Luke 3
3
Tuiphumpa John Thuhilna
(Matthew 3:1-12; Mark 1:1-8; John 1:19-28)
1A hun sia Kumpilianpa Tiberius ii a maan zawk kum sawm le kum nga a cin hun hi a; Pontius Pilate sia Judea ngamuk mangpa hi in, Herod sia Galilee ngamukpa hi a, a suapuipa Philip sia Iturea ngamkhen le Trachonitis ngamukpa hi; Lysanias sia Abilene ngamukpa hi, 2tuaciang Annas le Caiaphas sia thiampi lianbelte ahi uh hi. Tua hun laitakin sennealngam sungah a om Zechariah ii tapa John tungah Pathian kammal hong theng hi. 3Tua ahikom John in Jordan Ngundung ngamkuam bup ah thuhil a, “Na mawna uh kisiik kik vun a, tui kiphum vun, tua hile Pathian in na mawna uh hong maisak tu hi,” ci hi. 4Kamsaangpa Isaiah laibu sungah a ki at bangma in:
“Sennealngam sungah
mihing khat hong au a:
‘Topa atu lampi sialkhol vun;
ama khualhaw natu in
lamzin tang khat vawtsak vun! #Is 40:3-5
5Ngamkuam theampo kivuk tu a,
Muallian le mualnote theampo kiziik tam tu hi.
Lam kingkoai theampo
kimam in,
Lam ham theampo
a neal in kivawt tu hi.
6Minam theampo in Pathian ii
ngupna mu tu hi,’ ci hi.”
7Mihonpite sia John ii tuiphum tu in, hong pai tek uh hi. Amate tungah, “No ngul honte awng, Pathian ii hong tunsak tu daan pan, suakta thei tu nu hi ci in akua in no hong son ziam?#Mt 12:34; 23:33 8Na mawna uh pan na kisiik kikna uh kilanghsak vun. Tuaciangin Abraham sia kote ii taanghpupi hi ci in, noma tetek sungah na kici tuan heak vun. Kei kong cina pan, Pathian in suangtum hite zongh la in, Abraham suan le paal in vawt thei hi! #Jn 8:33 9Thingkungte phuk tu in a bul ah, hei mai kingat zo hi; nga pha a nga ngawl thingkung theampo kiphuk tu a, meimang sungah kisep tu hi.” #Mt 7:19
10Mipite in, “Tua hile bangbang a ngamta tu khu ziam?” ci in dongh uh hi.
11“Laktong silh nii a neite in, a nei ngawlte silh khat hawm tahen, an a nei te zongh in tuabang ma in hawm tahen,” ci in zo kik hi.
12Shiadong pawlkhat zongh tui kiphum tu in hong pai a, “Sya awng, ko zongh bangbang ka ngamta tu uh ziam?” ci in dongh uh hi.#Lk 7:29
13“Na khon tu uh sangin a tamzaw khon heak vun,” amate tungah ci hi.
14Ngalkap pawlkhat in, “Ko zongh bangbang a ngamta tu khu ziam?” ci in dongh uh hi.
Amate tungah, “Zawthawk thu taw kuama tung pan sum la heak vun, leilot thu taw kuama tungah thu zong heak vun. Na thasum uh taw lungkim vun,” ci hi.
15Mihingte ii lametna sia khang tu in kipan a, amate in John sia Messiah ahi ka tawm maw ci in ngaisun uh hi. 16Tua ahikom John in amate tungah, “Kei ka hile tui taw tui kong phum hi, ahihang kei sangin a lian zaw pek khat hong pai lai tu hi. Ama ii peangdap khau suut tu zongh in ka kilawm bua hi. Ama in Thaa Thiangtho le meikuang taw hong baptize tu hi. 17Ama in ankheap natu taangkheaplaw, a khut sungah toai zo hi, zungtaangte hong kheap tu a, a tang teng saal sungah khawmtua in; a theap teng a mit ngeingawl meikuang sungah hal tu hi,” ci hi.
18John in Lungdamna Thupha mipite tungah a nanam in hil a, amate tek ii nuntakna ziate a kikheal thei natu in hanthawn hi. 19Ahizong John in ngamuk mangpa Herod teih hi, banghang ziam cile ama in a suapuipa ii zi Herodias teenpui a, phat ngawlna zongh tam ma vawt hi.#Mt 14:3-4; Mk 6:17-18 20Tuaciang Herod in John sia thong sungah a khumna taw in ngamtatna a sia seseam khat vawt hi.
Jesus Tui Kiphumna
(Matthew 3:13-17; Mark 1:9-11)
21Mihing a om theampo tui a kiphum zawk uh ciangin, Jesus zongh tui kiphum hi. A thunget laitak van kihong a, 22Thaa Thiangtho sia a kimu thei pumpi taw ngam vakhu bangin a tungah hong tu hi. Tuaciang aw khat van panin hong nging a, “Nang sia ka it ka Tapa na hi hi. Nang tungah ka lungkim hi,” ci hi.#Pian 22:1; Ps 2:7; Is 42:1; Mt 3:17; Mk 1:11; Lk 9:35
Jesus ii Taanghpupite
(Matthew 1:1-17)
23Jesus naseam tu in hong kipat laitakin ama kum kum sawmthum bang pha zo hi. Ama Joseph ii tapa hi ci in mihingte in ngaisun uh a, Heli ii tapa Joseph, 24Matthat ii tapa Heli, Levi ii tapa Matthat, Melchi ii tapa Levi, Jannai ii tapa Melchi, Joseph ii tapa Jannai 25Mattathias ii tapa Joseph, Amos ii tapa Mattathias, Nahum ii tapa Amos, Esli ii tapa Nahum, Naggai ii tapa Esli, 26Maath ii tapa Naggai, Mattathias ii tapa Maath, Semein ii tapa Mattathias, Josech ii tapa Semein, Joda ii tapa Josech, 27Joanan ii tapa Joda, Rhesa ii tapa Joanan, Zerubbabel ii tapa Rhesa, Shealtiel ii tapa Zerubbabel, Neri ii tapa Shealtiel, 28Melchi ii tapa Neri, Addi ii tapa Melchi, Cosam ii tapa Addi, Elmadam ii tapa Cosam, Er ii tapa Elmadam, 29Joshua ii tapa Er, Eliezer ii tapa Joshua, Jorim ii tapa Eliezer, Matthat ii tapa Jorim, Levi ii tapa Matthat, 30Simeon ii tapa Levi, Judah ii tapa Simeon, Joseph ii tapa Judah, Jonam ii tapa Joseph, Eliakim ii tapa Jonam, 31Melea ii tapa Eliakim, Menna ii tapa Melea, Mattatha ii tapa Menna, Nathan ii tapa Mattatha, David ii tapa Nathan, 32Jesse ii tapa David, Obed ii tapa Jesse, Boaz ii tapa Obed, Salmon ii tapa Boaz, Nahshon ii tapa Salmon, 33Amminadab ii tapa Nahshon, Admin ii tapa Amminadab, Arni ii tapa Admin, Hezron ii tapa Arni, Perez ii tapa Hezron, Judah ii tapa Perez, 34Jacob ii tapa Judah, Isaac ii tapa Jacob, Abraham ii tapa Isaac, Terah ii tapa Abraham, Nahor ii tapa Terah, 35Serug ii tapa Nahor, Reu ii tapa Serug, Peleg ii tapa Reu, Eber ii tapa Peleg, Shelah ii tapa Eber, 36Cainan ii tapa Shelah, Arphaxad ii tapa Cainan, Shem ii tapa Arphaxad, Noah ii tapa Shem, Lamech ii tapa Noah, 37Methuselah ii tapa Lamech, Enoch ii tapa Methuselah, Jared ii tapa Enoch, Mahalaleel ii tapa Jared, Kenan ii tapa Mahalaleel, 38Enosh ii tapa Kenan, Seth ii tapa Enosh, Adam ii tapa Seth, Pathian ii tapa Adam.
Atualmente selecionado:
Luke 3: SCB2
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Siyin Chin Bible © Bible Society of Myanmar, 2016
Luke 3
3
Tuiphumpa John Thuhilna
(Matthew 3:1-12; Mark 1:1-8; John 1:19-28)
1A hun sia Kumpilianpa Tiberius ii a maan zawk kum sawm le kum nga a cin hun hi a; Pontius Pilate sia Judea ngamuk mangpa hi in, Herod sia Galilee ngamukpa hi a, a suapuipa Philip sia Iturea ngamkhen le Trachonitis ngamukpa hi; Lysanias sia Abilene ngamukpa hi, 2tuaciang Annas le Caiaphas sia thiampi lianbelte ahi uh hi. Tua hun laitakin sennealngam sungah a om Zechariah ii tapa John tungah Pathian kammal hong theng hi. 3Tua ahikom John in Jordan Ngundung ngamkuam bup ah thuhil a, “Na mawna uh kisiik kik vun a, tui kiphum vun, tua hile Pathian in na mawna uh hong maisak tu hi,” ci hi. 4Kamsaangpa Isaiah laibu sungah a ki at bangma in:
“Sennealngam sungah
mihing khat hong au a:
‘Topa atu lampi sialkhol vun;
ama khualhaw natu in
lamzin tang khat vawtsak vun! #Is 40:3-5
5Ngamkuam theampo kivuk tu a,
Muallian le mualnote theampo kiziik tam tu hi.
Lam kingkoai theampo
kimam in,
Lam ham theampo
a neal in kivawt tu hi.
6Minam theampo in Pathian ii
ngupna mu tu hi,’ ci hi.”
7Mihonpite sia John ii tuiphum tu in, hong pai tek uh hi. Amate tungah, “No ngul honte awng, Pathian ii hong tunsak tu daan pan, suakta thei tu nu hi ci in akua in no hong son ziam?#Mt 12:34; 23:33 8Na mawna uh pan na kisiik kikna uh kilanghsak vun. Tuaciangin Abraham sia kote ii taanghpupi hi ci in, noma tetek sungah na kici tuan heak vun. Kei kong cina pan, Pathian in suangtum hite zongh la in, Abraham suan le paal in vawt thei hi! #Jn 8:33 9Thingkungte phuk tu in a bul ah, hei mai kingat zo hi; nga pha a nga ngawl thingkung theampo kiphuk tu a, meimang sungah kisep tu hi.” #Mt 7:19
10Mipite in, “Tua hile bangbang a ngamta tu khu ziam?” ci in dongh uh hi.
11“Laktong silh nii a neite in, a nei ngawlte silh khat hawm tahen, an a nei te zongh in tuabang ma in hawm tahen,” ci in zo kik hi.
12Shiadong pawlkhat zongh tui kiphum tu in hong pai a, “Sya awng, ko zongh bangbang ka ngamta tu uh ziam?” ci in dongh uh hi.#Lk 7:29
13“Na khon tu uh sangin a tamzaw khon heak vun,” amate tungah ci hi.
14Ngalkap pawlkhat in, “Ko zongh bangbang a ngamta tu khu ziam?” ci in dongh uh hi.
Amate tungah, “Zawthawk thu taw kuama tung pan sum la heak vun, leilot thu taw kuama tungah thu zong heak vun. Na thasum uh taw lungkim vun,” ci hi.
15Mihingte ii lametna sia khang tu in kipan a, amate in John sia Messiah ahi ka tawm maw ci in ngaisun uh hi. 16Tua ahikom John in amate tungah, “Kei ka hile tui taw tui kong phum hi, ahihang kei sangin a lian zaw pek khat hong pai lai tu hi. Ama ii peangdap khau suut tu zongh in ka kilawm bua hi. Ama in Thaa Thiangtho le meikuang taw hong baptize tu hi. 17Ama in ankheap natu taangkheaplaw, a khut sungah toai zo hi, zungtaangte hong kheap tu a, a tang teng saal sungah khawmtua in; a theap teng a mit ngeingawl meikuang sungah hal tu hi,” ci hi.
18John in Lungdamna Thupha mipite tungah a nanam in hil a, amate tek ii nuntakna ziate a kikheal thei natu in hanthawn hi. 19Ahizong John in ngamuk mangpa Herod teih hi, banghang ziam cile ama in a suapuipa ii zi Herodias teenpui a, phat ngawlna zongh tam ma vawt hi.#Mt 14:3-4; Mk 6:17-18 20Tuaciang Herod in John sia thong sungah a khumna taw in ngamtatna a sia seseam khat vawt hi.
Jesus Tui Kiphumna
(Matthew 3:13-17; Mark 1:9-11)
21Mihing a om theampo tui a kiphum zawk uh ciangin, Jesus zongh tui kiphum hi. A thunget laitak van kihong a, 22Thaa Thiangtho sia a kimu thei pumpi taw ngam vakhu bangin a tungah hong tu hi. Tuaciang aw khat van panin hong nging a, “Nang sia ka it ka Tapa na hi hi. Nang tungah ka lungkim hi,” ci hi.#Pian 22:1; Ps 2:7; Is 42:1; Mt 3:17; Mk 1:11; Lk 9:35
Jesus ii Taanghpupite
(Matthew 1:1-17)
23Jesus naseam tu in hong kipat laitakin ama kum kum sawmthum bang pha zo hi. Ama Joseph ii tapa hi ci in mihingte in ngaisun uh a, Heli ii tapa Joseph, 24Matthat ii tapa Heli, Levi ii tapa Matthat, Melchi ii tapa Levi, Jannai ii tapa Melchi, Joseph ii tapa Jannai 25Mattathias ii tapa Joseph, Amos ii tapa Mattathias, Nahum ii tapa Amos, Esli ii tapa Nahum, Naggai ii tapa Esli, 26Maath ii tapa Naggai, Mattathias ii tapa Maath, Semein ii tapa Mattathias, Josech ii tapa Semein, Joda ii tapa Josech, 27Joanan ii tapa Joda, Rhesa ii tapa Joanan, Zerubbabel ii tapa Rhesa, Shealtiel ii tapa Zerubbabel, Neri ii tapa Shealtiel, 28Melchi ii tapa Neri, Addi ii tapa Melchi, Cosam ii tapa Addi, Elmadam ii tapa Cosam, Er ii tapa Elmadam, 29Joshua ii tapa Er, Eliezer ii tapa Joshua, Jorim ii tapa Eliezer, Matthat ii tapa Jorim, Levi ii tapa Matthat, 30Simeon ii tapa Levi, Judah ii tapa Simeon, Joseph ii tapa Judah, Jonam ii tapa Joseph, Eliakim ii tapa Jonam, 31Melea ii tapa Eliakim, Menna ii tapa Melea, Mattatha ii tapa Menna, Nathan ii tapa Mattatha, David ii tapa Nathan, 32Jesse ii tapa David, Obed ii tapa Jesse, Boaz ii tapa Obed, Salmon ii tapa Boaz, Nahshon ii tapa Salmon, 33Amminadab ii tapa Nahshon, Admin ii tapa Amminadab, Arni ii tapa Admin, Hezron ii tapa Arni, Perez ii tapa Hezron, Judah ii tapa Perez, 34Jacob ii tapa Judah, Isaac ii tapa Jacob, Abraham ii tapa Isaac, Terah ii tapa Abraham, Nahor ii tapa Terah, 35Serug ii tapa Nahor, Reu ii tapa Serug, Peleg ii tapa Reu, Eber ii tapa Peleg, Shelah ii tapa Eber, 36Cainan ii tapa Shelah, Arphaxad ii tapa Cainan, Shem ii tapa Arphaxad, Noah ii tapa Shem, Lamech ii tapa Noah, 37Methuselah ii tapa Lamech, Enoch ii tapa Methuselah, Jared ii tapa Enoch, Mahalaleel ii tapa Jared, Kenan ii tapa Mahalaleel, 38Enosh ii tapa Kenan, Seth ii tapa Enosh, Adam ii tapa Seth, Pathian ii tapa Adam.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Siyin Chin Bible © Bible Society of Myanmar, 2016