Versículos Bíblicos Populares relacionados a Svun Mateo 9

Compartilhar

Ti Jesuse iyalbe li yajchanc'optaque: —Ta melel chacalbeic li c'ajoje toj ep; pero ja' jutuc li much'utic chc'ajavique. Yech'o un c'anbeic li Yajval c'ajoje ti ac'u stac ech'el ti much'utic chba c'ajavicuque ―X'utatic yu'un ti Jesuse.

Ba nopbeic c'usi smelol ti c'usi lacalbeique: “Ja' ta jc'an ti chac'uxubinvanique, mu ja'uc no'ox ti chamilbecon jmotone.” —Xi. Li vo'one ma'uc tal jsa' ti much'utic ch'abal smule. Ja' tal jsa' ti much'utic oy smulique ―x'utatic yu'un ti Jesuse.

C'alal iyil ti tey tsobol ep crixchanoetic ti Jesuse, ic'uxubaj ta yo'on yu'un lubts'ajemic. Mu a'yibaj c'usi tspasic abol sbaic iyil, yu'un co'ol xchi'uc chij ti ch'abal xchabiele.

Ti Jesuse iya'i ti c'usi iyalique. Ja' yech iyalbe li jfariseoetique: ―Ti much'utic lequique mu c'u stu yu'unic jpoxtavanej. Ja' no'ox ti much'utic ipique.

Ti Jesuse ixanav ta scotol jteclumetic xchi'uc ta scotol bic'tal parajeletic. Ichanubtasvan ta scotol bic'tal temploetic. Iyal a'yuc ti chlic xa cuentainvanuc ti Rioxe. C'usuc no'ox chamelal ipic o li crixchanoetique, i'et'esbatic yu'un ti Jesuse.