JUAN 17
17
Jesusca, Paipaj yachajujcunamanda Diosta mañashcamanda
1Jesusca, caicunata rimashpami, jahua pachata vichai ricushpa cashna nishpa mañajurca: “Ñuca Taitalla, Ñucata japichina punllami ña pactamushca. Cunanga, Canda jatunyachingapa, Cambaj Churitapash jatunyachihuailla. 2Tucui gentecunata mandachunmi, Cambaj ushaitaca Ñucaman carahuarcangui. Can, Ñucaman carashca tucuicunaman, causaita causagrinata carachunmi chai ushaitaca carahuarcangui. 3Causaita causanaca: Can shujlla Taita Diosta rijsina, shinallata, Can cachamushca Jesucristotapash crinami.
4Can, Ñucaman imata rurachun mingashcataca, cai pachapi ña pactachishpami, Candaca aligumi cangui nijuni. 5Cunanga, Ñuca Taitalla, Cambaj ñaupajpi jatumbi churahuailla. Imashnami cai pacha nara tiyajllapita jatunyachihuarcangui, shinallata, cunambash jatunyachihuailla.
6Cai pachapi causajcunata agllashpa Ñucaman carajpimi, paicunaman Cambaj shutita rijsichircani. Paicunaca Cambaj cajpimi, Ñucaman curcangui. Shina cashpami, paicunaca Cambaj shimita cazushpa cunanga causanajun. 7Cunanga, tucui imatalla Ñucaman carashcapash, Cambajlla cajtami paicunaca yachan. 8Chashna cashpami, Ñuca villajuchun Can mingashca shimicunataca paicunaman villajurcani. Chaita villajujpi chasquishpami, Canmanda Ñuca shamushcatapacha yachanajun. Shinallata, Can Ñucata cachamushcatapashmi crinajun.
9Paicunamandami Candaca mañajuni. Cai pachapajtalla rurashpa causajcunamandaca, na mañajunichu. Ashtahuangarin, Can Ñucaman carashcacunaca, Cambajlla cajpimi, paicunamandaca mañajuni. 10Tucui imatalla Ñuca charishcapash Cambajmi. Shinallata, Can imatalla charishcapash Ñucapajmi. Paicunamandami Ñucapash jatunyachi tucushcani.
11Cunanga, ñana cai pachapi cagrinichu. Ashtahuangarin, Ñuca Cambajman tigrajpimi, paicunaca cai pachapillata saquiringa. Jucha illaj Taitalla, Can Ñucaman carashcacunataca, paicunapash Ñucanchishnalla shujlla cachun, Cambaj ushaihuan aliguta charipangui. 12Cai pachapi paicunahuan cashpaca, Cambaj ushaihuanmi ricuriajurcani. Can Ñucaman carashcacunata ricuriajpimi, paicunaca, shujllapash na chingarca. Ashtahuangarin, Dios quilcachishcapi nijuj pactachunmi, chingangapa purijushca runalla chingarca.
13Ashtahuangarin cunanga Cambajmanmi shamugrini. Paicunapash Ñuca ninanda cushijujshna cushijunajuchunmi, cai pachapi cashpallata cashna nijuni. 14Cambaj Shimitapash paicunaman villajurcanimi. Ñucapash, paicunapash na cai pachamanda cajpimi, cai pachapajtalla rurashpa causajcunaca millanayachirca. 15Paicunataca, cai pachamanda anchuchipai nishpaca na mañajunichu. Ashtahuangarin, na alita rurachijmanda jarcapai nishpami mañajupani. 16Imashnami Ñuca na cai pachamanda cani, shinallata paicunapash na cai pachamandachu capan. 17Cambaj na llullaj Shimita cazushpa, Cambajlla causanata yachachipailla. Cambaj Shimica napacha llullachu. 18Cai pachapi causajcunaman villajuchunmi, Ñucataca cachamuhuarcangui. Shinallatami Ñucapash, paicunataca cai pachapi causajcunaman villanajuchun cachajuni. 19Ñucapash, paicunamandami Ñuca causaita Cambajlla cuni, shinallata, paicunapash na llullaj Shimita catishpa cambajlla causanajuchunmi, chashna cuni.
20Na paicunamandalla mañajunichu, ashtahuangarin, paicuna villajpi, Ñucata crishpa catina gentecunamandapash mañajunimi. 21Ñuca Taitalla, Canhuan Ñucahuan imashnami shujlla canchi, shinallata paicunapash tucuicuna shujlla cachunmi mañajuni. Paicunapash Ñucanchihuan shujlla cachunmi mañajuni. Shina cajpimi, cai pachapi causajcunaca Can Ñucata cachamushcata crinajunga. 22Jatunyachi tucunata Ñucaman cushcatami paicunaman curcani. Imashnami Ñucanchipash shujlla canchi, chashnallata paicunapash shujlla cachunmi shina curcani. 23Cambash Ñucahuanmi causajungui, Ñucapash paicunahuanmi causajuni. Shina cajpimi, paicunapurapash shujlla tucushpa, ima pandatapash na rurashpa causanajunga. Can, Ñucata cachamushcata, Ñucata juyajujta, paicunata juyajujtapash, cai pachapajtalla rurashpa causajcuna yachachunmi chashna cachamuhuashcangui.
24Ñuca Taitalla, Can Ñucaman carashcacunaca, Ñuca maipimi cani chaipillata paicunapash Ñucahuan cachunmi munani. Can Ñucata jatunyachijujta ricunajuchunmi, cai pachata nara rurashpallata, Ñucataca ninanda juyashpa charihuarcangui. 25Alitalla ruraj Ñuca Taitalla. Cai pachapajtalla rurashpa causajcunaca, Candaca na rijsinajunllu, Ñucallami candaca rijsini. Ashtahuangarin paicunaca, Ñucata Can cachamushcataca alimi yachan. 26Paicunamanmi, Cambaj shutigutaca ña rijsichircani, ashtahuan rijsichisharami. Shina cashpami, Can Ñucata juyajujshna, paicunapash juyarishpa causanajunga. Shinallata, Ñucapash paicunapaj shungupimi causajusha” nijurcami.
Atualmente selecionado:
JUAN 17: QVI16
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.
JUAN 17
17
Jesusca, Paipaj yachajujcunamanda Diosta mañashcamanda
1Jesusca, caicunata rimashpami, jahua pachata vichai ricushpa cashna nishpa mañajurca: “Ñuca Taitalla, Ñucata japichina punllami ña pactamushca. Cunanga, Canda jatunyachingapa, Cambaj Churitapash jatunyachihuailla. 2Tucui gentecunata mandachunmi, Cambaj ushaitaca Ñucaman carahuarcangui. Can, Ñucaman carashca tucuicunaman, causaita causagrinata carachunmi chai ushaitaca carahuarcangui. 3Causaita causanaca: Can shujlla Taita Diosta rijsina, shinallata, Can cachamushca Jesucristotapash crinami.
4Can, Ñucaman imata rurachun mingashcataca, cai pachapi ña pactachishpami, Candaca aligumi cangui nijuni. 5Cunanga, Ñuca Taitalla, Cambaj ñaupajpi jatumbi churahuailla. Imashnami cai pacha nara tiyajllapita jatunyachihuarcangui, shinallata, cunambash jatunyachihuailla.
6Cai pachapi causajcunata agllashpa Ñucaman carajpimi, paicunaman Cambaj shutita rijsichircani. Paicunaca Cambaj cajpimi, Ñucaman curcangui. Shina cashpami, paicunaca Cambaj shimita cazushpa cunanga causanajun. 7Cunanga, tucui imatalla Ñucaman carashcapash, Cambajlla cajtami paicunaca yachan. 8Chashna cashpami, Ñuca villajuchun Can mingashca shimicunataca paicunaman villajurcani. Chaita villajujpi chasquishpami, Canmanda Ñuca shamushcatapacha yachanajun. Shinallata, Can Ñucata cachamushcatapashmi crinajun.
9Paicunamandami Candaca mañajuni. Cai pachapajtalla rurashpa causajcunamandaca, na mañajunichu. Ashtahuangarin, Can Ñucaman carashcacunaca, Cambajlla cajpimi, paicunamandaca mañajuni. 10Tucui imatalla Ñuca charishcapash Cambajmi. Shinallata, Can imatalla charishcapash Ñucapajmi. Paicunamandami Ñucapash jatunyachi tucushcani.
11Cunanga, ñana cai pachapi cagrinichu. Ashtahuangarin, Ñuca Cambajman tigrajpimi, paicunaca cai pachapillata saquiringa. Jucha illaj Taitalla, Can Ñucaman carashcacunataca, paicunapash Ñucanchishnalla shujlla cachun, Cambaj ushaihuan aliguta charipangui. 12Cai pachapi paicunahuan cashpaca, Cambaj ushaihuanmi ricuriajurcani. Can Ñucaman carashcacunata ricuriajpimi, paicunaca, shujllapash na chingarca. Ashtahuangarin, Dios quilcachishcapi nijuj pactachunmi, chingangapa purijushca runalla chingarca.
13Ashtahuangarin cunanga Cambajmanmi shamugrini. Paicunapash Ñuca ninanda cushijujshna cushijunajuchunmi, cai pachapi cashpallata cashna nijuni. 14Cambaj Shimitapash paicunaman villajurcanimi. Ñucapash, paicunapash na cai pachamanda cajpimi, cai pachapajtalla rurashpa causajcunaca millanayachirca. 15Paicunataca, cai pachamanda anchuchipai nishpaca na mañajunichu. Ashtahuangarin, na alita rurachijmanda jarcapai nishpami mañajupani. 16Imashnami Ñuca na cai pachamanda cani, shinallata paicunapash na cai pachamandachu capan. 17Cambaj na llullaj Shimita cazushpa, Cambajlla causanata yachachipailla. Cambaj Shimica napacha llullachu. 18Cai pachapi causajcunaman villajuchunmi, Ñucataca cachamuhuarcangui. Shinallatami Ñucapash, paicunataca cai pachapi causajcunaman villanajuchun cachajuni. 19Ñucapash, paicunamandami Ñuca causaita Cambajlla cuni, shinallata, paicunapash na llullaj Shimita catishpa cambajlla causanajuchunmi, chashna cuni.
20Na paicunamandalla mañajunichu, ashtahuangarin, paicuna villajpi, Ñucata crishpa catina gentecunamandapash mañajunimi. 21Ñuca Taitalla, Canhuan Ñucahuan imashnami shujlla canchi, shinallata paicunapash tucuicuna shujlla cachunmi mañajuni. Paicunapash Ñucanchihuan shujlla cachunmi mañajuni. Shina cajpimi, cai pachapi causajcunaca Can Ñucata cachamushcata crinajunga. 22Jatunyachi tucunata Ñucaman cushcatami paicunaman curcani. Imashnami Ñucanchipash shujlla canchi, chashnallata paicunapash shujlla cachunmi shina curcani. 23Cambash Ñucahuanmi causajungui, Ñucapash paicunahuanmi causajuni. Shina cajpimi, paicunapurapash shujlla tucushpa, ima pandatapash na rurashpa causanajunga. Can, Ñucata cachamushcata, Ñucata juyajujta, paicunata juyajujtapash, cai pachapajtalla rurashpa causajcuna yachachunmi chashna cachamuhuashcangui.
24Ñuca Taitalla, Can Ñucaman carashcacunaca, Ñuca maipimi cani chaipillata paicunapash Ñucahuan cachunmi munani. Can Ñucata jatunyachijujta ricunajuchunmi, cai pachata nara rurashpallata, Ñucataca ninanda juyashpa charihuarcangui. 25Alitalla ruraj Ñuca Taitalla. Cai pachapajtalla rurashpa causajcunaca, Candaca na rijsinajunllu, Ñucallami candaca rijsini. Ashtahuangarin paicunaca, Ñucata Can cachamushcataca alimi yachan. 26Paicunamanmi, Cambaj shutigutaca ña rijsichircani, ashtahuan rijsichisharami. Shina cashpami, Can Ñucata juyajujshna, paicunapash juyarishpa causanajunga. Shinallata, Ñucapash paicunapaj shungupimi causajusha” nijurcami.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.