Versículos bíblicos populares de Mateu 5

Partilhar

No chibani avabasi vochidira pasi po chitundhu, asi paukwiriri pacho, nacho chinojekisa vese vari mu nyumba. Ngokudaro ngakujeke kujeka kwenyu pamberi po vandhu, kuti vavone mishando yenyu yakanaka, vayirikije Baba wenyu ari mu gore.”

Imwimwi muri kujeka kwo nyika, guta rakavakwa panyezuru po dundhu aringafishiki.

Vanomuchena avo vano mwoyo wakachena ngokuti vanozovona Mwari.

Vanomuchena avo vanozwa nyota no njara ngo kuda kururama, ngokuti vanozogutiswa.

Asi inini ndinoti kwomuri: Idayi vakorore venyu, muvakumbirire avo vanomutambuja no kumuteverera

“Vanomuchena varombo vo mweya, ngokuti ngo hwavo Umambo hwo mu gore.

Vanomuchena vaiyanisi, ngokuti vanozodanwa vana va Mwari.

Vanomuchena avo vanotsumba ngokuti vanozoembezehwa.

Vanomuchena avo vanotambujwa ngo ndava yo kururama; ngokuti Umambo hwo mu gore ngo hwavo.

Vanomuchena avo vano nyasha ngokuti vanozoitihwa nyasha.

Munomuchena apo mwootukwa, mwootambujwa, mwoorevehwa mazwi ese akashata okunyepa ngo ndava yangu. Dakaranyi, mwechidakara kukuru; ngokuti musharo wenyu mukuru mu gore; ngokuti ngokudaro vakatambuja vaprofeti avo vayiva pamberi penyu.”

Vanomuchena vakapfava; ngokuti vanozogara ndhaka yo mu nyika.

“Imwimwi muri munyu wo nyika, asi kuti munyu warasha kunaka kwawo, ungachazorungwa ngenyi? Sure kwo uku auchanakiri chiro, kwega kurashwa kunja, no kutsikwatsikwa ngo vandhu.

Ndizvo imwimwi itanyi vakaperera kudari ndi Baba wenyu vari mu gore vari vakaperera.”

Asi kuvereketa kwenyu ngakuite: Eya, eya, nokuti haiwa, haiwa; ngokuti zvese izvo zvinopinda izvi zvinobva kuno uwo wakashata.

Mwakazwa kuti kwakanangwa, Jiso ngo jiso, no zino ngo zino. Asi inini ndinoti kwomuri, kuti usarwisana no ukwo kushata, asi iye unozokurova padama rako ro kumuho, wechipindurira kwaari rimwenizve.

Asi kudari jiso rako ro kumuho rechikushaishisa, ribvite, urirashe kubva kwouri; ngokuti kwapinda kunaka kwouri kuti kufe chimwe cho ndhengo yo muviri wako, kuno kuti muviri wako wese ukandihwe mu Gehena. Kuti nyara yako yo kumuho yechikushaishisa, iteme uirashe kubva kwouri, ngokuti kwakapinda kunaka kwouri kuti chimwe cho ndhengo yo muviri wako chife kuno kuti muviri wako wese urashwe mu Gehena.