If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Sadaka ya muke afwililo ni mlume</div><div class="r">(Marko 12:41-44)</div><div class="p"> 1Nao Jesu kazighana selyi wazuri weluo wekepotola manosi ghawe kele isanduku lya sadaka ya Hekalu, 2nao kamwona muke mumoju afwililo ni mulume wake kepotola vibelele vili. 3Kaghora &#8220;Fulo namuza, uyu muke mkiwa afwililo ni mlume wake wapotola vingi kuchumba wose wapotola. 4Kwani wose wafunya kwa ungi ghwawe, ela uyu kwa ukiwa ghwake wafunya vose eluo navo vemwika akale moyo.&#8221;</div><div class="s">Jesu kuhelea ighulu ya kuombororo Hekalu</div><div class="r">(Matayo 24:1-2; Marko 13:1-2)</div><div class="p"> 5Nao ilyi wandu wamoju weluo wekehelea ighulu ya Hekalu na mawe ghake ghaloli na vilambo vefunyila sadaka, Jesu kaghora, 6&#8220;Ivi vindu vose muvionagha, kukujagha ngelo sikosighogho iwe lyingi ighulu ya mumbawe silyeombororogho.&#8221;</div><div class="s">Masirimi na matiriro</div><div class="r">(Matayo 24:3-4; Marko 13:3-13)</div><div class="p"> 7Nao wakamkotela, &#8220;Mwalimu agha ghekalagha nini? Na alama yake ikalagha ni kimuni ya kuja kwake?&#8221;</div><div class="p"> 8Jesu kawauza &#8220;Kulindeni simwalongozo kisha. Kwani wengi wekujagha kwa izina lyangu, wekeghamba, &#8216;Imi niye!&#8217; na &#8216;Ngelo yafika!&#8217; Simwawairime. 9Na ilyi mwasikila uvoro ghwa uta na msukosuko simwaturukie, kwani agha ni suti ghakale jako, ela kudua kwenyi kwanakaile.&#8221;</div><div class="p"> 10Naye kawauza, &#8220;Mbari ijeuka ighulu ya mbari na uzuri ighulu ya uzuri.&#8221; 11Kujekala na misukosuko mibwaa ya isanga na njala na makongo ghehawilana andu kungi na kujekala na vindu veturusa na alama mbwaa kufuma mlunguni. 12Ela hambiri ya agha ghose wejemwata na kumtirira, wekemughenza kele sinagogi na kungizo kifungoni, na mjeghenzo kwa wazuri na wabwaa kwa undu ghwa izina lyangu. 13Iyi ijekala ni ngelo yenyu yeshuhudia. 14Kwa hung'u mangiseni ngolo zenyu, na simwaririkanye selyi mujetumbulila, 15kwani nijemhawa malagho gheghora na akili, hata ungi wa wamaiza wenyu siwedimagha kughasima ango kughaghalula. 16Mjefunyo kwa wamaiza ni wavali wenyu, wana wakwenyu, vichuku venyu na wagheni wenyu na wamoju wenyu mujeulagho. 17Nenyo mjemenyo ni wandu wose kwa undu ghwa izina lyangu. 18Ela hata sisiri ya ungi wenyu chongo siilaghayagha. 19Kwa kurumaghia kwenyu mjekukiza.</div><div class="s">Jesu kughora ighulu ya kuhakilo Jerusalemu</div><div class="r">(Matayo 24:15-21; Marko 13:14-19)</div><div class="p"> 20&#8220;Ela ilyi mwaona Jerusalemu yamaro ni askari, manyeni kamba kuhakilo kwake kwafika avui. 21Aho walye weo Judea wakimbile mghondini, na walye weo kele muzi wafume; na walye weo shighati mbweni, siwangile kele muzi. 22Kwani agha ni majua gha makwito kukatisa ghose gha mawandiko gha kuela. 23Ni bugha kwawe walye weo na vifu na walye wemamisagha majua agho! Kwani kujekala na wasi mubwaa isangeni, na hare ya Mlungu ighulu ya wandu awa. 24Wamoju weulaghogho kwa lufu, na wamoju wetwalogho wasunyi kele masanga gha mbari nzima; na Jerusalemu ijelatilo ni mbari nzima, hata ngelo ya mbari nzima ikatile.</div><div class="s">Kuja kwa Mwana wa Mdamu</div><div class="r">(Matayo 24:29-31; Marko 13:24-27)</div><div class="p"> 25&#8220;Nao kujekala na alama kele ijua na mwezi na ndonde. Na kele urumengu wandu wa mbari nyingi wejekala na wasi. Siwemanyagha koghaluka kwa kuruma kwa mivomivo na bahari. 26Wandu wejesheha kwa wogha ghoghelela ghalye ghose ghekujagha urumenguni; kwani ndighi za mlunguni zijesheghesheka. 27Nao aho niko wejemwona Mwana wa Mdamu keja kele iwengu na ndighi na ubwaa. 28Nao ilyi mwaona malagho agha ghadyowa kudeika, kaleni kimusi na munule vongo venyu, kwa kukala ukizi ghwenyu ghuo avui.&#8221;</div><div class="s">Ifundiso kufuma kwa mtini</div><div class="r">(Matayo 24:32-35; Marko 13:28-31)</div><div class="p"> 29Nao Jesu kawaghorera ikataniso ilyi, &#8220;Loleni mtini na miti yose. 30Mkaiona yadyowa kudyaila, mwamanya kamba vuli yafika avui. 31Ni hung'u kwenyi ilyi mwaona kamba malagho agha ghadyowa kukala, manyeni kamba Uzuri ghwa Mlungu ghwafika avui. 32Fulo namuza, kivali ichi sichiitagha kungi hata agha ghose ghakala. 33Mlunguni na isanga viduwagha, ela malagho ghangu sigheduwagha lyingi.</div><div class="s">Yanafweni kulinda</div><div class="p"> 34&#8220;Ela kulindeni, ngolo zenyu sizajulo ni lwafuo na unarui na malagho gha umana ughu; hata mudoko ni lyilya Ijua Ibwaa kisha simomanyagha sa mtegho. 35Kwani lyiwajilagha wandu wose kele urumengu. 36Ela lindeni ngelo zose, mkelomba kamba mpate ndighi zeita wasi ghose ghujeja, na kumanga kimusi hambiri ya Mwana wa Mdamu.&#8221;</div><div class="p"> 37Naye Jesu oluo kefundisa wandu Hekaluni kila ijua, ela nakiro kafuma kaghenda kulala kele mghondi ghwa Mizeituni. 38Na ikesho kiro wandu wose wakamjila Hekaluni kumsikizila.</div>
 </div>
 </div>
</div>

Nao Jesu kazighana selyi wazuri weluo wekepotola manosi ghawe kele isanduku lya sadaka ya Hekalu, nao kamwona muke mumoju afwililo ni mulume wake kepotola vibelele vili. Kaghora “Fulo namuza, uyu muke mkiwa afwililo ni mlume wake wapotola vingi kuchumba wose wapotola. Kwani wose wafunya kwa ungi ghwawe, ela uyu kwa ukiwa ghwake wafunya vose eluo navo vemwika akale moyo.”


Nao ilyi wandu wamoju weluo wekehelea ighulu ya Hekalu na mawe ghake ghaloli na vilambo vefunyila sadaka, Jesu kaghora, “Ivi vindu vose muvionagha, kukujagha ngelo sikosighogho iwe lyingi ighulu ya mumbawe silyeombororogho.”


Nao wakamkotela, “Mwalimu agha ghekalagha nini? Na alama yake ikalagha ni kimuni ya kuja kwake?”
Jesu kawauza “Kulindeni simwalongozo kisha. Kwani wengi wekujagha kwa izina lyangu, wekeghamba, ‘Imi niye!’ na ‘Ngelo yafika!’ Simwawairime. Na ilyi mwasikila uvoro ghwa uta na msukosuko simwaturukie, kwani agha ni suti ghakale jako, ela kudua kwenyi kwanakaile.”
Naye kawauza, “Mbari ijeuka ighulu ya mbari na uzuri ighulu ya uzuri.” Kujekala na misukosuko mibwaa ya isanga na njala na makongo ghehawilana andu kungi na kujekala na vindu veturusa na alama mbwaa kufuma mlunguni. Ela hambiri ya agha ghose wejemwata na kumtirira, wekemughenza kele sinagogi na kungizo kifungoni, na mjeghenzo kwa wazuri na wabwaa kwa undu ghwa izina lyangu. Iyi ijekala ni ngelo yenyu yeshuhudia. Kwa hung'u mangiseni ngolo zenyu, na simwaririkanye selyi mujetumbulila, kwani nijemhawa malagho gheghora na akili, hata ungi wa wamaiza wenyu siwedimagha kughasima ango kughaghalula. Mjefunyo kwa wamaiza ni wavali wenyu, wana wakwenyu, vichuku venyu na wagheni wenyu na wamoju wenyu mujeulagho. Nenyo mjemenyo ni wandu wose kwa undu ghwa izina lyangu. Ela hata sisiri ya ungi wenyu chongo siilaghayagha. Kwa kurumaghia kwenyu mjekukiza.


“Ela ilyi mwaona Jerusalemu yamaro ni askari, manyeni kamba kuhakilo kwake kwafika avui. Aho walye weo Judea wakimbile mghondini, na walye weo kele muzi wafume; na walye weo shighati mbweni, siwangile kele muzi. Kwani agha ni majua gha makwito kukatisa ghose gha mawandiko gha kuela. Ni bugha kwawe walye weo na vifu na walye wemamisagha majua agho! Kwani kujekala na wasi mubwaa isangeni, na hare ya Mlungu ighulu ya wandu awa. Wamoju weulaghogho kwa lufu, na wamoju wetwalogho wasunyi kele masanga gha mbari nzima; na Jerusalemu ijelatilo ni mbari nzima, hata ngelo ya mbari nzima ikatile.


“Nao kujekala na alama kele ijua na mwezi na ndonde. Na kele urumengu wandu wa mbari nyingi wejekala na wasi. Siwemanyagha koghaluka kwa kuruma kwa mivomivo na bahari. Wandu wejesheha kwa wogha ghoghelela ghalye ghose ghekujagha urumenguni; kwani ndighi za mlunguni zijesheghesheka. Nao aho niko wejemwona Mwana wa Mdamu keja kele iwengu na ndighi na ubwaa. Nao ilyi mwaona malagho agha ghadyowa kudeika, kaleni kimusi na munule vongo venyu, kwa kukala ukizi ghwenyu ghuo avui.”


Nao Jesu kawaghorera ikataniso ilyi, “Loleni mtini na miti yose. Mkaiona yadyowa kudyaila, mwamanya kamba vuli yafika avui. Ni hung'u kwenyi ilyi mwaona kamba malagho agha ghadyowa kukala, manyeni kamba Uzuri ghwa Mlungu ghwafika avui. Fulo namuza, kivali ichi sichiitagha kungi hata agha ghose ghakala. Mlunguni na isanga viduwagha, ela malagho ghangu sigheduwagha lyingi.

“Ela kulindeni, ngolo zenyu sizajulo ni lwafuo na unarui na malagho gha umana ughu; hata mudoko ni lyilya Ijua Ibwaa kisha simomanyagha sa mtegho. Kwani lyiwajilagha wandu wose kele urumengu. Ela lindeni ngelo zose, mkelomba kamba mpate ndighi zeita wasi ghose ghujeja, na kumanga kimusi hambiri ya Mwana wa Mdamu.”
Naye Jesu oluo kefundisa wandu Hekaluni kila ijua, ela nakiro kafuma kaghenda kulala kele mghondi ghwa Mizeituni. Na ikesho kiro wandu wose wakamjila Hekaluni kumsikizila.

Ouça Luka 21