San Mateo 12
12
Jurhengorherichaksï sábadu tríju kuarhajtsïkuxapti
(Mc 2.23-28; Lc 6.1-5)
1Jesusi sábadu ma jimbo, tríju jatsikatarhu isï parhiakuxapti, ka jurhengorheri jémbechaksï tríjuni kuarhajtsïkupaxapti ka arhasïremptiksï jimbokaksï karhimaxapka. 2Fariseuechaksï jurhengorherichani exearini, Jesusinksï arhispti: “Eraa chéti jurhengorherichani, iásï enga mintsikorhekuejka, imani ambeksï úxati enga juramukua no jiáretpejka.” 3Ka Jesusi arhiantaaspti: “¿Andi nójtsï méni arhintaski ambe enga úpka Dabi, jiájkani enga ima ka pámpiri jémbechaksï k'arhimani jápka? 4Na enga Dabi tiósïo inchapka ka kurhinda újchakurakatechanksï auaspti engaksï no sésekua jatsipka arhani, engaksï tátechajku sésekua jatsijka arhani. 5¿Andi Moisesiri juramukuarhujtsï no arhintaski? Na engaksï sábadu, tátecha ánchekorhejka ka nóksï k'amanharhiranhantasïndi. 6Jíksïni arhixaka, eska ixu jarhaska ima enga sánderu k'érika eska tiósïo. 7Engajtsï jánhaskapiringa ambe enga arhikuekajka: ‘P'amojkperakuasïni uéjka ka no parhandikua kéjtsïtakua ambe’, nójtsï ísku jatini k'amanharhirantaapiringa imani engaksï nómbe ma arhikueka. 8Ka Acheti Uájpa, sábadujtu juramukua jatsisti.”
Jesusi sábadu p'amenchatini ma ambakerantasti
(Mc 3.1-6; Lc 6.6-11)
9Jesusi kéndikusti ka jima anapu k'umanchekua tángorhentskuarhu inchaspti. 10Ka jima jarhaspti ma enga ma akandani k'urhujkupka, ka nónaksï Jesusini k'amanharhitantani ísïksï kurhamarhespti: “¿Andi sésekua jarhaski sábadu ambakerpentani?”
11Ka Jesusi arhiaspti: “Jaki cha ma ísï enga karichini ma kámka, ka karichi sábadu nani uekanheni, ¿Andi nójtsï p'ínhantasïnki? 12¡Néuejki sánderu jukaparhasti eska karichi ma! Ísï jimbo sésekua jarhasti sábaduechani sési ambe úni.”
13Ka k'urhujkurhani arhispti: “Ióxurhantsï.” Ka k'urhujkurha ióxurhantaspti, ka sési ambajkurhantaspti eskamendu máteru akandani. 14Ka fariseuecha engaksï uéntapka, eratsekuntaxapti néna engaksï Jesusini uándikupiringa.
Jesusi Diósïri jántspiristi
15Jesusi mítetini ambe engaksï eratseni jápka, kéndikukuaspti, ka uánekuaksï chúxapaspti ka ima iámenduechani ambakerantaaspti, 16ka juramukuasïrempti eskaksï no jámapiringa imeri ambe uandantani; 17ka ísï úkorheni enga Diósïri uandari Isaiasï uandaka:
18“Ísti jucheti jántspiri engani ji erakuka,
engani ji xáni uéjka,
enga jucheti álmani xáni tsíperajka.
Jucheti Espirituni indeni andajtsïteraaka
ka iámendu iretechani aianguantauati
ambe enga Diósï uéjka.
19No uandakorheati ka nójtu uinhachaati,
ka xanharu isï nónema kurhauati.
20No k'amatakuati p'atamuni enga kuarhajtsïtini jaka,
ka no párhutaati piruakuani enga sïraantsïnderku jakaia,
eka no urheta xérpeaka ambe enga Diósï uéjka.
21Ka iápuru isï anapuechaksï imeri jakangurhikuani mintsikaati.”
Jesusinksï arhiparhataxapti eska ima nóambakitiska
(Mc 3.20-30; Lc 11.14-23; 12.10)
22Jesusinksï achetini ma pérakuspti enga nóambakiti incharhepka, ka enga pátenharhipka ka nunuxini, ka Jesusi ambakerantaspti ka ima úspti exeni ka uandani. 23Iámenduksï ísku pakareraspti ka uandasïremptiksï: “¿Íxamu Dabidi Uájpe?” 24Ka fariseuechaksï ísï kurharini uandasïrempti: “I Belsebu, k'éri nóambaki jimbosï nóambakitichani petarhpeantajti.”
25Jesusi mítetini ambe engaksï ima eratseni jápka, arhiaspti: “Eka irechekua ma arhukurhitini jauaka, ima irechekua k'amakurhiati, ka nóma k'éri ireta óksï ma k'umanchekuarhu anapuecha jauatiteru engaksï arhukurhitini jauaka. 26Ka eka nóambakiti jandiojku uérhekorhentaska, arhukurhitixati; ¿Imeri irechekua néna jauateru? 27Ka ekani ji nóambakitichani, k'éri nóambakitini jimbo petarhejpeantajka, ¿Ne jimboksï petarhpeantasïnki ima engaksïni chánksïni chúxapajka? Imaksïni xarhataxati eskajtsï cha támu ísï jámaxaka. 28Ka ekani ji nóambakitichani Diósïri Espirituni jimbo petarhpentajka, sési jimbo, Diósïri irechekuaksïni janochestia.
29¿Néna ua nema acheti uinhapitini ma inchakuni, ka jatsikorhekua ambe iámu petakuni? Eka no urheta jótaska, jiájkani k'óru úati ambe petakuni.
30Ima enga no jíndeni jingunika, ikiachesïndirini, ka ima enga no jíndeni jinguni tánantajka, arhukpesïndi.”
31“Ísï jimboksïnisï ji arhini jaka, eska náki uéjki ma k'amanharhintskua ka nósesi ambe engajtsï uandaaka, púamenhantaakajtsï. K'óru ima enga Espirituni útakuaka, nómeni púamenhantaati. 32Ne uéjki enga Acheti uájpani útakuaka, púamenhantaati, k'óru ima nómeni púamenhantaati enga Espiritu Sántuni útakuaaka.”
Anhatapu ambakitini
(Lc 6.43-45)
33“Enga anhatapu ambakejka, amanhejchakua ambakesïndi, ka enga anhatapu no ambakejka, amanhejchakua no ambakesïndi; amanhejchakua anhatapu jimbo exenhasïndi. 34¡Akuitseni járhaticha! ¿Néna jimbojtsïsï no ambakeparini sési ambe uandajki? Ambe enga mintsitarhu jatanhenhajka ima ambe uandanhasïndi. 35Ima engaksï ambarhaka, sési jásï mintsita jimboksï, sési ambeksï uandasïndi, ka nóambarhatichaksï nósesi jásï ambe uandasïndi, jimbokaksï nósesi jásï ambe jatarixaka. 36Ka jíksïni arhixaka eska ima jurhiatekua enga arhinharhikperanhaaka, eska táchani ísï mókukorhenhaaka ísku jásï uandakuechani jimbo enga xáni uémuskorhenhaka. 37Ambe engari uandaaka, imani jimbori arhikua o nómbe ma arhikueuaka.”
Máruksï mínda exekuekaxati
(Mc 8.12; Lc 11.29-32)
38Máruksï juramukua jurhentpiricha ka fariseuechaksï mókukuntaspti: “Jurhentpiri, milagruchi ma uékasïnga exeni.” 39Ka Jesusi arhiantaaspti: “Iásï anapu no ambarhaticha ka ísku jándichaksï milagru ma kurhajkorhexati, k'óruksï nóteru ma milagru xarhatamenhaati, imantku enga Diósïri uandari Jonasi úmenhaka. 40Eskamendu Jonasi tanimu jurhiatekua na jápka k'éri kurucheri k'úparhatarhu, Acheti uájpajtu tanimu jurhiatekua echerirhu inchatsetini jauati. 41Nínibe anapuechaksï iásï anapuechani útatsperakuarhu arhinharhikuauati, jimbokaksï ima Jonasiri arhijtsïkperatani kurharini, Diósïni andarhentaspka, ka ima enga ixu jaka, Jonasi jinguni sánderu k'éristi. 42Nana irecha kétsekua ísï anapu, iásï anapuechani útatsperakuarhu arhinharhikuauati, jimboka ima iauani uératini jurhaspka Salomoniri mímixekuani kurhani, ka ixu jarhasti ima enga Salomoni jinguni sánderu k'érika.”
Nósesi jásï espiritu enga ménderu incharhpentajka
(Lc 11.24-26)
43“Enga nósesi jásï ma espiritu uérhpentajka, k'arhikjandu jámani jarhasïndi jirinhantani nani mintsikorheni, ka no exentasïndi. 44Jiájkani uandasïndi: ‘Juchenio níntaaka.’ Ka enga niántajka, nónemani exentasïndi ka sési k'arhatakata ka sésesi ambantskantskata jarhasïndi. 45Ka nirasïndi ka pájtaasïndi máteru iúmu tsimani espirituechani, sánderu nóambarhatichani, ka incharhpesïndiksï ka jimaksï irekorhesïndi, ka acheti sánderu nósesi úkorhenchasïndi. Iásï anapuechajtuksï májkueni úkorhenchaati.”
Jesusiri amamba ka erachi jémbecha
(Mc 3.31-35; Lc 8.19-21)
46Enga Jesusi útasï uandani jápka, amamba ka erachi jémbechaksï uérakua jarhaspti, ka ima jingunksï uandaxeni uékaxapti. 47Ka nema Jesusini arhispti: “Chéti nánde ka chéti erachichaksï uerakua jarhasti, ka t'úngeni jingunksï uékasïndi uadaxeni.”
48Jesusi arhintaspti imani enga íni ambe arhini jápka: “¿Néski jucheti nánde ka néksïsï jucheti erachi?”
49Ka jurhengorheri jémbechani t'antsiraaparini uandaspti: “Íksïsï jucheti nándeti ka jucheti erachinksï, 50jimboka ima enga újka ambe enga jucheti Táte uéjka enga auandarhu jaka, jucheti erachisti ka jucheti pirenchisti ka jucheti nándesti.”
Atualmente selecionado:
San Mateo 12: DKPJ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Biblia en P´urhépecha, Michoacán, México © Sociedad Bíblica de México, A.C.
San Mateo 12
12
Jurhengorherichaksï sábadu tríju kuarhajtsïkuxapti
(Mc 2.23-28; Lc 6.1-5)
1Jesusi sábadu ma jimbo, tríju jatsikatarhu isï parhiakuxapti, ka jurhengorheri jémbechaksï tríjuni kuarhajtsïkupaxapti ka arhasïremptiksï jimbokaksï karhimaxapka. 2Fariseuechaksï jurhengorherichani exearini, Jesusinksï arhispti: “Eraa chéti jurhengorherichani, iásï enga mintsikorhekuejka, imani ambeksï úxati enga juramukua no jiáretpejka.” 3Ka Jesusi arhiantaaspti: “¿Andi nójtsï méni arhintaski ambe enga úpka Dabi, jiájkani enga ima ka pámpiri jémbechaksï k'arhimani jápka? 4Na enga Dabi tiósïo inchapka ka kurhinda újchakurakatechanksï auaspti engaksï no sésekua jatsipka arhani, engaksï tátechajku sésekua jatsijka arhani. 5¿Andi Moisesiri juramukuarhujtsï no arhintaski? Na engaksï sábadu, tátecha ánchekorhejka ka nóksï k'amanharhiranhantasïndi. 6Jíksïni arhixaka, eska ixu jarhaska ima enga sánderu k'érika eska tiósïo. 7Engajtsï jánhaskapiringa ambe enga arhikuekajka: ‘P'amojkperakuasïni uéjka ka no parhandikua kéjtsïtakua ambe’, nójtsï ísku jatini k'amanharhirantaapiringa imani engaksï nómbe ma arhikueka. 8Ka Acheti Uájpa, sábadujtu juramukua jatsisti.”
Jesusi sábadu p'amenchatini ma ambakerantasti
(Mc 3.1-6; Lc 6.6-11)
9Jesusi kéndikusti ka jima anapu k'umanchekua tángorhentskuarhu inchaspti. 10Ka jima jarhaspti ma enga ma akandani k'urhujkupka, ka nónaksï Jesusini k'amanharhitantani ísïksï kurhamarhespti: “¿Andi sésekua jarhaski sábadu ambakerpentani?”
11Ka Jesusi arhiaspti: “Jaki cha ma ísï enga karichini ma kámka, ka karichi sábadu nani uekanheni, ¿Andi nójtsï p'ínhantasïnki? 12¡Néuejki sánderu jukaparhasti eska karichi ma! Ísï jimbo sésekua jarhasti sábaduechani sési ambe úni.”
13Ka k'urhujkurhani arhispti: “Ióxurhantsï.” Ka k'urhujkurha ióxurhantaspti, ka sési ambajkurhantaspti eskamendu máteru akandani. 14Ka fariseuecha engaksï uéntapka, eratsekuntaxapti néna engaksï Jesusini uándikupiringa.
Jesusi Diósïri jántspiristi
15Jesusi mítetini ambe engaksï eratseni jápka, kéndikukuaspti, ka uánekuaksï chúxapaspti ka ima iámenduechani ambakerantaaspti, 16ka juramukuasïrempti eskaksï no jámapiringa imeri ambe uandantani; 17ka ísï úkorheni enga Diósïri uandari Isaiasï uandaka:
18“Ísti jucheti jántspiri engani ji erakuka,
engani ji xáni uéjka,
enga jucheti álmani xáni tsíperajka.
Jucheti Espirituni indeni andajtsïteraaka
ka iámendu iretechani aianguantauati
ambe enga Diósï uéjka.
19No uandakorheati ka nójtu uinhachaati,
ka xanharu isï nónema kurhauati.
20No k'amatakuati p'atamuni enga kuarhajtsïtini jaka,
ka no párhutaati piruakuani enga sïraantsïnderku jakaia,
eka no urheta xérpeaka ambe enga Diósï uéjka.
21Ka iápuru isï anapuechaksï imeri jakangurhikuani mintsikaati.”
Jesusinksï arhiparhataxapti eska ima nóambakitiska
(Mc 3.20-30; Lc 11.14-23; 12.10)
22Jesusinksï achetini ma pérakuspti enga nóambakiti incharhepka, ka enga pátenharhipka ka nunuxini, ka Jesusi ambakerantaspti ka ima úspti exeni ka uandani. 23Iámenduksï ísku pakareraspti ka uandasïremptiksï: “¿Íxamu Dabidi Uájpe?” 24Ka fariseuechaksï ísï kurharini uandasïrempti: “I Belsebu, k'éri nóambaki jimbosï nóambakitichani petarhpeantajti.”
25Jesusi mítetini ambe engaksï ima eratseni jápka, arhiaspti: “Eka irechekua ma arhukurhitini jauaka, ima irechekua k'amakurhiati, ka nóma k'éri ireta óksï ma k'umanchekuarhu anapuecha jauatiteru engaksï arhukurhitini jauaka. 26Ka eka nóambakiti jandiojku uérhekorhentaska, arhukurhitixati; ¿Imeri irechekua néna jauateru? 27Ka ekani ji nóambakitichani, k'éri nóambakitini jimbo petarhejpeantajka, ¿Ne jimboksï petarhpeantasïnki ima engaksïni chánksïni chúxapajka? Imaksïni xarhataxati eskajtsï cha támu ísï jámaxaka. 28Ka ekani ji nóambakitichani Diósïri Espirituni jimbo petarhpentajka, sési jimbo, Diósïri irechekuaksïni janochestia.
29¿Néna ua nema acheti uinhapitini ma inchakuni, ka jatsikorhekua ambe iámu petakuni? Eka no urheta jótaska, jiájkani k'óru úati ambe petakuni.
30Ima enga no jíndeni jingunika, ikiachesïndirini, ka ima enga no jíndeni jinguni tánantajka, arhukpesïndi.”
31“Ísï jimboksïnisï ji arhini jaka, eska náki uéjki ma k'amanharhintskua ka nósesi ambe engajtsï uandaaka, púamenhantaakajtsï. K'óru ima enga Espirituni útakuaka, nómeni púamenhantaati. 32Ne uéjki enga Acheti uájpani útakuaka, púamenhantaati, k'óru ima nómeni púamenhantaati enga Espiritu Sántuni útakuaaka.”
Anhatapu ambakitini
(Lc 6.43-45)
33“Enga anhatapu ambakejka, amanhejchakua ambakesïndi, ka enga anhatapu no ambakejka, amanhejchakua no ambakesïndi; amanhejchakua anhatapu jimbo exenhasïndi. 34¡Akuitseni járhaticha! ¿Néna jimbojtsïsï no ambakeparini sési ambe uandajki? Ambe enga mintsitarhu jatanhenhajka ima ambe uandanhasïndi. 35Ima engaksï ambarhaka, sési jásï mintsita jimboksï, sési ambeksï uandasïndi, ka nóambarhatichaksï nósesi jásï ambe uandasïndi, jimbokaksï nósesi jásï ambe jatarixaka. 36Ka jíksïni arhixaka eska ima jurhiatekua enga arhinharhikperanhaaka, eska táchani ísï mókukorhenhaaka ísku jásï uandakuechani jimbo enga xáni uémuskorhenhaka. 37Ambe engari uandaaka, imani jimbori arhikua o nómbe ma arhikueuaka.”
Máruksï mínda exekuekaxati
(Mc 8.12; Lc 11.29-32)
38Máruksï juramukua jurhentpiricha ka fariseuechaksï mókukuntaspti: “Jurhentpiri, milagruchi ma uékasïnga exeni.” 39Ka Jesusi arhiantaaspti: “Iásï anapu no ambarhaticha ka ísku jándichaksï milagru ma kurhajkorhexati, k'óruksï nóteru ma milagru xarhatamenhaati, imantku enga Diósïri uandari Jonasi úmenhaka. 40Eskamendu Jonasi tanimu jurhiatekua na jápka k'éri kurucheri k'úparhatarhu, Acheti uájpajtu tanimu jurhiatekua echerirhu inchatsetini jauati. 41Nínibe anapuechaksï iásï anapuechani útatsperakuarhu arhinharhikuauati, jimbokaksï ima Jonasiri arhijtsïkperatani kurharini, Diósïni andarhentaspka, ka ima enga ixu jaka, Jonasi jinguni sánderu k'éristi. 42Nana irecha kétsekua ísï anapu, iásï anapuechani útatsperakuarhu arhinharhikuauati, jimboka ima iauani uératini jurhaspka Salomoniri mímixekuani kurhani, ka ixu jarhasti ima enga Salomoni jinguni sánderu k'érika.”
Nósesi jásï espiritu enga ménderu incharhpentajka
(Lc 11.24-26)
43“Enga nósesi jásï ma espiritu uérhpentajka, k'arhikjandu jámani jarhasïndi jirinhantani nani mintsikorheni, ka no exentasïndi. 44Jiájkani uandasïndi: ‘Juchenio níntaaka.’ Ka enga niántajka, nónemani exentasïndi ka sési k'arhatakata ka sésesi ambantskantskata jarhasïndi. 45Ka nirasïndi ka pájtaasïndi máteru iúmu tsimani espirituechani, sánderu nóambarhatichani, ka incharhpesïndiksï ka jimaksï irekorhesïndi, ka acheti sánderu nósesi úkorhenchasïndi. Iásï anapuechajtuksï májkueni úkorhenchaati.”
Jesusiri amamba ka erachi jémbecha
(Mc 3.31-35; Lc 8.19-21)
46Enga Jesusi útasï uandani jápka, amamba ka erachi jémbechaksï uérakua jarhaspti, ka ima jingunksï uandaxeni uékaxapti. 47Ka nema Jesusini arhispti: “Chéti nánde ka chéti erachichaksï uerakua jarhasti, ka t'úngeni jingunksï uékasïndi uadaxeni.”
48Jesusi arhintaspti imani enga íni ambe arhini jápka: “¿Néski jucheti nánde ka néksïsï jucheti erachi?”
49Ka jurhengorheri jémbechani t'antsiraaparini uandaspti: “Íksïsï jucheti nándeti ka jucheti erachinksï, 50jimboka ima enga újka ambe enga jucheti Táte uéjka enga auandarhu jaka, jucheti erachisti ka jucheti pirenchisti ka jucheti nándesti.”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Biblia en P´urhépecha, Michoacán, México © Sociedad Bíblica de México, A.C.