Lacid Bible © Bible Society of Myanmar, 2009. Recording of Lacid New Testament ℗ 2017 Hosanna

Lacid - BSM Version (NT) Non Drama

Lacid - BSM Version (NT) Drama

<div class="version vid390 iso6393lsi" data-vid="390" data-iso6393="lsi">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Lazaru Shid: Lo" Da" Khyoo:</div><div class="p"> 1Bethani voo byu Lazaru ga: su: gi no nyid. Bethani voo gi Mari yo' nya: bi: Martha nyid da" voogung nghoid. 2(He: da" Mari gi Aseing Yesu da" khyid: moo nam, pyo: moora: xu: foid gyoin: lho: nya: xam: wigi doem soid' byid: su: nghoid. No nyid su: Lazaru gi Mari da" nya: no, nghoid.) 3Nya: be: eig yug gi Aseing: we"- re" jheddab da" byen cang" gi no nyid da:- ga: wigi Yesu jhang khyoo: dang: pyeung: kaid.</div><div class="p"> 4Yesu hau: ludang: ri shaug" gyoo: long" nyang: gi he: noo gi Lazaru ri shid: nhang: wa da" noo anghoid. Mangso da" myonhoo: phung: yoeb' bang loo nhang: wa ziyo' hau: noo yoomo Mangso da" nya: zoo: gi myonhoo: phung yoeb'- bug thu' sheing" jhu" loo wa"- shig re" nghoid ga: tid.</div><div class="p"> 5Nghoidloug Yesu gi Martha tang: Mari ri we' Lazaru ri we' jheddab nyid. 6Lazaru no nyid ziri shau" gyo: lang" Yesu gi nyang: ju" nyid da" joyoo moo eig nyid" doem xo' theing: nyid. 7Hau: thang: ri nya: cangzoo: yi: ri tid zigi Yuda mung" khyoo:- ngoonu" doem tau" loo" shang- ga: tid.</div><div class="p"> 8Cangzoo: yi gi sara: we"- houg: mo meing byu yi: gi akhoyo, shi"- Aseing: ri luggo, yo" du" wa ga: nyid boem ri hau: joyoo khyoo: dalheing: dadoem tau" loo" wa la"&#187; ga: myid: boem.</div><div class="p"> 9Yesu tid zigi danyid" ri daxe: eig nayi: bo anghoid goo" la". nyid kyoug mo bidbang khoug: mooso" yen" mo, gi he mougmyid bidbang moo myo, yo" myang wigi khyid: vhu" athung" loo: yo" so" yen" ago". 10Myen" ri so" yen" mo, koem gi myo, amyang yoomo khyid: vhu" thoung. 11Nghoid loug we Yesu gi hid: su" ga: bain tid lho: ngoonu" da" bidnoem Lazaru gi yhoeb' pyo: jo, bye. Nyang: ri nhoug" wa shid' re" ngoo yhe: loo" wa"- ga: doem poug tid.</div><div class="p"> 12Cangzoo: yi gi Aseing: we"- nyang: yhoeb' pyo: nyid nghoid rigi doem so" loo wa nghoid- ga: tid boem.</div><div class="p"> 13Yesu gi Lazaru shid: bye: khyoo: ri tid nghoid loug we' nyangnu" gi gyeing" nyang: yhoeb' pyo: da" khyoo: ri tid sam" ga: cangzoo: yi gi jho: nyid ago". 14Houg: yoomo Yesu gi Lazaru shid: bye: ga: bang bang jha" tid kyo. 15Hau: joyoo moo ngoo nyang: yo' dage" anyid kho' zigi nanu" ngoori loem" jeing" loo wa khyoo: nghoid yoomo:- nanu" shid' re" ngoo gau:- nya: jhang khyoo: yhe: lo" boem loo: shang ga: tid.</div><div class="p"> 16(Zoo: zoem, ga: myheing yo" da") Thoma gi nya: cangzoo: byen cang" yiri ngoonu" we' Aseing: yo" dage" shid: kham: wa shid' re cang yhe: lo" boem shang ga: tid.</div><div class="s">Yesu Gi: Doem Dei To, Lo Da" Khyoo: Yo" Kangso' Nghoid.</div><div class="p"> 17 Aseing Yesu juri" lang" gi Lazaru ri myhoeb' shoung: pyam zi myid: nyid" koo: myang" bye: khyoo: ri yhe: myang se' boem. 18Bethani voo gi Yerusalem voo yo"-eig main: koo: date: ve:. 19Yuda byumyu" myoo" sho' mo nyang:- Mari yo" Martha tang: da" nhung" zoo: shid: loo" yoomo nya: eig yug ri nheig teing: wa ga: jure" boem.</div><div class="p"> 20Martha gi Aseing Yesu re" lo zi shaug" gyoo: lang" yhe: tau yu wa ga: thu' lo" nghoid loug we' Mari gi yhoem: moo nyid kho.. 21Martha gi Aseing: we"- Nang hid: moo danyid nghoid rigi nga" nhung" zoo: shid: wa zi anghoid. 22Akhid" nghoid loug we' Aseing: mho' da" khyoo: dangain"- Mangsoo tam" gyoo: byid: wa zigi ngoo loem" jeing" nyid. ga: wigi Aseing: Yesu ri lhoem: tid kyo.</div><div class="p"> 23 Aseing Yesu gi Re" nhung" gi doem dei loo wa zi nghoid ga: tid.</div><div class="p"> 24Marhta gi Mougmyid thang lo" da" bidnyid ri nyang: doem dei to'' loo wa ziri ngoo se' ga: tid.</div><div class="p"> 25 Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa. 26Ngoori loem" jeing" lho: akhid" dei nyid shi" mo, we' khanham we' shid: wa zi anghoid. He: ziri nang aloem" la"&#187; ga: myid.</div><div class="p"> 27Martha gi loem" bye: Aseing: we"- He: mougmyid moo gyoo" loo wa ga: da" Mangso: nya: zoo: Meshia nghoid ziri ngoo loem" bye: ga: tid.</div><div class="s">Yesu Ngau Khyoo:</div><div class="p"> 28Houg: su" bain doem go" lho: Martha gi yhoem: khyoo: lo" wigi nya: nhung" Mari ri gau" khe: lho: Sara: moo" ju" loo bye:- nang ri we myid nyid: ga: tid kyo. 29Hau: dang: shaug" gyoo: lang" Mari myab myab to' lho: Aseing: jhang khyoo: yhe: lo. 30Aseing Yesu koem gi voo khoug: moo aju" vang loo shi"- Martha yhe: tau yu joyoo moo danyid nyid shi. 31Mari ri nheig teing dang: tid wa ga: yhoem: moo re" nyid da" byu yi gi Mari myab myab thu' lo" zi myang boem lang" loeb moo ngoug wa ga: yhe: loo" sam" ga: coem jho: boem. Houg: yoomo nyangnu" gi Mari da" thang: moo cang yhe: lo" boem.</div><div class="p"> 32Mari gi Aseing Yesu nyid da" jang" moo ju" yhi: lang" Aseing: ri myang wigi khyid: yang: moo goeb' zoore"- Aseing: we" nang he: joyoo moo danyid nghoid rigi nga" nhung" shid: byug wa zi anghoid ga: tid.</div><div class="p"> 33 Aseing Yesu gi Mari koug ngau nyid ziri we' nyang: yo" dage" cang loo mo, ngau nyid ziri we' nheigloem: moo gye" lo" zang" wigi nheigloem: apyoo: loo. 34Houg yoomo Yesu gi nya: nghain" doem: ri khayoo: myhoeb too" go"- ga: myid:-</div><div class="p">houg: bang: gi Aseing: we" re" yu" we' ga: tid ago".</div><div class="p"> 35Yesu Ngau. 36Houg: lang" byu yi gi yu" ge' nyang: gi Lazaru ri khayhi' jheddab nhung: ga: tid go" nyid boem.</div><div class="p"> 37Byu dayham" bang: gi myo, amyang su: ri myo, yo" myang loo nhang: su: gi Lazaru ri ashid: sho' ayo" koid; nhung: lha"&#187; ga: tid go" nyid.</div><div class="s">Lazaru Ri: Doem Dei Loo Nhang: Da" khyoo:</div><div class="p"> 38Yesu gi nheigloem: moo gye" zang" loo yoomo loeb khyoo: yhe: lo. Hau: loeb khoem" moo gi lugloem: yo" tu" myhed" to. 39Aseing Yesu gi lugloem: ri tu: shed pyam ge" ga: amyeing" byid. Shid: loo" su: nya: bi: Martha gi Aseing: we" akhid" gi boeb' nham nyid wam: bye. Nyang: shid: thang: ri myid: nyid" myang" bye: ga: tid.</div><div class="p"> 40 Aseing Yesu tid zigi nang loem" jeing" nghoid rigi Mangso da" myonhoo: phung yoeb' ri shau" myang wa ein: ngoo tid bye: anghoid la"&#187; ga: myid. 41Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye. 42Khanham we' nga" da" akyu" mho' dang: ri tam" gyoo: byid: da" khyoo: ri ngoo se' nyid. Nghoidsho' loug we' nang gi ngoori nhang: kaid su: nghoid ziri he: da" byu yi dangain" mo, loem" jeing" loo nhang: wa da" shid' re" ngoo mho' nyid zi nghoid. 43Hau: thang: ri Lazaru we" thu' ri" we"- ga: thui: moo" yo" yoid kaid. 44Hau: uri shid: jo, su: gi khyid: yo" lo, moo pain" thoeb pyam lho: myonhoo: moo phajed baid yeig ci: zi do: thu' ri" bye. Aseing Yesu gi nyang: ri thoeb to" da" byimi: joem ri phoid: pyam byid: lho: nhang: kaid' ge' ga: tid.</div><div class="s">Yesu Ri: Said Soin Da" Khyoo:</div><div class="r">(Mat 26:1-5; Mar 14:1-2; Luk 22:1-2)</div><div class="p"> 45Hau: uri Mari jang" moo re" koem" da" byu myoo" sho' moo gi Yesu koid; da" moozoo" ri shau" myang yoomo houg: bang: nyang: ri loem" jeing" lo boem. 46Nghoidloug we' dayham" mo, gi Pharishe bang: jhang khyoo: zheing: yhe: lho: Yesu koid; da" moozoo" ri tid kyo" boem. 47Houg: su" nghoid yoomo khainjung agyi moo" yi yo"- Pharishe yi gi Yuda zoug: yi da" kongsi: zoeb phung: khe lho: Yu" ge, he: yug gi mau" pho" moozoo" myoo: zei: shug nyid bye. Ngoonu" khasu" koid' boem wa lha". 48Nyang: ri hid: su" akhang" dabyid: to" nghoid rigi Byu yug khang" moo" nyang: gi loem" jeing" lo" boem wa. Houg: lang" Roma amyeing" ci: mo, re" lho: wigi ngoonu" da" no ku" yhoem: moo" ri we' ngoonu" da" byumyu" bain sho' ri we' lhu: phyo' pyam byid: wa nghoid ga: tid boem.</div><div class="p"> 49Houg: bang: mo hau: zain shid' re" Khainjung agyi nghoid da" Kayapha ga: su: gi nanu" ce: noem ko" nyid go". 50Byumyu" bain sho' shid: doem: pyam wa tho' moo gi dangain" shid' re" byu dayug te: shid: wa zigi je ge ziri nanu" asi goo" rhe" ga: wigi myid. 51Houg: su" tid zigi"- nyang: nya nheigloem: khyo" tid zi anghoid. Hau: zain shid' mo khainjung agyi nghoid yoomo:- Yuda byu damyu" goin" da" shid' re" Aseing: Yesu kham: shid: wa ziri lapi: dang: tid nyid zi nghoid. 52He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.</div><div class="p"> 53Hau: da" bidnyid mo wigi Yuda zoug: myeing" ci: mo gi Yesu ri said pyam wa shid' re" nyheung lo" boem bye. 54Houg: su" yoomo Yesu gi Yuda mung" moo bang bang aso" yen" shug loo:- hau: joyoo mo thu' lo" lho: Ephrim ga: da" dain" pyoid yoo moo nya: byen cang" yi yo" dage" lo" nyid.</div><div class="p"> 55Yuda byumyu" yi da" lhed: kaid pui" we' jhang loo bye: yoomo voogung khang" moo" mo byu yi myoo" sho' Pui" aju" shi" ri cid" shang: kham wa shig re" Yerusalem voo khyoo: zeing: re" boem bye. 56Houg: bang: gi Yesu ri sho: nyid boem lho: no ku" Yhoem: moo" moo shau" zeing: foem: loo" lang" Nyang: gi gyeing" nyang: he: pui" moo" moo ri" wa la". ari" wa la".:- Nanu" khasu" ein: jho: nyid go" ga: nyang: cang" nyang: myid: go" nyid boem 57Khainjung agyi zoug: moo" yi yo"- Pharishe yi gi hang" nghoid loug Yesu nyid da" joyoo se' ri Nyang: ri yo" myheig tei" wa shid' re" lo tid kyoo" ca" ga: wigi amyeung" khyo, too" gu nghoid.</div>
 </div>
 </div>
</div>

Bethani voo byu Lazaru ga: su: gi no nyid. Bethani voo gi Mari yo' nya: bi: Martha nyid da" voogung nghoid. (He: da" Mari gi ASEING Yesu da" khyid: moo nam, pyo: moora: xu: foid gyoin: lho: nya: xam: wigi doem soid' byid: su: nghoid. No nyid su: Lazaru gi Mari da" nya: no, nghoid.) Nya: be: eig yug gi Aseing: we"- re" jheddab da" byen cang" gi no nyid da:- ga: wigi Yesu jhang khyoo: dang: pyeung: kaid.
Yesu hau: ludang: ri shaug" gyoo: long" nyang: gi he: noo gi Lazaru ri shid: nhang: wa da" noo anghoid. Mangso da" myonhoo: phung: yoeb' bang loo nhang: wa ziyo' hau: noo yoomo Mangso da" nya: zoo: gi myonhoo: phung yoeb'- bug thu' sheing" jhu" loo wa"- shig re" nghoid ga: tid.
Nghoidloug Yesu gi Martha tang: Mari ri we' Lazaru ri we' jheddab nyid. Lazaru no nyid ziri shau" gyo: lang" Yesu gi nyang: ju" nyid da" joyoo moo eig nyid" doem xo' theing: nyid. Hau: thang: ri nya: cangzoo: yi: ri tid zigi Yuda mung" khyoo:- ngoonu" doem tau" loo" shang- ga: tid.
Cangzoo: yi gi sara: we"- houg: mo meing byu yi: gi akhoyo, shi"- Aseing: ri luggo, yo" du" wa ga: nyid boem ri hau: joyoo khyoo: dalheing: dadoem tau" loo" wa la"» ga: myid: boem.
Yesu tid zigi danyid" ri daxe: eig nayi: bo anghoid goo" la". nyid kyoug mo bidbang khoug: mooso" yen" mo, gi he mougmyid bidbang moo myo, yo" myang wigi khyid: vhu" athung" loo: yo" so" yen" ago". Myen" ri so" yen" mo, koem gi myo, amyang yoomo khyid: vhu" thoung. Nghoid loug we Yesu gi hid: su" ga: bain tid lho: ngoonu" da" bidnoem Lazaru gi yhoeb' pyo: jo, bye. Nyang: ri nhoug" wa shid' re" ngoo yhe: loo" wa"- ga: doem poug tid.
Cangzoo: yi gi Aseing: we"- nyang: yhoeb' pyo: nyid nghoid rigi doem so" loo wa nghoid- ga: tid boem.
Yesu gi Lazaru shid: bye: khyoo: ri tid nghoid loug we' nyangnu" gi gyeing" nyang: yhoeb' pyo: da" khyoo: ri tid sam" ga: cangzoo: yi gi jho: nyid ago". Houg: yoomo Yesu gi Lazaru shid: bye: ga: bang bang jha" tid kyo. Hau: joyoo moo ngoo nyang: yo' dage" anyid kho' zigi nanu" ngoori loem" jeing" loo wa khyoo: nghoid yoomo:- nanu" shid' re" ngoo gau:- nya: jhang khyoo: yhe: lo" boem loo: shang ga: tid.
(Zoo: zoem, ga: myheing yo" da") Thoma gi nya: cangzoo: byen cang" yiri ngoonu" we' Aseing: yo" dage" shid: kham: wa shid' re cang yhe: lo" boem shang ga: tid.

ASEING Yesu juri" lang" gi Lazaru ri myhoeb' shoung: pyam zi myid: nyid" koo: myang" bye: khyoo: ri yhe: myang se' boem. Bethani voo gi Yerusalem voo yo"-eig main: koo: date: ve:. Yuda byumyu" myoo" sho' mo nyang:- Mari yo" Martha tang: da" nhung" zoo: shid: loo" yoomo nya: eig yug ri nheig teing: wa ga: jure" boem.
Martha gi ASEING Yesu re" lo zi shaug" gyoo: lang" yhe: tau yu wa ga: thu' lo" nghoid loug we' Mari gi yhoem: moo nyid kho.. Martha gi Aseing: we"- Nang hid: moo danyid nghoid rigi nga" nhung" zoo: shid: wa zi anghoid. Akhid" nghoid loug we' Aseing: mho' da" khyoo: dangain"- Mangsoo tam" gyoo: byid: wa zigi ngoo loem" jeing" nyid. ga: wigi Aseing: Yesu ri lhoem: tid kyo.
ASEING Yesu gi Re" nhung" gi doem dei loo wa zi nghoid ga: tid.
Marhta gi Mougmyid thang lo" da" bidnyid ri nyang: doem dei to'' loo wa ziri ngoo se' ga: tid.
ASEING Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa. Ngoori loem" jeing" lho: akhid" dei nyid shi" mo, we' khanham we' shid: wa zi anghoid. He: ziri nang aloem" la"» ga: myid.
Martha gi loem" bye: Aseing: we"- He: mougmyid moo gyoo" loo wa ga: da" Mangso: nya: zoo: Meshia nghoid ziri ngoo loem" bye: ga: tid.

Houg: su" bain doem go" lho: Martha gi yhoem: khyoo: lo" wigi nya: nhung" Mari ri gau" khe: lho: Sara: moo" ju" loo bye:- nang ri we myid nyid: ga: tid kyo. Hau: dang: shaug" gyoo: lang" Mari myab myab to' lho: Aseing: jhang khyoo: yhe: lo. ASEING Yesu koem gi voo khoug: moo aju" vang loo shi"- Martha yhe: tau yu joyoo moo danyid nyid shi. Mari ri nheig teing dang: tid wa ga: yhoem: moo re" nyid da" byu yi gi Mari myab myab thu' lo" zi myang boem lang" loeb moo ngoug wa ga: yhe: loo" sam" ga: coem jho: boem. Houg: yoomo nyangnu" gi Mari da" thang: moo cang yhe: lo" boem.
Mari gi ASEING Yesu nyid da" jang" moo ju" yhi: lang" Aseing: ri myang wigi khyid: yang: moo goeb' zoore"- Aseing: we" nang he: joyoo moo danyid nghoid rigi nga" nhung" shid: byug wa zi anghoid ga: tid.
ASEING Yesu gi Mari koug ngau nyid ziri we' nyang: yo" dage" cang loo mo, ngau nyid ziri we' nheigloem: moo gye" lo" zang" wigi nheigloem: apyoo: loo. Houg yoomo Yesu gi nya: nghain" doem: ri khayoo: myhoeb too" go"- ga: myid:-
houg: bang: gi Aseing: we" re" yu" we' ga: tid ago".
Yesu Ngau. Houg: lang" byu yi gi yu" ge' nyang: gi Lazaru ri khayhi' jheddab nhung: ga: tid go" nyid boem.
Byu dayham" bang: gi myo, amyang su: ri myo, yo" myang loo nhang: su: gi Lazaru ri ashid: sho' ayo" koid; nhung: lha"» ga: tid go" nyid.

Yesu gi nheigloem: moo gye" zang" loo yoomo loeb khyoo: yhe: lo. Hau: loeb khoem" moo gi lugloem: yo" tu" myhed" to. ASEING Yesu gi lugloem: ri tu: shed pyam ge" ga: amyeing" byid. Shid: loo" su: nya: bi: Martha gi Aseing: we" akhid" gi boeb' nham nyid wam: bye. Nyang: shid: thang: ri myid: nyid" myang" bye: ga: tid.
ASEING Yesu tid zigi nang loem" jeing" nghoid rigi Mangso da" myonhoo: phung yoeb' ri shau" myang wa ein: ngoo tid bye: anghoid la"» ga: myid. Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye. Khanham we' nga" da" akyu" mho' dang: ri tam" gyoo: byid: da" khyoo: ri ngoo se' nyid. Nghoidsho' loug we' nang gi ngoori nhang: kaid su: nghoid ziri he: da" byu yi dangain" mo, loem" jeing" loo nhang: wa da" shid' re" ngoo mho' nyid zi nghoid. Hau: thang: ri Lazaru we" thu' ri" we"- ga: thui: moo" yo" yoid kaid. Hau: uri shid: jo, su: gi khyid: yo" lo, moo pain" thoeb pyam lho: myonhoo: moo phajed baid yeig ci: zi do: thu' ri" bye. ASEING Yesu gi nyang: ri thoeb to" da" byimi: joem ri phoid: pyam byid: lho: nhang: kaid' ge' ga: tid.


Hau: uri Mari jang" moo re" koem" da" byu myoo" sho' moo gi Yesu koid; da" moozoo" ri shau" myang yoomo houg: bang: nyang: ri loem" jeing" lo boem. Nghoidloug we' dayham" mo, gi Pharishe bang: jhang khyoo: zheing: yhe: lho: Yesu koid; da" moozoo" ri tid kyo" boem. Houg: su" nghoid yoomo khainjung agyi moo" yi yo"- Pharishe yi gi Yuda zoug: yi da" kongsi: zoeb phung: khe lho: Yu" ge, he: yug gi mau" pho" moozoo" myoo: zei: shug nyid bye. Ngoonu" khasu" koid' boem wa lha". Nyang: ri hid: su" akhang" dabyid: to" nghoid rigi Byu yug khang" moo" nyang: gi loem" jeing" lo" boem wa. Houg: lang" Roma amyeing" ci: mo, re" lho: wigi ngoonu" da" no ku" yhoem: moo" ri we' ngoonu" da" byumyu" bain sho' ri we' lhu: phyo' pyam byid: wa nghoid ga: tid boem.
Houg: bang: mo hau: zain shid' re" Khainjung agyi nghoid da" Kayapha ga: su: gi nanu" ce: noem ko" nyid go". Byumyu" bain sho' shid: doem: pyam wa tho' moo gi dangain" shid' re" byu dayug te: shid: wa zigi je ge ziri nanu" asi goo" rhe" ga: wigi myid. Houg: su" tid zigi"- nyang: nya nheigloem: khyo" tid zi anghoid. Hau: zain shid' mo khainjung agyi nghoid yoomo:- Yuda byu damyu" goin" da" shid' re" Aseing: Yesu kham: shid: wa ziri lapi: dang: tid nyid zi nghoid. He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.
Hau: da" bidnyid mo wigi Yuda zoug: myeing" ci: mo gi Yesu ri said pyam wa shid' re" nyheung lo" boem bye. Houg: su" yoomo Yesu gi Yuda mung" moo bang bang aso" yen" shug loo:- hau: joyoo mo thu' lo" lho: Ephrim ga: da" dain" pyoid yoo moo nya: byen cang" yi yo" dage" lo" nyid.
Yuda byumyu" yi da" lhed: kaid pui" we' jhang loo bye: yoomo voogung khang" moo" mo byu yi myoo" sho' Pui" aju" shi" ri cid" shang: kham wa shig re" Yerusalem voo khyoo: zeing: re" boem bye. Houg: bang: gi Yesu ri sho: nyid boem lho: no ku" Yhoem: moo" moo shau" zeing: foem: loo" lang" Nyang: gi gyeing" nyang: he: pui" moo" moo ri" wa la". ari" wa la".:- Nanu" khasu" ein: jho: nyid go" ga: nyang: cang" nyang: myid: go" nyid boem Khainjung agyi zoug: moo" yi yo"- Pharishe yi gi hang" nghoid loug Yesu nyid da" joyoo se' ri Nyang: ri yo" myheig tei" wa shid' re" lo tid kyoo" ca" ga: wigi amyeung" khyo, too" gu nghoid.

Ouça YOHAN 11