Versículos Bíblicos Populares relacionados a Madiu 5

Compartilhar

Ka'i kaliva lamufa ginakabuna amine, keke avaeka againe ginavetalabodani, keke. Au ana abasewadi againe ginaselakahina be moya'aidi manuweya ginatuvemahalidi. Meda anafaiweya yami mahala, higa yami dewa yamumuna, kabu'avane wanasena be kaliva moya'aidi hina'itana. Yami dewa yamumuna hina'ita-yo au Tamami lobameya gimimiyami-ma ana egana hinakilakahina.

Kadu omi vaita mahala amine tomiyababi hinafadiya. Ka'i melala oya kabune hinave'alahina amine, keke adifaiweya yadi manuwa hinasevauyeni, au kabu'avane gidauda.

Gaveyao ase'asedi yegayegana, medema yadi vemwamwala gavatubuga! Gavadi-yo? Au Yaubada hina'itahalamanena.

Gaveyao nuwanuwadi lakahina yadi nuwanuwa ginayegayega kaliva mafulauga o ka'i agotaina fa'ina nuwanuwadi lakahina a'a o gufa amine, medema yadi vemwamwala gavatubuga! Gavadi-yo? Au Yaubada yadi nuwanuwa amine ginaveledi, nuwanuwa yegayegana ase'asediya ginase-'owona.

Tu Iya gagahemi badi hitalahagiyemi-ma wananuwakabubuyedi ada badi hikivekoyomi-ma fa'idiya wanave'o'ola.

Gaveyao taudiyao nuwadiya hihawavekoyokoyoyedi, medema yadi vemwamwala gavatubuga! Gavadi-yo? Au Yaubada yana itave'avina againe himimiyami, ase'asediya givehivehimeya.

Gaveyao kaliva yadi vekwageya againe hikukuyedi, medema yadi vemwamwala gavatubuga! Gavadi-yo? Au Yaubada ginahawavenatunedi.

Gaveyao yadi watagiya himimiyami, medema aimo yadi vemwamwala gavatubuga! Gavadi-yo? Au Yaubada nuwadi ginakiveyamumuna.

Gaveyao Yaubada yana nuwanuwa hidibudibumuhigena ada hidema fa'ina mali kaliva hikivekoyodi, medema yadi vemwamwala gavatubuga! Gavadi-yo? Au Yaubada yana itave'avina againe himimiyami, ase'asediya givehivehimeya.

Gaveyao tobohiyadiyao hihinekalikaliyedi, medema yadi vemwamwala gavatubuga! Gavadi-yo? Kadu Yaubada badi'iyao ginahinekalikaliyedi.

Ka'i kaliva hinahawavelaigemi kadu hinakivekoyomi omi wamulimuliyeku fa'ina, au yami vemwamwala gavatubuga! Kadu ka'i gaitoma moya'aina fa'ina hinahawavekoyoyemi tu hinafwaya amine, ka'i hidedemi agaimiya hinahuluva omi aku tomuliya fa'ina, au yami vemwamwala gavatubuga! Au nuwami ginayamumu kadu wanavemwamwala fa'ina aimo lobameya ami laufata lakahina wananuhagana. Boi tuwai-mo'ena kaliva Yaubada bonana ana to'awatalatalaina hikivekoyodi-yo adi laufata yamumuna lobameya hinuhagana amine, meda anafaiweya omi'iyao kaliva yadi kivekoyo fa'ina ami laufata lobameya wananuhagana.

Gaveyao umaumadiyao, medema yadi vemwamwala gavatubuga! Gavadi-yo? Au babi lobama ana matatabuna adi du'u hinanuhagana.

Omi vaita lehaga amine tomiyababi hinafadiya. Lehaga kevakeva yana madukoyo gihawatana amine, meda omi'iyao dewa koyona ana tubuga wanahawatana. Tu ka'i lehaga yana digadigaga gidahavaina digo, keke adafaiweya kadakivedigagi-havagileni, au keke-mo'a. Ada ka'i lehaga yana digadigaga keke, kadu yana faisewa keke. Au kadahegena be kaliva hidavagavebabina.

Au Tamami lobameya yana nuwanuwa mahamahali-'owogina ada meda gilubodami be yami nuwanuwa ginamahali-'owona.

Auwe, ka'i nuwanuwami yami gahe velemo'ena ma tovanenega hinahalamanena, au wanagaheye-mo'ena. Ka'i ehe digo, “Ehe.” Ka'i keke digo, kadu “Keke.” Ka'i Tamada ana egana buye wanayakahina, medema dewai-nadi inubana Setani againe.

Kadu hida vehimeya sa'eyana tuwai-mo'ena hisena-ma ahe wanogalina. Higahe higayo, Ka'i tamo hakwadi o mata ginakifuwana, au kadu bana matana unakifuwana. Ada ka'i tamo hakwadi o nigo ginakimwanuna, au kadu bana nigona unakimwanuna, higa nimana unafatana. Tu Iya gagahemi ka'i tamo hakwadi ginakivekoyomi, keke nimana wanafatani. Ka'i tamo hakwadi navanavami i'atagimiya ginatafina, au navanavami i'imawamiya wanahawahegena be ginatafina.

Ka'i mata i'ataginiya koyona againe ginavebe'u, mata unamwamwalina be unahegena. Ka'i talaini sa'eyana unanuhegena tu lobameya unaluku, medema vita kabi'ona tu ka'i wowo tauna abaga koyona againe ginaluku, medema vita lakahi-mo'ena. Kadu ka'i nima i'ataginiya koyona againe ginavebe'u, nima unabobona be unahegena. Ka'i talaini sa'eyana unanuhegena, medema vita kabi'ona tu ka'i wowo tauna abaga koyona againe ginaluku, medema vita lakahi-mo'ena.