Versículos Bíblicos Populares relacionados a Bɔfoi 1

Compartilhar

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Shi Yesu kɛɛ amɛ akɛ, “Jeee nyɛnɔ ji akɛ nyɛaale bei loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ.

Ni be ni ekɛ amɛnaa kpe shi lɛ, ewo amɛ akpɔ akɛ, “Nyɛkajea Yerusalɛm, shi moŋ nyɛmɛa Tsɛ lɛ shiwoo lɛ ni nyɛnu yɛ minaa lɛ; ejaakɛ Yohane lɛ, nu ekɛbaptisi, shi nyɛ lɛ eyeŋ gbii pii ko ni akɛ Mumɔ Krɔŋkrɔŋ aaabaptisi nyɛ.”

Emanehulu lɛ sɛɛ lɛ, etsɔ̃ odaseyeli nibii pii anɔ ejie ehe kpo etsɔ̃ɔ bɔfoi nɛɛ akɛ ehiɛ kã, ni ehã amɛna lɛ gbii nyɔŋmai ejwɛ sɔŋŋ, ni ekɛ amɛ wie Nyɔŋmɔ maŋtsɛyeli lɛ he.

Be ni ewie nii nɛɛ lɛ, amɛmiikwɛ lɛ nɔŋŋ ni awo lɛ, ni atatu ko ŋɔ lɛ kɛje amɛhiɛ kɛtee.

Ni be ni eyaa ni amɛkwɛɔ ŋwɛi gãa lɛ, naa, hii enyɔ ni wo atadei yɛji damɔ amɛmasɛi, ni amɛkɛɛ amɛ akɛ, “Nyɛ Galileabii, mɛɛba nyɛdamɔ shi nyɛkwɛɔ ŋwɛi nɛkɛ? Nɛkɛ Yesu nɛɛ ni aŋɔ lɛ kɛje nyɛŋɔɔ kɛtee ŋwɛi nɛɛ, ebaaba nakai nɔŋŋ, tamɔ bɔ ni nyɛna akɛ eyaa ŋwɛi nɛɛ.”