Versículos Bíblicos Populares relacionados a Lukas 11

Compartilhar

Wali komi nempo tau to maja’a, komi mangansani seja ewa wimba raika mangawaika anu to matao resi nganamu. Wali taa manto’o Pa’a ngkomi to ndate saruga. Ia semo to noto-noto wo’u mangawaika i Nosa Mapasing resi tau to marapi resi Ia.”

“Wali Aku manganto’oka komi, ane re’e to parluu ngkomi, ne’e mandoo marapi resi i Pue Allah see komi darawaika. Ane re’e to parluu ngkomi, ne’e mandoo mangaliwu resi i Pue Allah panewa Ia damangansawang see komi damangarata. Pasi ane parluu rasawang, ne’e mandoo mamporapi sawang resi i Pue Allah ewa naika ntau to mananya yau ri banua nu yununya damarapi sawang resi ia.

Apa samparia tau to marapi, tau etu damangantima. Pasi tau to mangaliwu, tau etu damangarata. Pasi tau to marapi rasawang, tau etu darasawang.

Wali i Yesu manganto’oka sira, “Tempo komi makai-kai, ewa si’i raika. To’o, ‘Pue Allah, Pa’a mami to ndate saruga, masipato kami to lino mampakabae Komi. Biakamo Komi mawali Makole nto lino. Pasi biakamo pamporani ngKomi semo to mawali ri lino si’i sewaju ewa to mawali ndate saruga.

Pasi lapa dosa mami sewaju ewa naika mami mangalapa samparia sala nsa’e resi kami. Pasi kami marapi seja see Komi mangansawang kami ane mangarata soba, (pasi mangalapa kami yako resi ia to pu’u nsamparia anu to maja’a) .’”

Kami marapi resi Komi, waika resi kami pangkoni to gana seo si’i.

Wali pobuuka kareba etu, apa ane komi sangkani mampobuuka etu, ane ewa see i Pue Allah maya mampakanasaka raya ngkomi mangkonong kareba etu see komi maya mangaluluka ri raya ngkatuwu ngkomi. Wali tempo i Pue Allah mampakanasaka raya ngkomi kareba etu, palaong etu raporapaka ewa pansona to mampakareme tampa to mawuri. Wali ane ewa see, komi ewa tau to matao matanya see naka mayoas mangkita reme mpansona etu. Wali komi maroo ri raya ngkareme. Pei ane komi taa mampobuuka kareba to Aku mampotundeka, ane ewa see i Pue Allah taa maya mampakanasaka raya ngkomi mangkonong kareba etu. Wali ane ewa see, raya ngkomi raporapaka ewa tampa to mawuri apa tare pansona. Wali komi ewa maroo ri raya ngkawuri. Komi ewa tau to maja’a matanya, to taa maya mangkita bara kesaa.”

Wali i Yesu manganto’o wo’u, to’oNya, “Tau ane mangantuni pansona, ia taa mangabombongika yau ember pasi taa seja mamposaka nja’u tampa to taa nakita ntau. Ia mangoko pei mamposaka ri tampa to masipato rapangamposaka pansona etu, wali samparia tau to masua ri raya banua etu maya mangkita remenya. Wali reme etu Aku mangampake mamporapaka kareba yako resi i Pue Allah to Aku roomo mampotundeka komi.