GENESIS 12
12
1Jehovah dush oo‐oo oogeënaun Abramun, Nuhguhdun keduhkeem, kuhya kedenuhwamahgunug, kuhya koos oowegewaum, ezhaun dush ewede uhkeeng kawahbundahenaun:
2Ningahenahkoonega dush chekechetwah‐ahnishenahbawewaud kenejahnesug, kuhya kegahshahwanemin, kuhya ningahkechetwahwetoon kedezhenekahzoowin; keen edush tahoonjeshahwandahgoozim:
3Kuhya ningahshahwanemaug egewh shawanemikig kuhya ningahkuhgwahnesuggeäug egewh kagwahnesuggeïkig: keen edush tahoonjeshahwandahgoozewug kuhkenuh ahnooj azheweenzoojig ahnishenahbag oomah uhkeeng.
4Abram dush keühnemahjah debishkoo kahegood Jehovahun; oogeweejewegoon dush Lotun: Abram dush keneezhwahse meduhnuh duhsoo‐pepoon‐uhgeze ahshe nahnun uhpe Haraning wanjemahjaud.
5Abram dush oogeöodahpenaun Saraiun oowedegamahgunun, kuhya Lotun oodoozhemun, kuhya kuhkenuh ootebenuhwawezewinewah kahezhetebenuhwawezewaud, kuhya enewh bamahdezejin kahahyahwahwahnejin emuh Haraning; kemahjahwug dush cheëzhahwaud emuh Canaan uhkeeng; emuh dush Canaan uhkeeng kepetuhgwishenoog.
6¶ Abram dush oogeshahbooshkaun ewh uhkee peenish egoo ketuhgwishing emuh uhtag Sichem, emuh mushkootang Moreh. Owh dush Canaanite kayahbe duhnuhkegoobun ewede uhkeeng.
7Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.
8Ewede dush keöonjekooze keëzhaud edush emuh wahjewing wahbunoong enuhkuhkayah oonje Betheling, kekuhbashe dush, Bethel dush apungishemoog keduhgoomahgudene, kuhya Ai wahbunoong keähyahmahgudene: me dush emuh keöozhetoomahwaud Jehovahun ewh sahsahgewejegun‐ahbik, kuhya oogenuhnaundoomaun Jehovahun.
9Abram dush kepahbahmahdeze, kayahbe shahwunoong enuhkuhkayah keënoosad.
10¶ Kepukkuddakummegud ewede uhkeeng: Abram dush keëzhah emuh Egypting chenahkahwa‐duhnezid emuh: kekuhgwahnesugge‐keche‐pukkuddakummegud mah emuh uhkeeng.
11Kepuggummeähyahmahgud dush uhpe pashoo anetuhgwishing emuh Egypting, oo‐oo keënaud enewh Saraiün oowedegamahgunun, Benuh kekekanemin minwahbuhmenahgoozeyun equa.
12Oo‐oo dush tahezhewabud, uhpe wahbuhmikwah egewh Egyptianug, oo‐oo cheëkedoowaud, mesuh oonoo oowedegamahgunun: ningahnesigoog dush, keen dush ween kegahbemahjeëgoog.
13Oo‐oo ekedoon kepahgoosanemin, oodahwamaun nindow: chemenooähyahyaun keen oonje; me dush keen kaöonjebemahdezeyaun.
14¶ Kepuggummeähyahmahgud dush uhpe Abram kahtuhgwishing emuh Egypting, egewh Egyptianug oogewahbuhmahwaun enewh equawun keche‐quahnaujewenid.
15Oogewahbuhmegoon kuhya Pharaoh oodoogemaunsemun, kuhya oogeminwahjemegoon anahsuhmid Pharaoh: kepeendeguhnah dush owh equa emuh Pharaoh oowegewauming.
16Oogemenoo‐doodahwaun dush Abramun oonje enewh equawun; Abram dush keöomahnishtahnisheme, kuhya keöopezhekeme, kuhya keöodahyahbamamaungeshaëme, kuhya keöo buhmeetahgunene, kuhya keöobuhmeetahgunequame, kuhya keöonoozha‐mamaungeshaëme, kuhya keöopegwahweguneme.
17Jehovah dush oogekooduggeäun Pharaohun kuhya enewh oowegewauming ayahnejin keche ahkoosewinun keühyood, oonje Sarai Abram oowedegamahgunun.
18Pharaoh dush oogemindoomaun Abramun, oo‐oo dush keënaud, Wagoonash suh oo‐oo kahdoodahweyun? ahnishween keweenduhmahwesewun kewedegamahgun ahwegoobunan?
19Wagoonash kahoonjeëkedooyun, Nindahwamah ahwe? nindahgeöodahpenah dush neen chewedegamug: benuh dush owh kewedegamahgun, oodahpin, mahdaun dush.
20Pharaoh dush oogekuhgaunzoomaun enewh oodenenemun keduhzemaud Abramun: me dush kemahjenahzhahwahwaud, kuhya oowedegamahgunun, kuhya kuhkenuh ooduhyeemun.
Atualmente selecionado:
GENESIS 12: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GENESIS 12
12
1Jehovah dush oo‐oo oogeënaun Abramun, Nuhguhdun keduhkeem, kuhya kedenuhwamahgunug, kuhya koos oowegewaum, ezhaun dush ewede uhkeeng kawahbundahenaun:
2Ningahenahkoonega dush chekechetwah‐ahnishenahbawewaud kenejahnesug, kuhya kegahshahwanemin, kuhya ningahkechetwahwetoon kedezhenekahzoowin; keen edush tahoonjeshahwandahgoozim:
3Kuhya ningahshahwanemaug egewh shawanemikig kuhya ningahkuhgwahnesuggeäug egewh kagwahnesuggeïkig: keen edush tahoonjeshahwandahgoozewug kuhkenuh ahnooj azheweenzoojig ahnishenahbag oomah uhkeeng.
4Abram dush keühnemahjah debishkoo kahegood Jehovahun; oogeweejewegoon dush Lotun: Abram dush keneezhwahse meduhnuh duhsoo‐pepoon‐uhgeze ahshe nahnun uhpe Haraning wanjemahjaud.
5Abram dush oogeöodahpenaun Saraiun oowedegamahgunun, kuhya Lotun oodoozhemun, kuhya kuhkenuh ootebenuhwawezewinewah kahezhetebenuhwawezewaud, kuhya enewh bamahdezejin kahahyahwahwahnejin emuh Haraning; kemahjahwug dush cheëzhahwaud emuh Canaan uhkeeng; emuh dush Canaan uhkeeng kepetuhgwishenoog.
6¶ Abram dush oogeshahbooshkaun ewh uhkee peenish egoo ketuhgwishing emuh uhtag Sichem, emuh mushkootang Moreh. Owh dush Canaanite kayahbe duhnuhkegoobun ewede uhkeeng.
7Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.
8Ewede dush keöonjekooze keëzhaud edush emuh wahjewing wahbunoong enuhkuhkayah oonje Betheling, kekuhbashe dush, Bethel dush apungishemoog keduhgoomahgudene, kuhya Ai wahbunoong keähyahmahgudene: me dush emuh keöozhetoomahwaud Jehovahun ewh sahsahgewejegun‐ahbik, kuhya oogenuhnaundoomaun Jehovahun.
9Abram dush kepahbahmahdeze, kayahbe shahwunoong enuhkuhkayah keënoosad.
10¶ Kepukkuddakummegud ewede uhkeeng: Abram dush keëzhah emuh Egypting chenahkahwa‐duhnezid emuh: kekuhgwahnesugge‐keche‐pukkuddakummegud mah emuh uhkeeng.
11Kepuggummeähyahmahgud dush uhpe pashoo anetuhgwishing emuh Egypting, oo‐oo keënaud enewh Saraiün oowedegamahgunun, Benuh kekekanemin minwahbuhmenahgoozeyun equa.
12Oo‐oo dush tahezhewabud, uhpe wahbuhmikwah egewh Egyptianug, oo‐oo cheëkedoowaud, mesuh oonoo oowedegamahgunun: ningahnesigoog dush, keen dush ween kegahbemahjeëgoog.
13Oo‐oo ekedoon kepahgoosanemin, oodahwamaun nindow: chemenooähyahyaun keen oonje; me dush keen kaöonjebemahdezeyaun.
14¶ Kepuggummeähyahmahgud dush uhpe Abram kahtuhgwishing emuh Egypting, egewh Egyptianug oogewahbuhmahwaun enewh equawun keche‐quahnaujewenid.
15Oogewahbuhmegoon kuhya Pharaoh oodoogemaunsemun, kuhya oogeminwahjemegoon anahsuhmid Pharaoh: kepeendeguhnah dush owh equa emuh Pharaoh oowegewauming.
16Oogemenoo‐doodahwaun dush Abramun oonje enewh equawun; Abram dush keöomahnishtahnisheme, kuhya keöopezhekeme, kuhya keöodahyahbamamaungeshaëme, kuhya keöo buhmeetahgunene, kuhya keöobuhmeetahgunequame, kuhya keöonoozha‐mamaungeshaëme, kuhya keöopegwahweguneme.
17Jehovah dush oogekooduggeäun Pharaohun kuhya enewh oowegewauming ayahnejin keche ahkoosewinun keühyood, oonje Sarai Abram oowedegamahgunun.
18Pharaoh dush oogemindoomaun Abramun, oo‐oo dush keënaud, Wagoonash suh oo‐oo kahdoodahweyun? ahnishween keweenduhmahwesewun kewedegamahgun ahwegoobunan?
19Wagoonash kahoonjeëkedooyun, Nindahwamah ahwe? nindahgeöodahpenah dush neen chewedegamug: benuh dush owh kewedegamahgun, oodahpin, mahdaun dush.
20Pharaoh dush oogekuhgaunzoomaun enewh oodenenemun keduhzemaud Abramun: me dush kemahjenahzhahwahwaud, kuhya oowedegamahgunun, kuhya kuhkenuh ooduhyeemun.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.