Di Jamiekan Nyuu Testiment 2012 (Drama NT)

<div class="version vid476 iso6393jam" data-vid="476" data-iso6393="jam">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s">Di Tuori bout di Big Wedn Dina</div><div class="r">(Luuk 14.15-24)</div><div class="p"> 1Den Jiizas chat tu dem agen a yuuz tuori we soun laik rigl. Dis a wa im se: 2&#8220;Yu did av wan king uufa bwai pikni did a go get marid. So im did a saat out wan big dina fi'im bwai &#8212; an a dis Gad kindom komiin laik. 3Wen a taim nou fi di dina, di king sen im sorvant dem fi go kaal aal uu im did invait, bot dem wudn kom.</div><div class="p"> 4&#8220;So im sen som ada sorvant, ier im no, &#8216;Tel aal a uu mi did invait se, &#8220;Luk ya no, di big dina we mi did a fiks op fu'unu, it redi nou. Mi tek out mi naisis bulkou an mi speshal kou we mi mek get big an fat so dem wuda iit gud. A dem mi kil an evriting redi nou. Kom a di wedn dina.&#8217;</div><div class="p"> 5&#8220;Bot dem neva weehn a tek im aan at aal, an dem lef go we sed wie. Som go a dem faam, som did av bizniz fi tek kier a. 6Di res a dem uol aan pan im sorvant dem. Dem biit dem op an kil dem aaf. 7Di king beks kyaahn don! So im sen out im suoja dem, an di suoja dem kil aaf di uol mordara dem an bon dong dem toun.</div><div class="p"> 8&#8220;Den im se tu im sorvant dem, &#8216;Di wedn redi bot uu mi invait no fit fi kom. 9So gwaan outa di mien ruod an tel aal a uu yu si out de fi kom a di wedn dina.&#8217; 10An di sorvant dem go out wich paat di mien ruod dem de an gyada op evribadi we dem fain: gud piipl, bad piipl &#8212; evribadi! Wich paat di wedn dina weehn a kip weehn ful op wid wan bag a piipl wen dem don.</div><div class="p"> 11&#8220;Wen di king a kom iin nou fi si uu did de de, im si wan man we neehn av aan no wedn kluoz. 12So im se tu im se, &#8216;Fren, a ou yu kom iin ya na'av aan no wedn kluoz?&#8217; Di man kudn se a ting.</div><div class="p"> 13&#8220;Den di king tel di sorvant dem we wok iina di ous se, &#8216;Tai op im an an fut dem, an chuo im wich paat it blak laka migl nait. De-so, dem a-go baal an grain dem tiit, siek-a di pien we a waks dem.&#8217;</div><div class="p"> 14&#8220;Kaaz a uol iip a piipl Gad kaal, bot a onggl wan an tuu im pik.&#8221;</div><div class="s">Pie Siiza yu Taks</div><div class="r">(Maak 12.13-17; Luuk 20.20-26)</div><div class="p"> 15Den di Farisii go we an staat mek plan fi tek Jiizas uona wod chrap im. 16So dem sen som a fi dem falara plos Erad falara dem go a Jiizas. Dem se tu im se, &#8220;Tiicha, wi nuo se yu a taak chuut an yu riili a tiich di rait sitn bout wa Gad waahn. Yu no kier bout wa piipl tingk, kaa yu no paashal. 17So tel wi sa, wa yu tingk, it rait fi wi pie taks tu Siiza, di Ruoman ruula, ar wi no fi pie notn?&#8221;</div><div class="p"> 18Bot Jiizas did si se a bie wikidnis did iina dem aat, so im se, &#8220;Unu set a ipokrit unu! We unu a tes mi fa? 19Shuo mi di moni unu tek pie taks.&#8221; So dem bring wan silva kain kom. 20Jiizas se tu dem se, &#8220;A uufa picha an niem dis?&#8221;</div><div class="p"> 21Dem ansa bak, &#8220;Siiza.&#8221; So Jiizas se tu dem se, &#8220;Den gi Siiza wa a fi'im, an gi Gad wa a fi'im.&#8221;</div><div class="p"> 22Wen dem ier ou im ansa, dem did fraitn. So dem go we lef im.</div><div class="s">Wa Apm Wen yu Marid an Ded an Kom Bak Alaiv</div><div class="r">(Maak 12.18-27; Luuk 20.27-40)</div><div class="p"> 23Da siem die de som Sadyusii piipl kom a Jiizas (dem set a piipl de se, wen yu ded yu kyaahn kom bak alaiv). Dem kom kom aks Jiizas se, 24&#8220;Tiicha, Muoziz se, &#8216;Ef wan man ded an neehn get no pikni, im breda fi marid im waif, an av pikni wid ar fi im ded breda.&#8217; 25Nou sevn breda did de mongks wi. Di fos wan marid wan uman an ded, an kaa im an im waif neehn av no pikni, im breda marid ar. 26Di sed ting apm tu di sekan breda, di tord wan, an aal a dem dong tu breda nomba sevn. 27Den di uman ded tu. 28So wen a taim fi dem kom bak alaiv, wid aal a di ada ded piipl dem, a uufa waif shi a-go bi? Kaaz di uol sevn a dem did marid ar.&#8221;</div><div class="p"> 29So Jiizas se tu dem se, &#8220;Unu a se ded piipl naa kom bak alaiv &#8212; bwai unu rang, kaa unu no nuo we Gad wod se, an unu no nuo Gad powa. 30Kaaz wen ded piipl kom bak, dem naa go a get marid, kaa dem taim de dem komiin laik ienjel we de a evn. 31Nou bout da taim de wen ded piipl kom bak alaiv, unu neva riid we Gad se tu unu, 32&#8216;Mi a Iebriyam Gad, Aizak Gad an Jiekob Gad&#8217;? Im a no Gad fi ded piipl, bot im a Gad fi uu a liv!&#8221;</div><div class="p"> 33Wen di piipl dem ier da wan ya, dem fraitn tu ou im tiich.</div><div class="s">Di Bigis Laa outa Aal a Dem</div><div class="r">(Maak 12.28-34; Luuk 10.25-28)</div><div class="p"> 34Nou wen di Farisii ier ou im shot op di Sadyusii dem, dem miit op tugeda. 35An wan a dem, wan Laa tiicha kom kom aks Jiizas wan kwestiyan fi tes im. Ier im no, 36&#8220;Tiicha, outa aal a di Laa dem, wich wan a di muos impuotant wan?&#8221; 37Jiizas ansa bak, &#8220;Lov di Laad we a fi yu Gad. Yu fi lov im wid aal a yu aat, aal a yu suol, an wid aal a yu main.&#8217; 38Dis a di fos ruul we Gad gi Muoziz, an it a di muos impuotant wan. 39Di sekan wan tan laik it. It se, &#8216;Yu fi lov yu nieba siem laik ou yu lov yuself.&#8217; 40Aal a Muoziz Laa dem, plos wa di prafit dem se go bak tu dem ya tuu Laa.&#8221;</div><div class="s">A Uufa Pikni Di Wan we a Kom fi Siev Piipl Bi</div><div class="r">(Maak 12.35-37; Luuk 20.41-44)</div><div class="p"> 41Wen di Farisii dem did stil gyada op, Jiizas se tu dem se, 42&#8220;Di wan we a kom fi siev piipl, di Krais, wa unu tingk bout im? A uufa bwai pikni im bi?&#8221;</div><div class="p">So dem se, &#8220;A Dievid pikni.&#8221;</div><div class="p"> 43Ier im no, &#8220;So, ou kom wen di Spirit did a liid Dievid, Dievid siem wan kaal di wan we Gad a sen fi siev piipl, &#8216;Laad&#8217;? Im du dis wen im se,</div><div class="q1"> 44 &#8220;&#8216;Di Laad se tu fi mi Laad se:</div><div class="q2"> &#8220;Sidong a mi rait-an-said</div><div class="q1"> til mi put yu enimi dem anda yu fut&#8221;&#8217; </div><div class="m"> 45So ef Dievid kaal im &#8216;Laad,&#8217; ou im fi bi Dievid pikni? iihn?&#8221; 46Nobadi kudn se notn, an fram da die de, nobadi no iivn tingk fi aks im notn muo.</div>
 </div>
 </div>
</div>

Den Jiizas chat tu dem agen a yuuz tuori we soun laik rigl. Dis a wa im se: “Yu did av wan king uufa bwai pikni did a go get marid. So im did a saat out wan big dina fi'im bwai — an a dis Gad kindom komiin laik. Wen a taim nou fi di dina, di king sen im sorvant dem fi go kaal aal uu im did invait, bot dem wudn kom.
“So im sen som ada sorvant, ier im no, ‘Tel aal a uu mi did invait se, “Luk ya no, di big dina we mi did a fiks op fu'unu, it redi nou. Mi tek out mi naisis bulkou an mi speshal kou we mi mek get big an fat so dem wuda iit gud. A dem mi kil an evriting redi nou. Kom a di wedn dina.’
“Bot dem neva weehn a tek im aan at aal, an dem lef go we sed wie. Som go a dem faam, som did av bizniz fi tek kier a. Di res a dem uol aan pan im sorvant dem. Dem biit dem op an kil dem aaf. Di king beks kyaahn don! So im sen out im suoja dem, an di suoja dem kil aaf di uol mordara dem an bon dong dem toun.
“Den im se tu im sorvant dem, ‘Di wedn redi bot uu mi invait no fit fi kom. So gwaan outa di mien ruod an tel aal a uu yu si out de fi kom a di wedn dina.’ An di sorvant dem go out wich paat di mien ruod dem de an gyada op evribadi we dem fain: gud piipl, bad piipl — evribadi! Wich paat di wedn dina weehn a kip weehn ful op wid wan bag a piipl wen dem don.
“Wen di king a kom iin nou fi si uu did de de, im si wan man we neehn av aan no wedn kluoz. So im se tu im se, ‘Fren, a ou yu kom iin ya na'av aan no wedn kluoz?’ Di man kudn se a ting.
“Den di king tel di sorvant dem we wok iina di ous se, ‘Tai op im an an fut dem, an chuo im wich paat it blak laka migl nait. De-so, dem a-go baal an grain dem tiit, siek-a di pien we a waks dem.’
“Kaaz a uol iip a piipl Gad kaal, bot a onggl wan an tuu im pik.”


Den di Farisii go we an staat mek plan fi tek Jiizas uona wod chrap im. So dem sen som a fi dem falara plos Erad falara dem go a Jiizas. Dem se tu im se, “Tiicha, wi nuo se yu a taak chuut an yu riili a tiich di rait sitn bout wa Gad waahn. Yu no kier bout wa piipl tingk, kaa yu no paashal. So tel wi sa, wa yu tingk, it rait fi wi pie taks tu Siiza, di Ruoman ruula, ar wi no fi pie notn?”
Bot Jiizas did si se a bie wikidnis did iina dem aat, so im se, “Unu set a ipokrit unu! We unu a tes mi fa? Shuo mi di moni unu tek pie taks.” So dem bring wan silva kain kom. Jiizas se tu dem se, “A uufa picha an niem dis?”
Dem ansa bak, “Siiza.” So Jiizas se tu dem se, “Den gi Siiza wa a fi'im, an gi Gad wa a fi'im.”
Wen dem ier ou im ansa, dem did fraitn. So dem go we lef im.


Da siem die de som Sadyusii piipl kom a Jiizas (dem set a piipl de se, wen yu ded yu kyaahn kom bak alaiv). Dem kom kom aks Jiizas se, “Tiicha, Muoziz se, ‘Ef wan man ded an neehn get no pikni, im breda fi marid im waif, an av pikni wid ar fi im ded breda.’ Nou sevn breda did de mongks wi. Di fos wan marid wan uman an ded, an kaa im an im waif neehn av no pikni, im breda marid ar. Di sed ting apm tu di sekan breda, di tord wan, an aal a dem dong tu breda nomba sevn. Den di uman ded tu. So wen a taim fi dem kom bak alaiv, wid aal a di ada ded piipl dem, a uufa waif shi a-go bi? Kaaz di uol sevn a dem did marid ar.”
So Jiizas se tu dem se, “Unu a se ded piipl naa kom bak alaiv — bwai unu rang, kaa unu no nuo we Gad wod se, an unu no nuo Gad powa. Kaaz wen ded piipl kom bak, dem naa go a get marid, kaa dem taim de dem komiin laik ienjel we de a evn. Nou bout da taim de wen ded piipl kom bak alaiv, unu neva riid we Gad se tu unu, ‘Mi a Iebriyam Gad, Aizak Gad an Jiekob Gad’ ? Im a no Gad fi ded piipl, bot im a Gad fi uu a liv!”
Wen di piipl dem ier da wan ya, dem fraitn tu ou im tiich.


Nou wen di Farisii ier ou im shot op di Sadyusii dem, dem miit op tugeda. An wan a dem, wan Laa tiicha kom kom aks Jiizas wan kwestiyan fi tes im. Ier im no, “Tiicha, outa aal a di Laa dem, wich wan a di muos impuotant wan?” Jiizas ansa bak, “Lov di Laad we a fi yu Gad. Yu fi lov im wid aal a yu aat, aal a yu suol, an wid aal a yu main.’ Dis a di fos ruul we Gad gi Muoziz, an it a di muos impuotant wan. Di sekan wan tan laik it. It se, ‘Yu fi lov yu nieba siem laik ou yu lov yuself.’ Aal a Muoziz Laa dem, plos wa di prafit dem se go bak tu dem ya tuu Laa.”


Wen di Farisii dem did stil gyada op, Jiizas se tu dem se, “Di wan we a kom fi siev piipl, di Krais, wa unu tingk bout im? A uufa bwai pikni im bi?”
So dem se, “A Dievid pikni.”
Ier im no, “So, ou kom wen di Spirit did a liid Dievid, Dievid siem wan kaal di wan we Gad a sen fi siev piipl, ‘Laad’? Im du dis wen im se,
“‘Di Laad se tu fi mi Laad se:
“Sidong a mi rait-an-said
til mi put yu enimi dem anda yu fut”’
So ef Dievid kaal im ‘Laad,’ ou im fi bi Dievid pikni? iihn?” Nobadi kudn se notn, an fram da die de, nobadi no iivn tingk fi aks im notn muo.

Ouça Matyu 22