Versículos Bíblicos Populares relacionados a ‎ تيماثاوس الاولى 6

Compartilhar

أحسن الْجِهَادَ هو في معركة الايمان الجميله . وخليك ماسك في الحياة الابدية إللي إنت أندعيت ليها واعترفت الإعتراف الحق بالايمان قدّام شهود كثيرين.

حب المال هو أساس كل الشرور واللي يسعى ليه يضل عن الإيمان وطعنوا انفسهم بآلام كثيرة.

بس الايمان مع القناعة فهو تجاره عظيمه

واحنا ما دخلنا الدنيا شايلين شي ولا نقدر نخرج منها شايلين أي شي

وصي أغنياء هذا الزمن لا يتكبروا و لايتكلوا على الغنى اللي مو ثابت ولكن على الله اللي يدينا كل شئ بوفره علشان نستمتع بيه.

بس اللي يبغوا يصيروا اغنياء فراح يوقعوا في التجربة والفخ ويتورطوا في الكثير من الشهوات السخيفه الضارة اللي بتغرّق الناس في الدَّمَارِ والهلاك.

وأنهم لازم يسووا خير ويكونوا أغنياء بالاعمال الصالحه ويعطوا الناس بمحبة ويكونوا مستعدين يشاركوا غيرهم في خيراتهم . وبكده يوفروا لنفسهم رأس مال للمستقبل حتى يتمسكوا بالحياة الحقيقية.