Versículos Bíblicos Populares relacionados a Fíĉilum 3

Compartilhar

Ñer aare ahu naluj bubugum bununuh babu, najuh búoh búariari, ᵽan búsum fitiñ, ban bújue bisen gaffas. Najow ak’atujul dó ni bubugum babu ece atiñ, naŋar may ak’asen áinol atiñ.

Jiffase ni súnuhureŋ sasu so Atúla átut me, enuhunjaŋ efaŋ ró ᵽe mutuho. Funah fice néjoul ek’etoh to aare ahu neogol : « Maagen, Aláemit naagulseh jambi jitiñ hani bununuh banur ni waamme dáre ni fíreŋ fe ? »

Ñer maer, maa nijoge bi n’aw ni aare ahu : Ᵽan ikanul n’jilator, ban ubugorul ᵽoᵽ ᵽan ikan wo nulator. Gabulaken aare ahu ᵽan gumapul fuhoi, aw ᵽan urum gola ni futoñ. »

Mbiban, naah aare ahu : « Ᵽan ikan gafareti gútañi, min nuh’ubuh guñoli ni buyoh. Ᵽan nuh’umaŋ bilihor n’áini, bare aĉila ᵽan áni afani. »

N’ejeni ᵽan útiñum bi funah fal eĉeli no mb’ubbañ me mbal ettam dó núᵽullo me. Maagen aw mof nom, ban ᵽan ubbañ úbaho mof. »

Naban nábaho mbal áinema naagol : « Nemme firim aari núttune min utiñ bununuh babu bo nífireni me : Aw mb’uĉil me min itab ettam yay. Ᵽan urok yo táñi gunah émit ᵽe min mb’úju ubaj ró fitiñi.

Naagol : « Ay agiteni búoh eᵽatalah nukane ? Nutitiñ ᵽiaŋ bununuh babu bo nífireni me ? »

No nahamil me aban, naŋar báuwener émit guce bugo guvoge me ĉerubeŋ, abaŋ m’butum gánonum fíreŋ fafu. N’guogen ufoje wajege sambun nihi gúvit wo bi emin bulago babu bajow me bi ni bununuh babu baa buroŋ.

Mbiban, áinema Adam nakan aarol gajow gagu gaa Eva (dóemme "aroŋ me"), mata aĉila ajae me éni jaw bugan bugagu ᵽe.