ໂຢຮັນ ຄຳນໍາ

ຄຳນໍາ

ໂຢຮັນໄດ້ລົງທ້າຍໃນໜັງສືຂອງເພິ່ນດ້ວຍການເປີດເຜີຍວັດຖຸປະສົງຂອງເພິ່ນໃນການບັນທຶກເລື່ອງລາວຂອງພຣະເຢຊູເຈົ້າຄື: ສິ່ງເຫລົ່ານີ້ໄດ້ບັນທຶກໄວ້ເພື່ອພວກທ່ານຈະເຊື່ອວ່າພຣະເຢຊູເຈົ້າເປັນພຣະເມຊີອາ, ພຣະບຸດຂອງພຣະເຈົ້າ ແລະ ໂດຍຄວາມເຊື່ອນັ້ນພວກທ່ານຈະມີຊີວິດໃນນາມຂອງພຣະອົງ.

ໂຢຮັນໄດ້ເລີ່ມຕົ້ນໜັງສືຂອງເພິ່ນໂດຍການສະທ້ອນຖ້ອຍຄຳຈາກເລື່ອງລາວການສ້າງຂອງພຣະເຈົ້າໃນພຣະຄຳພີ ໃນປະຖົມມະການ ສະແດງໃຫ້ຜູ້ອ່ານຂອງເພິ່ນເຫັນວ່ານີ້ຄືເລື່ອງລາວຂອງການສ້າງໃໝ່. ເຊິ່ງເໝືອນກັບການສ້າງຄັ້ງທຳອິດທີ່ສຳເລັດຄົບຖ້ວນໃນເຈັດວັນ, ໂຢຮັນຈຶ່ງໃຊ້ເລກເຈັດເພື່ອເປັນໂຄງຮ່າງໜັງສືຂອງເພິ່ນ. ສຳລັບຄົນຢິວ ເລກເຈັດແມ່ນສະແດງເຖິງຄວາມສົມບູນຄົບຖ້ວນ, ດັ່ງນັ້ນ ພັນທະກິດທີ່ເຮັດສຳເລັດແລ້ວຂອງພຣະເຈົ້າຈຶ່ງເປີດເຜີຍວັດຖຸປະສົງຂອງພຣະອົງສຳລັບໂລກນີ້.

ເລື່ອງລາວນີ້ແມ່ນເລົ່າຢູ່ໃນສອງສ່ວນຕົ້ນຕໍ. ສ່ວນທຳອິດແມ່ນອະທິບາຍເຖິງພັນທະກິດຂອງພຣະເຢຊູເຈົ້າຕໍ່ສາທາລະນະຊົນ ແລະ ມີເຈັດຕອນ. ແຕ່ລະຕອນລົງທ້າຍດ້ວຍການລາຍງານເຖິງການຕອບສະໜອງຂອງຄົນທັງຫລາຍຕໍ່ພຣະເຢຊູເຈົ້າ, ທັງເຊື່ອ ແລະ ບໍ່ເຊື່ອ. ສ່ວນທີສອງແມ່ນອະທິບາຍເຖິງການອຸທິດໃຫ້ກັບວັນທ້າຍສັບປະດາຂອງເທດສະການປັດສະຄາ, ເມື່ອພຣະເຢຊູເຈົ້າຍອມສະຫລະຊີວິດຂອງພຣະອົງເພື່ອໂລກນີ້.

ໂຢຮັນໄດ້ບັນທຶກການທີ່ພຣະເຢຊູເຈົ້າໄດ້ເປີດເຜີຍຖະນາຂອງພຣະອົງເຈັດຄັ້ງໂດຍການໃຊ້ຄຳທີ່ວ່າ: ເຮົາເປັນ, ເຊິ່ງເປັນນາມທີ່ພຣະເຈົ້າໃຊ້ເພື່ອເປີດເຜີຍພຣະອົງເອງຕັ້ງແຕ່ທຳອິດ. ເຊັ່ນດຽວກັນນີ້, ໂຢຮັນກໍໄດ້ບັນທຶກໝາຍສຳຄັນເຈັດຄັ້ງທີ່ພຣະເຢຊູເຈົ້າໄດ້ກະທຳ. ຄຳບັນລະຍາຍຂອງໂຢຮັນແມ່ນໄດ້ກ່າວສອງຄັ້ງເຖິງການເປັນຄືນມາຈາກຕາຍຂອງພຣະເຢຊູເຈົ້າໄດ້ເກີດຂຶ້ນໃນ ວັນຕົ້ນສັບປະດາ ດ້ວຍວິທີນີ້ເພິ່ນຈຶ່ງຢືນຢັນວ່າລິດອຳນາດຂອງການສ້າງໃໝ່ໄດ້ເຂົ້າມາໃນໂລກຂອງພວກເຮົາແລ້ວ.

Atualmente selecionado:

ໂຢຮັນ ຄຳນໍາ: LCV

Destaque

Partilhar

Copiar