Luke 17
17
Mawna
(Matthew 18:6-7; 18:21-22; Mk 9:42)
1Jesus in a nungzuite munah, “Maw thei natu ze et nate hong piang tu ma ahi hi, ahihang tua ze etna a piangsakte atu bangza in lauhuai ziam! 2Mihing khat in hi patangnote khat a puksak sangin a ngawng ah an ngoaina suang lian khat khii in tuipi sungah kivawksuk le, ama atu in phazaw hi. 3Tua ahiciang nasepna po ah kidawm vun! #Mt 18:15
“Na suapuipa a maw le teih in, a kisiik le maisak in. 4Ama in ni khat sungah salivei hong khial a, a simin, ‘Kisiik khi hi,’ hong cile na maisak hamtang kul tu hi,” ci hi.
Upna
5Sawltakte in Topa tungah, “Ka upna uh hong khangsak ta'n,” ci uh hi.
6Topa in zo kik a, “Ankamhtang cia upna nei le uhte hi naailung kung munah, ‘Nangma le nangma kibot in tuipi sungah kiphut in!’ ci le uhte zong na thu uh hong ni tu hi.
Naseam khat ii Vaipuak
7“Sonteena in no sungah khat in lotho ziam, tuucing ziam naseam khat nei hi, ama lo panin hong cia po ciang, manlang in na an ne in, na ci tu uh ziam? 8Tuabangin kici ngawl hi! Bang kici zaw ziam cile, ‘Ka nitak an na thuuk in, awmdap na silh zawkciang, ka neak ka dawn laitakin hong ngak ta'n, tua zawkciang, nangma ne in ci tu nu hi. 9Naseampa in sawlna teng a sep hu in, ama tungah lungdam khi hi citaak ngawl hi ngawl ziam? 10No zongh tuabang ma na hi natu ahi hi; hong kisawl teng na sep zawk uh ciangin, ‘Ei sia naseam ma kihi lel a, ih sep tu teng ma a kiseam hi bek hi,’ ci tu nu hi.
Jesus in Mihing Sawm Damsak
11Jesus in Samaria le Galilee ngamngi tawn in Jerusalem ah pai hi. 12Khuano khat sungah a tum laitakin a lauhuai vun natna a vei mihing sawm taw kisi hi. Amate sia ama kung panin, tawm a khuala na ah dingin, 13“Jesus awng! Topa awng! ko hong hesuak ta'n!” ci in au uh hi.
14Jesus in amate a mu ciang, “Pai tavun a, na thiampite in vealsak tavun,” ci hi.#Thiam 14:1-32
Amate a pai kawkawm in, dam thiang uh hi. 15A damna a kiheak ciangin, amate sung pan khat hong heak kik a, nging takin Pathian pok hi. 16Ama in Jesus peang ah bokin, lungdamko hi. “Hisia pa sia Samaria mi ahi hi. 17Jesus in, “A kidamsak mihing sawm pha hi; a dang teng koisungah om ziam? 18Banghangin hi minam dang pa bek in, Pathian tungah lungdamko tu in hong heak kik ziam?” ci hi. 19Tuaciangin Jesus in ama tungah, “Ding in, va pai ta'n; na upna in hong damsak zo hi,” ci hi.
Pathian Ngam hong Thet natu
(Matthew 24:23-28; 24:37-41)
20Pharisee te pawlkhat in Jesus munah “Pathian Ngam bang hun ciang hong tung tu ziam?” ci in dongh uh hi. A zo kikna ah, “Pathian Ngam sia, tuabangin mit a mu thei in hong theng ngawl tu hi. 21Kuama in, ‘En vun, hi munah om hi!’ tua ahibuale ‘Zia sungah om hi!’ ci thei ngawl tu hi! banghang ziam cile Pathian Ngam noma sungah om hi,” ci hi.
22Tua zawkciang a nungzuite munah “Hun khat ciangin note in, Mihing Tapa ii nite sung pan ni khat beak, na mu nop tu hun hong theng tu hi, ahizong na mu buatu uh hi. 23Mihingte in “En vun, zia sungah!” tua ahibuale, “En vun hi sungah!” hong ci om tu hi, ahihang tuate, zong tu in pai heak vun. 24Khualeng sia vanmong khat pan mong khat ah kizel in, a taankeaksak bangma in, Mihing Tapa zongh ama ii ni hong tun ciangin tuabang ma hong hi tu hi. 25Ahizong ama in nasia takin hong thuak masa tu a, tu hun mihingte in hong nial tu hi. 26Mihing Tapa hun zongh Noah hun lai bangma hong hi tu hi. #Pian 6:5-8 27Mihingte in neakna le dawnnate vawt tan in, Noah ii teambaw sung a tum ni dong ma, numei le pa kiteang a, tuaciangin tuipi liim sia in, amate thatlum siat hi.#Pian 7:6-24 28Tua hun sia Lot ii hun taw zong kibang tu hi. Mihing sim in neakna dawnna, vanh leina vanh zuakna, ankung ciinna, inn sakna taw hun zangh uh hi.#Pian 18:20—19:25 29Sodom khua panin Lot a pusua ni in, van pan, meikuang le kaan nguazu bangin zusuk a, amate theampo thatlum siat hi. 30Mihing Tapa hong kilaak ni ciangin, tuabang ma hi tu hi.
31Tua ni in innkhum tungah a om mihing khat in, a neisa la tu in, inn sungah tuaksuk nawn heak hen; tuasia bangma in lo sung a om mihing khat in, a inn ah cia kik nawn heak hen.#Mt 24:17-18; Mk 13:15-16 32Lot ii zi na phawk tavun.#Pian 19:26 33A nuntakna a huu nuam sia in, taan tu hi; a nuntakna a taan sia in kihuu tu hi.#Mt 10:39; 16:25; Mk 8:35; Lk 9:24; Jn 12:25 34A maan takin kong ci ciang, tua zanin mihing nii lupna tungah a lumkhawmte: khat kila tu a, khat sia kinusia tu hi. 35Numei nii anngoai khawm a omte: khat kila tu a, khat kinusia tu hi. 36Pasal nii lo sungah a diangkhawmte: khat kila tu a, khat kikhe tu hi.
37Nungzuite in ama tungah, “Koisungah hi bangin piang tu ziam, Topa,” ci in dongh uh hi.
Jesus in, “Thiluang omna munah vaciikte kikhawm tu hi,” ci hi.
Atualmente selecionado:
Luke 17: SCB2
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Siyin Chin Bible © Bible Society of Myanmar, 2016
Luke 17
17
Mawna
(Matthew 18:6-7; 18:21-22; Mk 9:42)
1Jesus in a nungzuite munah, “Maw thei natu ze et nate hong piang tu ma ahi hi, ahihang tua ze etna a piangsakte atu bangza in lauhuai ziam! 2Mihing khat in hi patangnote khat a puksak sangin a ngawng ah an ngoaina suang lian khat khii in tuipi sungah kivawksuk le, ama atu in phazaw hi. 3Tua ahiciang nasepna po ah kidawm vun! #Mt 18:15
“Na suapuipa a maw le teih in, a kisiik le maisak in. 4Ama in ni khat sungah salivei hong khial a, a simin, ‘Kisiik khi hi,’ hong cile na maisak hamtang kul tu hi,” ci hi.
Upna
5Sawltakte in Topa tungah, “Ka upna uh hong khangsak ta'n,” ci uh hi.
6Topa in zo kik a, “Ankamhtang cia upna nei le uhte hi naailung kung munah, ‘Nangma le nangma kibot in tuipi sungah kiphut in!’ ci le uhte zong na thu uh hong ni tu hi.
Naseam khat ii Vaipuak
7“Sonteena in no sungah khat in lotho ziam, tuucing ziam naseam khat nei hi, ama lo panin hong cia po ciang, manlang in na an ne in, na ci tu uh ziam? 8Tuabangin kici ngawl hi! Bang kici zaw ziam cile, ‘Ka nitak an na thuuk in, awmdap na silh zawkciang, ka neak ka dawn laitakin hong ngak ta'n, tua zawkciang, nangma ne in ci tu nu hi. 9Naseampa in sawlna teng a sep hu in, ama tungah lungdam khi hi citaak ngawl hi ngawl ziam? 10No zongh tuabang ma na hi natu ahi hi; hong kisawl teng na sep zawk uh ciangin, ‘Ei sia naseam ma kihi lel a, ih sep tu teng ma a kiseam hi bek hi,’ ci tu nu hi.
Jesus in Mihing Sawm Damsak
11Jesus in Samaria le Galilee ngamngi tawn in Jerusalem ah pai hi. 12Khuano khat sungah a tum laitakin a lauhuai vun natna a vei mihing sawm taw kisi hi. Amate sia ama kung panin, tawm a khuala na ah dingin, 13“Jesus awng! Topa awng! ko hong hesuak ta'n!” ci in au uh hi.
14Jesus in amate a mu ciang, “Pai tavun a, na thiampite in vealsak tavun,” ci hi.#Thiam 14:1-32
Amate a pai kawkawm in, dam thiang uh hi. 15A damna a kiheak ciangin, amate sung pan khat hong heak kik a, nging takin Pathian pok hi. 16Ama in Jesus peang ah bokin, lungdamko hi. “Hisia pa sia Samaria mi ahi hi. 17Jesus in, “A kidamsak mihing sawm pha hi; a dang teng koisungah om ziam? 18Banghangin hi minam dang pa bek in, Pathian tungah lungdamko tu in hong heak kik ziam?” ci hi. 19Tuaciangin Jesus in ama tungah, “Ding in, va pai ta'n; na upna in hong damsak zo hi,” ci hi.
Pathian Ngam hong Thet natu
(Matthew 24:23-28; 24:37-41)
20Pharisee te pawlkhat in Jesus munah “Pathian Ngam bang hun ciang hong tung tu ziam?” ci in dongh uh hi. A zo kikna ah, “Pathian Ngam sia, tuabangin mit a mu thei in hong theng ngawl tu hi. 21Kuama in, ‘En vun, hi munah om hi!’ tua ahibuale ‘Zia sungah om hi!’ ci thei ngawl tu hi! banghang ziam cile Pathian Ngam noma sungah om hi,” ci hi.
22Tua zawkciang a nungzuite munah “Hun khat ciangin note in, Mihing Tapa ii nite sung pan ni khat beak, na mu nop tu hun hong theng tu hi, ahizong na mu buatu uh hi. 23Mihingte in “En vun, zia sungah!” tua ahibuale, “En vun hi sungah!” hong ci om tu hi, ahihang tuate, zong tu in pai heak vun. 24Khualeng sia vanmong khat pan mong khat ah kizel in, a taankeaksak bangma in, Mihing Tapa zongh ama ii ni hong tun ciangin tuabang ma hong hi tu hi. 25Ahizong ama in nasia takin hong thuak masa tu a, tu hun mihingte in hong nial tu hi. 26Mihing Tapa hun zongh Noah hun lai bangma hong hi tu hi. #Pian 6:5-8 27Mihingte in neakna le dawnnate vawt tan in, Noah ii teambaw sung a tum ni dong ma, numei le pa kiteang a, tuaciangin tuipi liim sia in, amate thatlum siat hi.#Pian 7:6-24 28Tua hun sia Lot ii hun taw zong kibang tu hi. Mihing sim in neakna dawnna, vanh leina vanh zuakna, ankung ciinna, inn sakna taw hun zangh uh hi.#Pian 18:20—19:25 29Sodom khua panin Lot a pusua ni in, van pan, meikuang le kaan nguazu bangin zusuk a, amate theampo thatlum siat hi. 30Mihing Tapa hong kilaak ni ciangin, tuabang ma hi tu hi.
31Tua ni in innkhum tungah a om mihing khat in, a neisa la tu in, inn sungah tuaksuk nawn heak hen; tuasia bangma in lo sung a om mihing khat in, a inn ah cia kik nawn heak hen.#Mt 24:17-18; Mk 13:15-16 32Lot ii zi na phawk tavun.#Pian 19:26 33A nuntakna a huu nuam sia in, taan tu hi; a nuntakna a taan sia in kihuu tu hi.#Mt 10:39; 16:25; Mk 8:35; Lk 9:24; Jn 12:25 34A maan takin kong ci ciang, tua zanin mihing nii lupna tungah a lumkhawmte: khat kila tu a, khat sia kinusia tu hi. 35Numei nii anngoai khawm a omte: khat kila tu a, khat kinusia tu hi. 36Pasal nii lo sungah a diangkhawmte: khat kila tu a, khat kikhe tu hi.
37Nungzuite in ama tungah, “Koisungah hi bangin piang tu ziam, Topa,” ci in dongh uh hi.
Jesus in, “Thiluang omna munah vaciikte kikhawm tu hi,” ci hi.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Siyin Chin Bible © Bible Society of Myanmar, 2016