Juan 8
8
U Bábbey a Nangilállake
1Nadid, ti Jesus be ay immangay tu buked nu Olibo. 2Tu dimadimang, mentaras a maaga palla ay nagsole ti Jesus a huway tu templo. Makpal a tolay u immadene nikuna, kanya immetnod siya sakay nagtoldu siya hide. 3Nadid ay dimmemát u Eskriba#8:3 U Eskriba ay essa hide a gurupo ni tagapagtoldu tu Kautusan ni Moises a awan maniwala ni Jesus. hide sakay u Pariseo hide. Tekaguman hide a bábbey a nadakáp de a nangilállake. Pinataknág de u bábbey tu atubang nu katolayan, 4sakay kinagi de ni Jesus, “Maisto, i bábbiyan iye ay nadakáp a nangilállake. 5Ayun tu Kautusan ni Moises ay dapat a batikalán hanggan a matay u konna he hide a bábbey. Ánya makagi muway tungkul ti iye?” 6Intanung di iye para subukán dila ti Jesus, dipo magehyok hide ti mebintang de a kontara nikuna. Pero dimmukog la ti Jesus sakay nagsulat tu luta tu pamamag-itan nu toldu na. 7Pero hinuway-huway de a tinanung ti Jesus, kanya timmaknág siya sakay kinagi na nide, “U awan nikam ti kasalanan ay siya u mágdipalongo a mangbatikal nikuna.” 8Tu pákkakagi hod ni Jesus ay dimmukog dámman siya sakay nagsulat tu luta tu pamamag-itan nu toldu na.
9Nadid, nikuna a minasaneg di iye ay essa-essa hide a limmakad, sapul tu pinakamatanda hanggan a ti Jesus dálla ay tu bábbey u nawahak. 10Timmaknág ti Jesus sakay kinagi na tu bábbey, “Hádya dán hide? Awan dan beman ti magkagi a dapat ka a maparusaan?” 11Timmábbeg u bábbey, “Awan Panginoon,” Kinagi ni Jesus nikuna, “Ni konna hod awan taka be parusaan. Maare ka dán a lumakad, pero diyan ka dán magkasala a huway.”
Ti Jesus U Demlag ni Munduway
12Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.” 13Nikuna a masaneg iye nu Pariseo hide ay kinagi de, “Hiko la u magupos ti ina tungkul ti sadile muwe, kanya awan kame maniwala ta hiko labe u mangpatunay ti sadile muwe.” 14Timmábbeg ti Jesus, “Maski ni hikán la i mángpatunayay ti sadile kuwáy ay tatahoden i kákkagiyán kuwáy, dipo tukoy ko ni hádyaák a naggábwat sakay ni hádyaák angayan. Pero hikam ay awan moy tukoy ni hádya naggábwatan kuway sakay ni hádyaák angayan. 15Maghatul kam a ayun tu pághatul la nu tolay, pero awanák ti hatulan maskin ti deya. 16Pero ni maghatulák tu tolay ay tatahoden u hatul ko, ta bakán la a hikán u manghatul, nan kaguman ko u Ama ko a nángpaangay he nikán. 17Awan beman nakasulat tu Kasulatan moy, a ni te duwwa a magpatunay ti maski ánya a kagimet ay tanggapán moy a tatahoden. 18Patunayan ko a mismo i sadile kuwáy, sakay magpatunay be u Ama ko a nangutus nikán.” 19Nagtanung u Pariseo hide, “Hádya u Ama mo?” Timmábbeg ti Jesus, “Awanák moy matenggi maski u Ama ko. Ni matenggiyák moy ay matenggi moy be u Ama ko.”
20Iye u kinagi ni Jesus nikuna a nagtoldu siya tu templo, tu adene tu págdáttonan ti alay. Pero awan ti nangdakáp dipo awan palla dimmemát u odas na.
Ti Jesus ay Bakán a Taga-Mundu
21Huway a kinagi ni Jesus tu pinuno nu Judio hide, “Adeniyák dán a lumakad, pakaeehyukánnák moy, pero awan kam makaangay tu angayan ko. Matay kam a awan napatawad tu kasalanan moy hide.” 22Dipo ti iye ay namágguhon u pinuno nu Judio hide, “Magpakamatay wád siya? Ánya u gusto na a kagiyán a awan kitam makaangay tu angayan na?” 23Kinagi ni Jesus nide, “Hikam ay taga he ti munduwan iye, hikán ay awan. Hikam ay taga sidung, hikan ay taga ontok. 24Kanya tatahoden u kinagi ko nikam a mágkatay kam a awan napatawad u kasalanan moy. Ni awan kam maniwala tu kinagi ko a, ‘Hikán ngane u pinaangay he nu Diyos,’ matay kam a talaga tu kasalanan moy hide.” 25Nagtanung hide, “Ti deya ka beman a talaga?” Timmábbeg ti Jesus, “Awan beman kinagi ko dán nikam tu itod pa ni ti deyaak? 26U tatahoden ay makpalák pa a makagi sakay mehatul kontara nikam. Awanák ti ikagi tu tolay hide ti munduway liban tu ipekagi nikán nu nangpaangay he nikán. Sakay mapagkatiwalaan u kinagi na hide.”
27Awan de naintendiyan a u kagiyán ni Jesus nide ay tungkul tu Ama. 28Kanya kinagi ni Jesus, “Ni ilangkawák moy dán a Anak nu Tolay ay hod moy palla a matukuyan a hikán ngane u Cristo. Sakay matukuyan moy be u atanan a bagay a ginimet ko sakay u kinagi ko ay ayun tu ipagimet sakay ipekagi nikan nu Ama. 29Pirme ko a kakaguman u nangpaangay he nikán, sakay awanák na páppabayan a mágge-essa, dipo pirme ko a gimitán u bagay hide a makasaya nikuna.” 30Nikuna a masaneg nu tolay hide u kinagi ni Jesus ay makpal u naniwala nikuna.
U Tatahoden u Mangpalaya tu Tolay
31Nadid ay kinagi ni Jesus tu tolay hide a maniwala nikuna, “Ni tulos-tulos kam a sumunud tu itáttoldu ko ay tatahoden a tagasunud takam. 32Matukuyan moy u tatahoden tungkol nikan, sakay u tatahoden a itod u mangpalaya nikam.” 33Timmábbeg hide ni Jesus, “Gábwat kame tu lahe ni Abraham, maski nikan ay awan kame nagin alipin ni deyaman. Kodya mo a makagi a palayaán kame?” 34Timmábbeg ti Jesus, “Kagiyán ko nikam u tatahoden, alipin nu kasalanan u atanan a nagkasala. 35U utusan ay awan kabilang tu essa a pamilya habang panahun, pero u anak ay lagi hod hanggan-hanggan. 36Kanya ni u Anak dán u magpalaya nikam ay talaga malaya kamon. 37Tukoy ko a gábwat kam tu lahe ni Abraham, pero binalakák moy a bunuwán dipo awan moy tanggapán tu puso moy u Upos ko. 38Kagiyán ko nikam u bagay hide a ketan ko Nama ko, sakay hikam be gimitán moy be u natukuyan moy nama moy.”
39Kinagi nu tolay hide, “Ti Abraham u ama me!”
Timmábbeg ti Jesus, “Ni tatahoden a anak kam ni Abraham ay inaheg moy nakwa u mágkaganda na a gimet. 40Pero gustuwák moy a bunuwán, maski ni kagiyán ko la nikam u tatahoden a nasaneg ko a gábwat tu Diyos. Pero ti Abraham awan siya ti ginimet a konna tu madukas a gusto moy a gimitan nikan. 41U gággimitán moy ay gággimitán nu ama moy a essa.”#8:41 U gusto a kagiyán nu “ama moy a essa” ay ti Satanas.
Timmábbeg hide ni Jesus, “Bakán kame a mungaw. U Diyos u Ama me!” 42Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he. 43Awan moy naintendiyan u kinagi ko, dipo awan moy matanggap u toldu ko. 44Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan. 45Pero hikán, u kákkagiyán ko ay tatahoden, kanya umád kam a maniwala ti iye. 46Ti deya nikam makapángkagiyay a nakagimiták ti kasalanan? Tatahoden u kákkagiyán ko nikam. Bakin a umáddák moy a paniwalaan? 47Dipo u anak nu Diyos ay mágsaneg tu Upos nu Diyos. Bakán kam a anak nu Diyos dipo awan kam mágsaneg tu upos nu Diyos.”
Ti Jesus sakay ti Abraham
48Kinagi nu puno nu Judio hide ni Jesus, “Tama u kinagi me a essa ka a Samaritano sakay sináddáp ka ni madukás a ispirito.” 49Timmábbeg ti Jesus, “Awanák sináddáp ni madukás a ispirito. Parangalan ko la u Ama ko, pero áinsultuwánnák moy. 50Awan ko gusto a ilangkaw i sadile kuwáy. U Ama u te gusto a ilangkawák nu tolay, sakay siya u makapángkagi a tama u kinagi ko. 51Kagiyan ko nikam u tatahoden: U deyaman a mangtupad tu toldu ko ay awan mata-matay.” 52Kinagi nu puno nu Judio hide, “Siguradu kame a sináddáp ka ni madukás a ispirito. Ti Abraham ay natay dán sakay nágkatay dán be u prupeta hide, pero kinagi mo a awan mata-matay u deyaman a mangtupad tu toldu mo. 53Ánya u gusto mo a kagiyán? Mas mataas ka beman tu nuno me a ti Abraham? Maski siya sakay u prupeta hide ay nágkatay dán! Ti deya ka beman tu akala mo?” 54Kinagi ni Jesus nide, “Ni hikán la u mánglangkaw tu sadile ko, awan iye ti kabuluhan. Pero u Ama, a kinagi moy a Diyos moy u mánglangkaw nikán. 55Pero awan moy siya tukoy, hikán ay tukoy ko siya. Ni kagiyán ko a awan ko siya kilala ay magin mabuliyák a konna nikam. Pero talaga kilala ko siya sakay sunudán ko u Upos na. 56U apo moy a ti Abraham ay masaya nikuna a matukuyan na u aldew nu káddemát ko. Netan na ngane iye, sakay nasaya siya.” 57Kinagi nu puno hide nikuna, “Awan ka palla ti 50 a taon, sakay kagiyán mo a netan mo ti Abraham?” 58Timmábbeg ti Jesus, “Kagiyan ko nikam u tatahoden: Bagu pa a neenak ti Abraham ay atnaák dán.” 59Dipo ti iye ay nangkáppot ti bito u tolay hide para batikalán de siya. Pero timmagu ti Jesus sakay limmakad tu templo.
Atualmente selecionado:
Juan 8: MBJC
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Pahanan Agta New Testament © Philippine Bible Society and Wycliffe Bible Translators, Inc., 2017.
Juan 8
8
U Bábbey a Nangilállake
1Nadid, ti Jesus be ay immangay tu buked nu Olibo. 2Tu dimadimang, mentaras a maaga palla ay nagsole ti Jesus a huway tu templo. Makpal a tolay u immadene nikuna, kanya immetnod siya sakay nagtoldu siya hide. 3Nadid ay dimmemát u Eskriba#8:3 U Eskriba ay essa hide a gurupo ni tagapagtoldu tu Kautusan ni Moises a awan maniwala ni Jesus. hide sakay u Pariseo hide. Tekaguman hide a bábbey a nadakáp de a nangilállake. Pinataknág de u bábbey tu atubang nu katolayan, 4sakay kinagi de ni Jesus, “Maisto, i bábbiyan iye ay nadakáp a nangilállake. 5Ayun tu Kautusan ni Moises ay dapat a batikalán hanggan a matay u konna he hide a bábbey. Ánya makagi muway tungkul ti iye?” 6Intanung di iye para subukán dila ti Jesus, dipo magehyok hide ti mebintang de a kontara nikuna. Pero dimmukog la ti Jesus sakay nagsulat tu luta tu pamamag-itan nu toldu na. 7Pero hinuway-huway de a tinanung ti Jesus, kanya timmaknág siya sakay kinagi na nide, “U awan nikam ti kasalanan ay siya u mágdipalongo a mangbatikal nikuna.” 8Tu pákkakagi hod ni Jesus ay dimmukog dámman siya sakay nagsulat tu luta tu pamamag-itan nu toldu na.
9Nadid, nikuna a minasaneg di iye ay essa-essa hide a limmakad, sapul tu pinakamatanda hanggan a ti Jesus dálla ay tu bábbey u nawahak. 10Timmaknág ti Jesus sakay kinagi na tu bábbey, “Hádya dán hide? Awan dan beman ti magkagi a dapat ka a maparusaan?” 11Timmábbeg u bábbey, “Awan Panginoon,” Kinagi ni Jesus nikuna, “Ni konna hod awan taka be parusaan. Maare ka dán a lumakad, pero diyan ka dán magkasala a huway.”
Ti Jesus U Demlag ni Munduway
12Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.” 13Nikuna a masaneg iye nu Pariseo hide ay kinagi de, “Hiko la u magupos ti ina tungkul ti sadile muwe, kanya awan kame maniwala ta hiko labe u mangpatunay ti sadile muwe.” 14Timmábbeg ti Jesus, “Maski ni hikán la i mángpatunayay ti sadile kuwáy ay tatahoden i kákkagiyán kuwáy, dipo tukoy ko ni hádyaák a naggábwat sakay ni hádyaák angayan. Pero hikam ay awan moy tukoy ni hádya naggábwatan kuway sakay ni hádyaák angayan. 15Maghatul kam a ayun tu pághatul la nu tolay, pero awanák ti hatulan maskin ti deya. 16Pero ni maghatulák tu tolay ay tatahoden u hatul ko, ta bakán la a hikán u manghatul, nan kaguman ko u Ama ko a nángpaangay he nikán. 17Awan beman nakasulat tu Kasulatan moy, a ni te duwwa a magpatunay ti maski ánya a kagimet ay tanggapán moy a tatahoden. 18Patunayan ko a mismo i sadile kuwáy, sakay magpatunay be u Ama ko a nangutus nikán.” 19Nagtanung u Pariseo hide, “Hádya u Ama mo?” Timmábbeg ti Jesus, “Awanák moy matenggi maski u Ama ko. Ni matenggiyák moy ay matenggi moy be u Ama ko.”
20Iye u kinagi ni Jesus nikuna a nagtoldu siya tu templo, tu adene tu págdáttonan ti alay. Pero awan ti nangdakáp dipo awan palla dimmemát u odas na.
Ti Jesus ay Bakán a Taga-Mundu
21Huway a kinagi ni Jesus tu pinuno nu Judio hide, “Adeniyák dán a lumakad, pakaeehyukánnák moy, pero awan kam makaangay tu angayan ko. Matay kam a awan napatawad tu kasalanan moy hide.” 22Dipo ti iye ay namágguhon u pinuno nu Judio hide, “Magpakamatay wád siya? Ánya u gusto na a kagiyán a awan kitam makaangay tu angayan na?” 23Kinagi ni Jesus nide, “Hikam ay taga he ti munduwan iye, hikán ay awan. Hikam ay taga sidung, hikan ay taga ontok. 24Kanya tatahoden u kinagi ko nikam a mágkatay kam a awan napatawad u kasalanan moy. Ni awan kam maniwala tu kinagi ko a, ‘Hikán ngane u pinaangay he nu Diyos,’ matay kam a talaga tu kasalanan moy hide.” 25Nagtanung hide, “Ti deya ka beman a talaga?” Timmábbeg ti Jesus, “Awan beman kinagi ko dán nikam tu itod pa ni ti deyaak? 26U tatahoden ay makpalák pa a makagi sakay mehatul kontara nikam. Awanák ti ikagi tu tolay hide ti munduway liban tu ipekagi nikán nu nangpaangay he nikán. Sakay mapagkatiwalaan u kinagi na hide.”
27Awan de naintendiyan a u kagiyán ni Jesus nide ay tungkul tu Ama. 28Kanya kinagi ni Jesus, “Ni ilangkawák moy dán a Anak nu Tolay ay hod moy palla a matukuyan a hikán ngane u Cristo. Sakay matukuyan moy be u atanan a bagay a ginimet ko sakay u kinagi ko ay ayun tu ipagimet sakay ipekagi nikan nu Ama. 29Pirme ko a kakaguman u nangpaangay he nikán, sakay awanák na páppabayan a mágge-essa, dipo pirme ko a gimitán u bagay hide a makasaya nikuna.” 30Nikuna a masaneg nu tolay hide u kinagi ni Jesus ay makpal u naniwala nikuna.
U Tatahoden u Mangpalaya tu Tolay
31Nadid ay kinagi ni Jesus tu tolay hide a maniwala nikuna, “Ni tulos-tulos kam a sumunud tu itáttoldu ko ay tatahoden a tagasunud takam. 32Matukuyan moy u tatahoden tungkol nikan, sakay u tatahoden a itod u mangpalaya nikam.” 33Timmábbeg hide ni Jesus, “Gábwat kame tu lahe ni Abraham, maski nikan ay awan kame nagin alipin ni deyaman. Kodya mo a makagi a palayaán kame?” 34Timmábbeg ti Jesus, “Kagiyán ko nikam u tatahoden, alipin nu kasalanan u atanan a nagkasala. 35U utusan ay awan kabilang tu essa a pamilya habang panahun, pero u anak ay lagi hod hanggan-hanggan. 36Kanya ni u Anak dán u magpalaya nikam ay talaga malaya kamon. 37Tukoy ko a gábwat kam tu lahe ni Abraham, pero binalakák moy a bunuwán dipo awan moy tanggapán tu puso moy u Upos ko. 38Kagiyán ko nikam u bagay hide a ketan ko Nama ko, sakay hikam be gimitán moy be u natukuyan moy nama moy.”
39Kinagi nu tolay hide, “Ti Abraham u ama me!”
Timmábbeg ti Jesus, “Ni tatahoden a anak kam ni Abraham ay inaheg moy nakwa u mágkaganda na a gimet. 40Pero gustuwák moy a bunuwán, maski ni kagiyán ko la nikam u tatahoden a nasaneg ko a gábwat tu Diyos. Pero ti Abraham awan siya ti ginimet a konna tu madukas a gusto moy a gimitan nikan. 41U gággimitán moy ay gággimitán nu ama moy a essa.”#8:41 U gusto a kagiyán nu “ama moy a essa” ay ti Satanas.
Timmábbeg hide ni Jesus, “Bakán kame a mungaw. U Diyos u Ama me!” 42Kinagi ni Jesus nide, “Ni u Diyos u Ama moy, mahalánnák moy nakwa, dipo hikán ay gábwat tu Diyos. Awanák immangay he tu sadile ko la a kagustuwan, nan pinaangayák na he. 43Awan moy naintendiyan u kinagi ko, dipo awan moy matanggap u toldu ko. 44Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan. 45Pero hikán, u kákkagiyán ko ay tatahoden, kanya umád kam a maniwala ti iye. 46Ti deya nikam makapángkagiyay a nakagimiták ti kasalanan? Tatahoden u kákkagiyán ko nikam. Bakin a umáddák moy a paniwalaan? 47Dipo u anak nu Diyos ay mágsaneg tu Upos nu Diyos. Bakán kam a anak nu Diyos dipo awan kam mágsaneg tu upos nu Diyos.”
Ti Jesus sakay ti Abraham
48Kinagi nu puno nu Judio hide ni Jesus, “Tama u kinagi me a essa ka a Samaritano sakay sináddáp ka ni madukás a ispirito.” 49Timmábbeg ti Jesus, “Awanák sináddáp ni madukás a ispirito. Parangalan ko la u Ama ko, pero áinsultuwánnák moy. 50Awan ko gusto a ilangkaw i sadile kuwáy. U Ama u te gusto a ilangkawák nu tolay, sakay siya u makapángkagi a tama u kinagi ko. 51Kagiyan ko nikam u tatahoden: U deyaman a mangtupad tu toldu ko ay awan mata-matay.” 52Kinagi nu puno nu Judio hide, “Siguradu kame a sináddáp ka ni madukás a ispirito. Ti Abraham ay natay dán sakay nágkatay dán be u prupeta hide, pero kinagi mo a awan mata-matay u deyaman a mangtupad tu toldu mo. 53Ánya u gusto mo a kagiyán? Mas mataas ka beman tu nuno me a ti Abraham? Maski siya sakay u prupeta hide ay nágkatay dán! Ti deya ka beman tu akala mo?” 54Kinagi ni Jesus nide, “Ni hikán la u mánglangkaw tu sadile ko, awan iye ti kabuluhan. Pero u Ama, a kinagi moy a Diyos moy u mánglangkaw nikán. 55Pero awan moy siya tukoy, hikán ay tukoy ko siya. Ni kagiyán ko a awan ko siya kilala ay magin mabuliyák a konna nikam. Pero talaga kilala ko siya sakay sunudán ko u Upos na. 56U apo moy a ti Abraham ay masaya nikuna a matukuyan na u aldew nu káddemát ko. Netan na ngane iye, sakay nasaya siya.” 57Kinagi nu puno hide nikuna, “Awan ka palla ti 50 a taon, sakay kagiyán mo a netan mo ti Abraham?” 58Timmábbeg ti Jesus, “Kagiyan ko nikam u tatahoden: Bagu pa a neenak ti Abraham ay atnaák dán.” 59Dipo ti iye ay nangkáppot ti bito u tolay hide para batikalán de siya. Pero timmagu ti Jesus sakay limmakad tu templo.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Pahanan Agta New Testament © Philippine Bible Society and Wycliffe Bible Translators, Inc., 2017.