<div class="version vid2963 iso6393gcr" data-vid="2963" data-iso6393="gcr">
    <div class="book bkJHN">
        <div class="chapter chINTRO1" data-usfm="JHN.INTRO1">
            <div class="imt"><span class="content">Introdiksyon L&#233;vanjil Jan</span></div><div class="ip"><span class="content">Moun ki &#233;kri sa l&#233;vanjil-a, a apot Jan, disip-a ki t&#233; zanmi pr&#242;ch di J&#233;zi. Li &#233;kri so l&#233;vanjil lafen promy&#232; sy&#232;k-a, annan lavil Ef&#232;z, roun gran lavil di tan lontan, b&#242;di p&#233;yi Turki atchw&#232;lman;</span></div><div class="ip"><span class="content">Jan t&#233; ka sipoz&#233; moun ki t&#233; k&#233; li so liv t&#233; kon&#232;t pal&#242; J&#233;zi k&#233; sa Li f&#232;; tousa t&#233; d&#233;ja &#233;kri annan trwa r&#242;t l&#233;vanjil; li pa t&#233; l&#233; rou&#233;kri bokou sa Maty&#233;, Mark k&#233; Lik t&#233; ja &#233;kri. At&#242;, a li rounso ki pal&#233; di d&#233;zoutrwa ansengnman J&#233;zi bay &#233; sa li viv pou konpl&#233;t&#233; sa moun ja kon&#232;t. I l&#233; konvenk moun ki sa wonm-an ki l&#233;v&#233; an p&#233;yi Pal&#232;stin-an sa M&#233;si-a moun p&#233;yi Izra&#232;l t&#233; ka atann, Pitit Bondj&#233;-a ki vini pot&#233; lavi, Sov&#232;r moun lat&#232;-a (chapit 4 v&#232;rs&#233; 42).</span></div><div class="ip"><span class="content">Sa ki n&#242;v annan l&#233;vanjil Jan-an, a fason li ka pr&#233;zant&#233; chimen J&#233;zi f&#232;. Sa chimen-an ka montr&#233; kouman J&#233;zi ka lit&#233; f&#242; k&#233; moun ki pa kontan-l. Dipi promy&#232; fw&#232; J&#233;zi pal&#233; douvan tout moun, chak moun pran y&#233; b&#242;. Roun ran ka kout&#233;-l ou byen ka swiv li, rounn&#242;t ran &#232;st&#233;b&#233;kw&#233; &#233; ka wichiwichi ansou li (chapit 1 jouk 4). Epi nou ka w&#232; d&#242;k&#242; jwif-ya ka kritik&#233; J&#233;zi (chapit 5 jouk 12). At&#242; sala ki di Bondj&#233; voy&#233;-l pou bay t&#233;mwanyaj di &#171;sa li w&#232; k&#233; tand&#233;&#187; kot&#233; papa-a (chapit 3 v&#232;rs&#233; 32), ka di k&#233; f&#242;rs li sa plis ki roun t&#233;mwen: li di li sa lavi ki ka lib&#233;r&#233; moun, li sa limy&#232;r ki ka d&#233;livr&#233; moun di soukou, li sa lav&#233;rit&#233; ki ka lib&#233;r&#233; moun di manti, pou di tout: li sa Bondj&#233; menm.</span></div><div class="ip"><span class="content">L&#242; moun t&#233; ka tand&#233; sa pal&#242;-ya, a swa y&#233; t&#233; ka chakal&#233; ou swa y&#233; t&#233; ka kr&#232;. Pr&#232;s tout moun r&#233;l&#233; li ka manti, m&#232; bokou kr&#232; an li: &#171;M&#232;t, ki moun nou pouv&#233; swiv? A to ki gen pal&#242; ka bay lavi pou tout tan&#187; (chapit 6 v&#232;rs&#233; 68). Trwa lannen J&#233;zi pal&#233; pou p&#232;p-a k&#233; lit&#233; mennen-l roun tribinal lavavit k&#233; roun kondannasyon di moun lat&#232; (chapit 13 a 19). M&#232; sala moun ki pa ka kr&#232; tchw&#233; pou anyen, Bondj&#233; r&#233;sisit&#233;-l pou tout tan. Konsa li montr&#233; li t&#233; inosan, so pal&#242; t&#233; vr&#232;. A pou sa Toma di k&#233; f&#242;rs &#233; ador&#233;-l: &#171;Mo M&#232;t k&#233; mo Bondj&#233;!&#187; (chapit 20 v&#232;rs&#233; 28). Jan ka invit&#233; moun ka li so liv f&#232; menm bagaj osi. Li di tousa &#171;&#233;kri pou z&#242;t kr&#232; J&#233;zi sa Kris-a, pitit Bondj&#233;; &#233; si z&#242;t kr&#232;, z&#242;t k&#233; ganyen lavi an li.&#187; (chapit 20 v&#232;rs&#233; 31).</span></div>
        </div>
    </div>
</div>

Guyana French Creole Gospel of John © Suriname Bible Society, 2007. 

Introdiksyon Lévanjil Jan
Moun ki ékri sa lévanjil-a, a apot Jan, disip-a ki té zanmi pròch di Jézi. Li ékri so lévanjil lafen promyè syèk-a, annan lavil Efèz, roun gran lavil di tan lontan, bòdi péyi Turki atchwèlman;
Jan té ka sipozé moun ki té ké li so liv té konèt palò Jézi ké sa Li fè; tousa té déja ékri annan trwa ròt lévanjil; li pa té lé rouékri bokou sa Matyé, Mark ké Lik té ja ékri. Atò, a li rounso ki palé di dézoutrwa ansengnman Jézi bay é sa li viv pou konplété sa moun ja konèt. I lé konvenk moun ki sa wonm-an ki lévé an péyi Palèstin-an sa Mési-a moun péyi Izraèl té ka atann, Pitit Bondjé-a ki vini poté lavi, Sovèr moun latè-a (chapit 4 vèrsé 42).
Sa ki nòv annan lévanjil Jan-an, a fason li ka prézanté chimen Jézi fè. Sa chimen-an ka montré kouman Jézi ka lité fò ké moun ki pa kontan-l. Dipi promyè fwè Jézi palé douvan tout moun, chak moun pran yé bò. Roun ran ka kouté-l ou byen ka swiv li, rounnòt ran èstébékwé é ka wichiwichi ansou li (chapit 1 jouk 4). Epi nou ka wè dòkò jwif-ya ka kritiké Jézi (chapit 5 jouk 12). Atò sala ki di Bondjé voyé-l pou bay témwanyaj di «sa li wè ké tandé» koté papa-a (chapit 3 vèrsé 32), ka di ké fòrs li sa plis ki roun témwen: li di li sa lavi ki ka libéré moun, li sa limyèr ki ka délivré moun di soukou, li sa lavérité ki ka libéré moun di manti, pou di tout: li sa Bondjé menm.
Lò moun té ka tandé sa palò-ya, a swa yé té ka chakalé ou swa yé té ka krè. Près tout moun rélé li ka manti, mè bokou krè an li: «Mèt, ki moun nou pouvé swiv? A to ki gen palò ka bay lavi pou tout tan» (chapit 6 vèrsé 68). Trwa lannen Jézi palé pou pèp-a ké lité mennen-l roun tribinal lavavit ké roun kondannasyon di moun latè (chapit 13 a 19). Mè sala moun ki pa ka krè tchwé pou anyen, Bondjé résisité-l pou tout tan. Konsa li montré li té inosan, so palò té vrè. A pou sa Toma di ké fòrs é adoré-l: «Mo Mèt ké mo Bondjé!» (chapit 20 vèrsé 28). Jan ka invité moun ka li so liv fè menm bagaj osi. Li di tousa «ékri pou zòt krè Jézi sa Kris-a, pitit Bondjé; é si zòt krè, zòt ké ganyen lavi an li.» (chapit 20 vèrsé 31).

Ouça Jan Introdiksyon Lévanjil Jan