San Mateo 14
14
Na enga Juánu itsï atajtsïkpiri uándikunhaka
1Ima jurhiatekuechani, Erodesi Antipasï enga Galilea juramuni jápka, Jesusiri ambe mítespti, jimboka imeri ambeterku uandanhaxapkia, 2ka arhiaspti imeri jántspirichani: “I Juánu itsï atajtsïkpiristi, tsíntasti, jimbosï xásï uinhapekua xarhatajti.”
3Ma xanhari Erodesi Juánuni jupirkorhespti ka ónhatarkorheni, Erodiasïni jimbo, enga imeri erachi jémba Filipueri témbepka. 4Jimboka Juánu arhisïrempka: “Nóri sésekua jatsiska indeni uarhiti jinguni jarhani.”
5Ka Erodesi uékasïrempti Juánuni uándikuni, k'óru iretani chérhesïrempti jimbokaksï Juánuni Diósïri uandarini exesïrempka. 6Ka jiájkani enga Erodesi máteru uéxurhini andangutapka, Erodiasï uájpa uátsï, kéjpespti uarhani, ka Erodesi kánekua jaiapanhentaspti, 7enga aiakorhepka íntskuni iámendu ambe enga ima kurhakupiringa. 8Ka t'uíni amamba arhistakutixaptia, ka ima nanaka Erodesïni arhispti: “Iáiasïrini Juánu itsï atajtsïkpiriri éjpuni íntsku urhani ma jimbo.”
9Ka irecha Erodesï kánekua kómu p'ikuarheraspti, jimboka p'ímarhekatechani japarini aiakorhespka, ka juramuspti eskaksï íntskupiringa. 10Juramusti eskaksï Juánuni k'ataperakuarhu kachujchakupiringa. 11Ka uátsïnksï Juánueri éjpu urhanirhu ma pákuspti, ka ima amambani íntskuntaspti. 12Juánueri jurhengorherichaksï niraspti Juánuni p'íntani ka jatsintasptiksï, ka tátsekuaksï niraspti Jesusini aianguntani.
Jesusi iúmu míli t'irerpesti
(Mc 6.30-44; Lc 9.10-17; Jn 6.1-14)
13Enga Jesusi mítepka, jandiojku icharhutarhu ma jimbo niraspti jima enga nónema jámempka. Enga mítekorhepka, iretecharhu uéakunhaspti ka xanharakorhepasptiksï chúxapani. 14Enga Jesusi icharhutarhu kétseni jápka, uánekua exejpespti; ka p'amojkuaspti ka p'amenchatichani ambakerantaaspti. 15Ka tirimarhandu, jurhengorheri jémbechaksï andarheraspti ka arhisptiksï: “Ixuesï no irekanhasti ka chúrexatia. Axajpentsï, jurakue ninhani iretecharhu t'irekua ambe piákorhenhani.” 16Ka Jesusi arhiaspti: “Ambejtuksï úni niua; cha t'ireraa je.” 17Ka imaksï uandaspti: “Iúmu kurhindechani ka tsimani kuruchechantkuchisï káani jaka.” 18Ka Jesusi arhiaspti: “Juácheajtsïni je.” 19Jiájkani juramuspti eska uitsakuarhu uaxandenhapiringa, ka iúmu kurhindechani ka tsimani kuruchechani p'íkuaspti, ka erancheparini újchakuraspti, ka jurhengorheri jémbechani íntsaapti ka imaksï etsakuspti. 20Iámenduksï uiniarhantaspti t'ireni, ka pakarakataksï témbeni tsimani tsïkiata uiniri tánantaspti. 21Ka ima engaksï t'irepka iúmu míli ísïsptiksï, ka no miiuaparini uarhitichani ka sapichani.
Jesusi itsïrhu xanharaspti
(Mc 6.45-52; Jn 6.16-21)
22Ísï tátsekua, Jesusi jurhengorheri jémbechani arhiaspti eskaksï icharhutani jatantapiringa, ka eskaksï urheparinga japundarhu parhimeni enga jamberi ima axajpentapiringa. 23Ka enga axajpentapkia, jandiojku juátarhu ma karhamaspti kómarhani, ka chúrekua juátarhu jandioterku pakaraspti. 24Ka icharhuta terumeni ísï niraxaptia, ka jenguerakuechaksï manamananhtsïtaxapti icharhutani jimboka tarhiata k'uanhaskuntasïrempka. 25Ka erandepakua, Jesusi niraspti chúxapaani itsïrhu xanharapani. 26Ka jurhengorherichaksï exerini eska itsïrhu xanharaxapka, kánekuaksï chéspti ka chérakorhetinksï uinhachasïrempti “¡Uarhicha ma!” 27K'óru Jesusi jimajku uandajpaaspti: “¡Ásï che je, jíska!” 28Ka Pédru arhispti: “Tata engari t'úeka, juramu eskakini ji úaka andarheraaka itsïrhu xanharapani.” 29Ka ima arhispti: “Juíni.” Ka Pédru icharhutarhu kétsetini, itsïrhu xanharaxapti Jesusini andarherani. 30K'óru exerini na enga uinhamendu tarhiani jápka, chérakorhespti ka inchamexaptia. Ka uinhachaspti: “¡Tata p'ímantsïrini!” 31Ka Jesusi jupijkuspti ka arhispti: “¡Xáni engarini no mintsikajka! ¿Andirisï tsimantsimanea?” 32Ka engaksï icharhutarhu jatantapka, nóteru tarhiaspti. 33Ka ima engaksï icharhutarhu jápka, Jesusinksï andarheraspti ka tinguixurhikusptiksï arhini: “Sési jimbori t'u Acha Diósï Uájpeska.”
Jesusi Genesareti p'amenchatichani ambakerantaasti
(Mc 6.53-56)
34Engaksï japundarhu parhikupka, Jenesaretiksï niáraspti. 35Ka engaksï jima anapuecha Jesusini mítentapka, aianguantaasptiksï iámendu jimajku isï anapuechani, ka imaksï iámendu p'amenchatichani pákuaspti; 36ka kómarhisïremptiksï eska jurajkuapiringa sunundajku jupirhukukuni. Ka ima engaksï p'árhempka ambakentasïremptiksï.
Atualmente selecionado:
San Mateo 14: DKPJ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Biblia en P´urhépecha, Michoacán, México © Sociedad Bíblica de México, A.C.
San Mateo 14
14
Na enga Juánu itsï atajtsïkpiri uándikunhaka
1Ima jurhiatekuechani, Erodesi Antipasï enga Galilea juramuni jápka, Jesusiri ambe mítespti, jimboka imeri ambeterku uandanhaxapkia, 2ka arhiaspti imeri jántspirichani: “I Juánu itsï atajtsïkpiristi, tsíntasti, jimbosï xásï uinhapekua xarhatajti.”
3Ma xanhari Erodesi Juánuni jupirkorhespti ka ónhatarkorheni, Erodiasïni jimbo, enga imeri erachi jémba Filipueri témbepka. 4Jimboka Juánu arhisïrempka: “Nóri sésekua jatsiska indeni uarhiti jinguni jarhani.”
5Ka Erodesi uékasïrempti Juánuni uándikuni, k'óru iretani chérhesïrempti jimbokaksï Juánuni Diósïri uandarini exesïrempka. 6Ka jiájkani enga Erodesi máteru uéxurhini andangutapka, Erodiasï uájpa uátsï, kéjpespti uarhani, ka Erodesi kánekua jaiapanhentaspti, 7enga aiakorhepka íntskuni iámendu ambe enga ima kurhakupiringa. 8Ka t'uíni amamba arhistakutixaptia, ka ima nanaka Erodesïni arhispti: “Iáiasïrini Juánu itsï atajtsïkpiriri éjpuni íntsku urhani ma jimbo.”
9Ka irecha Erodesï kánekua kómu p'ikuarheraspti, jimboka p'ímarhekatechani japarini aiakorhespka, ka juramuspti eskaksï íntskupiringa. 10Juramusti eskaksï Juánuni k'ataperakuarhu kachujchakupiringa. 11Ka uátsïnksï Juánueri éjpu urhanirhu ma pákuspti, ka ima amambani íntskuntaspti. 12Juánueri jurhengorherichaksï niraspti Juánuni p'íntani ka jatsintasptiksï, ka tátsekuaksï niraspti Jesusini aianguntani.
Jesusi iúmu míli t'irerpesti
(Mc 6.30-44; Lc 9.10-17; Jn 6.1-14)
13Enga Jesusi mítepka, jandiojku icharhutarhu ma jimbo niraspti jima enga nónema jámempka. Enga mítekorhepka, iretecharhu uéakunhaspti ka xanharakorhepasptiksï chúxapani. 14Enga Jesusi icharhutarhu kétseni jápka, uánekua exejpespti; ka p'amojkuaspti ka p'amenchatichani ambakerantaaspti. 15Ka tirimarhandu, jurhengorheri jémbechaksï andarheraspti ka arhisptiksï: “Ixuesï no irekanhasti ka chúrexatia. Axajpentsï, jurakue ninhani iretecharhu t'irekua ambe piákorhenhani.” 16Ka Jesusi arhiaspti: “Ambejtuksï úni niua; cha t'ireraa je.” 17Ka imaksï uandaspti: “Iúmu kurhindechani ka tsimani kuruchechantkuchisï káani jaka.” 18Ka Jesusi arhiaspti: “Juácheajtsïni je.” 19Jiájkani juramuspti eska uitsakuarhu uaxandenhapiringa, ka iúmu kurhindechani ka tsimani kuruchechani p'íkuaspti, ka erancheparini újchakuraspti, ka jurhengorheri jémbechani íntsaapti ka imaksï etsakuspti. 20Iámenduksï uiniarhantaspti t'ireni, ka pakarakataksï témbeni tsimani tsïkiata uiniri tánantaspti. 21Ka ima engaksï t'irepka iúmu míli ísïsptiksï, ka no miiuaparini uarhitichani ka sapichani.
Jesusi itsïrhu xanharaspti
(Mc 6.45-52; Jn 6.16-21)
22Ísï tátsekua, Jesusi jurhengorheri jémbechani arhiaspti eskaksï icharhutani jatantapiringa, ka eskaksï urheparinga japundarhu parhimeni enga jamberi ima axajpentapiringa. 23Ka enga axajpentapkia, jandiojku juátarhu ma karhamaspti kómarhani, ka chúrekua juátarhu jandioterku pakaraspti. 24Ka icharhuta terumeni ísï niraxaptia, ka jenguerakuechaksï manamananhtsïtaxapti icharhutani jimboka tarhiata k'uanhaskuntasïrempka. 25Ka erandepakua, Jesusi niraspti chúxapaani itsïrhu xanharapani. 26Ka jurhengorherichaksï exerini eska itsïrhu xanharaxapka, kánekuaksï chéspti ka chérakorhetinksï uinhachasïrempti “¡Uarhicha ma!” 27K'óru Jesusi jimajku uandajpaaspti: “¡Ásï che je, jíska!” 28Ka Pédru arhispti: “Tata engari t'úeka, juramu eskakini ji úaka andarheraaka itsïrhu xanharapani.” 29Ka ima arhispti: “Juíni.” Ka Pédru icharhutarhu kétsetini, itsïrhu xanharaxapti Jesusini andarherani. 30K'óru exerini na enga uinhamendu tarhiani jápka, chérakorhespti ka inchamexaptia. Ka uinhachaspti: “¡Tata p'ímantsïrini!” 31Ka Jesusi jupijkuspti ka arhispti: “¡Xáni engarini no mintsikajka! ¿Andirisï tsimantsimanea?” 32Ka engaksï icharhutarhu jatantapka, nóteru tarhiaspti. 33Ka ima engaksï icharhutarhu jápka, Jesusinksï andarheraspti ka tinguixurhikusptiksï arhini: “Sési jimbori t'u Acha Diósï Uájpeska.”
Jesusi Genesareti p'amenchatichani ambakerantaasti
(Mc 6.53-56)
34Engaksï japundarhu parhikupka, Jenesaretiksï niáraspti. 35Ka engaksï jima anapuecha Jesusini mítentapka, aianguantaasptiksï iámendu jimajku isï anapuechani, ka imaksï iámendu p'amenchatichani pákuaspti; 36ka kómarhisïremptiksï eska jurajkuapiringa sunundajku jupirhukukuni. Ka ima engaksï p'árhempka ambakentasïremptiksï.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Biblia en P´urhépecha, Michoacán, México © Sociedad Bíblica de México, A.C.