Lukas 20
20
U Pággalangan tu Kapangyariyan ni Jesus
(Mateo 21:23-27; Markos 11:27-33)
1Nadid, essa aldew mentaras a magtoldu ti Jesus tu templo sakay mangaral tu Maganda a Baheta, inadeniyan siya nu puno nu saserdote hide sakay u maisto hide nu kautusan sakay u puno hide nu banuwan.#20:1 Basaán tu Juan 2:18. 2Sakay kinagi de nikuna, “Kagiyán mo ped nikame ni ánya karapatan muway a maggimet ti bagayan hidenye? Oni deya niko u nangatád ti kapangyariyan?”
3Timmábbeg ti Jesus, “Tanungán takam be nadid. Kagiyán moy ped be nikán, 4ni hádya a naggábwat u karapatan ni Juan a magbawtismo, tu Diyos beman oni tu tolay?”
5Kaya namágguhon-uhon hide, “Ni kagiyán tam a gábwat tu Diyos, kagiyán na be nikitam, ‘Bakin awan moy siya pinaniwalaan?’ 6Pero ni kagiyán tam a gábwat tu tolay ay batikalán kitam nu tolay hide, dipo maniwala hide a prupeta ti Juan.” 7Kaya tummábbeg hide, “Awan me tukoy!”
8Kinagi ni Jesus nide, “Awan ko be kagiyán nikam ni hádya a gábwat u karapatan ko a maggimet ti bagayan hidenye.”
U Talinhaga tungkul tu Ubasan sakay tu Mágtarabaho hide hod
(Mateo 21:33-46; Markos 12:1-12)
9Nangaral siya a huway tu tolay hide sakay inyistorya na iye a talinhaga, “Te essa a tolay a nagmula ti ubas tu uma na. Impaupa na itod tu tarabahador na hide sakay immangay tu adeyo a lugar sakay nagnalay hod. 10Nikuna sákbuhas dán ay pinaangay na u essa a alipin para alapán u kabunong na. Pero pákketa nu tarabahador hide tu utusan ay binálbág de sakay pinasole de a awan ti tawed. 11Kaya nagutus siya a huway tu essa na a alipin, pero binálbág de labe sakay pinasanike sakay pinasole a awan ti tawed. 12Pinaangay na u katállo na a alipin pero tinalinguwan dila siya sakay pinalakad. 13Kinagi nu makákkao tu ubasan, ‘Ánya wád i dapat kuway a gimitán? Maganda wád ni u pinakamamahal ko a anak u paangayán ko hod. Siguradu a igalang di siya.’ 14Pero nikuna ketan nu tarabahador hide u anak nu makákkao ay namagguhon hide sakay kinagi de, ‘Iye u magmana, bunuwán tam siya para makao tam u manaán na.’ 15Kaya inyangay di siya tu luwas nu kaubasan hide sakay binuno.”
Sakay kinagi ni Jesus, “Ánya wád u gimitán nide nu makákkao tu kaubasan?” 16“Angay siya hod sakay bunuwan na u katiwala hide tu kaubasan sakay iyatád na tu agum u uma na.”
Pákkasaneg nu tolay hide tu kinagi na ay kinagi de, “Dyan nakwan iye ipakultad nu Diyos a mangyare!” 17Pero inileng hide ni Jesus sakay kinagi na, “Ni konna hod, ánya u gusto a kagiyán nu sumássulat tu Banal a Kasulatan?
‘U bito a inadiyan nu mágbilay hide
ay siya u bito a nagin pundasyon?’
18Ni deya man u matákneg ti bituwan ina ay mahito-hito sakay ni deya man u matáppelan na ay puma-páhtot.”
U Tungkul tu Págbayad ti Buwes
(Mateo 22:15-22; Markos 12:13-17)
19Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide. 20Kaya naguhay dálla hide ti essa a tiyempo. Sinuhulan de u sangan a tolay para magkukunware a magehyok ti katutuhanan. Ginimet de iye para dakáppán de siya ni magkamale siya tu pággupos na, tánni konna hod ay mekaso de siya tu gubernador. 21Essa aldew kinagi nu espiya hide ni Jesus, “Maisto, tukoy me a tama atanan ni kákkagiyán sakay itáttoldu muwe. Tukoy mi be a awan ka manuyo tu te mataas a tungkulin a tolay, nan itoldu mo u tatahoden a kagustuwan nu Diyos a gimitán nu tolay hide. 22Ánya ti pangisip muwe, labag beman tu Kautusan a magbayad kitam ti buwes ni Cesar oni awan?”
23Pero tukoy ni Jesus u áisipán de a madukás, kaya kinagi na nide, 24“Igewat moy nikán u essa a pilak. Kandeya a hupa sakay ngahan u katoy ti pilakáy”
“Kán Cesar.” Tábbeg de.
25Kinagi ni Jesus nide, “Ni konna hod ay iyatád moy ni Cesar u para ni Cesar, sakay iyatád moy tu Diyos u para tu Diyos.” 26Awan ti nangyare tu áisipán de a madukás a dakáppán de siya tu pággupos na tu atubang nu katolayan. Dipo awan hide ti netan a pangdakáppan de nikuna. Sakay nabigla hide tu intabbeg na nide, kanya nagtahimik dálla hide.
U Tanung tungkul tu Kákkabiyag a Huway
(Mateo 22:23-33; Markos 12:18-27)
27Te sangan a Saduseo a ummadene ni Jesus. Iye hide ay mágtatolduwán a awan mabiyag a huway u patay hide. 28Sakay kinagi de, “Maisto, insulat ni Moises tu kautusan a para nikitam u konna he a batas, ‘Ni mara a matay u essa a lállake sakay awan hide ti anak ay tu kabanga na ay kailangan a pakasalan nu wadi nu lállake u bilo tánni mágkahod hide ti anak para tu natay.’ 29Nadid, tehhod a pitto a mátkaka a lállake. Nákkabanga u panganay sakay natay a awan ti anak. 30Káttapos ay pinakasalan nu kaduwwa u nabilo, pero natay be a awan ti anak. 31Sakay konna bi hod u nangyare tu katállo hanggan tu kapitto; naessa-essa a nakabanga nu bilo a bábbey u pitto a mátkaka. Pero nágkatay hide a atanan a awan ti anak. 32Tu katapusan ay natay labe u bábbey. 33Kaya kinagi de, tu kákkabiyag a huway, deya wád u tenggiyán na a kabanga tu pitto dipo nakabanga na hide a atanan?”
34Timmábbeg ti Jesus, “Ti biyagan iye, u lállake hide sakay u bábbey hide ay mákkabanga. 35Pero u tolay a karapatdapat a mabiyag a huway sakay meangay ti langet ay awan dán hod mákkabanga. 36Dipo konna dán hide tu anghel hide a awan mata-matay sakay magin anak dán hide nu Diyos. Dipo biniyag na dán hide a huway. 37Pate ti Moises ay nágpatunay a mabiyag a huway u patay hide. Dipo nikuna a katoy siya tu maggehab a mahenggád a kayo ay dinulawan na u Panginoon a, ‘Diyos ni Abraham, Diyos ni Isaac, sakay Diyos ni Jacob.’ 38Pero u Diyos ay bakán a Diyos nu patay hide nan Diyos nu biyag hide, u atanan a dinulaw nu Diyos ay bakán a patay nan biyag.”
39Sakay kinagi nu agum a maisto nu Kautusan, “Maisto, maganda u intábbeg mo!” 40Sakay sapul hod ay awan dán ti nangahas a magtanung nikuna.
U Tanung tungkul ni Cristo
(Mateo 22:41-46; Markos 12:35-37)
41Káttapos ay kinagi ni Jesus nide, “Kodya tam a makagi a anak ni David u Mesias?
42Dipo ti David dán a mismo u nagkagi tu libro nu Kansiyon a,
‘Kinagi nu Panginoon tu Panginoon ko,
“Mággetnod ka ti kawanan kuwáy,
43Mentaras awan ko niko mapasuko u kadima mo hide.”’
44Nadid, ti David dán u nagdulaw nikuna a Panginoon; bakin wád a kákkagiyán nu tolay hide a anak siya ni David?”
Babala tu Maisto hide nu Kautusan
(Mateo 23:1-36; Markos 12:38-40)
45Mentaras a mágsaneg u tolay hide ni Jesus ay kinagi na tu disepulus na hide, 46“Magingat kam tu Maisto hide nu Kautusan dipo gugusto de a magsulot ti mágkalayon a damit tánni mapansin hide nu tolay. Sakay gugusto di be a igalang. Gugusto di be a mággetnod tu mágkaganda a pággetnudan para tu te mataas a tungkulin tu sinagoga hide sakay tu handaan hide. 47Alapán de u ari-arian nu bilo hide. Sakay gusto de a itagu u mágkadukás de a gimet kaya magdasal hide ti atakdug. Iye hide a tolay ay parusaan nu Diyos ti mas madágge a parusa!”
Atualmente selecionado:
Lukas 20: MBJC
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Pahanan Agta New Testament © Philippine Bible Society and Wycliffe Bible Translators, Inc., 2017.
Lukas 20
20
U Pággalangan tu Kapangyariyan ni Jesus
(Mateo 21:23-27; Markos 11:27-33)
1Nadid, essa aldew mentaras a magtoldu ti Jesus tu templo sakay mangaral tu Maganda a Baheta, inadeniyan siya nu puno nu saserdote hide sakay u maisto hide nu kautusan sakay u puno hide nu banuwan.#20:1 Basaán tu Juan 2:18. 2Sakay kinagi de nikuna, “Kagiyán mo ped nikame ni ánya karapatan muway a maggimet ti bagayan hidenye? Oni deya niko u nangatád ti kapangyariyan?”
3Timmábbeg ti Jesus, “Tanungán takam be nadid. Kagiyán moy ped be nikán, 4ni hádya a naggábwat u karapatan ni Juan a magbawtismo, tu Diyos beman oni tu tolay?”
5Kaya namágguhon-uhon hide, “Ni kagiyán tam a gábwat tu Diyos, kagiyán na be nikitam, ‘Bakin awan moy siya pinaniwalaan?’ 6Pero ni kagiyán tam a gábwat tu tolay ay batikalán kitam nu tolay hide, dipo maniwala hide a prupeta ti Juan.” 7Kaya tummábbeg hide, “Awan me tukoy!”
8Kinagi ni Jesus nide, “Awan ko be kagiyán nikam ni hádya a gábwat u karapatan ko a maggimet ti bagayan hidenye.”
U Talinhaga tungkul tu Ubasan sakay tu Mágtarabaho hide hod
(Mateo 21:33-46; Markos 12:1-12)
9Nangaral siya a huway tu tolay hide sakay inyistorya na iye a talinhaga, “Te essa a tolay a nagmula ti ubas tu uma na. Impaupa na itod tu tarabahador na hide sakay immangay tu adeyo a lugar sakay nagnalay hod. 10Nikuna sákbuhas dán ay pinaangay na u essa a alipin para alapán u kabunong na. Pero pákketa nu tarabahador hide tu utusan ay binálbág de sakay pinasole de a awan ti tawed. 11Kaya nagutus siya a huway tu essa na a alipin, pero binálbág de labe sakay pinasanike sakay pinasole a awan ti tawed. 12Pinaangay na u katállo na a alipin pero tinalinguwan dila siya sakay pinalakad. 13Kinagi nu makákkao tu ubasan, ‘Ánya wád i dapat kuway a gimitán? Maganda wád ni u pinakamamahal ko a anak u paangayán ko hod. Siguradu a igalang di siya.’ 14Pero nikuna ketan nu tarabahador hide u anak nu makákkao ay namagguhon hide sakay kinagi de, ‘Iye u magmana, bunuwán tam siya para makao tam u manaán na.’ 15Kaya inyangay di siya tu luwas nu kaubasan hide sakay binuno.”
Sakay kinagi ni Jesus, “Ánya wád u gimitán nide nu makákkao tu kaubasan?” 16“Angay siya hod sakay bunuwan na u katiwala hide tu kaubasan sakay iyatád na tu agum u uma na.”
Pákkasaneg nu tolay hide tu kinagi na ay kinagi de, “Dyan nakwan iye ipakultad nu Diyos a mangyare!” 17Pero inileng hide ni Jesus sakay kinagi na, “Ni konna hod, ánya u gusto a kagiyán nu sumássulat tu Banal a Kasulatan?
‘U bito a inadiyan nu mágbilay hide
ay siya u bito a nagin pundasyon?’
18Ni deya man u matákneg ti bituwan ina ay mahito-hito sakay ni deya man u matáppelan na ay puma-páhtot.”
U Tungkul tu Págbayad ti Buwes
(Mateo 22:15-22; Markos 12:13-17)
19Gusto a dakáppán nu maisto hide nu Kautusan sakay u puno nu saserdote hide ti Jesus ti odasan itod. Dipo tukoy de a hide u páppatamaan ni Jesus tu talinhaga. Pero manteng hide tu tolay hide. 20Kaya naguhay dálla hide ti essa a tiyempo. Sinuhulan de u sangan a tolay para magkukunware a magehyok ti katutuhanan. Ginimet de iye para dakáppán de siya ni magkamale siya tu pággupos na, tánni konna hod ay mekaso de siya tu gubernador. 21Essa aldew kinagi nu espiya hide ni Jesus, “Maisto, tukoy me a tama atanan ni kákkagiyán sakay itáttoldu muwe. Tukoy mi be a awan ka manuyo tu te mataas a tungkulin a tolay, nan itoldu mo u tatahoden a kagustuwan nu Diyos a gimitán nu tolay hide. 22Ánya ti pangisip muwe, labag beman tu Kautusan a magbayad kitam ti buwes ni Cesar oni awan?”
23Pero tukoy ni Jesus u áisipán de a madukás, kaya kinagi na nide, 24“Igewat moy nikán u essa a pilak. Kandeya a hupa sakay ngahan u katoy ti pilakáy”
“Kán Cesar.” Tábbeg de.
25Kinagi ni Jesus nide, “Ni konna hod ay iyatád moy ni Cesar u para ni Cesar, sakay iyatád moy tu Diyos u para tu Diyos.” 26Awan ti nangyare tu áisipán de a madukás a dakáppán de siya tu pággupos na tu atubang nu katolayan. Dipo awan hide ti netan a pangdakáppan de nikuna. Sakay nabigla hide tu intabbeg na nide, kanya nagtahimik dálla hide.
U Tanung tungkul tu Kákkabiyag a Huway
(Mateo 22:23-33; Markos 12:18-27)
27Te sangan a Saduseo a ummadene ni Jesus. Iye hide ay mágtatolduwán a awan mabiyag a huway u patay hide. 28Sakay kinagi de, “Maisto, insulat ni Moises tu kautusan a para nikitam u konna he a batas, ‘Ni mara a matay u essa a lállake sakay awan hide ti anak ay tu kabanga na ay kailangan a pakasalan nu wadi nu lállake u bilo tánni mágkahod hide ti anak para tu natay.’ 29Nadid, tehhod a pitto a mátkaka a lállake. Nákkabanga u panganay sakay natay a awan ti anak. 30Káttapos ay pinakasalan nu kaduwwa u nabilo, pero natay be a awan ti anak. 31Sakay konna bi hod u nangyare tu katállo hanggan tu kapitto; naessa-essa a nakabanga nu bilo a bábbey u pitto a mátkaka. Pero nágkatay hide a atanan a awan ti anak. 32Tu katapusan ay natay labe u bábbey. 33Kaya kinagi de, tu kákkabiyag a huway, deya wád u tenggiyán na a kabanga tu pitto dipo nakabanga na hide a atanan?”
34Timmábbeg ti Jesus, “Ti biyagan iye, u lállake hide sakay u bábbey hide ay mákkabanga. 35Pero u tolay a karapatdapat a mabiyag a huway sakay meangay ti langet ay awan dán hod mákkabanga. 36Dipo konna dán hide tu anghel hide a awan mata-matay sakay magin anak dán hide nu Diyos. Dipo biniyag na dán hide a huway. 37Pate ti Moises ay nágpatunay a mabiyag a huway u patay hide. Dipo nikuna a katoy siya tu maggehab a mahenggád a kayo ay dinulawan na u Panginoon a, ‘Diyos ni Abraham, Diyos ni Isaac, sakay Diyos ni Jacob.’ 38Pero u Diyos ay bakán a Diyos nu patay hide nan Diyos nu biyag hide, u atanan a dinulaw nu Diyos ay bakán a patay nan biyag.”
39Sakay kinagi nu agum a maisto nu Kautusan, “Maisto, maganda u intábbeg mo!” 40Sakay sapul hod ay awan dán ti nangahas a magtanung nikuna.
U Tanung tungkul ni Cristo
(Mateo 22:41-46; Markos 12:35-37)
41Káttapos ay kinagi ni Jesus nide, “Kodya tam a makagi a anak ni David u Mesias?
42Dipo ti David dán a mismo u nagkagi tu libro nu Kansiyon a,
‘Kinagi nu Panginoon tu Panginoon ko,
“Mággetnod ka ti kawanan kuwáy,
43Mentaras awan ko niko mapasuko u kadima mo hide.”’
44Nadid, ti David dán u nagdulaw nikuna a Panginoon; bakin wád a kákkagiyán nu tolay hide a anak siya ni David?”
Babala tu Maisto hide nu Kautusan
(Mateo 23:1-36; Markos 12:38-40)
45Mentaras a mágsaneg u tolay hide ni Jesus ay kinagi na tu disepulus na hide, 46“Magingat kam tu Maisto hide nu Kautusan dipo gugusto de a magsulot ti mágkalayon a damit tánni mapansin hide nu tolay. Sakay gugusto di be a igalang. Gugusto di be a mággetnod tu mágkaganda a pággetnudan para tu te mataas a tungkulin tu sinagoga hide sakay tu handaan hide. 47Alapán de u ari-arian nu bilo hide. Sakay gusto de a itagu u mágkadukás de a gimet kaya magdasal hide ti atakdug. Iye hide a tolay ay parusaan nu Diyos ti mas madágge a parusa!”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Pahanan Agta New Testament © Philippine Bible Society and Wycliffe Bible Translators, Inc., 2017.