Matalikilo 15
15
Cipangano lesa ncaakapanga aAbulamu
1Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi,
“Utaloondi Abulamu,
ntookulama kucintu cili coonse
ceenga canyonyoola buumi bwako
akukupa cilambu cinene abuumbi.”
2Sombi Abulamu wakakumbula ayi, “NoBaami Beshinkusu shoonse, nebo nshiciteewo mwaana, ino cilambu canu cilicite mpindunshi kuli ndime? Eliyasa eenkabo wa kuDamasikasi njempyani yangu. 3Tamukwe nkupaawo baana, aboobo womwi pabasha bangu ulaakubwesa buboni bwangu ndaakufwa.”
4Lyalo wakanyumfwa Mwaami Lesa kaamba alimwi kuli nguwe ayi, “Musha uyu Eliyasa, teshi ngweshi akabwese buboni bwako waakufwa. Mwaana musankwa wakushala omwiine ngweshi akabwese buboni bwako.” 5Mwaami Lesa wakatola Abulamu pansengwe akwaamba ayi, “Langilisha mwiculu alimwi weeleshe kubelenga nyenyeenshi. Ncakwiila ulaakuba abamulunyungu lwako baanji anga ninyenyeenshi.”#Loma 4:18; Ebulu 11:12
6Abulamu wakashoma Mwaami Lesa, aboobo Lesa wakamwaamba ayi uliluleme.#Loma 4:3; Gala 3:6; Jemu 2:23
7Lyalo Mwaami Lesa wakamwaambila ayi, “Ndime Mwaami wakakukusha mundabala ya Ulu mucishi ca Babiloniya kwaamba ayi nkupe cishi cino ayi ncaako.” 8Sombi Abulamu wakeepusha ayi, “NoBaami Beshinkusu shoonse, ino inga ndeshiba buyani ayi ncaangu?” 9Mwaami wakamwaambila ayi, “Ndetele mpwishi yomwi, mpongo, ambelele isankwa. Shoonse ishi shilyeelete kuba amyaaka yotatwe. Undetele ankulimba yomwi alimwi ampolobe.” 10Abulamu wakaleta banyama abo, wakabatimbula pakati akubika shipimpita shilya lubamba mumindando yobilo. Nakubi boobo bayuni taakwe kubatimbula. 11Makubi akesa pabanyama abo, sombi Abulamu wakaatandaawo.
12Lisuba ndilyakalinga kuya cipila, Abulamu wakoona mutulo. Mpeeke munshinshe ulemu alimwi uyoosha wakesa pali nguwe.#Jobo 4:13, 14 13Lyalo Mwaami Lesa wakamwaambila ayi, “Bamulunyungu lwako balaakuba beensu mucishi citeshi cabo. Balaakuba basha uko akweendeleshekwa calunkutwe kwamyaaka ili 400.#Kulo 1:1-14; Mili 7:6 14Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.#Kulo 12:40-41; Mili 7:7 15Webo omwiine ulaakwikala buumi buswite kushika kubucembele, ulaakufwa muluumuno akubikwa. 16Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”
17Lisuba ndilyakapila, lyalo pashiya, mupika wa mulilo wakalinga kusunta, acimunimweenge ca mulilo cakalinga kunyaka shakaboneka cakufwambaana akwiinda pakati ka mindando ya shipimpita sha banyama. 18Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,#Mili 7:5 19kubikaako acishi ca bene Keni, bene Kenisi, bene Kadimoni, 20bene Iti, bene Pelisi, bene Lefayi, 21bene Amoli, bene Kenani, bene Gegashi alimwi abene Jebusi.”
Atualmente selecionado:
Matalikilo 15: BBBLI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.
Matalikilo 15
15
Cipangano lesa ncaakapanga aAbulamu
1Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi,
“Utaloondi Abulamu,
ntookulama kucintu cili coonse
ceenga canyonyoola buumi bwako
akukupa cilambu cinene abuumbi.”
2Sombi Abulamu wakakumbula ayi, “NoBaami Beshinkusu shoonse, nebo nshiciteewo mwaana, ino cilambu canu cilicite mpindunshi kuli ndime? Eliyasa eenkabo wa kuDamasikasi njempyani yangu. 3Tamukwe nkupaawo baana, aboobo womwi pabasha bangu ulaakubwesa buboni bwangu ndaakufwa.”
4Lyalo wakanyumfwa Mwaami Lesa kaamba alimwi kuli nguwe ayi, “Musha uyu Eliyasa, teshi ngweshi akabwese buboni bwako waakufwa. Mwaana musankwa wakushala omwiine ngweshi akabwese buboni bwako.” 5Mwaami Lesa wakatola Abulamu pansengwe akwaamba ayi, “Langilisha mwiculu alimwi weeleshe kubelenga nyenyeenshi. Ncakwiila ulaakuba abamulunyungu lwako baanji anga ninyenyeenshi.”#Loma 4:18; Ebulu 11:12
6Abulamu wakashoma Mwaami Lesa, aboobo Lesa wakamwaamba ayi uliluleme.#Loma 4:3; Gala 3:6; Jemu 2:23
7Lyalo Mwaami Lesa wakamwaambila ayi, “Ndime Mwaami wakakukusha mundabala ya Ulu mucishi ca Babiloniya kwaamba ayi nkupe cishi cino ayi ncaako.” 8Sombi Abulamu wakeepusha ayi, “NoBaami Beshinkusu shoonse, ino inga ndeshiba buyani ayi ncaangu?” 9Mwaami wakamwaambila ayi, “Ndetele mpwishi yomwi, mpongo, ambelele isankwa. Shoonse ishi shilyeelete kuba amyaaka yotatwe. Undetele ankulimba yomwi alimwi ampolobe.” 10Abulamu wakaleta banyama abo, wakabatimbula pakati akubika shipimpita shilya lubamba mumindando yobilo. Nakubi boobo bayuni taakwe kubatimbula. 11Makubi akesa pabanyama abo, sombi Abulamu wakaatandaawo.
12Lisuba ndilyakalinga kuya cipila, Abulamu wakoona mutulo. Mpeeke munshinshe ulemu alimwi uyoosha wakesa pali nguwe.#Jobo 4:13, 14 13Lyalo Mwaami Lesa wakamwaambila ayi, “Bamulunyungu lwako balaakuba beensu mucishi citeshi cabo. Balaakuba basha uko akweendeleshekwa calunkutwe kwamyaaka ili 400.#Kulo 1:1-14; Mili 7:6 14Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.#Kulo 12:40-41; Mili 7:7 15Webo omwiine ulaakwikala buumi buswite kushika kubucembele, ulaakufwa muluumuno akubikwa. 16Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”
17Lisuba ndilyakapila, lyalo pashiya, mupika wa mulilo wakalinga kusunta, acimunimweenge ca mulilo cakalinga kunyaka shakaboneka cakufwambaana akwiinda pakati ka mindando ya shipimpita sha banyama. 18Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,#Mili 7:5 19kubikaako acishi ca bene Keni, bene Kenisi, bene Kadimoni, 20bene Iti, bene Pelisi, bene Lefayi, 21bene Amoli, bene Kenani, bene Gegashi alimwi abene Jebusi.”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.