Versículos Bíblicos Populares relacionados a ᤋᤥᤗᤡᤱᤛᤥᤔᤢ 16

Compartilhar

ᤜᤠᤃᤠᤖᤧᤸᤗᤧ ᤂᤢᤏᤧ᤹ᤏᤢ ᤋᤠ᤹ᤁᤧᤈᤧᤱᤒᤠ ᤕᤜᤘᤣ ᤍᤠᤱᤒᤠᤴ ᤀᤰᤋᤱᤒᤠ ᤔᤡᤱ ᤐᤡᤖᤢ. “ᤂᤧᤏᤧ᤹ᤀᤣ ᤀᤠᤱᤃᤠ᤹ ᤕᤠᤵᤔᤡ ᤁᤧᤏᤡᤒᤠ ᤏᤡᤱᤘᤠ᤹ᤑᤢᤔᤠᤱᤏᤧᤖᤥ॥” ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤐᤠ᤺ᤳᤋᤢ. “ᤀᤠᤱᤃᤠ᤹ ᤕᤠᤵᤔᤡ ᤀᤥᤃᤧᤔᤧᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤧᤰᤂᤠᤀᤣ ᤏᤡᤛᤢᤱᤗᤥ॥”

ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤸᤗᤧ ᤂᤧᤴ ᤔᤧᤳᤋᤢ. “ᤂᤧᤏᤧ᤹ ᤔᤧᤴᤇᤢᤰᤔᤠ ᤁᤧᤒᤥᤰᤂᤧᤀᤠᤱ ᤁᤧᤘᤠ᤹ᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤧᤃᤳᤋᤢᤖᤥ॥ ᤂᤧᤏᤧ᤹ ᤂᤧᤸᤗᤧ ᤁᤢᤔᤡᤱ ᤀᤡᤛ᤻ᤔᤠᤀᤣᤗ ᤘᤠ᤺ᤳᤋᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤧᤍᤢᤰᤂᤣᤴ ᤂᤧᤵᤛᤢᤀᤠᤱ ᤘᤠ᤹ᤖᤥ॥

ᤔᤧᤴᤇᤠᤶ ᤕᤠᤵᤔᤡᤜᤠ᤹ᤀᤥ ᤂᤧᤴ ᤋᤠᤶᤓᤢᤱ ᤀᤍᤱ ᤜᤧᤰᤋᤱᤒᤠ ᤐᤥᤱᤗᤥ. ᤂᤧᤸᤗᤧ ᤁᤢᤜᤢᤰᤁᤡᤴ ᤁᤧᤖᤧᤰᤗᤧ ᤂᤢᤴᤇᤡ᤹ ᤋᤰᤗᤧᤱᤘᤠᤀᤥ ᤐᤥ᤺ᤰᤗᤥ ᤜᤧᤰᤁᤩᤠᤱ ᤁᤧᤖᤧᤰᤗᤧ ᤂᤢᤴᤇᤡ᤹ ᤜᤢᤰᤁᤡᤴ ᤂᤢᤏᤧ᤹ ᤁᤢᤍᤰᤗᤧᤱᤘᤠᤀᤥ ᤔᤧᤓᤥ᤺ᤰᤂᤢᤖᤥ॥ ᤂᤧᤴ ᤁᤧᤖᤧᤰ ᤁᤢᤃᤠ᤹ᤀᤡᤜᤠ᤹ᤀᤥ ᤔᤧᤴᤍᤱᤔᤏᤠᤒᤠ ᤐᤥᤱᤅᤠᤱ ᤘᤠ᤹ᤃᤴᤗᤥ॥”