MARKA 10
10
Zuva Ampraekhaih Kawng
(Mat 19:1-12; Luk 16:18)
1Topacoengah Jesuh loa ato hmuenh to tacawt tak, Judea prae ah a caeh moa Jordan tuiva to angkat. Kaminawk to angzoh o mangh bae moa a patuk noek batiah a patuk pae.
2Farasi thoemto loa anih khaeah angzoh o moa zae thaang pongah a mansak hanah angcaeng o. Anihcae mah, “Aicae ih Akaa Lokpaek mah zu pakhrak hae pa-awh maw?” tiah a duengh pae o.
3Jesuh mah, “Kawbatih tawk to maw Mosi mah a paek?” tiah a duengh pae let.
4Anihcae mah, “Mosi mah zu pakhrakhaih ca na tarik moa na pakhrak thaih a tih,” tiah pathim pae o.#Deut 24:1-4; Mat 5:31
5Jesuh mah, “Mosi mah hi lokpaek tarikhaih ih loa nangcae to palung na thah o hmoek moa patuk thaih ai pongah ni. 6To-e atangsuek longlai thaep nathuemah loa Cabu Kacai mah thuih ih batih toengah ‘Sithaw mah nongpa hoi nongpui’ to a sak.#Gen 1:27; 5:2 7#Gen 2:24Topongah nongpa mah amno hoi ampa to caehtak ueloa a zu hoiah angom hoi tih, 8anih hnit loa maeto ah coeng tih boah. Topongah anih hnit loa hnetto na ai boah moa maeto boah ni. 9Sithaw mah luduem sam patom ih to loa kami mah tapraek hmah na soe,” tiah a naa.
10Im thungah akun o let na-ah a hnukbangnawk mah ato lok to a duengh pae o. 11Anih mah, “Zu ka pakhrah moa nongpui kalah to kangoh haih loa a zu nuiah pazang a sak boah. #Mat 5:32; 1 Kor 7:10-11 12Ato batih toengah sava to ka maa moa nongpa kalah khaeah sava ka sah loa a sava nuiah pazang a sak boah,” tiah a naa.
Nauktanawk Tahamhoihhaih A Paek
(Mat 19:13-15; Luk 18:15-17)
13Kami thoemto mah nauktanawk to Jesuh mah a lu nuiah ban koeng moa tahamhoihhaih paek hanah anghoih o, to-e a hnukbangnawk mah a zoeh o. 14Ato lok to Jesuh mah a thaih na-ah palung a phuii moa a hnukbangnawk khaeah, “Nauktanawk to kai khaeah angzoh na soe, pakak o hmah ah. Kawmawtiah Sithaw Poenghaih loa hibatih nauktanawk hanih ni. 15Loktang ta-ah kang thuih o: Ami doeh naukta batiah Sithaw Poenghaih to ka talawk ai loa toah to akun thaih mak ai,” a naa pae.#Mat 18:3 16Topacoengah naukta to tapom, anihcae nuiah a ban to koeng rip moa tahamhoihhaih a paek.
Angraeng Kanang Kawng
(Mat 19:16-30; Luk 1:18-30)
17Jesuh loa Kholong caeh han amsak bae na-ah nongpa longto angcawnh moa anih ih khokkung ah tabok, “Patukkung kahoih, dungzan hinghaih ka hak thaih hanah timaw ka sak han?” tiah a duengh.
18Jesuh mah, “Tipongmaw kahoih tiah nang kawk?” tiah a naa. “Sithaw khueh tiaialoa mita doeh kahoih om ai. 19Lokpaeknawk to na panoek to loa: ‘Mi hum hmah; pazang sak hmah; paqu hmah; mi zaenet romram hmah; mi aling hmah; nam no hoi nam pa khangza ah,’ ti to loa,” tiah a naa pae.
20Nongpa mah, “Patukkung, hi lokpaeknawk boiboih hae ka nauktak ta nahoiah ka pazui boah,” tiah a naa pae.
21Jesuh mah amlunghaih palungthin hoiah anih to a khet het moa, “Hmuen maeto khueh na vawt. Caeh aloa na tawn ih hmuen boiboih to zaw aloa tangka to kamtang kamlai kami to paek ah, van ah qawk tacong zetpui na tawn tih; topacoengah ka hnukah na baang ah,” tiah a naa. 22Ato lok to a thaih na-ah a mikhmai to a set rom, palungsethaih hoiah amlaem; kawmawtiah anih loa angraeng parai pongah ni.
23Jesuh loa a hnukbangnawk to khet takui moa anihcae khaeah, “Angraeng kanangnawk hanih loa Sithaw Poenghaih thungah akun hae natanmaw rai tih!” tiah a naa.
24Ato thuih ih lok to a hnukbangnawk mah a thaih o na-ah a dawnrai o phi, to-e Jesuh mah, “Ka caanawk, Sithaw Poenghaih thungah akun han hae natanmaw a rai!” tiah a thuih let bae moa, “Ka caanawk, Sithaw Poenghaih thungah akun hae natanmaw a rai! 25Kala-uk mah phungvang lakat khaw ah akun hae angraeng kanang mah Sithaw Poenghaih thungah akun pongdoeh zoi kue,” tiah a naa.
26To lok a thaih o na-ah hnukbangnawk loa katingai a dawnrai o moa, “Totibaloa amito maw pahlong ah om thaih tih,” tiah longto hoi longto a thuih o.
27Jesuh loa anihcae to a khet daptap moa, “Hi hae kami hanih loa angcoeng thaih ai, to-e Sithaw hanih loa angcoeng thaih; Cungriboih hae Sithaw hanih loa angcoeng thaih king,” tiah a naa pae.
28Tona-ah Piter mah, “Khen e, kaicae loa tiboih ka caehtak moa na hnukah kang baang o,” tiah a naa.
29Jesuh mah, “Ahlong, loktang kang thuih o: Ami doeh a im, naukamzanawk, tanu tangangnawk, amno, ampa, caanawk hoi lawknawk to kai hoi tamthang kahoih hanih pongah ka caehtak loa, 30vaihi dung roeroe ah hae kanoi aep aep ah hak tih. Im doeh, naukamza doeh, tanu doeh, amno doeh, ampa doeh, caanawk doeh, lawk doehsoe alet cumvaito ah hak tih. Tolaep ah pacaekhlaekhaih ih to doeh tongh tih; moa kangzo hankoi a dung ah to dungzan hinghaih to hak o tih. 31To-e vaihi hmaloe ah kaom kami kapop loa hnukkhuem ah om o tih, moa vaihi hnukkhuem ah kaom kami paroeai loa hmaloe ah om o tih,” tiah a naa.#Mat 20:16; Luk 13:30
A Duekhaih Kawng A Thuih Pathumhaih
(Mat 20:17-19; Luk 18:31-34)
32Jesuh hoi a hnukbangnawk loa Jerusalem loklam bangah a caeh o li. Jesuh loa a hnukbangnawk ih hma-ah a caeh pae moa a dawnrai o; ahnuk ah ka baang toeng kaminawk doeh a mawnh o parai. Jesuh loa hnukbang hlaihnetto a caeh haih lah let bae moa a nuiah hmuen ka pha hankoinawk to a thuih pae. 33Anih mah, “Tahngai oah! Jerusalem vangpui to a phak o han boah moa toah to Kami Capa hae qaihma kacoetanawk hoi Tawklok patukkungnawk ban ah paek ah om tih. Anihcae mah duek hanah lok takroek o ueloa topacoengah Gentelnawk ban ah tahlang o tih. 34Tamhnuih tamsak lok sah o haih tih, tamtui pathoih o tih, caep o tih moa hum o tih; to-e ni thumto pacoengah angthawklet tih,” tiah a naa pae.
Jaem hoi Johan Mah Hnikhaih
(Mat 20:20-28)
35Topacoengah Zebedi capa hnit Jaem hoi Johan to Jesuh khaeah angzoh hoi. Anih hnit mah, “Patukkung, kai hnit hanih maemaeto nang sak pae han kang koeh,” tiah a naa pae hoi.
36Jesuh mah, “Na koeh hoi ih loa timaw?” tiah a duengh.
37Anih hnit mah, “Na lensawkhaih Prae ah angraeng tangkhang nuiah nanghnut na-ah nang khaeah anghnutsak han ka koeh hoi, longto na bantang bangah, longto loa na banqoi bangah,” tiah a naa pae hoi.
38Jesuh mah, “Na hnik ih hae na panoek hoi ai. Ka naek hankoi patang khanghaih boengloeng hae na naek hoi thaih han maw? Baptisma ka hak hanih batih toengah to na hak hoi thaih tih hmang maw?” tiah a duengh.#Luk 12:50
39Anih hnit mah, “Ka sah hoi thaih tih,” tiah pathim pae hoi.
Jesuh mah anih hnit khaeah, “Ka naek hanih boengloeng hae na nae hoi thaih tih moa baptisma ka lak batih toengah na la hoi thaih tih. 40To-e ka bantang bang hoi banqoi bangah anghnutsak hanah qoihhaih thaih ih akaa ka tawn ai. Sithaw mah ni loa hi hmuenh to angmah paroep coek ih kaminawk khaeah paek tih,” tiah a naa pae.
41Hi kawng to a hnukbang hatonawk mah a thaih o na-ah Jaem hoi Johan nuiah palungphui thuih o. 42Topongah Jesuh mah anihcae boih to a kawk cu moa, “Sithaw panoek ai ukkungnawk loa a uk ih kaminawk nuiah hmuen sakthaihaih ih akaa a tawnh o moa pahoi kungnawk mah doeh akaa a tawnh o phi, tito na panoek o.#Luk 22:25-26 43To-e nangcae thungah loa hibatiah oh han om ai. Nangcae thungah longto mah kalen ah oh han koeh nahaeloa nangcae boih ih tamtoeh ah oh han a tueng;#Mat 23:11; Mrk 9:35; Luk 22:26 44moa nangcae thungah longto mah hmaloe koek ah oh han ka koeh loa nangcae boih ih misong ah oh han a krak. 45Kawmawtiah Kami Capa mataeng doeh minawk toksaksak hanah angzo ai; minawk ih toksak han hoi kami paroeai a krang moa a hinghaih paek hanah ni angzoh,” tiah a naa.
Mikmaeng Bartimai A Hoihsak
(Mat 20:29-34; Luk 18:35-43)
46Jesuh hoi a hnukbangnawk hoi mipui loa Jeriko vang to a phak o. Jeriko hoitoah tacawt o li na-ah Timai ih capa Bartimai naa pae o ih mikmaeng bantadoi to lamtaeng ah anghnut. 47Nazareth vang ih Jesuh ni tito a thaih na-ah, “Jesuh! David Capa! Na tahmen rae ah,” tiah a hangh.
48Kami paroeai mah a zoeh o moa om duem ah, tiah thuih pae o. To-e anih loa, “David Capa, kai hae na tahmen ah!” tiah khoeh puiah a hangh aep aep.
49Jesuh loa angdoet moa, “Anih to kawk oah,” tiah a naa pae.
Topongah mikmaeng nongpa to a kawk o moa anihcae mah, “Na thahmaesak ah! Angthawk ah, nang to ang kawk,” tiah a thuih pae o.
50Kahni to a vah pak, angphet dop dop moa Jesuh khaeah a caeh.
51Jesuh mah, “Timaw kang sak pae han na koeh,” tiah a duengh.
Mikmaeng nongpa mah, “Patukkung, mikhnuk let ka koeh,” tiah pathim.
52Jesuh mah, “Caeh ah, na taanghaih ih mah anghoihsak boah,” tiah a naa pae.
Vaipang ta-ah a mik loa amtueng moa lamboengh ah Jesuh hnukah a baang roep.
Atualmente selecionado:
MARKA 10: AKNT2023
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.
MARKA 10
10
Zuva Ampraekhaih Kawng
(Mat 19:1-12; Luk 16:18)
1Topacoengah Jesuh loa ato hmuenh to tacawt tak, Judea prae ah a caeh moa Jordan tuiva to angkat. Kaminawk to angzoh o mangh bae moa a patuk noek batiah a patuk pae.
2Farasi thoemto loa anih khaeah angzoh o moa zae thaang pongah a mansak hanah angcaeng o. Anihcae mah, “Aicae ih Akaa Lokpaek mah zu pakhrak hae pa-awh maw?” tiah a duengh pae o.
3Jesuh mah, “Kawbatih tawk to maw Mosi mah a paek?” tiah a duengh pae let.
4Anihcae mah, “Mosi mah zu pakhrakhaih ca na tarik moa na pakhrak thaih a tih,” tiah pathim pae o.#Deut 24:1-4; Mat 5:31
5Jesuh mah, “Mosi mah hi lokpaek tarikhaih ih loa nangcae to palung na thah o hmoek moa patuk thaih ai pongah ni. 6To-e atangsuek longlai thaep nathuemah loa Cabu Kacai mah thuih ih batih toengah ‘Sithaw mah nongpa hoi nongpui’ to a sak.#Gen 1:27; 5:2 7#Gen 2:24Topongah nongpa mah amno hoi ampa to caehtak ueloa a zu hoiah angom hoi tih, 8anih hnit loa maeto ah coeng tih boah. Topongah anih hnit loa hnetto na ai boah moa maeto boah ni. 9Sithaw mah luduem sam patom ih to loa kami mah tapraek hmah na soe,” tiah a naa.
10Im thungah akun o let na-ah a hnukbangnawk mah ato lok to a duengh pae o. 11Anih mah, “Zu ka pakhrah moa nongpui kalah to kangoh haih loa a zu nuiah pazang a sak boah. #Mat 5:32; 1 Kor 7:10-11 12Ato batih toengah sava to ka maa moa nongpa kalah khaeah sava ka sah loa a sava nuiah pazang a sak boah,” tiah a naa.
Nauktanawk Tahamhoihhaih A Paek
(Mat 19:13-15; Luk 18:15-17)
13Kami thoemto mah nauktanawk to Jesuh mah a lu nuiah ban koeng moa tahamhoihhaih paek hanah anghoih o, to-e a hnukbangnawk mah a zoeh o. 14Ato lok to Jesuh mah a thaih na-ah palung a phuii moa a hnukbangnawk khaeah, “Nauktanawk to kai khaeah angzoh na soe, pakak o hmah ah. Kawmawtiah Sithaw Poenghaih loa hibatih nauktanawk hanih ni. 15Loktang ta-ah kang thuih o: Ami doeh naukta batiah Sithaw Poenghaih to ka talawk ai loa toah to akun thaih mak ai,” a naa pae.#Mat 18:3 16Topacoengah naukta to tapom, anihcae nuiah a ban to koeng rip moa tahamhoihhaih a paek.
Angraeng Kanang Kawng
(Mat 19:16-30; Luk 1:18-30)
17Jesuh loa Kholong caeh han amsak bae na-ah nongpa longto angcawnh moa anih ih khokkung ah tabok, “Patukkung kahoih, dungzan hinghaih ka hak thaih hanah timaw ka sak han?” tiah a duengh.
18Jesuh mah, “Tipongmaw kahoih tiah nang kawk?” tiah a naa. “Sithaw khueh tiaialoa mita doeh kahoih om ai. 19Lokpaeknawk to na panoek to loa: ‘Mi hum hmah; pazang sak hmah; paqu hmah; mi zaenet romram hmah; mi aling hmah; nam no hoi nam pa khangza ah,’ ti to loa,” tiah a naa pae.
20Nongpa mah, “Patukkung, hi lokpaeknawk boiboih hae ka nauktak ta nahoiah ka pazui boah,” tiah a naa pae.
21Jesuh mah amlunghaih palungthin hoiah anih to a khet het moa, “Hmuen maeto khueh na vawt. Caeh aloa na tawn ih hmuen boiboih to zaw aloa tangka to kamtang kamlai kami to paek ah, van ah qawk tacong zetpui na tawn tih; topacoengah ka hnukah na baang ah,” tiah a naa. 22Ato lok to a thaih na-ah a mikhmai to a set rom, palungsethaih hoiah amlaem; kawmawtiah anih loa angraeng parai pongah ni.
23Jesuh loa a hnukbangnawk to khet takui moa anihcae khaeah, “Angraeng kanangnawk hanih loa Sithaw Poenghaih thungah akun hae natanmaw rai tih!” tiah a naa.
24Ato thuih ih lok to a hnukbangnawk mah a thaih o na-ah a dawnrai o phi, to-e Jesuh mah, “Ka caanawk, Sithaw Poenghaih thungah akun han hae natanmaw a rai!” tiah a thuih let bae moa, “Ka caanawk, Sithaw Poenghaih thungah akun hae natanmaw a rai! 25Kala-uk mah phungvang lakat khaw ah akun hae angraeng kanang mah Sithaw Poenghaih thungah akun pongdoeh zoi kue,” tiah a naa.
26To lok a thaih o na-ah hnukbangnawk loa katingai a dawnrai o moa, “Totibaloa amito maw pahlong ah om thaih tih,” tiah longto hoi longto a thuih o.
27Jesuh loa anihcae to a khet daptap moa, “Hi hae kami hanih loa angcoeng thaih ai, to-e Sithaw hanih loa angcoeng thaih; Cungriboih hae Sithaw hanih loa angcoeng thaih king,” tiah a naa pae.
28Tona-ah Piter mah, “Khen e, kaicae loa tiboih ka caehtak moa na hnukah kang baang o,” tiah a naa.
29Jesuh mah, “Ahlong, loktang kang thuih o: Ami doeh a im, naukamzanawk, tanu tangangnawk, amno, ampa, caanawk hoi lawknawk to kai hoi tamthang kahoih hanih pongah ka caehtak loa, 30vaihi dung roeroe ah hae kanoi aep aep ah hak tih. Im doeh, naukamza doeh, tanu doeh, amno doeh, ampa doeh, caanawk doeh, lawk doehsoe alet cumvaito ah hak tih. Tolaep ah pacaekhlaekhaih ih to doeh tongh tih; moa kangzo hankoi a dung ah to dungzan hinghaih to hak o tih. 31To-e vaihi hmaloe ah kaom kami kapop loa hnukkhuem ah om o tih, moa vaihi hnukkhuem ah kaom kami paroeai loa hmaloe ah om o tih,” tiah a naa.#Mat 20:16; Luk 13:30
A Duekhaih Kawng A Thuih Pathumhaih
(Mat 20:17-19; Luk 18:31-34)
32Jesuh hoi a hnukbangnawk loa Jerusalem loklam bangah a caeh o li. Jesuh loa a hnukbangnawk ih hma-ah a caeh pae moa a dawnrai o; ahnuk ah ka baang toeng kaminawk doeh a mawnh o parai. Jesuh loa hnukbang hlaihnetto a caeh haih lah let bae moa a nuiah hmuen ka pha hankoinawk to a thuih pae. 33Anih mah, “Tahngai oah! Jerusalem vangpui to a phak o han boah moa toah to Kami Capa hae qaihma kacoetanawk hoi Tawklok patukkungnawk ban ah paek ah om tih. Anihcae mah duek hanah lok takroek o ueloa topacoengah Gentelnawk ban ah tahlang o tih. 34Tamhnuih tamsak lok sah o haih tih, tamtui pathoih o tih, caep o tih moa hum o tih; to-e ni thumto pacoengah angthawklet tih,” tiah a naa pae.
Jaem hoi Johan Mah Hnikhaih
(Mat 20:20-28)
35Topacoengah Zebedi capa hnit Jaem hoi Johan to Jesuh khaeah angzoh hoi. Anih hnit mah, “Patukkung, kai hnit hanih maemaeto nang sak pae han kang koeh,” tiah a naa pae hoi.
36Jesuh mah, “Na koeh hoi ih loa timaw?” tiah a duengh.
37Anih hnit mah, “Na lensawkhaih Prae ah angraeng tangkhang nuiah nanghnut na-ah nang khaeah anghnutsak han ka koeh hoi, longto na bantang bangah, longto loa na banqoi bangah,” tiah a naa pae hoi.
38Jesuh mah, “Na hnik ih hae na panoek hoi ai. Ka naek hankoi patang khanghaih boengloeng hae na naek hoi thaih han maw? Baptisma ka hak hanih batih toengah to na hak hoi thaih tih hmang maw?” tiah a duengh.#Luk 12:50
39Anih hnit mah, “Ka sah hoi thaih tih,” tiah pathim pae hoi.
Jesuh mah anih hnit khaeah, “Ka naek hanih boengloeng hae na nae hoi thaih tih moa baptisma ka lak batih toengah na la hoi thaih tih. 40To-e ka bantang bang hoi banqoi bangah anghnutsak hanah qoihhaih thaih ih akaa ka tawn ai. Sithaw mah ni loa hi hmuenh to angmah paroep coek ih kaminawk khaeah paek tih,” tiah a naa pae.
41Hi kawng to a hnukbang hatonawk mah a thaih o na-ah Jaem hoi Johan nuiah palungphui thuih o. 42Topongah Jesuh mah anihcae boih to a kawk cu moa, “Sithaw panoek ai ukkungnawk loa a uk ih kaminawk nuiah hmuen sakthaihaih ih akaa a tawnh o moa pahoi kungnawk mah doeh akaa a tawnh o phi, tito na panoek o.#Luk 22:25-26 43To-e nangcae thungah loa hibatiah oh han om ai. Nangcae thungah longto mah kalen ah oh han koeh nahaeloa nangcae boih ih tamtoeh ah oh han a tueng;#Mat 23:11; Mrk 9:35; Luk 22:26 44moa nangcae thungah longto mah hmaloe koek ah oh han ka koeh loa nangcae boih ih misong ah oh han a krak. 45Kawmawtiah Kami Capa mataeng doeh minawk toksaksak hanah angzo ai; minawk ih toksak han hoi kami paroeai a krang moa a hinghaih paek hanah ni angzoh,” tiah a naa.
Mikmaeng Bartimai A Hoihsak
(Mat 20:29-34; Luk 18:35-43)
46Jesuh hoi a hnukbangnawk hoi mipui loa Jeriko vang to a phak o. Jeriko hoitoah tacawt o li na-ah Timai ih capa Bartimai naa pae o ih mikmaeng bantadoi to lamtaeng ah anghnut. 47Nazareth vang ih Jesuh ni tito a thaih na-ah, “Jesuh! David Capa! Na tahmen rae ah,” tiah a hangh.
48Kami paroeai mah a zoeh o moa om duem ah, tiah thuih pae o. To-e anih loa, “David Capa, kai hae na tahmen ah!” tiah khoeh puiah a hangh aep aep.
49Jesuh loa angdoet moa, “Anih to kawk oah,” tiah a naa pae.
Topongah mikmaeng nongpa to a kawk o moa anihcae mah, “Na thahmaesak ah! Angthawk ah, nang to ang kawk,” tiah a thuih pae o.
50Kahni to a vah pak, angphet dop dop moa Jesuh khaeah a caeh.
51Jesuh mah, “Timaw kang sak pae han na koeh,” tiah a duengh.
Mikmaeng nongpa mah, “Patukkung, mikhnuk let ka koeh,” tiah pathim.
52Jesuh mah, “Caeh ah, na taanghaih ih mah anghoihsak boah,” tiah a naa pae.
Vaipang ta-ah a mik loa amtueng moa lamboengh ah Jesuh hnukah a baang roep.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Asang Khongso New Testament in Eastern Khumi © Bible Society of Myanmar, 2023.