GENESIS 21
21
1Jehovah dush oogemoowuddissaun Sarahun debishkoo kahekedoopun, Jehovah dush oogedoodahwaun Sarahun debishkoo kahekedoopun.
2Sarah mah keünjekoo, kuhya oogenegetuhmahwaun Abrahamun quewezansun, uhpe kahketezenid uhpe dabishkoosanig kahegood Jehovahun.
3Isaac dush oogeëzhenekahnaun owh Abraham enewh oogwissun kahahyahwahjin kahnegetuhmahgoojin Sarahun.
4Abraham dush oogekekenoowahje‐kishkishwaun enewh oogwissun Isaacun uhpe kahishwahsoogoon‐uhgezenid, debishkoo kahegood enewh Kesha‐Muhnedoon.
5Keningoodwauk duhsoopepoon‐uhgeze Abraham uhpe nahgetuhmahwind Isaac.
6¶ Sarah dush oo‐oo keëkedoo, Ningebahpenanduhmeïk Kesha‐Munedoo, mesuh kaöonjeweejbahpeemewaud kuhkenuh nwaundungig.
7Oo‐oo dush keëkedoo, Ahwanan kageënahpun Abrahamun, Sarah oogahnoonaun ahbenoojeün? ningenegetuhmahwah mah kaöogwissejin uhpe ahzhe katezid.
8Kemahjege dush owh ahbenooje, kuhya keïshquahnoonah: Abraham dush oogeöozhetoon keche‐wekoongawin ewh kezheguk uhpe ashquah‐noonind Isaac.
9¶ Sarah dush oogewahbuhmaun oogwissun Hagar owh Egypting duhzhe equa kahnegetuhmahwahjin Abrahamun, bahpenoodahganid.
10Oo‐oo dush oogeënaun Abrahamun, Sahgejenauzhuh mahbuh buhmeetahgun‐equa kuhya enewh oogwissun: kah mah ningwis Isaac oogahweejnahbishkahgamegooseen mahbuh buhmeetahgun‐equa oogwissun.
11Kah dush Abraham oogeminwanduhseen ewh kahekedoonid, oonje enewh oogwissun.
12¶ Kesha‐Muhnedoo dush oo‐oo oogeënaun Abrahamun, Kahween kegahkushkanduhse oonje ooshkenegish kuhya oonje kebuhmeetahgunequam; kuhkenuh kahenik Sarah bezindow; me‐mah Isaac kaöonjeëzhenekahnindwah kenejahnesug.
13Kuhya owh buhmeetahgun‐equa oonejahnesun ningahmeshenooäh, kedoogwissemah mah.
14Abraham dush keöonishkah kekezhab, kuhya oogeöodahpenaun buhquazhegunun, kuhya pazhigoo‐mooduhy nebee, oogemeenaun dush Hagarun, keöomboondahaud, kuhya enewh ahbenoojeün, oogemahjenahzhahwaun edush; kemahjahwun dush, kuhya kebahbahmahdezewun emuh bahgwudduhkummig Beersheba.
15Kechaugesane dush ewh nebee emuh oomooduhying, oogeähpuggenaun dush enewh ahbenoojeün ahnahmuhyeëe pahdukkezood pazhig metigoons.
16Ween dush wahsuh kenuhmuhduhbe debishkoo ahyahnid oonejahnesun, koonemah akoo‐tabahang menik: oo‐oo mah keëkedoo, Kahween nindahwahbuhmahse ahbenooje chenebood. Dahbishkoo ahyahnid kenuhmuhduhbe, kenoondahgooze dush kuhya kemuhwe.
17Kesha‐Muhnedoo dush oogenoonduhwaun enewh ooshkenuhwan; kuhya oodangenemun owh Kesha‐Muhnedoo oogepepahgemaun Hagarun oonje ishpeming, oo‐oo keënaud, Ahneen andeyun Hagar? kagoo sagezekan; Kesha‐Muhnedoo mah oogenoondaun oodinwawin owh ooshkenuhwa ewede ahyaud.
18Puhsegween, oonishkahbeezh owh ooshkenuhwa, kuhya tuhkoon; ningahenahkoonah suh chebahtuheïnood.
19Kesha‐Muhnedoo dush oogepahkahkoonuhmahwaun ooshkinzhegoone, mesuh kewahbundung oondahebaun nebee auduhgoog; keëzhah dush, kuhya oogemooshkenabuhdoon mooduhy ewh nebee, oogemenuhaun dush enewh ahbenoojeün.
20Kesha‐Muhnedoo dush oogeweejewaun enewh ooshkenuhwan; kemahjege dush, kuhya keduhnuhkee emuh buhgwuhduhkummig, kuhya kemetigwahbe‐wenenewe.
21Keduhnuhkee dush emuh puhgwuhduhkummig Paran; oogeen dush oogeöodahpenuhmahgoon kawewejin ewede Egypting.
22¶ Kepuhgummeähyah dush ewh uhpe, Abimelech kuhya Phicol nahgahnezenejin oomenesenoo‐oogemahmun keguhnoonahwaud Abrahamun, oo‐oo keënahwaud, Kewedookaug Kesha‐Muhnedoo kuhkenuh menik anuhnookeeyun:
23Noongoom suh dush wahweenduhmooweshin oomah tuhgoo‐weenud Kesha‐Muhnedoo wekuhkenuhwishketuhwesewun neen, kuhya ningwis oogwissun: debishkoo atuh anandahgwuk neshahwanjegawin kahezheshahwanemenaun, mesuh kadoodahweyun, kuhya ewh uhke emah kahduhzhenuhkahwa‐duhnuhkeeyun.
24Abraham dush oo‐oo keëkedoo, Ningahwahweendahmahga.
25Abraham dush oogenuhneebikemaun Abimelechun oonje pazhig tuhkib kahmuhkuhmegood Abimelech oobuhmeetahgunun.
26Abimelech dush oo‐oo keëkedoo, Kahween nekekanduhse ahwagwan oo‐oo kahezhechegagwan: kah suh kuhya kegeweenduhmahwese, kah ningenoonduhse, noongoom suh pechenug nenoondaun.
27Abraham dush oogeöodehpenaun mahnishtahnishun kuhya pezhekewun, oogemeenaun dush Abimelechun; nuhyazh edush kewahweendahmahdewug.
28Abraham dush ningooje oogeähsaun neezhwahswe noozha‐mahnishtahnisheensun.
29Abimelech dush oo‐oo oogeënaun Abrahamun, Ahneeshwin keähsudwah nezheka oogoo neezhwahswe noosha‐mahnishtahnisheensug?
30Oo‐oo dush keëkedoo, Kegahoodahpenuhmow suh oogoo neezhwahswe noozha‐mahnishtahnisheensug, kekenoowahjechegun dush cheähwewaud ewh kewahnekahduhmaun maunduh oondahebaun.
31Me suh Beersheba keëzhenekahdung ewede; me suh ewede nuhyazh kekeche‐wahweendahmahdewaud.
32Kewahweendahmahdewug suh dush ewede Beershebaïng: medush kepuhsegweed Abimelech, kuhya Phicol ookeche‐menesenoo‐oogemahmun, keëzhekewawug dush emuh ooduhkeemewaung egewh Philistianug.
33¶ Abraham dush oogepuddukkenaun metigoon emuh Beershebaïng, ewede dush oogenuhnaundoomaun Jehovahun, Kahkega Kesha‐Muhnedoon.
34Abraham dush kepahbahduhneze emuh Philistianug ooduhkeemewaung nebewah dussoogoon.
Atualmente selecionado:
GENESIS 21: OTW
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GENESIS 21
21
1Jehovah dush oogemoowuddissaun Sarahun debishkoo kahekedoopun, Jehovah dush oogedoodahwaun Sarahun debishkoo kahekedoopun.
2Sarah mah keünjekoo, kuhya oogenegetuhmahwaun Abrahamun quewezansun, uhpe kahketezenid uhpe dabishkoosanig kahegood Jehovahun.
3Isaac dush oogeëzhenekahnaun owh Abraham enewh oogwissun kahahyahwahjin kahnegetuhmahgoojin Sarahun.
4Abraham dush oogekekenoowahje‐kishkishwaun enewh oogwissun Isaacun uhpe kahishwahsoogoon‐uhgezenid, debishkoo kahegood enewh Kesha‐Muhnedoon.
5Keningoodwauk duhsoopepoon‐uhgeze Abraham uhpe nahgetuhmahwind Isaac.
6¶ Sarah dush oo‐oo keëkedoo, Ningebahpenanduhmeïk Kesha‐Munedoo, mesuh kaöonjeweejbahpeemewaud kuhkenuh nwaundungig.
7Oo‐oo dush keëkedoo, Ahwanan kageënahpun Abrahamun, Sarah oogahnoonaun ahbenoojeün? ningenegetuhmahwah mah kaöogwissejin uhpe ahzhe katezid.
8Kemahjege dush owh ahbenooje, kuhya keïshquahnoonah: Abraham dush oogeöozhetoon keche‐wekoongawin ewh kezheguk uhpe ashquah‐noonind Isaac.
9¶ Sarah dush oogewahbuhmaun oogwissun Hagar owh Egypting duhzhe equa kahnegetuhmahwahjin Abrahamun, bahpenoodahganid.
10Oo‐oo dush oogeënaun Abrahamun, Sahgejenauzhuh mahbuh buhmeetahgun‐equa kuhya enewh oogwissun: kah mah ningwis Isaac oogahweejnahbishkahgamegooseen mahbuh buhmeetahgun‐equa oogwissun.
11Kah dush Abraham oogeminwanduhseen ewh kahekedoonid, oonje enewh oogwissun.
12¶ Kesha‐Muhnedoo dush oo‐oo oogeënaun Abrahamun, Kahween kegahkushkanduhse oonje ooshkenegish kuhya oonje kebuhmeetahgunequam; kuhkenuh kahenik Sarah bezindow; me‐mah Isaac kaöonjeëzhenekahnindwah kenejahnesug.
13Kuhya owh buhmeetahgun‐equa oonejahnesun ningahmeshenooäh, kedoogwissemah mah.
14Abraham dush keöonishkah kekezhab, kuhya oogeöodahpenaun buhquazhegunun, kuhya pazhigoo‐mooduhy nebee, oogemeenaun dush Hagarun, keöomboondahaud, kuhya enewh ahbenoojeün, oogemahjenahzhahwaun edush; kemahjahwun dush, kuhya kebahbahmahdezewun emuh bahgwudduhkummig Beersheba.
15Kechaugesane dush ewh nebee emuh oomooduhying, oogeähpuggenaun dush enewh ahbenoojeün ahnahmuhyeëe pahdukkezood pazhig metigoons.
16Ween dush wahsuh kenuhmuhduhbe debishkoo ahyahnid oonejahnesun, koonemah akoo‐tabahang menik: oo‐oo mah keëkedoo, Kahween nindahwahbuhmahse ahbenooje chenebood. Dahbishkoo ahyahnid kenuhmuhduhbe, kenoondahgooze dush kuhya kemuhwe.
17Kesha‐Muhnedoo dush oogenoonduhwaun enewh ooshkenuhwan; kuhya oodangenemun owh Kesha‐Muhnedoo oogepepahgemaun Hagarun oonje ishpeming, oo‐oo keënaud, Ahneen andeyun Hagar? kagoo sagezekan; Kesha‐Muhnedoo mah oogenoondaun oodinwawin owh ooshkenuhwa ewede ahyaud.
18Puhsegween, oonishkahbeezh owh ooshkenuhwa, kuhya tuhkoon; ningahenahkoonah suh chebahtuheïnood.
19Kesha‐Muhnedoo dush oogepahkahkoonuhmahwaun ooshkinzhegoone, mesuh kewahbundung oondahebaun nebee auduhgoog; keëzhah dush, kuhya oogemooshkenabuhdoon mooduhy ewh nebee, oogemenuhaun dush enewh ahbenoojeün.
20Kesha‐Muhnedoo dush oogeweejewaun enewh ooshkenuhwan; kemahjege dush, kuhya keduhnuhkee emuh buhgwuhduhkummig, kuhya kemetigwahbe‐wenenewe.
21Keduhnuhkee dush emuh puhgwuhduhkummig Paran; oogeen dush oogeöodahpenuhmahgoon kawewejin ewede Egypting.
22¶ Kepuhgummeähyah dush ewh uhpe, Abimelech kuhya Phicol nahgahnezenejin oomenesenoo‐oogemahmun keguhnoonahwaud Abrahamun, oo‐oo keënahwaud, Kewedookaug Kesha‐Muhnedoo kuhkenuh menik anuhnookeeyun:
23Noongoom suh dush wahweenduhmooweshin oomah tuhgoo‐weenud Kesha‐Muhnedoo wekuhkenuhwishketuhwesewun neen, kuhya ningwis oogwissun: debishkoo atuh anandahgwuk neshahwanjegawin kahezheshahwanemenaun, mesuh kadoodahweyun, kuhya ewh uhke emah kahduhzhenuhkahwa‐duhnuhkeeyun.
24Abraham dush oo‐oo keëkedoo, Ningahwahweendahmahga.
25Abraham dush oogenuhneebikemaun Abimelechun oonje pazhig tuhkib kahmuhkuhmegood Abimelech oobuhmeetahgunun.
26Abimelech dush oo‐oo keëkedoo, Kahween nekekanduhse ahwagwan oo‐oo kahezhechegagwan: kah suh kuhya kegeweenduhmahwese, kah ningenoonduhse, noongoom suh pechenug nenoondaun.
27Abraham dush oogeöodehpenaun mahnishtahnishun kuhya pezhekewun, oogemeenaun dush Abimelechun; nuhyazh edush kewahweendahmahdewug.
28Abraham dush ningooje oogeähsaun neezhwahswe noozha‐mahnishtahnisheensun.
29Abimelech dush oo‐oo oogeënaun Abrahamun, Ahneeshwin keähsudwah nezheka oogoo neezhwahswe noosha‐mahnishtahnisheensug?
30Oo‐oo dush keëkedoo, Kegahoodahpenuhmow suh oogoo neezhwahswe noozha‐mahnishtahnisheensug, kekenoowahjechegun dush cheähwewaud ewh kewahnekahduhmaun maunduh oondahebaun.
31Me suh Beersheba keëzhenekahdung ewede; me suh ewede nuhyazh kekeche‐wahweendahmahdewaud.
32Kewahweendahmahdewug suh dush ewede Beershebaïng: medush kepuhsegweed Abimelech, kuhya Phicol ookeche‐menesenoo‐oogemahmun, keëzhekewawug dush emuh ooduhkeemewaung egewh Philistianug.
33¶ Abraham dush oogepuddukkenaun metigoon emuh Beershebaïng, ewede dush oogenuhnaundoomaun Jehovahun, Kahkega Kesha‐Muhnedoon.
34Abraham dush kepahbahduhneze emuh Philistianug ooduhkeemewaung nebewah dussoogoon.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.