Versículos Bíblicos Populares relacionados a APOEM AYANG: 2

Compartilhar

He: da" zigi ce: gang mo yuggi zoo: gi nya: phoo yo' nya: myhi' ri too" kho' wigi nya: yhoem: seing: myhi' yo' dage" nyid lho: nya: tang: gi dagung dashoo" za: bue" lo khyoo: nghoid.

Hau: thang: ASEING Mangsoo gi «yuggi gi nyang: dayug kyeing" za: nyid nyid wa agi. Nyang: ri pang" thoug wa shid re" du nyeing" da" byencang" dayug ri ngoo phain" so: wa» ga: tid.

Hau: thang: ASEING Mangsoo gi myidjang mo myidzhoo" dajhi' ri yu lho: hau: ziyo' byu dayug alhoo: koid- nyang: gi hau: yug da" nhoo: khyung: moo kangso' ri moid kaid byid: wigi hau: byu gi kang: dei loo bye:.

Houg: lang" xangsu: yuggi «Akhid"- he: zigi nga" shooyoug: mo shooyoug:- nga" shoo" mo shoo" nyang: nghoid bye:. Nya: myeing gi myiyi: nghoid- khasu" wim ga: ri nyang: gi yuggi mo she: thu too" su: nghoid» ga: tid.

Hau: bidnyid gi nya: phain" so: moo" bain lho: moo" zoo" no: pyam da" bidnyid nghoid yoomo nyang: gi nyhed nyid" ein: wa da" nyid" ri mainkaid byid: lho: gooki' lid da" bidnyid danyid" khyo" to" too" bye:.

Hau: yuggi yo' myiyi: gi eig yug goin" shoocen: doem: nghoid nyid boem ago"- nghoid loug we' gyoug sho' khyoo: ci: ajo.