Johanes 9
9
Jesu ma ndramed begmarn bui.
1Jesu irgai le sal, i ilndri hom gamel, begmarn bui le mamemei. 2Su lao aden su ndemani i: Ndorlaben, sie gin hinen longu momen, ndramed ogo, de damen e nanen. E lele begmarn bui gle mamemei. 3Jesu i bodeie: Aga longu momen aden bui, ad damen e nanen bugane, Jehova beg boharni longu aden ndoun le ndro su. 4Iou gob mburer aden ge i da gin rendegien io le rang hian, lobing i gme, homo de danen bo mburer bugane. 5Be io do da le boan, io sul asu ndramed masi. 6Nongen ogo boen i rogumbunhi le boan, i hinen le ndorngon e le boan longu hendr dege bel, i daui i le begmarn, boen i vong le ndro i. 7Al ndran Siloah, gu nuh, Siloah aga i vonei su gin rendegien i. Ndramed ogo i gina, i nuh le ndran, begmarn gin reu, i danen ilndri. Boen i gin mul. 8Malabo su ndramed ber gor, su masi su dansu i, su gin ilndri, sidesi i da gin soling le moni, su bai: Aga ndramed i da gin lugdo im boan, i gin soling de bui? 9Su holel su boi: Ehe ie, su holel su boi, bugane, bormarn i dege bormarn ad ndramed dandu leri, begmarn bui. ndramed ogo i vong, i boi: Io ie. 10Su ndemani i: Begmarm gin reu derbe? Sie gin regurdueni uo? 11I bodeie: Ndramed, ngarn Jesus, gin hinen longu hendre dege bel, i gin daui gle begmoro, boen i vong me ndro io, al le ndran Siloah, gu nuh, io gina, io gin nuh, begmoro gin reu. 12Su ndemani i: Ndramed ogo i da oho? I bode: Io de doni i bui.
13Boen su dulieni i le ndro su Pharisi. 14Rang, Jesu gin regurdueni begmarn aga Sabbath. 15Su Pharisi su ndemani i, begmarn gin reu derbe? I bodeie: I gin daui longu hendr dege bel gle begmoro, boen io gin nuh. Malabo io dono lele hian. 16Su holel asu Pharisi su vong, su boi: Ndramed ogo i ad Jehova bui, i de bogulue Sabbath bugane. Su holel su gin hanguruen: Hom ndramed momen de danen hinen gelman dagara hi derbe? Su holel hanguruen ogoro, su holel su hanguruen ogoro. 17Su ndemani ndramed, mahanu begmarn bui, bersilie: Uo hanguruen sa, i sie i gin regurdueni begmarm? I bode: I hom Provet. 18Su Juda su gin bai: Aga bahilou ge, Jesu gin regurdueni begmarm, begmarm i horuan sidesi. Su loh damen sor nanen ad ndramed ogo. 19Su ndemani sor: Aga ndur ademor? Mu da boi begmarn bui le mamemei? Derbe i danen lele hian malabo? 20Su bode: Dandu i, aga ndur adu, begmarn bui gle mamemei. 21-22Longu hendre, dandu i bui, sie gin regurdueni begmarn, dandu i bui i danen lele hian hi derbe. Endemani i, i hom mbunana bui, i danen bosoui longu masigane, i gin meher ndro i. Su vong dagara le ndro su Juda, su noh su Juda, su Juda gin vong me goure, ar homo i bosoui Jesu, Mesias, su gob momen le ndro i, su robieni i le skul asu giao. 23Manua longu ogo su gin boi: I hom mbunana bui, endemani i ge. 24Su loh ndramed, mahanu begmarn bui, bersilie, su vong le ndro i: Gabmugueni Jehova ge, dandu i, ndramed ogo i hom ndramed momen ge. 25I bode: I hom ndramed momen, de bui, aga io dono i bui. Io dono longu hendre ge, mahanu begmoro bui, malabo io dono lele hian. 26Su ndemani i bersilie: I gin hinen sa me ndro uo? I gin regurdueni begmarm derbe? I bodeie. 27Io gin boi me ndro mu longu masigane, de delengamu le nongen ordo bui. Desa mu leng hirong i lie? Uomu ha lengi mu lao aden lie, de derbe? 28Malabo su boii i, su boi: Uo ge, uo hom lao aden, iou masi lao ad Mose ge. 29Dandu i, Jehova gin vong le ndro Mose gle ndramed ogo dandu hebsa bui, i gin meher oho. 30Ndramed ogo i bodeie: Longu ogo hi derbe? De danmu bui i gin me oho, i gin regurdueni begmoro. 31Dandu i Jehova de hirong soling ad hom ndramed momen bui. Ar homo i voaniso Jehova, i ghinen mburer aden monen ge, i ha hirong soling aden. 32Gor masi de gin hirong longu hendr ogo masou, homo i danen regurdueni begmarn ad hom ndramed begmarn bui gle mamemei. 33Ar ndramed ogo i ad Jehova bui, i de danen hinen mburer ogo bugane. 34Su bode: Uo gina momen gane gle mamemei, uo beg henunuen du? Boen su robuldi i.
35Jesu gin hirong i, su Juda gin robuldi i, i gin vong le ndro i, be i gin sohal le ndro i, i boi: Uo danem boro ndoui ad Jehova ie? 36I bodeie: Ndorlaben, i sie, io ha leng boro ndoui aden. 37Jesu i bodeie: Uo gin ilndri i, i ogo, i da vong le ndro uo, aga Ndur Jehova. 38I bodei: Ndorlaben, io gboro i, boen i godurhu ndro i. 39Jesu i bode: Io gin me le gor ogo, le mardo su ndramed gle seher ma gle seher. Begmarsu bui dansu lele hian, begmarsu hian, de dansu lele hebsa bui. 40Su holel asu Pharisi su da baghege ndro Jesu, be su gin hirong nongen ogo, su ndemani i: Du lie, begmardu bui ie? 41Jesu i bodeie: Ar begmarmu bui, aga longu momen ademu bui, malabo mu boi, iou horuan, dandu lele hian ge, aga longu momen ademu i da ndro mu.
Atualmente selecionado:
Johanes 9: LLENT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Published by the British and Foreign Bible Society 1956
Johanes 9
9
Jesu ma ndramed begmarn bui.
1Jesu irgai le sal, i ilndri hom gamel, begmarn bui le mamemei. 2Su lao aden su ndemani i: Ndorlaben, sie gin hinen longu momen, ndramed ogo, de damen e nanen. E lele begmarn bui gle mamemei. 3Jesu i bodeie: Aga longu momen aden bui, ad damen e nanen bugane, Jehova beg boharni longu aden ndoun le ndro su. 4Iou gob mburer aden ge i da gin rendegien io le rang hian, lobing i gme, homo de danen bo mburer bugane. 5Be io do da le boan, io sul asu ndramed masi. 6Nongen ogo boen i rogumbunhi le boan, i hinen le ndorngon e le boan longu hendr dege bel, i daui i le begmarn, boen i vong le ndro i. 7Al ndran Siloah, gu nuh, Siloah aga i vonei su gin rendegien i. Ndramed ogo i gina, i nuh le ndran, begmarn gin reu, i danen ilndri. Boen i gin mul. 8Malabo su ndramed ber gor, su masi su dansu i, su gin ilndri, sidesi i da gin soling le moni, su bai: Aga ndramed i da gin lugdo im boan, i gin soling de bui? 9Su holel su boi: Ehe ie, su holel su boi, bugane, bormarn i dege bormarn ad ndramed dandu leri, begmarn bui. ndramed ogo i vong, i boi: Io ie. 10Su ndemani i: Begmarm gin reu derbe? Sie gin regurdueni uo? 11I bodeie: Ndramed, ngarn Jesus, gin hinen longu hendre dege bel, i gin daui gle begmoro, boen i vong me ndro io, al le ndran Siloah, gu nuh, io gina, io gin nuh, begmoro gin reu. 12Su ndemani i: Ndramed ogo i da oho? I bode: Io de doni i bui.
13Boen su dulieni i le ndro su Pharisi. 14Rang, Jesu gin regurdueni begmarn aga Sabbath. 15Su Pharisi su ndemani i, begmarn gin reu derbe? I bodeie: I gin daui longu hendr dege bel gle begmoro, boen io gin nuh. Malabo io dono lele hian. 16Su holel asu Pharisi su vong, su boi: Ndramed ogo i ad Jehova bui, i de bogulue Sabbath bugane. Su holel su gin hanguruen: Hom ndramed momen de danen hinen gelman dagara hi derbe? Su holel hanguruen ogoro, su holel su hanguruen ogoro. 17Su ndemani ndramed, mahanu begmarn bui, bersilie: Uo hanguruen sa, i sie i gin regurdueni begmarm? I bode: I hom Provet. 18Su Juda su gin bai: Aga bahilou ge, Jesu gin regurdueni begmarm, begmarm i horuan sidesi. Su loh damen sor nanen ad ndramed ogo. 19Su ndemani sor: Aga ndur ademor? Mu da boi begmarn bui le mamemei? Derbe i danen lele hian malabo? 20Su bode: Dandu i, aga ndur adu, begmarn bui gle mamemei. 21-22Longu hendre, dandu i bui, sie gin regurdueni begmarn, dandu i bui i danen lele hian hi derbe. Endemani i, i hom mbunana bui, i danen bosoui longu masigane, i gin meher ndro i. Su vong dagara le ndro su Juda, su noh su Juda, su Juda gin vong me goure, ar homo i bosoui Jesu, Mesias, su gob momen le ndro i, su robieni i le skul asu giao. 23Manua longu ogo su gin boi: I hom mbunana bui, endemani i ge. 24Su loh ndramed, mahanu begmarn bui, bersilie, su vong le ndro i: Gabmugueni Jehova ge, dandu i, ndramed ogo i hom ndramed momen ge. 25I bode: I hom ndramed momen, de bui, aga io dono i bui. Io dono longu hendre ge, mahanu begmoro bui, malabo io dono lele hian. 26Su ndemani i bersilie: I gin hinen sa me ndro uo? I gin regurdueni begmarm derbe? I bodeie. 27Io gin boi me ndro mu longu masigane, de delengamu le nongen ordo bui. Desa mu leng hirong i lie? Uomu ha lengi mu lao aden lie, de derbe? 28Malabo su boii i, su boi: Uo ge, uo hom lao aden, iou masi lao ad Mose ge. 29Dandu i, Jehova gin vong le ndro Mose gle ndramed ogo dandu hebsa bui, i gin meher oho. 30Ndramed ogo i bodeie: Longu ogo hi derbe? De danmu bui i gin me oho, i gin regurdueni begmoro. 31Dandu i Jehova de hirong soling ad hom ndramed momen bui. Ar homo i voaniso Jehova, i ghinen mburer aden monen ge, i ha hirong soling aden. 32Gor masi de gin hirong longu hendr ogo masou, homo i danen regurdueni begmarn ad hom ndramed begmarn bui gle mamemei. 33Ar ndramed ogo i ad Jehova bui, i de danen hinen mburer ogo bugane. 34Su bode: Uo gina momen gane gle mamemei, uo beg henunuen du? Boen su robuldi i.
35Jesu gin hirong i, su Juda gin robuldi i, i gin vong le ndro i, be i gin sohal le ndro i, i boi: Uo danem boro ndoui ad Jehova ie? 36I bodeie: Ndorlaben, i sie, io ha leng boro ndoui aden. 37Jesu i bodeie: Uo gin ilndri i, i ogo, i da vong le ndro uo, aga Ndur Jehova. 38I bodei: Ndorlaben, io gboro i, boen i godurhu ndro i. 39Jesu i bode: Io gin me le gor ogo, le mardo su ndramed gle seher ma gle seher. Begmarsu bui dansu lele hian, begmarsu hian, de dansu lele hebsa bui. 40Su holel asu Pharisi su da baghege ndro Jesu, be su gin hirong nongen ogo, su ndemani i: Du lie, begmardu bui ie? 41Jesu i bodeie: Ar begmarmu bui, aga longu momen ademu bui, malabo mu boi, iou horuan, dandu lele hian ge, aga longu momen ademu i da ndro mu.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Published by the British and Foreign Bible Society 1956