Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Pinagpiyya ni Jesus u Essa a Buh&#225;k</div><div class="p"> 1Nadid, tu p&#225;glakad di Jesus ay netan na u l&#225;llake a buh&#225;k, sapul pa tu k&#225;kkeenak na. 2Tinanung siya nu disepulus na hide, &#8220;Maisto, bakin w&#225;d a neenak i l&#225;llakeyan ina a buh&#225;k, deya u te kasalanan u d&#225;ddak&#225;l na hide o siya?&#8221; 3Timm&#225;bbeg ti Jesus, &#8220;Neenak siya a buh&#225;k bak&#225;n a dipo tu kasalanan na oni kasalanan nu d&#225;ddak&#225;l na hide. Nangyari iye para mepeta u kapangyariyan nu Diyos nikuna. 4Kailangan a tupad&#225;n tam u tarabaho nu nangpaangay he nik&#225;n, mentaras a magimet tam palla. Dipo dumem&#225;t d&#225;n u gibi a awan tamon magimet u ipagimet na. 5Mentaras a hod&#225;k ti munduw&#225;y ay hik&#225;n u demlag ti munduway.#9:5 U gusto kagiyan ni Jesus ay siya u magtodu tu tolay hide para mademlagan u isip de para matukuyan de u maganda&#8221; 6Nadid, tu p&#225;kkakagi na ti iye ay linoktaben na u luta sakay ginimet na a lusak, sakay inpahid na tu mata nu buh&#225;k. 7Kinagi ni Jesus tu buh&#225;k, &#8220;Kadmud&#225;n magidemos tu dinom nu Siloam.&#8221; Kanya inumangay hod u buh&#225;k a nagidemos. Tu k&#225;ssole na ay naketa d&#225;n siya.</div><div class="p"> 8Dipo ti iye ay nam&#225;gtanungan u kadene na hide ti bilay sakay tu iba pa hide a nakatukoy nikuna, nikuna magpalimus palla siya. Kagi de, &#8220;Awan beman siya u date a magpalimus a tukoy tam?&#8221; 9Kagi nu iba, &#8220;Siya d&#225;ng ngane.&#8221; Pero kinagi be nu iba, &#8220;Awan, kahupa na la.&#8221; Kanya u l&#225;llake d&#225;n a mismo u nagkagi, &#8220;Hik&#225;n itod.&#8221; 10Kanya tinanung di siya, &#8220;Kodya ka a naketa?&#8221; 11Timm&#225;bbeg siya, &#8220;U l&#225;llake a ng&#225;ngngahanan de a Jesus ay naggimet ti lusak. Impahid na iye ti mata kuw&#225;y sakay kinagi na a umangay&#225;k tu dinom ni Siloam sakay magidemos. Kanya immangay&#225;k hod nagidemos, sakay k&#225;ttapos ay naketa&#225;k d&#225;n.&#8221; 12Nagtanung u tolay hide, &#8220;H&#225;dya d&#225;n siya?&#8221; Timm&#225;bbeg u l&#225;llake, &#8220;Awan ko tukoy.&#8221;</div><div class="s">Tinanto nu Pariseo hide u P&#225;gpapiyya</div><div class="p"> 13Nadid, inyangay nu tolay hide tu Pariseo hide u l&#225;llake a date a buh&#225;k. 14Ti itod ay Aldew nu K&#225;imang, nikuna a naggimet ti Jesus ti lusak sakay pinagpiyya u buh&#225;k. 15Kanya tinanung be siya nu Pariseo hide ni kodya siya a minaketa, sakay kinagi nu l&#225;llake, &#8220;Din&#225;ttonan na ti lusak u mata ko. Nagidemus&#225;k sakay k&#225;ttapos ay naketa&#225;k d&#225;n.&#8221; 16Kinagi nu sangan a Pariseo, &#8220;Bak&#225;n a g&#225;bwat tu Diyos i tolayan iye, dipo awan na sinunud u utus tungkul tu Aldew nu K&#225;imang.&#8221; Pero kinagi be nu agum, &#8220;Ni makasalanan siya a tolay, kodya siya a makagimet tu konna he a makataka-taka a bagay?&#8221; Awan hide nam&#225;gkasungdu tu &#225;isip&#225;n de tungkul ni Jesus. 17Kanya tinanung a huway nu Pariseo hide u l&#225;llake a buh&#225;k, &#8220;&#193;nya u makagi mo tungkul nikuna, dipo pinagpiyya naka?&#8221; Timm&#225;bbeg u l&#225;llake, &#8220;Essa siya a prupeta.&#8221; 18Pero um&#225;d pade a maniwala nu puno nu Judio hide a siya u date a buh&#225;k. Kanya impadulaw de u d&#225;ddak&#225;l na hide, 19sakay nagtanung hide, &#8220;Tahod beman a anak moy siya? Tahod beman a neenak siya a buh&#225;k? Bakin a naketa d&#225;n siya nadid?&#8221; 20Timm&#225;bbeg u d&#225;ddak&#225;l hide nu buh&#225;k, &#8220;Tukoy me a anak me siya, sakay neenak siya a buh&#225;k. 21Pero awan me tukoy ni kodya siya nadid a naketa sakay ni ti deya u nagpapiyya nikuna. Siya d&#225;lla u tanung&#225;n moy. Te idad d&#225;m be siya kanya siya dalla u magupos para tu sadili na.&#8221; 22Konna hod u kinagi nu d&#225;ddak&#225;l hide nu l&#225;llake dipo tu &#225;nteng de tu pinuno nu Judio hide. Dipo nagkasunduwan nu pinuno hide a ni ti deya man u maniwala ni Jesus a siya u Cristo ay awan di d&#225;n tanggap&#225;n tu bilay a p&#225;gsambaan de. 23Kanya konna he u int&#225;bbeg nu d&#225;ddak&#225;l hide nu l&#225;llake, &#8220;Dipo te idad d&#225;mbe siya, siya d&#225;lla u tanung&#225;n moy.&#8221;</div><div class="p"> 24Kanya huway a impadulaw nu Judio hide u buh&#225;k sakay kinagi de nikuna, &#8220;Isumpa mo tu atubang nu Diyos a tatahoden u ikagi mo nikame. Awan maare a ti Jesus u n&#225;ngpapiyya niko, ta makasalanan siya a tolay.&#8221; 25Timm&#225;bbeg u l&#225;llake, &#8220;Awan ko tukoy ni makasalanan siya oni awan. U tukoy ku la ay datiy&#225;k a buh&#225;k pero nadid ay naketa&#225;k d&#225;n.&#8221; 26Tinanung de u l&#225;llake, &#8220;&#193;nya i ginimet naay niko? Kodya na ka a pinagpiyya?&#8221; 27Timm&#225;bbeg siya, &#8220;Kinagi ko d&#225;n nikam, pero um&#225;d moy be a maniwala. Bakin gusto moy beman a huway a masaneg u t&#225;bbeg ko? Gusto moy a magin disepulus na?&#8221; 28Kanya naging&#225;l hide, pinasanike de u l&#225;llake. Kinagi de, &#8220;Hiko u disepulus na, pero hikame ay disepulus ni Moises. 29Tukoy me a nagupos u Diyos ni Moises, pero u tungkul ti tolayan itona ay awan me tukoy ni h&#225;dya siya a g&#225;bwat.&#8221; 30Timm&#225;bbeg u l&#225;llake, &#8220;Magtaka&#225;k nikam! Ta awan moy tukoy ni h&#225;dya siya a g&#225;bwat, pero pinagpiyya na u mata ko. 31Tukoy tam a awan sanig&#225;n nu Diyos u makasalanan hide, pero u ti deyaman a te &#225;nteng tu Diyos sakay manggimet tu kaluuben na ay sanig&#225;n na. 32Sapul ti sapul ay awan kitam palla ti nasaneg a nakapagpapiyya ti tolay a neenak a buh&#225;k. 33Ni awan gabwat tu Diyos i tolayan itona ay awan na magimet i makataka-taka an itod.&#8221; 34Timm&#225;bbeg u pinuno hide, &#8220;Neenak ka a makasalanan, sakay mabegs&#225;k pa i p&#225;ggisipan muwe a mangaral nikame!&#8221; Sakay binawalan de siya a sum&#225;dd&#225;p tu bilay a p&#225;gsambaan de.</div><div class="p"> 35Nikuna a nabaheta ni Jesus a binawalan de a sum&#225;dd&#225;p tu bilay a p&#225;gsambaan u l&#225;llake a date a buh&#225;k, inehyok na u l&#225;llake. Sakay nikuna a ketan na siya ay tinanung na, &#8220;Maniwala ka beman tu Anak nu Tolay?&#8221; 36Timm&#225;bbeg u l&#225;llake, &#8220;Ti deya beman siya Panginoon? Kagiy&#225;n mo ped nik&#225;n para maniwala&#225;k nikuna.&#8221; 37Kinagi ni Jesus nikuna, &#8220;Netan mo d&#225;n siya, pasiyaan mo d&#225;n a kauhon nadid.&#8221; 38Pagdaka a kinagi nu l&#225;llake, &#8220;Maniwala&#225;k d&#225;n, Panginoon.&#8221; Sakay limmuhud siya a simmamba ni Jesus.</div><div class="p"> 39Nadid ay kinagi ni Jesus, &#8220;Kanya&#225;k a immangay ti munduw&#225;y ay para mahatulan u tolay hide. Sakay tu konna hod ay maketa u buh&#225;k hide tu tatahoden, sakay para mabuh&#225;k u magkagi hide a ketan de u tatahoden.&#8221; 40Nasaneg iye nu Pariseo hide a katoy hod, kanya nagtanung hide, &#8220;U gusto mu be man a kagiy&#225;n ay buh&#225;k kame be?&#8221; 41Timm&#225;bbeg ti Jesus, &#8220;Ni buh&#225;k kam ay awan kam nakwa ti kasalanan. Pero kinagi moy a maketa kam, kanya manatile palla u kasalanan nikam.&#8221;</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid, tu páglakad di Jesus ay netan na u lállake a buhák, sapul pa tu kákkeenak na. Tinanung siya nu disepulus na hide, “Maisto, bakin wád a neenak i lállakeyan ina a buhák, deya u te kasalanan u dáddakál na hide o siya?” Timmábbeg ti Jesus, “Neenak siya a buhák bakán a dipo tu kasalanan na oni kasalanan nu dáddakál na hide. Nangyari iye para mepeta u kapangyariyan nu Diyos nikuna. Kailangan a tupadán tam u tarabaho nu nangpaangay he nikán, mentaras a magimet tam palla. Dipo dumemát dán u gibi a awan tamon magimet u ipagimet na. Mentaras a hodák ti munduwáy ay hikán u demlag ti munduway.” Nadid, tu pákkakagi na ti iye ay linoktaben na u luta sakay ginimet na a lusak, sakay inpahid na tu mata nu buhák. Kinagi ni Jesus tu buhák, “Kadmudán magidemos tu dinom nu Siloam.” Kanya inumangay hod u buhák a nagidemos. Tu kássole na ay naketa dán siya.
Dipo ti iye ay namágtanungan u kadene na hide ti bilay sakay tu iba pa hide a nakatukoy nikuna, nikuna magpalimus palla siya. Kagi de, “Awan beman siya u date a magpalimus a tukoy tam?” Kagi nu iba, “Siya dáng ngane.” Pero kinagi be nu iba, “Awan, kahupa na la.” Kanya u lállake dán a mismo u nagkagi, “Hikán itod.” Kanya tinanung di siya, “Kodya ka a naketa?” Timmábbeg siya, “U lállake a ngángngahanan de a Jesus ay naggimet ti lusak. Impahid na iye ti mata kuwáy sakay kinagi na a umangayák tu dinom ni Siloam sakay magidemos. Kanya immangayák hod nagidemos, sakay káttapos ay naketaák dán.” Nagtanung u tolay hide, “Hádya dán siya?” Timmábbeg u lállake, “Awan ko tukoy.”

Nadid, inyangay nu tolay hide tu Pariseo hide u lállake a date a buhák. Ti itod ay Aldew nu Káimang, nikuna a naggimet ti Jesus ti lusak sakay pinagpiyya u buhák. Kanya tinanung be siya nu Pariseo hide ni kodya siya a minaketa, sakay kinagi nu lállake, “Dináttonan na ti lusak u mata ko. Nagidemusák sakay káttapos ay naketaák dán.” Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus. Kanya tinanung a huway nu Pariseo hide u lállake a buhák, “Ánya u makagi mo tungkul nikuna, dipo pinagpiyya naka?” Timmábbeg u lállake, “Essa siya a prupeta.” Pero umád pade a maniwala nu puno nu Judio hide a siya u date a buhák. Kanya impadulaw de u dáddakál na hide, sakay nagtanung hide, “Tahod beman a anak moy siya? Tahod beman a neenak siya a buhák? Bakin a naketa dán siya nadid?” Timmábbeg u dáddakál hide nu buhák, “Tukoy me a anak me siya, sakay neenak siya a buhák. Pero awan me tukoy ni kodya siya nadid a naketa sakay ni ti deya u nagpapiyya nikuna. Siya dálla u tanungán moy. Te idad dám be siya kanya siya dalla u magupos para tu sadili na.” Konna hod u kinagi nu dáddakál hide nu lállake dipo tu ánteng de tu pinuno nu Judio hide. Dipo nagkasunduwan nu pinuno hide a ni ti deya man u maniwala ni Jesus a siya u Cristo ay awan di dán tanggapán tu bilay a págsambaan de. Kanya konna he u intábbeg nu dáddakál hide nu lállake, “Dipo te idad dámbe siya, siya dálla u tanungán moy.”
Kanya huway a impadulaw nu Judio hide u buhák sakay kinagi de nikuna, “Isumpa mo tu atubang nu Diyos a tatahoden u ikagi mo nikame. Awan maare a ti Jesus u nángpapiyya niko, ta makasalanan siya a tolay.” Timmábbeg u lállake, “Awan ko tukoy ni makasalanan siya oni awan. U tukoy ku la ay datiyák a buhák pero nadid ay naketaák dán.” Tinanung de u lállake, “Ánya i ginimet naay niko? Kodya na ka a pinagpiyya?” Timmábbeg siya, “Kinagi ko dán nikam, pero umád moy be a maniwala. Bakin gusto moy beman a huway a masaneg u tábbeg ko? Gusto moy a magin disepulus na?” Kanya nagingál hide, pinasanike de u lállake. Kinagi de, “Hiko u disepulus na, pero hikame ay disepulus ni Moises. Tukoy me a nagupos u Diyos ni Moises, pero u tungkul ti tolayan itona ay awan me tukoy ni hádya siya a gábwat.” Timmábbeg u lállake, “Magtakaák nikam! Ta awan moy tukoy ni hádya siya a gábwat, pero pinagpiyya na u mata ko. Tukoy tam a awan sanigán nu Diyos u makasalanan hide, pero u ti deyaman a te ánteng tu Diyos sakay manggimet tu kaluuben na ay sanigán na. Sapul ti sapul ay awan kitam palla ti nasaneg a nakapagpapiyya ti tolay a neenak a buhák. Ni awan gabwat tu Diyos i tolayan itona ay awan na magimet i makataka-taka an itod.” Timmábbeg u pinuno hide, “Neenak ka a makasalanan, sakay mabegsák pa i pággisipan muwe a mangaral nikame!” Sakay binawalan de siya a sumáddáp tu bilay a págsambaan de.
Nikuna a nabaheta ni Jesus a binawalan de a sumáddáp tu bilay a págsambaan u lállake a date a buhák, inehyok na u lállake. Sakay nikuna a ketan na siya ay tinanung na, “Maniwala ka beman tu Anak nu Tolay?” Timmábbeg u lállake, “Ti deya beman siya Panginoon? Kagiyán mo ped nikán para maniwalaák nikuna.” Kinagi ni Jesus nikuna, “Netan mo dán siya, pasiyaan mo dán a kauhon nadid.” Pagdaka a kinagi nu lállake, “Maniwalaák dán, Panginoon.” Sakay limmuhud siya a simmamba ni Jesus.
Nadid ay kinagi ni Jesus, “Kanyaák a immangay ti munduwáy ay para mahatulan u tolay hide. Sakay tu konna hod ay maketa u buhák hide tu tatahoden, sakay para mabuhák u magkagi hide a ketan de u tatahoden.” Nasaneg iye nu Pariseo hide a katoy hod, kanya nagtanung hide, “U gusto mu be man a kagiyán ay buhák kame be?” Timmábbeg ti Jesus, “Ni buhák kam ay awan kam nakwa ti kasalanan. Pero kinagi moy a maketa kam, kanya manatile palla u kasalanan nikam.”

Ouça Juan 9