Matalikilo 28
28
1Isaki wakeeta Jakobo, wamwaansha, akumwaambila ayi, “Utakeebi mwanakashi mwine Kenani. 2Sombi uye kuMesopotamya, kuŋanda ya bankambiyako baBetiwelo, ukeebele nkuko pakati ka bana babo bashimishaanu baLabani. 3Lesa Shinkusu shoonse aakape coolwe cikwati cako akukupa baana baanji kwaamba ayi ukabe mushali mukulukulu wa mishobo iinji! 4Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”#Mata 17:4-8 5Lyalo Isaki wakamuleka Jakobo waya kuMesopotamya kuli Labani, uyo wakalinga mwanaakwe Betiwelo mwine Alamiya, alimwi ngonandumi yakwe Labeka, banyina Jakobo aEsau.
Esau mbwaakeeba mwanakashi aumwi
6Esau wakanyumfwa kwaamba ayi Isaki wakapa coolwe Jakobo akumutuma kuMesopotamya mukweeba. Wakanyumfwa akwaamba ayi Isaki ndyaakamupa coolwe, wakamwaambila ayi atakeebi mwine Kenani. 7Alimwi wakanyumfwa kwaamba ayi Jakobo wakanyumfwila baishi abanyina akuya kuMesopotamya. 8Ono Esau wakeshiba ayi baishi tebakalinga kunsuni banakashi bene Kenani. 9Aboobo wakaya kumwanaakwe Abulaamu wiitwa ayi Ishimaeli akweeba Maalati mwanaakwe, uyo wakalinga nankashi yakwe Nebayoti.
Ciloto cakwe Jakobo kuBetelo
10Jakobo wakanyamuka kuswa kuBiyasheba kuya kuAlani. 11Lisuba ndilyakalinga kwipila, wakashika pamusena umwi akuyaka misumba. Ndyaakayanda koona wakabwesa libwe wataaminaawo. 12Mpeeke wakalota nshila ya matantilo yakalinga kuswa panshi kushika akwiculu, alimwi abaanjelo bakalinga kutanta bamwi kabaseluka pali njiyo.#Joni 1:51 13Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.#Mata 13:14-15 14Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.#Mata 12:3; 22:18 15Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”
16Jakobo wakapapuka alimwi akwaamba ayi, “Mwaami Lesa mpwaali pano! Uli mumusena uno ono nshindalinga kwishi ayi mpwaali!” 17Wakaloonda akwaamba ayi, “Uno musena ulaloondesha abuumbi! Palyeelete kuba mpopaŋanda yakwe Lesa alimwi ngomwinjililo wakuya kwiculu.”
18Jakobo wakabuka macuunsa bushiku bwakaboolaawo, wabwesa libwe ilyo ndyaakataaminaawo akuliimika kwaamba ayi libe ciibalusho. Kuswawaawo wakapuumwitawo mafuta a olifi ayi libe lisalalite kuli Lesa. 19Musena uyo wakautumba ayi Betelo. Kalekale ndabala iyo yakalinga kwiitwabo ayi Lusi. 20Mpomunyaawo Jakobo wakashomesha cakulumbila kuMwaami Lesa ayi, “Na munanooli anebo akundama mulweendo ulu ndooncite, kumpa shakulya ashakufwala 21alimwi na nkaboole kabotu kuŋanda ya bata, anu mulaakuba Lesa wangu.” 22Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.
Atualmente selecionado:
Matalikilo 28: BBBLI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.
Matalikilo 28
28
1Isaki wakeeta Jakobo, wamwaansha, akumwaambila ayi, “Utakeebi mwanakashi mwine Kenani. 2Sombi uye kuMesopotamya, kuŋanda ya bankambiyako baBetiwelo, ukeebele nkuko pakati ka bana babo bashimishaanu baLabani. 3Lesa Shinkusu shoonse aakape coolwe cikwati cako akukupa baana baanji kwaamba ayi ukabe mushali mukulukulu wa mishobo iinji! 4Aakakupe coolwe abamulunyungu lwako bweenka mbwaakapa Abulaamu. Cishi ici ncoowekalaamo alimwi cakapekwa kuli Abulaamu, acikabe caako!”#Mata 17:4-8 5Lyalo Isaki wakamuleka Jakobo waya kuMesopotamya kuli Labani, uyo wakalinga mwanaakwe Betiwelo mwine Alamiya, alimwi ngonandumi yakwe Labeka, banyina Jakobo aEsau.
Esau mbwaakeeba mwanakashi aumwi
6Esau wakanyumfwa kwaamba ayi Isaki wakapa coolwe Jakobo akumutuma kuMesopotamya mukweeba. Wakanyumfwa akwaamba ayi Isaki ndyaakamupa coolwe, wakamwaambila ayi atakeebi mwine Kenani. 7Alimwi wakanyumfwa kwaamba ayi Jakobo wakanyumfwila baishi abanyina akuya kuMesopotamya. 8Ono Esau wakeshiba ayi baishi tebakalinga kunsuni banakashi bene Kenani. 9Aboobo wakaya kumwanaakwe Abulaamu wiitwa ayi Ishimaeli akweeba Maalati mwanaakwe, uyo wakalinga nankashi yakwe Nebayoti.
Ciloto cakwe Jakobo kuBetelo
10Jakobo wakanyamuka kuswa kuBiyasheba kuya kuAlani. 11Lisuba ndilyakalinga kwipila, wakashika pamusena umwi akuyaka misumba. Ndyaakayanda koona wakabwesa libwe wataaminaawo. 12Mpeeke wakalota nshila ya matantilo yakalinga kuswa panshi kushika akwiculu, alimwi abaanjelo bakalinga kutanta bamwi kabaseluka pali njiyo.#Joni 1:51 13Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.#Mata 13:14-15 14Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.#Mata 12:3; 22:18 15Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”
16Jakobo wakapapuka alimwi akwaamba ayi, “Mwaami Lesa mpwaali pano! Uli mumusena uno ono nshindalinga kwishi ayi mpwaali!” 17Wakaloonda akwaamba ayi, “Uno musena ulaloondesha abuumbi! Palyeelete kuba mpopaŋanda yakwe Lesa alimwi ngomwinjililo wakuya kwiculu.”
18Jakobo wakabuka macuunsa bushiku bwakaboolaawo, wabwesa libwe ilyo ndyaakataaminaawo akuliimika kwaamba ayi libe ciibalusho. Kuswawaawo wakapuumwitawo mafuta a olifi ayi libe lisalalite kuli Lesa. 19Musena uyo wakautumba ayi Betelo. Kalekale ndabala iyo yakalinga kwiitwabo ayi Lusi. 20Mpomunyaawo Jakobo wakashomesha cakulumbila kuMwaami Lesa ayi, “Na munanooli anebo akundama mulweendo ulu ndooncite, kumpa shakulya ashakufwala 21alimwi na nkaboole kabotu kuŋanda ya bata, anu mulaakuba Lesa wangu.” 22Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Lenje Bible with Deuterocanon © Bible Society of Zambia, 2003.