni nalon ban tsaar biki. Nacäk anim, a nee cäts. Undo bi na kaats bi kajër, a na ruk aarul pa nan tsaari ni nul. 26Unk di u ci run ni natëbantsan, ni nawaajantsan, te napaajantsan ni nalon. 27Bi ba cäts bi bëlieng, a ŋaats bi cäts. 28Bi u ci bank, tsi kanatsee-di-pëcäts, kee na ci aar naom tsi paaj bukun ni nalon? Par bukul bëlieng, bu kaul.” 29A Yeesu yank bukul aja: “Nda fäl iyeen ind, par nda meets nin Bëpican, nin pëyëlan Nasien-batsi. 30Par tsi uwal kanatsee-di-pëcäts, bayënts di ka nim, bakaats di ka nimaa, maa bu ka ci pi ngëwaanju Nasien-batsi, di batsi. 31Tsi uleka kanatsee-di-pëcäts, nda jukats ko wi Nasien-batsi ja ind wi-a? 32#Pëp 3.6Aja: ‘Nji n ci-un Nasien-batsi Abraam, Nasien-batsi Isaak, ni Nasien-batsi Jakob.’ Nasien-batsi cits Nasien-batsi bacäts, maa Nasien-batsi bayësal.” 33Bi ba te bi ko wan, a indënd bañaan pikra tsi bëjúkanul.
Utsua un pe wi pëci uwiak
(Mar 12.28-34; Lúk 10.25-27)
34Bi Bafariseu te bi u jaka Yeesu ric Basaduseu mtum, a ba juk. 35Nalon tsi bukul, aci najukan-ulua, a na yepar Yeesu përim pi, pa pëteen-teenanul: 36A na jaul “Najukan, wom utsua ci wun uwiak tsi ulua?” 37#Ulú 6.5A Yeesu yankul aja: “Kë ŋal Ajug, Nasien-batsiu, tsi uwaasu bëlieng, ni tsi uwejatsu bëlieng. 38Wul ci wun utsua ucak, ni uwiak. 39#Ija 19.18A utëbantsan, u naam wi ni, ci wun wi: Kë ŋal acintsu, bi m ŋal bi beenu. 40#Lúk 10.25-28Utsua bëlieng ni bayëlia, asëtsaraan tsi ngëlai ngëtëb ngi.”
Uleka Këristu
(Mar 12.35-37; Lúk 20.41-44)
41Bi Bafariseu júk bi, a Yeesu yepar bukul përim pi: 42“Wee nda wejats wun tsi uleka Këristu? Aci abuk yën?” A ba yankul aja: “Ni Dawid.” 43A Yeesu ja bukul: “A um di Uwejats tsu run Dawid a u jaul ‘Ajug,’ bi na ja bi:
44 #
Iya 110.1
‘Ajug aja Ajug nji:
Tsoaran tsi kariir nji
aa ká tsu babëru tsi utsia iyotsu.’
45Bi u ci bank, uci Dawid kë jaul ‘Ajug,’ um di na ci run abukul?” 46A kaats ñaan nan yëlani pëyankul na ja përim. A pëpën tsi unu umënts wun, ñaan katse yeents pëyeparul përim.
Atualmente selecionado:
MATEU 22: KPKNT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Le Nouveau Testament en langue Manjaku © Alliance Biblique du Sénégal, 2020.
MATEU 22
22
Katib përim ka anaamanaan ufesta bënim
(Lúk 14.16-24)
1A Yeesu tib bukul irim kak, aja: 2“Pësien batsi anaam pi nasien nan cii tsi përo ufesta bënim abukul niints; 3a na yël baleempul, pa bee ba rui bando biki duuree ufesta bënim; maa a bu bitse niiran pëbi. 4A na yël kak balon baleemp, a na ja: ‘Nda jaan bando bukunk ruee, man yecis ufesta nji. Ngëyët nji ngëkas ni ngëncaam nji ngëniiral afiŋa, ngëko-ngëro yecisa bëlieng; nda bili ufesta bënim.’ 5Maa a ba rafan karua kan, a ba pën atsëp; nalon atsëp bëreeŋul; an nacints tsëp bawaapala; 6a banduka bukun mob baleemp atucan aa ba fiŋ bukul. 7A nasien diabats, a na wëtan basondaariul, a na tsu bafiŋ-bañaan bukun a ba fiŋa, a përaasa bukul tëraa. 8Din a na ja baleempul: ‘Ufesta bënim ayecisa, maa bando biki ruee tsënkaants pëjaa bu bi wul. 9Nda tsëpan di injëkënts iga, biki nda tsënk biki bëlieng, ndë ruuri bukul ufesta bënim.’ 10A baleempul repa iga atsëp, a ba jukëlën biki ba tsënk biki bëlieng, ba waraatsa biki ni bawar, a ulaay uniew ufesta bënim cum banduee biki. 11A nasien niaji pëteen banduuree biki ufesta bënim, a na win nalon ñaan nan tiemaatsee kaŋí ufesta bënim. 12A na jaul: ‘Bëfetsar nji, um di m niaji run tsi, te m kaats kaŋí ufesta bënim?’ A namënts un yëŋandar tsi na yëŋandar tsi. 13#Mat 8.12; 25.30; Lúk 13.28Din a nasienja baleemp: ‘Nda tananul itsiim ni iñan, ndë gutsul di karëm utsand; tsul tsi irug kë ci tsun, ni kañaam irumaj.’ 14Par bandua biki, bu cum; maa ko uties data wun.”
Uleka kaluk-uraasa
(Mar 12.13-17; Lúk 20.20-26)
15Din a Bafariseu tsëp ee winar, pa pëtsas bi bu kë ro bi a bu ka mob Yeesu tsi irimul. 16A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi. 17Leents wund-e ko wi m wejats wi tsi ko wi: Pëluk #22.17 Nasien NawiakSeesar uraasa, aci ko u niirana wi oo niiranaatsa?” 18Maa a Yeesu me ne utsaag bukul kawaraatsa, a na yank bukul aja: “Ind banguungu! We ka wun ndu teen-teenanin? 19Nda pibanin-e uncaam-baceenc wi ka lukëna wi uraasa.” A ba pibanul patakan Dinaariu. 20A na yepar bukul aja: “Bënaam yën ci bun bi, ni ko un picana wink?” 21A ba yankul aja: “Bi Seesar.” Din, a na ja bukul: “Bi u ci bank, nda wëlan Seesar ngi Seesar, ndë wël Nasien-batsi ngi Nasien-batsi.” 22A ba pikra tsi ko wi ba te wi, a ba rukul, a ba tsëp.
Basaduseu, tsi uleka kanatsee-di-pëcäts
(Mar 12.18-27; Lúk 20.27-40)
23 #
Ngë 23.8
A Basaduseu bi tsi Yeesu, bukul ban ja biki ba roon bu kë ja, kanatsee-di-pëcäts cits. A ba yeparul ajaul përim pi: 24#Ulú 25.5“Najukan, Moises aja: ‘Uci nints cäts te kaats upäts, nan tsaari ni nul ka yij arul, në kaar nan tsaar unk ni nul kajër.’ 25Maa, wund aro ka tsi bayënts paaj ni nalon ban tsaar biki. Nacäk anim, a nee cäts. Undo bi na kaats bi kajër, a na ruk aarul pa nan tsaari ni nul. 26Unk di u ci run ni natëbantsan, ni nawaajantsan, te napaajantsan ni nalon. 27Bi ba cäts bi bëlieng, a ŋaats bi cäts. 28Bi u ci bank, tsi kanatsee-di-pëcäts, kee na ci aar naom tsi paaj bukun ni nalon? Par bukul bëlieng, bu kaul.” 29A Yeesu yank bukul aja: “Nda fäl iyeen ind, par nda meets nin Bëpican, nin pëyëlan Nasien-batsi. 30Par tsi uwal kanatsee-di-pëcäts, bayënts di ka nim, bakaats di ka nimaa, maa bu ka ci pi ngëwaanju Nasien-batsi, di batsi. 31Tsi uleka kanatsee-di-pëcäts, nda jukats ko wi Nasien-batsi ja ind wi-a? 32#Pëp 3.6Aja: ‘Nji n ci-un Nasien-batsi Abraam, Nasien-batsi Isaak, ni Nasien-batsi Jakob.’ Nasien-batsi cits Nasien-batsi bacäts, maa Nasien-batsi bayësal.” 33Bi ba te bi ko wan, a indënd bañaan pikra tsi bëjúkanul.
Utsua un pe wi pëci uwiak
(Mar 12.28-34; Lúk 10.25-27)
34Bi Bafariseu te bi u jaka Yeesu ric Basaduseu mtum, a ba juk. 35Nalon tsi bukul, aci najukan-ulua, a na yepar Yeesu përim pi, pa pëteen-teenanul: 36A na jaul “Najukan, wom utsua ci wun uwiak tsi ulua?” 37#Ulú 6.5A Yeesu yankul aja: “Kë ŋal Ajug, Nasien-batsiu, tsi uwaasu bëlieng, ni tsi uwejatsu bëlieng. 38Wul ci wun utsua ucak, ni uwiak. 39#Ija 19.18A utëbantsan, u naam wi ni, ci wun wi: Kë ŋal acintsu, bi m ŋal bi beenu. 40#Lúk 10.25-28Utsua bëlieng ni bayëlia, asëtsaraan tsi ngëlai ngëtëb ngi.”
Uleka Këristu
(Mar 12.35-37; Lúk 20.41-44)
41Bi Bafariseu júk bi, a Yeesu yepar bukul përim pi: 42“Wee nda wejats wun tsi uleka Këristu? Aci abuk yën?” A ba yankul aja: “Ni Dawid.” 43A Yeesu ja bukul: “A um di Uwejats tsu run Dawid a u jaul ‘Ajug,’ bi na ja bi:
44 #
Iya 110.1
‘Ajug aja Ajug nji:
Tsoaran tsi kariir nji
aa ká tsu babëru tsi utsia iyotsu.’
45Bi u ci bank, uci Dawid kë jaul ‘Ajug,’ um di na ci run abukul?” 46A kaats ñaan nan yëlani pëyankul na ja përim. A pëpën tsi unu umënts wun, ñaan katse yeents pëyeparul përim.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Le Nouveau Testament en langue Manjaku © Alliance Biblique du Sénégal, 2020.