Versículos Bíblicos Populares relacionados a Luka 13

Compartilhar

“Amukakatisye kunjila mumulyango uusyanikide, nkaambo ndamwaambila kuti bantu banji bayooyandisya kuti banjile, pele tabakooyookonzya pe.

Mucikombelo oomo mwakali mukaintu, wakali kupenzegwa muuya mubi kwamyaka iili kkumi alusele. Mukaintu ooyo wakoongomene musana, taakali kukonzya kunuka kabotu pe. Jesu naakamubona wakamwaambila kuti, “Baama, waangununwa kubulwazi bwako!”

Wakabikka maanza aakwe alinguwe. Ndilyonya buyo musana wamukaintu ooyo wakoololoka. Nkaako mukaintu ooyo wakalumbaizya Leza.

Lino ncobeni nkobali aabo basyaalizi bayooba bataanzi, abataanzi bayooba basyaalizi.”

Mukamwini ŋanda aakunyamuka akujala mulyango nomutikatalike kwiima aanze akukonkomona kumulyango kamuti, ‘Mwami, tujulile!’ Pele walo uyoomwiingula kuti, ‘Nsizi nkomwazwida.’

Peepe! Ndamwaambila kuti mwateempa akufutatila nzila zyanu zibi muyoofwa anywebo mbubonya buyo.”

Pele alimwi uyoomwiingula kuti, ‘Nsizi nkomwazwida pe. Amuzwe aawa nywebo nyoonse nobasimucita zibi.’

Lino Jesu wakaamba kuti, “Ino bwami bwa Leza buli mbuli nzi? Alimwi inga ndabukozyanya aanzi? Bulikozyenye akaseke kamasitadi kalo kali nkaniini nkaakabweza muntu akusyanga mumuunda wakwe, kakakomena akuba cisyango cipati, mane bayuni bakaboola akuyaka ziteente mumitabi yaco.”