Versículos Bíblicos Populares relacionados a Rioiatatokenti Luc 7

Compartilhar

Neh ȣaonni ȣakonrori, tsi akȣekon sonterakeȣe saeto sane eso ioriȣaneren: Aseken eso ki tsi ȣakanonȣene: aseken ne kenhniioriȣaha ronȣentenron kenh ki niioriȣaha tsi ensakononȣene. Ethone ȣarenhase ne tsiothonȣisen: Sonterakeȣe ne sariȣaneraaksera.

Sekon sarenhase: neh tsi tisetakȣen neh ȣesaia-takennha; ȣas kati nok skennen tsi sasatenti.

Teȣasenthosere, rashonne tontontonstsoten, nok neh naokaseri ȣahositoharete tanon aononkȣis totkarakeȣatha, nok neʼsʼ enʼsʼ tontahahokaȣe ne ȣenhieniio.

Neh seȣaonni iah teȣakeron ȣakerionte onteken nii akonhiatisakha; enskat ok tanon aontasatati nok enshaieȣentane nakennhatsera. Aseken nii neok ne konkȣe, ȣakaterionte, ȣakonkȣetaien ne ronteriios; saiatat ens ȣahinnhane enkiron ȣas, ehse ȣare; tihaiatate: kasts, tare se; nok nakennhatsera; kenh natsier, ehse nenhaiere. Ȣahonerako ne Iesos tsinikaȣennoten ȣaharonke; nok ȣathatkarhateni kanenrakon nahatierate, nok ȣahenron: Oriȣiio tsi kȣarori, tsi iah kaneka teȣakatkatton neh naontaiakaȣetakon nʼIsraerrononke tsiniiot ne kenh kaien.

Akȣa are taiotokentane ethononȣe kentiokoȣanen sasakotsentanion niatekannrake iakohnonȣaktanitha, sasakoiatinekenȣe Onatkonseraksen, nok otiake tonsasakokakȣarisi ne teieronȣekonne. Ethone ne Iesos tontasakoȣennaȣeron, ȣahenron: ȣasene satsiseniroriana ne San tsinahoten ȣetsiatkatto tsi oni nahoten ȣetsiaronke: tsiekens ne teieronȣekonne, tsiontenties ne iah tehienskȣe, tsieieȣentas ne iakoststaȣis, tsionronkas ne teionhontakȣekon tsiontonnhests ne iakaȣenhoion, nok Kariȣiio iontataronkatennis ne iakotent.