Zapoteco de Ozolotepec - 2007 Edition (Non-Drama - NT)

<div class="version vid707 iso6393zao" data-vid="707" data-iso6393="zao">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s">Jes&#250;s mloo lo re men yek thib yii</div><div class="r">(Lc.&#8239;6:20&#8209;23)</div><div class="p"> 1Or mwii Jes&#250;s kwathoz men, tsa mkendab Jes&#250;s yek yii ne mndob Jes&#250;s, ne myaad re zha kuu ngeteed lo Jes&#250;s lo Jes&#250;s, 2ne mndelo Jes&#250;s mloo lo re zha, ne nzhab Jes&#250;s:</div><div class="p"> 3&#8213;Wen nzo leettsoo Diox ne Diox re goo kuu nyeen leettsoo ndeche Diox, tak Diox taa diiz tab goo ta nabee Diox.</div><div class="p"> 4&#8217;Wen nzo leettsoo Diox ne Diox re goo kuu nzhonn, tak mndaa goo falt, tak lee goo tetsey leettsoo goo.</div><div class="p"> 5&#8217;Wen nzo leettsoo Diox ne Diox re goo kuu nadoo nak, tak lee goo kayaa yezlyu kuu taa Diox.</div><div class="p"> 6&#8217;Wen nzo leettsoo Diox ne Diox re goo kuu nlaaz tsow re kuu nali, tak goo nak taxal zha kuu nlann ne nzheek leettsoo, ne lee goo tse leettsoo.</div><div class="p"> 7&#8217;Wen nzo leettsoo Diox ne Diox re goo kuu nlat leettsoo ne taben, tak talat leettsoo Diox ne Diox goo.</div><div class="p"> 8&#8217;Wen nzo leettsoo Diox ne Diox re goo kuu nambi leettsoo, tak lee goo wii lo Diox.</div><div class="p"> 9&#8217;Wen nzo leettsoo Diox ne Diox re goo kuu ntsow wen kwin re men, tak lee goo role zhiinn Diox.</div><div class="p"> 10&#8217;Wen nzo leettsoo Diox ne Diox re goo kuu ndreke re men dits, tak ntsow goo kuu wen, tak chaan goo nak ta nabee Diox.</div><div class="p"> 11&#8217;Wen nzo leettsoo Diox ne Diox re goo, leettsa ntsalzhoo zha goo ne ndreke zha dits goo, ne nkedi zha ni zha ndota kuu went lo goo, tak tataka mreke zha dits re profet kuu ngoo ndala. 12Ndoblo wen ne naley bloo goo leettsoo goo, tak naroob re kwaa kayaa goo yibaa.</div><div class="s">Re&#700;aa nak taxal ted ne taxal xni lo re men yezlyu ree</div><div class="r">(Mr.&#8239;9:50; Lc.&#8239;14:34&#8209;35)</div><div class="p"> 13&#8217;Goo nak taxal ted lo yezlyu ree, per os lee ted natsigt ted, &#191;xomod gak natsig ted tedib welt? Lortsint raay, sinke kobi zhay, tsa lo re men ditse.</div><div class="p"> 14&#8217;Goo nak taxal xni lo yezlyu. Leeka tata, gagt gaats thib yez kuu nzi yek yii. 15Ne neeka nkeet zha thib kandil, ne ngo zhay xann thib zhibey; sinke ntob zhay ta mas ya ndab, tsa teniy lo re men kuu nzo leen yuu. 16Ndoblo goo tsow goo re kuu wen, tsa wii re men re kuu wen kuu ntsow goo. Goo nak taxal xni kuu nteni, tsa wii re men re kwaa. Btsow gooy, tsa leettsa wii zha re kuu wen kuu tsow goo, taa zha texkix lo Xutaa Diox kuu ndob yibaa.</div><div class="s">Jes&#250;s mndaa kwent chaan ley</div><div class="p"> 17&#8217;Tsowt goo xgab leen ndyal luux ley kuu mkee Mois&#233;s, ne re kuu nzhab ne re kuu mkee re profet kuu ngoo ndala, sinke leen ndyal tsow kuu nzhab ley ne kuu nzhab re profet. 18Tak wlipaa na nin lo goo, leettsa lee yezlyu ree ne lee lobee bee nzika, gagt yiib neeka thib lan re diiz kuu nke lo ley, sinke reta ndoblo gak. 19Kona loka cho zha kuu gont diiz thib re kuu nabee lo ley, tegal kuu mas nataagte, ne tataga loo zhay lo tedib net zha, leeka tata lee zha&#700;a gak zha kuu mas nataagt ta nabee Diox. Per lee zha kuu nzhon diize ne tataka loo zhay lo tedib net zha, zha&#700;a gak zha kuu mas nataak ta nabee Diox. 20Kona nin lo goo, os lee goo gagt goo masraa wen lo re kuu ntsow goo, nake re maestr chaan ley ne nake re fariseo, tsowt goo gan tab goo ta nabee Diox.</div><div class="s">Jes&#250;s mloo xomod nak yalnayii</div><div class="r">(Lc.&#8239;12:57&#8209;59)</div><div class="p"> 21&#8217;Ne mbin goo kwan nzhab Mois&#233;s lo re teyaa zha ndala, leettsa nzhab Mois&#233;s: &#8220;Kuthta tabena, ne loka cho kuth taben, lee Diox naab kwent lo zha&#700;a ne laat zha&#8221;. 22Per lee na ni lo goo, loka cho kuu gak nayii lo taben, tenaab Diox kwent lo zha&#700;a, ne loka cho gab lo taben &#8220;zha nad&#8221;, tenaab jwez kwent lo zha&#700;a ne laat zha&#700;a, ne loka cho gab &#8220;bxen&#8221; lo taben, zha&#700;a nak thib zha kuu ndo&#700;a net ndya gabil.</div><div class="p"> 23&#8217;Kona os lee&#700;a ndyaadno&#700;a gona lo bkoog chaan Diox, ne ora telaaza mndaa&#700;a thib falt lo wetsa, 24blaa gona leeka tya, ne bkwaan mod yaana wen kon wetsa. Tsaraa bretaba lo bkoog chaan Diox ne btaa gona.</div><div class="p"> 25&#8217;Os lee thib zha kuu nayii ne&#700;a, teno zha lu lo zha kuu nak tsiin par keki zha lu, kwaan mod tsa wen yaana kon lee zha, or bee ter kwez zha lu lo zha kuu nak tsiin, tak os lee&#700;a yaanta wen kon zha kuu nayii ne&#700;a, cha yataa zha lu lo zha kuu naab kwent lo&#700;a, ne lee zha kuu naab kwent lo lu taa zha lu lo zha kuu nkenap roo tsib, tsa ko zha lu tsib. 26Wlipaa na nin roota tya, asta yelo kizha lultm rehal kuu ndoblo&#700;a kizha.</div><div class="s">Jes&#250;s mloo xomod nak zha kuu nzhak rop kon zha kuu nagt tsaal</div><div class="p"> 27&#8217;Ne mbina goo nzhab Mois&#233;s: &#8220;Gagt rop goo kon thib zha kuu nagt tsaal goo&#8221;. 28Per leen ni lo goo, loka cho thib mbyi kuu ngwii lo thib ngot, ne ntsow zha xgab gak rop zha kon ngota, mndaa&#700;a zha falt. 29Kona os lee ngutlo&#700;a ntsow ntsowa kuu went, btsow kuu taxal mloo&#700;a ngutlo&#700;a ne mlobi luy tith, mas wen luuzha thib ngutlo&#700;a ne ndya&#700;a yibaa, nake diba ndya gabil. 30Ne os lee yaa bana ntsow ntsowa kuu went, btsow kuu taxal mga luy cho&#700;a; tak mas wen luuzha thibka yaa&#700;a ne ndya&#700;a yibaa, nake diba ndya gabil.</div><div class="s">Jes&#250;s mloo ndoblot laa zha tsaal zha</div><div class="r">(Mt.&#8239;19:9; Mr.&#8239;10:11&#8209;12; Lc.&#8239;16:18)</div><div class="p"> 31&#8217;Ne noga nzhab Mois&#233;s: &#8220;Loka cho mbyi kuu laa tsaal, ndoblo taa zha thib yeets kuu mroo yuulow, kuu nzhab lee zha mtso rop tsaal&#8221;. 32Per leen ni lo goo, os lee thib mbyi laa tsaal, ne nagte tak ngok rop ngot zha kon tedib mbyi, mbyi&#700;a ntsow taa ngot falt, leettsa kaa ngot tedib mbyi, ne noga mbyi kuu kaa ngota taa falt.</div><div class="s">Jes&#250;s mloo ndoblot tselo zha</div><div class="p"> 33&#8217;Noga mbin goo nzhab Mois&#233;s lo re teyaa zha ndala: &#8220;Lortsinta le Diox par tselo&#700;a, sinke btsow kuu nzhaba tsowa lo Zha Nabee&#8221;. 34Per leen ni lo goo, tselot goo por neeka thib re kwaa, neeka por re zha kuu nzo yibaa, tak tya nak ta ndob Diox, 35neeka por re mbi kuu nzo lo yezlyu, tak tya nak ta ndo nii Diox; neeka por yez Jerusal&#233;n, tak tya nak yez chaan rey, zha kuu kwathoz nataak. 36Neeka tselot goo gab goo tan na gath&#700;n os tsowt&#700;n kuu nin. Ndoblot tselo goo, tak Diox ntsow nzhak re kwaa ne nagte goo, tak neeka thib goo gagt tsow naguz goo o tsow goo nagat goo thib yitsek goo. 37Sinke nali ndoblo tediz goo gab goo &#8220;wliy&#8221; o &#8220;wlite&#8221;. Tak os lee goo tsowt goo tabaa, went kuu ntsow goo.</div><div class="s">Jes&#250;s mloo naa xomod ndoblo tsow men lo zha kuu nayii ne men</div><div class="r">(Lc.&#8239;6:29&#8209;30)</div><div class="p"> 38&#8217;Noga mbin goo nzhab Mois&#233;s: &#8220;Os lee thib zha koo ngutlo tedib zha, tataka ndoblo tsow zha lo zha&#700;a, ne os lee thib zha koo keley tedib zha, tataka ndoblo tsow zha lo zha&#700;a&#8221;. 39Per leen ni lo goo: Tsowt goo kuu went lo zha kuu nlaaz tsow thib kuu went lo goo; sinke loka cho kuu nlaaz keey kwat goo lad ban, noga btaa goo tedib lad kwat goo kee zhay. 40Ne loka cho zha kuu nlaaz teno goo lo zha kuu nak tsiin, tsa kib zha kamis goo, noga btaa goo xabits goo lo zha. 41Ne loka cho kuu nabee lo goo gwe goo thib kwaa thib mil metr, be gooy chop lala. 42Ne loka cho naab kwaa lo goo, btaa gooy lo zha, ne loka cho zha kinn kwaa lo goo, btseche gooy lo zha.</div><div class="s">Ndoblo kelaazaa re zha kuu nayii ne&#700;aa</div><div class="r">(Lc.&#8239;6:27&#8209;28, 32&#8209;36)</div><div class="p"> 43&#8217;Tak noga mbin goo nzhab Mois&#233;s: &#8220;Bke leettsoo&#700;a tabena, ne byii ne zha kuu nayii ne&#700;a&#8221;. 44Per leen ni lo goo, bke leettsoo goo re zha kuu nayii ne goo, ne bnaab goo lo Diox por re zha kuu ndreke dits goo. 45Tsa gak goo taxal ndoblo gak re zhiinn Xutaa Diox kuu ndob yibaa; tak lo reta men ntsow Diox kuu wen, ndaa Diox xni wiz lo re men wen ne lo re men went, ne ntela Diox yi lo re men kuu nali nak ne lo re men kuu nalit nak. 46Os lee goo nke leettsoo goo beeta re zha kuu nkelaaz goo, &#191;kwan tsow goo gan? Tak tataga ntsow re zha kuu ndab falt, kuu ntsow kobral temi chaan yezlyu kuu nzhax lo zha Roma. 47Ne os lee goo ni goo &#8220;diox&#8221;, beeta lo re zha kuu nak raz chaan goo. &#191;Kwan kuu wen ntsow goo tsa? Noga re zha kuu nagt zha Israel tata ntsow, ne yent kwan kayaa zha lo Diox. 48Nali gok goo, taxal nali nak Xutaa Diox kuu ndob yibaa.</div>
 </div>
 </div>
</div>

Or mwii Jesús kwathoz men, tsa mkendab Jesús yek yii ne mndob Jesús, ne myaad re zha kuu ngeteed lo Jesús lo Jesús, ne mndelo Jesús mloo lo re zha, ne nzhab Jesús:
―Wen nzo leettsoo Diox ne Diox re goo kuu nyeen leettsoo ndeche Diox, tak Diox taa diiz tab goo ta nabee Diox.
’Wen nzo leettsoo Diox ne Diox re goo kuu nzhonn, tak mndaa goo falt, tak lee goo tetsey leettsoo goo.
’Wen nzo leettsoo Diox ne Diox re goo kuu nadoo nak, tak lee goo kayaa yezlyu kuu taa Diox.
’Wen nzo leettsoo Diox ne Diox re goo kuu nlaaz tsow re kuu nali, tak goo nak taxal zha kuu nlann ne nzheek leettsoo, ne lee goo tse leettsoo.
’Wen nzo leettsoo Diox ne Diox re goo kuu nlat leettsoo ne taben, tak talat leettsoo Diox ne Diox goo.
’Wen nzo leettsoo Diox ne Diox re goo kuu nambi leettsoo, tak lee goo wii lo Diox.
’Wen nzo leettsoo Diox ne Diox re goo kuu ntsow wen kwin re men, tak lee goo role zhiinn Diox.
’Wen nzo leettsoo Diox ne Diox re goo kuu ndreke re men dits, tak ntsow goo kuu wen, tak chaan goo nak ta nabee Diox.
’Wen nzo leettsoo Diox ne Diox re goo, leettsa ntsalzhoo zha goo ne ndreke zha dits goo, ne nkedi zha ni zha ndota kuu went lo goo, tak tataka mreke zha dits re profet kuu ngoo ndala. Ndoblo wen ne naley bloo goo leettsoo goo, tak naroob re kwaa kayaa goo yibaa.


’Goo nak taxal ted lo yezlyu ree, per os lee ted natsigt ted, ¿xomod gak natsig ted tedib welt? Lortsint raay, sinke kobi zhay, tsa lo re men ditse.
’Goo nak taxal xni lo yezlyu. Leeka tata, gagt gaats thib yez kuu nzi yek yii. Ne neeka nkeet zha thib kandil, ne ngo zhay xann thib zhibey; sinke ntob zhay ta mas ya ndab, tsa teniy lo re men kuu nzo leen yuu. Ndoblo goo tsow goo re kuu wen, tsa wii re men re kuu wen kuu ntsow goo. Goo nak taxal xni kuu nteni, tsa wii re men re kwaa. Btsow gooy, tsa leettsa wii zha re kuu wen kuu tsow goo, taa zha texkix lo Xutaa Diox kuu ndob yibaa.

’Tsowt goo xgab leen ndyal luux ley kuu mkee Moisés, ne re kuu nzhab ne re kuu mkee re profet kuu ngoo ndala, sinke leen ndyal tsow kuu nzhab ley ne kuu nzhab re profet. Tak wlipaa na nin lo goo, leettsa lee yezlyu ree ne lee lobee bee nzika, gagt yiib neeka thib lan re diiz kuu nke lo ley, sinke reta ndoblo gak. Kona loka cho zha kuu gont diiz thib re kuu nabee lo ley, tegal kuu mas nataagte, ne tataga loo zhay lo tedib net zha, leeka tata lee zhaʼa gak zha kuu mas nataagt ta nabee Diox. Per lee zha kuu nzhon diize ne tataka loo zhay lo tedib net zha, zhaʼa gak zha kuu mas nataak ta nabee Diox. Kona nin lo goo, os lee goo gagt goo masraa wen lo re kuu ntsow goo, nake re maestr chaan ley ne nake re fariseo, tsowt goo gan tab goo ta nabee Diox.


’Ne mbin goo kwan nzhab Moisés lo re teyaa zha ndala, leettsa nzhab Moisés: “Kuthta tabena, ne loka cho kuth taben, lee Diox naab kwent lo zhaʼa ne laat zha”. Per lee na ni lo goo, loka cho kuu gak nayii lo taben, tenaab Diox kwent lo zhaʼa, ne loka cho gab lo taben “zha nad”, tenaab jwez kwent lo zhaʼa ne laat zhaʼa, ne loka cho gab “bxen” lo taben, zhaʼa nak thib zha kuu ndoʼa net ndya gabil.
’Kona os leeʼa ndyaadnoʼa gona lo bkoog chaan Diox, ne ora telaaza mndaaʼa thib falt lo wetsa, blaa gona leeka tya, ne bkwaan mod yaana wen kon wetsa. Tsaraa bretaba lo bkoog chaan Diox ne btaa gona.
’Os lee thib zha kuu nayii neʼa, teno zha lu lo zha kuu nak tsiin par keki zha lu, kwaan mod tsa wen yaana kon lee zha, or bee ter kwez zha lu lo zha kuu nak tsiin, tak os leeʼa yaanta wen kon zha kuu nayii neʼa, cha yataa zha lu lo zha kuu naab kwent loʼa, ne lee zha kuu naab kwent lo lu taa zha lu lo zha kuu nkenap roo tsib, tsa ko zha lu tsib. Wlipaa na nin roota tya, asta yelo kizha lultm rehal kuu ndobloʼa kizha.

’Ne mbina goo nzhab Moisés: “Gagt rop goo kon thib zha kuu nagt tsaal goo”. Per leen ni lo goo, loka cho thib mbyi kuu ngwii lo thib ngot, ne ntsow zha xgab gak rop zha kon ngota, mndaaʼa zha falt. Kona os lee ngutloʼa ntsow ntsowa kuu went, btsow kuu taxal mlooʼa ngutloʼa ne mlobi luy tith, mas wen luuzha thib ngutloʼa ne ndyaʼa yibaa, nake diba ndya gabil. Ne os lee yaa bana ntsow ntsowa kuu went, btsow kuu taxal mga luy choʼa; tak mas wen luuzha thibka yaaʼa ne ndyaʼa yibaa, nake diba ndya gabil.


’Ne noga nzhab Moisés: “Loka cho mbyi kuu laa tsaal, ndoblo taa zha thib yeets kuu mroo yuulow, kuu nzhab lee zha mtso rop tsaal”. Per leen ni lo goo, os lee thib mbyi laa tsaal, ne nagte tak ngok rop ngot zha kon tedib mbyi, mbyiʼa ntsow taa ngot falt, leettsa kaa ngot tedib mbyi, ne noga mbyi kuu kaa ngota taa falt.

’Noga mbin goo nzhab Moisés lo re teyaa zha ndala: “Lortsinta le Diox par tseloʼa, sinke btsow kuu nzhaba tsowa lo Zha Nabee”. Per leen ni lo goo, tselot goo por neeka thib re kwaa, neeka por re zha kuu nzo yibaa, tak tya nak ta ndob Diox, neeka por re mbi kuu nzo lo yezlyu, tak tya nak ta ndo nii Diox; neeka por yez Jerusalén, tak tya nak yez chaan rey, zha kuu kwathoz nataak. Neeka tselot goo gab goo tan na gathʼn os tsowtʼn kuu nin. Ndoblot tselo goo, tak Diox ntsow nzhak re kwaa ne nagte goo, tak neeka thib goo gagt tsow naguz goo o tsow goo nagat goo thib yitsek goo. Sinke nali ndoblo tediz goo gab goo “wliy” o “wlite”. Tak os lee goo tsowt goo tabaa, went kuu ntsow goo.


’Noga mbin goo nzhab Moisés: “Os lee thib zha koo ngutlo tedib zha, tataka ndoblo tsow zha lo zhaʼa, ne os lee thib zha koo keley tedib zha, tataka ndoblo tsow zha lo zhaʼa”. Per leen ni lo goo: Tsowt goo kuu went lo zha kuu nlaaz tsow thib kuu went lo goo; sinke loka cho kuu nlaaz keey kwat goo lad ban, noga btaa goo tedib lad kwat goo kee zhay. Ne loka cho zha kuu nlaaz teno goo lo zha kuu nak tsiin, tsa kib zha kamis goo, noga btaa goo xabits goo lo zha. Ne loka cho kuu nabee lo goo gwe goo thib kwaa thib mil metr, be gooy chop lala. Ne loka cho naab kwaa lo goo, btaa gooy lo zha, ne loka cho zha kinn kwaa lo goo, btseche gooy lo zha.


’Tak noga mbin goo nzhab Moisés: “Bke leettsooʼa tabena, ne byii ne zha kuu nayii neʼa”. Per leen ni lo goo, bke leettsoo goo re zha kuu nayii ne goo, ne bnaab goo lo Diox por re zha kuu ndreke dits goo. Tsa gak goo taxal ndoblo gak re zhiinn Xutaa Diox kuu ndob yibaa; tak lo reta men ntsow Diox kuu wen, ndaa Diox xni wiz lo re men wen ne lo re men went, ne ntela Diox yi lo re men kuu nali nak ne lo re men kuu nalit nak. Os lee goo nke leettsoo goo beeta re zha kuu nkelaaz goo, ¿kwan tsow goo gan? Tak tataga ntsow re zha kuu ndab falt, kuu ntsow kobral temi chaan yezlyu kuu nzhax lo zha Roma. Ne os lee goo ni goo “diox”, beeta lo re zha kuu nak raz chaan goo. ¿Kwan kuu wen ntsow goo tsa? Noga re zha kuu nagt zha Israel tata ntsow, ne yent kwan kayaa zha lo Diox. Nali gok goo, taxal nali nak Xutaa Diox kuu ndob yibaa.

Ouça Mateo 5