maṯa 10
10
asa 10
ḏuwəjo dun ḏiro di ua gwuttən na jiri jagin
mks. 3:13-19, lk. 6:12-16
1gwune nuorniḏe calɩmis juŋun jun jiro di na gwuttən, nulḏəḏə ŋelɩnya ge ḏitio diŋeroma, na gi ḏigela liji muma lun leḏeḏo nanu na lun ləṯi ŋɩɽainy ŋiro kajakaja. 2na duwəjo dun diro di na gwuttən dan dino: simian gwun gwan buṯrus, na megin gwan anḏarawus; na yagub ŋaɽe ŋeḏi jebəḏi, na megin gwan yuwana; 3na bilibus, na barṯalmawus; na ṯoma, na maṯa gwun gwaṯɩmeje ṯulba; na yagub ŋaɽe ŋeḏi alba, na ṯaḏawus, 4na simian gweḏi kanan, na yauḏa iskariyuṯi gwun gwiḏəḏi yecuŋ liji dino.
ŋɩru ŋagin
mks. 6:7-13, lk. 9:1-6
5na leno liro di na gwuttən luwəjɩlo yecu nulgelijo ŋuɽuna nuleicɩno, aṯanyawele ŋi ṯaṯ ḏeḏi liji lun liro ŋa dino, nanya lo lanəḏi kamɩrɩgen yəḏi yeḏi lisamɩra no; 6nyamɩni ele ŋi joŋol jun jɩḏuḏo jeḏi dunu gweḏi isreiyil. 7na kaja gun ganyagele, aṯanyaluməḏɩjo nyaleicɩno, ŋele ŋeḏi kanyin ŋo gɩṯo. 8gelɩlo liji muma lun leḏeḏo nanu, nyaliŋiri nanu lun liṯɩlo ŋilo, nyaldiɽɩ ga lun laiyo, aṯanyadi diŋeroma. ŋɩmanyalape ga dino, na ŋanyalɩḏəḏə ga dino. 9aṯanyanape ḏab i bada i ŋɩdio ŋun ŋiro gi algɩrucu giria ge no, 10i gwurəḏ geḏi ṯaṯ, i ŋwugo ŋwɩttən, i jɩwɩḏe, i ṯuwa no, gi gwune gwun gwaṯape ŋɩru gwɩdeleḏo gwan ḏiṯa ḏuŋun. 11namɩni amɩrɩgen yun yanyanəḏi i lɩrgwom ɽoṯəḏɩl gwiji gwun gwɩdeleḏo, nyajiga ŋɩnəwei kəbe nyanwele. 12na da nyalməḏi kwu dunu nyamɩɽənyo gwerre liji leḏi dunu. 13na da dunu madeleḏe nyouwɩrico ḏɩmɩɽəḏo ḏalo ŋwujaḏaṯa lugwun; namɩni da gwate madeleḏe no nyouwɩrico ḏɩmɩɽəḏo ḏalo ḏaɽuwa lagalo. 14na gwun gwate majəmɩnyi no, i majideŋina ŋuɽuna ŋalo no, gwune nanyaṯu kwu dunu kwono i amɩrɩgen yono nyapənyə ḏɩbuɽɩbuɽə galo ŋwara ŋwalo. 15gwerkwe ganu nyi gweiceijɩno, jɩmɩrɩgen jun jan sadum na umura jatiene ḏakɩmino kworo gweḏi amɩrɩgen yeno gi lamon le ḏakɩmiḏa.
ḏiḏagɩɽina
16nyi gwajiwəje liro gi joŋol kɩlɩgi ganu geḏi jamɽainy. na duḏɩl lɩŋiḏi jei je gi juŋo na liŋir gi jɩɽidir. 17namɩni jil muma gi liji, gi gwune lajigwuloḏa kəcərio yun yɩbuḏo yeḏi liju, nalajipi gi lɩdunu lagin leḏi elo, 18nalajigwulo gi jei ganu jeḏi mudirɩŋa na lele gwan nyi, nyaro ḏɩteijo galo lagin na gi liji leḏi jɩmɩrɩgen wei. 19na da limajiḏəḏə luŋaije, aṯanyuməḏɩno gi dugwor ganu galakwe i ŋɩrṯa ŋanyalumə no, gi gwune ŋanyalape gi sa cono ŋun ŋar ŋanyalumə. 20gi gwune nya lədu lumə no namɩni gwuɽɩwə gweḏi baba gwalo gwiro gwun gwaṯumə lagalo. 21na megin ḏəḏə megin daiya, na baba ḏəḏə ŋaɽe daiya, na nyaɽe diɽo nalkiḏiḏi babaŋale nanaŋale nallɩɽinye. 22na nyaladonyini liji le wei gwan jiri jinyi; na gwun gwuḏuḏɩnɩjo gɩdoŋ gwəkədəḏɩni ga. 23namɩni da limajɩnḏagɩɽini kamɩrɩgen yeno, abɩrəḏɩl kamɩrɩgen ŋiro kaja, na gwerkwe nyi gweiceijɩno, nyaŋa late ləṯɩmi jɩmɩrɩgena jeḏi isreiyil kəbe ŋaɽe geḏi liji ŋila no. 24na ṯalɩmis ḏate ḏɩbuṯano kwu mualɩm gwuŋun no, i wainy gwate gwubuṯano kwele gwuŋun no. 25ŋidadaṯo da ṯalɩmis ḏɩmaro gi mualɩm gwuŋun, na wainy maro gi gwele gwuŋun. da luŋa lɩmeico gwiji gweḏi dunu bilsibul, namɩni ŋiro ŋaḏa ŋutəno naluməḏɩjo liji leḏi dunu gwuŋun.
ḏonyil eloŋu
lk. 12:2-9
26na ŋiro dino nya lo lanyalḏonye. na ŋate ŋun ŋikɩrɩbəḏɩnu ŋun ŋate ŋaɽeleḏini no, i ŋɩlɩbiḏɩnu ŋun ŋate ŋalɩŋiḏini no. 27na ŋono ŋuməḏijajɩŋe kirɩm uməḏɩlo ŋe kwu bure, na ŋun ŋidiŋɩnanyalo nəni ne uməḏɩlo ŋe nyaŋa gi lɩdunu elo lun luwɩra ga ŋwuɽelo. 28na lo lanyalḏe lun laɽinye aŋɩna namɩni late ləṯi ŋɩma laɽinye dugwor no. nyamɩni ḏonye gwun gwəṯi ŋɩma gwaɽɩnye dugwor na aŋɩnu berene jenam. 29ŋwujujɩri ŋwɩttən ŋwate ŋwiḏɩlini lɩmilima lɩttən na? na gwate gwete lagin gwanauciga kwɩnyəm da baba gwalo late lɩmunaŋu no. 30namɩni əɽu wei yeḏi ŋwuɽa gwalo yiḏuɽəḏɩnu. 31na ŋiro dino nyadonyida no, gi gwune nyaŋa nyalnəno ŋwujujɩri ŋwutu. 32gwun gwiteiji ga gi jei ganu jeḏi liji, namɩni nyi gwiteije ga dino gi jei ganu jeḏi baba gwɩ gwun gwaṯɩje kanyin. 33na gwun gwinyidonye gi jei ganu jeḏi liji, na gwidonye dino gi jei ŋanu jeḏi baba gwɩ gwun gwaṯɩje kanyin.
34aṯanyanuməḏɩni nyalanarno, nyi mila gwagele ḏouwɩɽɩḏa kiḏilio no; nyi gwate gwuwiḏi gwagele ḏouwɩɽɩda no, namɩni kɩwiḏ. 35gi gwune nyi mila nyi gwəkənyə gwiji ganu di baba gwuŋun, na ŋaɽe ŋun ŋiro gwa ḏi nana gwuŋun, na gwunən gwun gwiro gwa kwunən gwun gwiro ŋera. 36na liji leḏi dunu gwuŋun liro lun lɩkiḏiḏɩle. 37na gwun gwəmɩnyeno babaŋ i nanaŋ lugwi gwate gwɩdeledo lugwi no, namɩni gwun gwəmɩnyeno ŋaɽe ŋun ŋiro gwəmɩnyo i ŋun ŋiro gwa lugwi gwate gwɩḏeleḏo lugwi no. 38na gwun gwate gwaɽe luɽi luŋun lun lɩmalɩḏo ganu nyilgwujane no gwate gwɩḏeleḏo lugwi no. 39na gwun gwabuje ḏɩmiḏa ḏuŋun ḏuḏuji, namɩni gwun gwaḏuji ḏɩmiḏa ḏuŋun gwan nyi ḏubuje.
40na gwun gwəmɩnyaɽe gwinyiəmɩnyi ḏino, na gwun gwiəmɩnyi gwəmɩnyi gwun gwuwəjɩŋi. 41gwun gwəmɩnyi nebɩŋ gi gwune gwiro nebi nuape ŋɩdio ŋeḏi ŋɩru ŋeḏi nebi, na gwun gwəmɩnyi gwiji gwun gwiŋir gi gwune gwiro gwiji gwiŋir, nuape ŋɩḏio ŋeḏi ŋɩru ŋeḏi gwiji gwun gwiŋir. 42na gwun gwici ŋaje ŋun ŋɩti kworo kweno ŋau ŋun ŋɩnyidi kɩɽudo getɩdo kuwei gi gwune gwiro ṯalɩmis, gwerkwe ganu nyi gweiceijɩno, ŋu gwate gwaḏuji ŋɩḏio ŋuŋun nə.
Atualmente selecionado:
maṯa 10: OTR1966
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Nuba, Otoro New Testament
© British and Foreign Bible Society, 1966.
maṯa 10
10
asa 10
ḏuwəjo dun ḏiro di ua gwuttən na jiri jagin
mks. 3:13-19, lk. 6:12-16
1gwune nuorniḏe calɩmis juŋun jun jiro di na gwuttən, nulḏəḏə ŋelɩnya ge ḏitio diŋeroma, na gi ḏigela liji muma lun leḏeḏo nanu na lun ləṯi ŋɩɽainy ŋiro kajakaja. 2na duwəjo dun diro di na gwuttən dan dino: simian gwun gwan buṯrus, na megin gwan anḏarawus; na yagub ŋaɽe ŋeḏi jebəḏi, na megin gwan yuwana; 3na bilibus, na barṯalmawus; na ṯoma, na maṯa gwun gwaṯɩmeje ṯulba; na yagub ŋaɽe ŋeḏi alba, na ṯaḏawus, 4na simian gweḏi kanan, na yauḏa iskariyuṯi gwun gwiḏəḏi yecuŋ liji dino.
ŋɩru ŋagin
mks. 6:7-13, lk. 9:1-6
5na leno liro di na gwuttən luwəjɩlo yecu nulgelijo ŋuɽuna nuleicɩno, aṯanyawele ŋi ṯaṯ ḏeḏi liji lun liro ŋa dino, nanya lo lanəḏi kamɩrɩgen yəḏi yeḏi lisamɩra no; 6nyamɩni ele ŋi joŋol jun jɩḏuḏo jeḏi dunu gweḏi isreiyil. 7na kaja gun ganyagele, aṯanyaluməḏɩjo nyaleicɩno, ŋele ŋeḏi kanyin ŋo gɩṯo. 8gelɩlo liji muma lun leḏeḏo nanu, nyaliŋiri nanu lun liṯɩlo ŋilo, nyaldiɽɩ ga lun laiyo, aṯanyadi diŋeroma. ŋɩmanyalape ga dino, na ŋanyalɩḏəḏə ga dino. 9aṯanyanape ḏab i bada i ŋɩdio ŋun ŋiro gi algɩrucu giria ge no, 10i gwurəḏ geḏi ṯaṯ, i ŋwugo ŋwɩttən, i jɩwɩḏe, i ṯuwa no, gi gwune gwun gwaṯape ŋɩru gwɩdeleḏo gwan ḏiṯa ḏuŋun. 11namɩni amɩrɩgen yun yanyanəḏi i lɩrgwom ɽoṯəḏɩl gwiji gwun gwɩdeleḏo, nyajiga ŋɩnəwei kəbe nyanwele. 12na da nyalməḏi kwu dunu nyamɩɽənyo gwerre liji leḏi dunu. 13na da dunu madeleḏe nyouwɩrico ḏɩmɩɽəḏo ḏalo ŋwujaḏaṯa lugwun; namɩni da gwate madeleḏe no nyouwɩrico ḏɩmɩɽəḏo ḏalo ḏaɽuwa lagalo. 14na gwun gwate majəmɩnyi no, i majideŋina ŋuɽuna ŋalo no, gwune nanyaṯu kwu dunu kwono i amɩrɩgen yono nyapənyə ḏɩbuɽɩbuɽə galo ŋwara ŋwalo. 15gwerkwe ganu nyi gweiceijɩno, jɩmɩrɩgen jun jan sadum na umura jatiene ḏakɩmino kworo gweḏi amɩrɩgen yeno gi lamon le ḏakɩmiḏa.
ḏiḏagɩɽina
16nyi gwajiwəje liro gi joŋol kɩlɩgi ganu geḏi jamɽainy. na duḏɩl lɩŋiḏi jei je gi juŋo na liŋir gi jɩɽidir. 17namɩni jil muma gi liji, gi gwune lajigwuloḏa kəcərio yun yɩbuḏo yeḏi liju, nalajipi gi lɩdunu lagin leḏi elo, 18nalajigwulo gi jei ganu jeḏi mudirɩŋa na lele gwan nyi, nyaro ḏɩteijo galo lagin na gi liji leḏi jɩmɩrɩgen wei. 19na da limajiḏəḏə luŋaije, aṯanyuməḏɩno gi dugwor ganu galakwe i ŋɩrṯa ŋanyalumə no, gi gwune ŋanyalape gi sa cono ŋun ŋar ŋanyalumə. 20gi gwune nya lədu lumə no namɩni gwuɽɩwə gweḏi baba gwalo gwiro gwun gwaṯumə lagalo. 21na megin ḏəḏə megin daiya, na baba ḏəḏə ŋaɽe daiya, na nyaɽe diɽo nalkiḏiḏi babaŋale nanaŋale nallɩɽinye. 22na nyaladonyini liji le wei gwan jiri jinyi; na gwun gwuḏuḏɩnɩjo gɩdoŋ gwəkədəḏɩni ga. 23namɩni da limajɩnḏagɩɽini kamɩrɩgen yeno, abɩrəḏɩl kamɩrɩgen ŋiro kaja, na gwerkwe nyi gweiceijɩno, nyaŋa late ləṯɩmi jɩmɩrɩgena jeḏi isreiyil kəbe ŋaɽe geḏi liji ŋila no. 24na ṯalɩmis ḏate ḏɩbuṯano kwu mualɩm gwuŋun no, i wainy gwate gwubuṯano kwele gwuŋun no. 25ŋidadaṯo da ṯalɩmis ḏɩmaro gi mualɩm gwuŋun, na wainy maro gi gwele gwuŋun. da luŋa lɩmeico gwiji gweḏi dunu bilsibul, namɩni ŋiro ŋaḏa ŋutəno naluməḏɩjo liji leḏi dunu gwuŋun.
ḏonyil eloŋu
lk. 12:2-9
26na ŋiro dino nya lo lanyalḏonye. na ŋate ŋun ŋikɩrɩbəḏɩnu ŋun ŋate ŋaɽeleḏini no, i ŋɩlɩbiḏɩnu ŋun ŋate ŋalɩŋiḏini no. 27na ŋono ŋuməḏijajɩŋe kirɩm uməḏɩlo ŋe kwu bure, na ŋun ŋidiŋɩnanyalo nəni ne uməḏɩlo ŋe nyaŋa gi lɩdunu elo lun luwɩra ga ŋwuɽelo. 28na lo lanyalḏe lun laɽinye aŋɩna namɩni late ləṯi ŋɩma laɽinye dugwor no. nyamɩni ḏonye gwun gwəṯi ŋɩma gwaɽɩnye dugwor na aŋɩnu berene jenam. 29ŋwujujɩri ŋwɩttən ŋwate ŋwiḏɩlini lɩmilima lɩttən na? na gwate gwete lagin gwanauciga kwɩnyəm da baba gwalo late lɩmunaŋu no. 30namɩni əɽu wei yeḏi ŋwuɽa gwalo yiḏuɽəḏɩnu. 31na ŋiro dino nyadonyida no, gi gwune nyaŋa nyalnəno ŋwujujɩri ŋwutu. 32gwun gwiteiji ga gi jei ganu jeḏi liji, namɩni nyi gwiteije ga dino gi jei ganu jeḏi baba gwɩ gwun gwaṯɩje kanyin. 33na gwun gwinyidonye gi jei ganu jeḏi liji, na gwidonye dino gi jei ŋanu jeḏi baba gwɩ gwun gwaṯɩje kanyin.
34aṯanyanuməḏɩni nyalanarno, nyi mila gwagele ḏouwɩɽɩḏa kiḏilio no; nyi gwate gwuwiḏi gwagele ḏouwɩɽɩda no, namɩni kɩwiḏ. 35gi gwune nyi mila nyi gwəkənyə gwiji ganu di baba gwuŋun, na ŋaɽe ŋun ŋiro gwa ḏi nana gwuŋun, na gwunən gwun gwiro gwa kwunən gwun gwiro ŋera. 36na liji leḏi dunu gwuŋun liro lun lɩkiḏiḏɩle. 37na gwun gwəmɩnyeno babaŋ i nanaŋ lugwi gwate gwɩdeledo lugwi no, namɩni gwun gwəmɩnyeno ŋaɽe ŋun ŋiro gwəmɩnyo i ŋun ŋiro gwa lugwi gwate gwɩḏeleḏo lugwi no. 38na gwun gwate gwaɽe luɽi luŋun lun lɩmalɩḏo ganu nyilgwujane no gwate gwɩḏeleḏo lugwi no. 39na gwun gwabuje ḏɩmiḏa ḏuŋun ḏuḏuji, namɩni gwun gwaḏuji ḏɩmiḏa ḏuŋun gwan nyi ḏubuje.
40na gwun gwəmɩnyaɽe gwinyiəmɩnyi ḏino, na gwun gwiəmɩnyi gwəmɩnyi gwun gwuwəjɩŋi. 41gwun gwəmɩnyi nebɩŋ gi gwune gwiro nebi nuape ŋɩdio ŋeḏi ŋɩru ŋeḏi nebi, na gwun gwəmɩnyi gwiji gwun gwiŋir gi gwune gwiro gwiji gwiŋir, nuape ŋɩḏio ŋeḏi ŋɩru ŋeḏi gwiji gwun gwiŋir. 42na gwun gwici ŋaje ŋun ŋɩti kworo kweno ŋau ŋun ŋɩnyidi kɩɽudo getɩdo kuwei gi gwune gwiro ṯalɩmis, gwerkwe ganu nyi gweiceijɩno, ŋu gwate gwaḏuji ŋɩḏio ŋuŋun nə.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Nuba, Otoro New Testament
© British and Foreign Bible Society, 1966.