Luke 1
1
1Ka it Theophilus awng:
Mihing tam mama in eite sungah thupiangte amate ii thiam thei za tekin at zo uh hi. 2A kipat panin a mute le a thu a thangsakte ii hong son bang teng veu ma at uh hi. 3Tua ahiciang hi thute a kipat pan a, pha takpi in ka et thiang uh ahikom, a kipialcian in na heak natu in, phamaw hi ci in kong at hi. 4Nang tungah hong kihil a thute, a maan le a cingin na heak natu in kong at hi.
Tuiphumpa John Sua natu Sonkholna
5Judea ngam ah Herod Kumpipa a maan laitakin, Zechariah a kici thiampi khat om a, ama sia thiampi Abijah ii pawlkhen sungah a kihel thiampi khat ahi hi. A zi min Elizabeth hi a, ama zongh thiampi suan ahi hi.#1 Khang 24:10 6Amate ngeal Pathian mai ah ngamtatna phate taw a nungtate hi a, Topa ii thukham le thupiaknate a zuite ahi uh hi. 7Amate in ta a nei bua uh hi, banghang ziam cile Elizabeth sia ta nei thei ngawl a, Zechariah taw amate ngeal huai mama khawm zo uh hi.
8Ni khat Zechariah sia Biakinn sungah a thiampi nasep seam a, ni sim biakpiakna hunzeakna sungah ama ii hun hong tung hi. 9Thiampite ngeina om bangin, ama biaknatau tungah ngimnamtui hal tu in, aisaanna taw a kiteal ahi hi. Tua ahikom Topa Biakinn sungah tum a, 10mipite in ngimnamtui hal hunsung theampo doipua panin thungen in ngak uh hi.
11Topa vantunglalang khat ama kungah hong kilangh a, ngimnamtui halna biaknatau ii ziatsang ah ding hi. 12Zechariah in ama a mu ciangin, patau in lau hi. 13Ahihang vantunglalang in hi bangin ci hi, “Zechariah awng, lau heak in! Pathian in na thungetna hong za zo a, na zi Elizabeth in tapa khat hong hin pui tu hi. A min John ci in na phuak tu uh hi. 14Bangza ta in na lungdam in na thinnuam tu ziam? Midang tam mamate zongh ama hong sua ciangin, bangzata in lungdam tu ziam! 15Ama Topa muna ah mi thupi khat hong hi tu hi. Ama in sapittui le zu ne ngawlin a om kul tu hi. A nu ngilsung pan kipan ama Thaa Thiangtho taw kidim tu hi.#Mi 6:3 16Tuaciangin ama in Israel mite tam mama amate Topa Pathian kungah zotpui kik tu hi. 17Ama in kamsaangpa Elijah bangin, vaangletna le thahatna taw Topa mai ah paikhol tu hi. Ama in pate le tate hong ngawmtua kik tu hi, thu ni ngawl mihingte thutang ngaisut theina sungah hong kiheisak kik tu a, Topa atu a kivawt khol mihingte a pian natu in seam tu hi.”#Mal 4:5-6
18Zechariah in vantunglalang tungah, “Tu a na son teng thutak hi ci in koibang tel thei tu khi ziam? Kei le pasal huai hi zo a, ka zi zongh huai zo hi,” ci hi.
19Vantunglalang in zo kik a, “Kei sia Gabriel ka hi hi. Pathian omna munah a om pa ka hi a, hi lungdamna thupha, nang kungah hong puak tu le nang taw kipaupui tu in, hong kisawlpa ka hi hi.#Dan 8:16; 9:21 20Ahihang kong thupuakte um ngawl ni hi, hikale a hun hong tun tak ciang, ka ci bangin hong piang tu a, hong um ngawl na hikom, na pau thei nawn buatu hi. Kong thuciam teng a tun mateng in, pau thei nawn ngawl dide tu ni hi,” ci hi.
21Tua hun sung teng mipite in doipua panin ngak top uh a, Biakinn sungah ama ngei mama hun a zak hu in, lamdang sa uh hi. 22Hong pusua kik tak ciangin, ama pau thei nawn ngawl hi, tua ahikom, Biakinn sungah ama in mukholna mu hi ci in he uh hi. Kammal khat zongh huthe thei nawn ngawl ahikom khut taw lim lak hi.
23Biakinn sungah nasep tu teng a man zawkciangin, Zechariah a inn ah cia hi. 24Tua zawk tawmvei ciangin, a zi Elizabeth naungil om a, tha nga sung puapial nawn ngawl hi. 25“Tu peetma ciang ahile Topa in hong hu zo hi, ngual mai ah ka maizumna teng ama in hong vawksak zo hi!” ci hi.
Jesus Sua natu Kisonkhol
26Elizabeth naungil a om zawk tha luk a cin ciangin vantunglalang Gabriel sia Galilee ngam Nazareth a kici khua khat ah Pathian in paisak hi. 27Kumpipa David suan Joseph a kici khat taw kiteang tu in kiciamna a vawtsa ngaknu khat kungah, thupuak tu in a kisawl ahi hi. Ngaknu nu ii min Mary ahi hi.#Mt 1:18 28Vantunglalang in ama kungah pai in, “Thinnopna na nga ta in! Topa sia nang taw hong omkhawm a, nasia takin thupha hong pia hi!” ci hi. 29Mary sia vantunglalang ii thupuak huvau in, thinngim mama a, ama kammalte ii khiaknate ngaisusun hi. 30Vantunglalang in, “Mary awng, lau heak in. Nang tungah Pathian hong thuthiam mama zo hi. 31Nangma in nau na paai tu a, a sua ciang a min Jesus ci in na phuak tu hi.#Mt 1:21 32Ama hong thupi tu a, a Saang Bel Pathian ii Tapa kici tu hi. Topa Pathian in a taanghpupi David bangma in kumpipa suaksak tu hi.#2 Sa 7:12; 13; 16; Is 9:7 33Tuaciangin ama Jacob ii suan, a tawntung a maang kumpi hong hi tu a, ama ii ngam bo hun nei ngawl tu hi,” ci hi.
34Mary in vantunglalang tungah, “Keima in, ngaknu thiangtho ka hi hi, koi bangin tu a na son bangin suak thei tu ziam?” ci hi.
35Vantunglalang in, “Nang tungah Thaa Thiangtho hong om tu a, Pathian ii vaangletna in nang hong uap tu hi. Hi thu hu in, patang thiangtho sia Pathian Tapa kici tu hi. 36Na bee nu Elizabeth ngaisun ka po in, ngual in ama tasel tu in a see sa hi, ahizong a huai mama kawm panin, tu in naungil a om zawk tha luk pha zo hi. 37Banghang ziam cile Pathian in na khat beak vawt mawk a nei bua hi,” ci hi.#Pian 18:14
38“Kei sia Topa naseamnu khi hi, hong ci babangin, kei tungah hong tung tahen,” Mary in a ci zawkciang vantunglalang in nusia hi.
Elizabeth kungah Mary Haw
39Tua zawk hiat ciangin Mary kithoai cingtengin Judea ngam mualtung khua khat ah manlang takin pai hi. 40Ama in Zechariah inn sungah tum in Elizabeth biakpui hi. 41Mary biapuina aw a zaak ciangin Elizabeth sung a om nauno lungdam in kisaan hi. Elizabeth Thaa Thiangtho taw kidim a, 42aw nging tak taw hi bangin ci hi. “Nang sia numei a minpiang thupha a saangbel nu na hi hi, na hin tu nauno in, thupha nga tahen! 43Ka Topa ii nu takpi kei kung a hong haw natu dongin, banghangin hi bangza a thupi thu hong piang ziam? 44Banghangin tuabangin ci khi ziam cile nong paupuina aw ka zaak po ciang, ka sung a nauno lungdam in kilawn hi. 45Topa ii hong thupuakte hong piang tatak tu ci a, na up thei hu in, bangza ta in mi lungdam na hi ziam!” ci hi.
Mary ii Pokna La
46Mary in,
“Ka thin ka lung in Topa pok hi;#1 Sa 2:1-10
47Pathian ka Ngumpa hangin
ka thaa lungdam hi.
48Banghang ziam cile ama in
kei a kithusim ngawl
a naseamnu hong phawk hi.#1 Sa 1:11
Tu a kipan mihingte in,
thupha saang nu hi hong ci tu hi.
49Banghang ziam cile
Vaanglian Pathian in
kei tungah nasep lian
hong sep hu ahi hi.
Ama min thiangtho hi;
50khang khat pan khang khat,
Ama a patoaite tungah hesuakna pia hi.
51A thahatna baan hong vaan a,
a kiphasakte le tuabang mihingte tupnate
mangtatamsak hi.
52Ama in kumpi liante
a tokhum uh panin khiasuk a, a niamte laamto hi.#Job 5:11; 12:19
53A ngilkialte neakpha taw vaak a,
a haute khut hawm nguak taw taisak hi.
54Ama in ih taanghpupite tungah
a thuciamte kholet a,
a naseam ahi Israel hu tu in hong pai hi.
55Ama in Abraham tungah
hesuakna a piak tu in a ciam sate,
a suan a paal theampo tung dong ah
piak tu in, a tawntungin phawk hi,” ci hi.#Pian 17:7
56Mary tha thum bang Elizabeth kungah a taam zawkciang cia kik hi.
Tuiphumpa John ii Suana
57Elizabeth a nau sua tu hun hong cing a, tapa khat hing hi. 58Topa ama tungah thuthiam mama hi ci in a innpaamte le a mealheakte in za uh a, lungdam pui tek uh hi. 59Nausen nipi khat a phak ciangin, a vunteap attansak tu in, hong pai uh a, a pa min la in, “Zechariah” ci in phuak uh hi.#Thiam 12:3 60Ahihang a nu in, “Hi ngawl hi! A min John hi tu hi.’ ci hi.
61“No phung sungah min tuabang om ngawl hi,” a ngualte in ci uh hi. 62Tuasia ciangin a pa tungah bang min phuak tu hi ziam ci in lim taw dongh uh hi.
63Zechariah in lai atna thingpheak ngen a, “A min John hi,” ci in at hi. Amate in lamdang sa mama uh hi. 64Tua hun lian laitakin, Zechariah hong pau thei kik a, Pathian pok hi. 65A innpaamte patau siat a, tuaciang hi thute Judea ngam mualtung tengah kizel hi. 66A zate theampo in, “Hi nausen bangbang mi hong suak tu ziam,” ci in ngaisutna le thudokna sia a thinsung tek ah om hi, banghang ziam cile Topa ii vaang ama tungah om hi, ci in thiangtel uh hi.
Zechariah ii Kamsaanna Thu
67John ii pa Zechariah Thaa Thiangtho taw kidim a, tuaciang ama in Pathian kam a saan teng son a:
68“Israel te ii Pathian Topa
pok tek tawng!
Ama in a mite hun tu in
hong pai a, suaktasak hi.
69Ama in a vaanglian Hunpa khat
hong pia a,
a naseampa David ii suan ahi hi.
70Taanghlai in a kamsaang
thiangthote tungah,
71ih ngalte le hong ensante
theampo ii thahatna pan
hong hun tu in hong kamciam zo hi.
72Ama in ih taanghpupite tungah
hesuakna hong lak tu in, hong ciam zo a,
ama thuciam thiangtho
phawk kik tu in hong khaam zo hi.
73-74Ih taanghpupi Abraham tungah
a ciliap huai kamciam taw
ih ngalte khut sung panin
hong hut zawk natu le
ngammuangin ama ii na
seam tu in hong kamciam zo hi.
75Tua ahikom ama mai ah
ih nuntak lai theampo
a thiangtho le thutang in,
ih om thei natu ahi hi.
76Nang, ka tapa,
a Saang Bel Pathian
kamsaangpa hi hong kici tu hi.
Nang in Topa mai ah na paikhol tu a,
a lampi na sialsak khol tu hi.#Mal 3:1
77Ama mihingte tungah
mawna kimaisakna taw
ngupna piang tu hi,
ci in na son tu hi.
78Ih Pathian sia hesuak thiam a,
thinneam hi.
Ama in ngupna zing khuavak
ei tungah hong taangsak tu a,
79tuaciangin thina khuazing
limh sung a teangte theampo tungah
vantung panin hong taang tu a,
thinnopna lampi tung,
ih kalsuanna ah hong lampui tu hi,” ci hi. #Is 9:2
80Nausen sia pumpi le thaa sungah hong khangto hi. Ama Israel mipite mai ah a kilak hun dong sennealngam sungah teang hi.
Atualmente selecionado:
Luke 1: SCB2
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Siyin Chin Bible © Bible Society of Myanmar, 2016
Luke 1
1
1Ka it Theophilus awng:
Mihing tam mama in eite sungah thupiangte amate ii thiam thei za tekin at zo uh hi. 2A kipat panin a mute le a thu a thangsakte ii hong son bang teng veu ma at uh hi. 3Tua ahiciang hi thute a kipat pan a, pha takpi in ka et thiang uh ahikom, a kipialcian in na heak natu in, phamaw hi ci in kong at hi. 4Nang tungah hong kihil a thute, a maan le a cingin na heak natu in kong at hi.
Tuiphumpa John Sua natu Sonkholna
5Judea ngam ah Herod Kumpipa a maan laitakin, Zechariah a kici thiampi khat om a, ama sia thiampi Abijah ii pawlkhen sungah a kihel thiampi khat ahi hi. A zi min Elizabeth hi a, ama zongh thiampi suan ahi hi.#1 Khang 24:10 6Amate ngeal Pathian mai ah ngamtatna phate taw a nungtate hi a, Topa ii thukham le thupiaknate a zuite ahi uh hi. 7Amate in ta a nei bua uh hi, banghang ziam cile Elizabeth sia ta nei thei ngawl a, Zechariah taw amate ngeal huai mama khawm zo uh hi.
8Ni khat Zechariah sia Biakinn sungah a thiampi nasep seam a, ni sim biakpiakna hunzeakna sungah ama ii hun hong tung hi. 9Thiampite ngeina om bangin, ama biaknatau tungah ngimnamtui hal tu in, aisaanna taw a kiteal ahi hi. Tua ahikom Topa Biakinn sungah tum a, 10mipite in ngimnamtui hal hunsung theampo doipua panin thungen in ngak uh hi.
11Topa vantunglalang khat ama kungah hong kilangh a, ngimnamtui halna biaknatau ii ziatsang ah ding hi. 12Zechariah in ama a mu ciangin, patau in lau hi. 13Ahihang vantunglalang in hi bangin ci hi, “Zechariah awng, lau heak in! Pathian in na thungetna hong za zo a, na zi Elizabeth in tapa khat hong hin pui tu hi. A min John ci in na phuak tu uh hi. 14Bangza ta in na lungdam in na thinnuam tu ziam? Midang tam mamate zongh ama hong sua ciangin, bangzata in lungdam tu ziam! 15Ama Topa muna ah mi thupi khat hong hi tu hi. Ama in sapittui le zu ne ngawlin a om kul tu hi. A nu ngilsung pan kipan ama Thaa Thiangtho taw kidim tu hi.#Mi 6:3 16Tuaciangin ama in Israel mite tam mama amate Topa Pathian kungah zotpui kik tu hi. 17Ama in kamsaangpa Elijah bangin, vaangletna le thahatna taw Topa mai ah paikhol tu hi. Ama in pate le tate hong ngawmtua kik tu hi, thu ni ngawl mihingte thutang ngaisut theina sungah hong kiheisak kik tu a, Topa atu a kivawt khol mihingte a pian natu in seam tu hi.”#Mal 4:5-6
18Zechariah in vantunglalang tungah, “Tu a na son teng thutak hi ci in koibang tel thei tu khi ziam? Kei le pasal huai hi zo a, ka zi zongh huai zo hi,” ci hi.
19Vantunglalang in zo kik a, “Kei sia Gabriel ka hi hi. Pathian omna munah a om pa ka hi a, hi lungdamna thupha, nang kungah hong puak tu le nang taw kipaupui tu in, hong kisawlpa ka hi hi.#Dan 8:16; 9:21 20Ahihang kong thupuakte um ngawl ni hi, hikale a hun hong tun tak ciang, ka ci bangin hong piang tu a, hong um ngawl na hikom, na pau thei nawn buatu hi. Kong thuciam teng a tun mateng in, pau thei nawn ngawl dide tu ni hi,” ci hi.
21Tua hun sung teng mipite in doipua panin ngak top uh a, Biakinn sungah ama ngei mama hun a zak hu in, lamdang sa uh hi. 22Hong pusua kik tak ciangin, ama pau thei nawn ngawl hi, tua ahikom, Biakinn sungah ama in mukholna mu hi ci in he uh hi. Kammal khat zongh huthe thei nawn ngawl ahikom khut taw lim lak hi.
23Biakinn sungah nasep tu teng a man zawkciangin, Zechariah a inn ah cia hi. 24Tua zawk tawmvei ciangin, a zi Elizabeth naungil om a, tha nga sung puapial nawn ngawl hi. 25“Tu peetma ciang ahile Topa in hong hu zo hi, ngual mai ah ka maizumna teng ama in hong vawksak zo hi!” ci hi.
Jesus Sua natu Kisonkhol
26Elizabeth naungil a om zawk tha luk a cin ciangin vantunglalang Gabriel sia Galilee ngam Nazareth a kici khua khat ah Pathian in paisak hi. 27Kumpipa David suan Joseph a kici khat taw kiteang tu in kiciamna a vawtsa ngaknu khat kungah, thupuak tu in a kisawl ahi hi. Ngaknu nu ii min Mary ahi hi.#Mt 1:18 28Vantunglalang in ama kungah pai in, “Thinnopna na nga ta in! Topa sia nang taw hong omkhawm a, nasia takin thupha hong pia hi!” ci hi. 29Mary sia vantunglalang ii thupuak huvau in, thinngim mama a, ama kammalte ii khiaknate ngaisusun hi. 30Vantunglalang in, “Mary awng, lau heak in. Nang tungah Pathian hong thuthiam mama zo hi. 31Nangma in nau na paai tu a, a sua ciang a min Jesus ci in na phuak tu hi.#Mt 1:21 32Ama hong thupi tu a, a Saang Bel Pathian ii Tapa kici tu hi. Topa Pathian in a taanghpupi David bangma in kumpipa suaksak tu hi.#2 Sa 7:12; 13; 16; Is 9:7 33Tuaciangin ama Jacob ii suan, a tawntung a maang kumpi hong hi tu a, ama ii ngam bo hun nei ngawl tu hi,” ci hi.
34Mary in vantunglalang tungah, “Keima in, ngaknu thiangtho ka hi hi, koi bangin tu a na son bangin suak thei tu ziam?” ci hi.
35Vantunglalang in, “Nang tungah Thaa Thiangtho hong om tu a, Pathian ii vaangletna in nang hong uap tu hi. Hi thu hu in, patang thiangtho sia Pathian Tapa kici tu hi. 36Na bee nu Elizabeth ngaisun ka po in, ngual in ama tasel tu in a see sa hi, ahizong a huai mama kawm panin, tu in naungil a om zawk tha luk pha zo hi. 37Banghang ziam cile Pathian in na khat beak vawt mawk a nei bua hi,” ci hi.#Pian 18:14
38“Kei sia Topa naseamnu khi hi, hong ci babangin, kei tungah hong tung tahen,” Mary in a ci zawkciang vantunglalang in nusia hi.
Elizabeth kungah Mary Haw
39Tua zawk hiat ciangin Mary kithoai cingtengin Judea ngam mualtung khua khat ah manlang takin pai hi. 40Ama in Zechariah inn sungah tum in Elizabeth biakpui hi. 41Mary biapuina aw a zaak ciangin Elizabeth sung a om nauno lungdam in kisaan hi. Elizabeth Thaa Thiangtho taw kidim a, 42aw nging tak taw hi bangin ci hi. “Nang sia numei a minpiang thupha a saangbel nu na hi hi, na hin tu nauno in, thupha nga tahen! 43Ka Topa ii nu takpi kei kung a hong haw natu dongin, banghangin hi bangza a thupi thu hong piang ziam? 44Banghangin tuabangin ci khi ziam cile nong paupuina aw ka zaak po ciang, ka sung a nauno lungdam in kilawn hi. 45Topa ii hong thupuakte hong piang tatak tu ci a, na up thei hu in, bangza ta in mi lungdam na hi ziam!” ci hi.
Mary ii Pokna La
46Mary in,
“Ka thin ka lung in Topa pok hi;#1 Sa 2:1-10
47Pathian ka Ngumpa hangin
ka thaa lungdam hi.
48Banghang ziam cile ama in
kei a kithusim ngawl
a naseamnu hong phawk hi.#1 Sa 1:11
Tu a kipan mihingte in,
thupha saang nu hi hong ci tu hi.
49Banghang ziam cile
Vaanglian Pathian in
kei tungah nasep lian
hong sep hu ahi hi.
Ama min thiangtho hi;
50khang khat pan khang khat,
Ama a patoaite tungah hesuakna pia hi.
51A thahatna baan hong vaan a,
a kiphasakte le tuabang mihingte tupnate
mangtatamsak hi.
52Ama in kumpi liante
a tokhum uh panin khiasuk a, a niamte laamto hi.#Job 5:11; 12:19
53A ngilkialte neakpha taw vaak a,
a haute khut hawm nguak taw taisak hi.
54Ama in ih taanghpupite tungah
a thuciamte kholet a,
a naseam ahi Israel hu tu in hong pai hi.
55Ama in Abraham tungah
hesuakna a piak tu in a ciam sate,
a suan a paal theampo tung dong ah
piak tu in, a tawntungin phawk hi,” ci hi.#Pian 17:7
56Mary tha thum bang Elizabeth kungah a taam zawkciang cia kik hi.
Tuiphumpa John ii Suana
57Elizabeth a nau sua tu hun hong cing a, tapa khat hing hi. 58Topa ama tungah thuthiam mama hi ci in a innpaamte le a mealheakte in za uh a, lungdam pui tek uh hi. 59Nausen nipi khat a phak ciangin, a vunteap attansak tu in, hong pai uh a, a pa min la in, “Zechariah” ci in phuak uh hi.#Thiam 12:3 60Ahihang a nu in, “Hi ngawl hi! A min John hi tu hi.’ ci hi.
61“No phung sungah min tuabang om ngawl hi,” a ngualte in ci uh hi. 62Tuasia ciangin a pa tungah bang min phuak tu hi ziam ci in lim taw dongh uh hi.
63Zechariah in lai atna thingpheak ngen a, “A min John hi,” ci in at hi. Amate in lamdang sa mama uh hi. 64Tua hun lian laitakin, Zechariah hong pau thei kik a, Pathian pok hi. 65A innpaamte patau siat a, tuaciang hi thute Judea ngam mualtung tengah kizel hi. 66A zate theampo in, “Hi nausen bangbang mi hong suak tu ziam,” ci in ngaisutna le thudokna sia a thinsung tek ah om hi, banghang ziam cile Topa ii vaang ama tungah om hi, ci in thiangtel uh hi.
Zechariah ii Kamsaanna Thu
67John ii pa Zechariah Thaa Thiangtho taw kidim a, tuaciang ama in Pathian kam a saan teng son a:
68“Israel te ii Pathian Topa
pok tek tawng!
Ama in a mite hun tu in
hong pai a, suaktasak hi.
69Ama in a vaanglian Hunpa khat
hong pia a,
a naseampa David ii suan ahi hi.
70Taanghlai in a kamsaang
thiangthote tungah,
71ih ngalte le hong ensante
theampo ii thahatna pan
hong hun tu in hong kamciam zo hi.
72Ama in ih taanghpupite tungah
hesuakna hong lak tu in, hong ciam zo a,
ama thuciam thiangtho
phawk kik tu in hong khaam zo hi.
73-74Ih taanghpupi Abraham tungah
a ciliap huai kamciam taw
ih ngalte khut sung panin
hong hut zawk natu le
ngammuangin ama ii na
seam tu in hong kamciam zo hi.
75Tua ahikom ama mai ah
ih nuntak lai theampo
a thiangtho le thutang in,
ih om thei natu ahi hi.
76Nang, ka tapa,
a Saang Bel Pathian
kamsaangpa hi hong kici tu hi.
Nang in Topa mai ah na paikhol tu a,
a lampi na sialsak khol tu hi.#Mal 3:1
77Ama mihingte tungah
mawna kimaisakna taw
ngupna piang tu hi,
ci in na son tu hi.
78Ih Pathian sia hesuak thiam a,
thinneam hi.
Ama in ngupna zing khuavak
ei tungah hong taangsak tu a,
79tuaciangin thina khuazing
limh sung a teangte theampo tungah
vantung panin hong taang tu a,
thinnopna lampi tung,
ih kalsuanna ah hong lampui tu hi,” ci hi. #Is 9:2
80Nausen sia pumpi le thaa sungah hong khangto hi. Ama Israel mipite mai ah a kilak hun dong sennealngam sungah teang hi.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Siyin Chin Bible © Bible Society of Myanmar, 2016